ئه‌ڤرَ نیۆز:
قانوون دانه‌ره‌ێن به‌ریتانى ل سه‌ر دانپێدانا ده‌وله‌تا فه‌له‌ستینێ رازیبوون د پرۆسه‌كێ دا كو هه‌لویستێ حوكمه‌تا به‌ریتانى ل دۆر ڤى بابه‌تى ناهێته‌ گوهۆڕین به‌لێ ئه‌و رازیبوون وه‌ك بنه‌مایه‌كێ قانوونى بۆ وه‌لاتێ فه‌له‌ستین دێ هێته‌ بكارئینان بۆ وه‌رگرتنا دانپێدانه‌كا نێڤده‌ولى.
سه‌ره‌راى نه‌رازیبوونا سه‌رۆك وه‌زیرێن به‌ریتانى دێڤید كامیرون ل سه‌ر ده‌نگدانێ بۆ ڤێ بڕیارێ كو ژئالیێ به‌رهنگاره‌كێ ڤه‌ هاتبوو پێشنیازكرن، پیڤدارێ بناڤێ كامیرونى به‌رى نها راگه‌هاند بوو ئه‌نجام جبن سیاسه‌تا ده‌رڤه‌یا به‌ریتانى هه‌مبه‌رى وێ بڕیارێ ناهێته‌ گوهۆڕین.
ئه‌نجامێن ده‌نگدانێ ل سه‌ر پرۆژێ ده‌وله‌تا فه‌له‌ستینى ژ ئالیێ 274 ده‌نگێن رازیبوونێ به‌رانبه‌رى 12 ده‌نگان كو دژى پرۆژى ناڤبرى بوون، ل گۆڕ باوه‌ریا جڤاتا گشتى یا به‌ریتانى پێدڤیه‌ حوكمه‌تا به‌ریتانى دانپێدانێ ب ده‌وله‌تا فه‌له‌ستینى بكه‌ت ل گه‌ل ده‌وله‌تا ئیسرائیلى وه‌ك هاریكاریه‌ك بۆ دیتنا چاره‌كى بۆ بنه‌مایێن هه‌ردو وه‌لاتان د چارچوڤێ دانوستاندان دا.
هه‌ڤده‌م ئه‌و ده‌نگدان دوى ده‌میدا دهێت كو حوكمه‌تا چه‌پخوازا ناڤین یا نوو یا وه‌لاتێ سوید به‌رهڤیا دانپێدانا ب ده‌وله‌تا فه‌له‌ستینى دكه‌ت كو ئه‌و بزاڤ ژ ئالیێ ئیسرائیلێ ڤه‌ هاتیه‌ رسواكرن.

ئه‌ڤرۆ نیۆز:
فرۆكێن ئه‌مریكى و عه‌ره‌بیا سعودى ده‌ست ب هێرشێن ئه‌سمانى یێن نوو ل سه‌ر بنگه‌هێن چكدارێن داعشێ ل كوبانێ ل سه‌ر سنۆرى وه‌لاتێ توركیا كرن، ناڤه‌ندا سه‌ركرداتیا ئه‌مریكى راگه‌هاند، هێرشێن ئه‌سمانى ئارمانج ژێ به‌رۆكێن شه‌رى و چه‌كێ ره‌شاێن گران یێن ل ده‌وربه‌رێن كوبانێ بوو زێده‌بارى بنگه‌هێ خڕڤه‌بوونا رێكخستنا ده‌وله‌تا ئیسلامى داعش.
هه‌ڤده‌م چاڤدێریا مافێن مرۆڤى یا سورى راگه‌هاند، شه‌روپێكدادانێن دژوار هه‌تا نها د به‌رده‌وامن ل كوبانێ و هێرشێن ئه‌سمانى یێن ئه‌مریكى وه‌لاتێن عه‌ره‌بى ژى نه‌شیاینه‌ چه‌كدارێن داعشێ تووشى چوكدادانێ بكه‌ن ل هه‌مبه‌رى وان هێرشان و پاشه‌كیشیێ ل سه‌ر كوبانێ بن.

ئه‌ڤرۆ نیۆز:
ئه‌و ده‌نگدانا ل سه‌ر دانپێدانا ده‌وله‌تا فه‌له‌ستینى دێ ب شێوه‌كێ هێمایى بیت و كارتێكرنێ ل سه‌ر سیاسه‌تا به‌ریتانیا ل هه‌مبه‌رى فه‌له‌ستینێ ناكه‌ت، وه‌لاتێ به‌ریتانیا هه‌تا نها وه‌ك ده‌وله‌ت دانپێدان ب ده‌وله‌تبوونا فه‌له‌ستینى نه‌كریه‌، به‌لێ ئه‌و دبێژن دبیت وێ دانپێدانێ ل هه‌ر ده‌مه‌كێ دا وانا بڤێت كو یێ پێدڤیه‌ ئه‌و ب ده‌وله‌تا فه‌له‌ستینى بكه‌ن هه‌كه‌ هاریكاریا پرۆسا ئاشتیا د ناڤبه‌را فه‌له‌ستین و ئیسرائیلى دا بیت.
ئه‌و پێشنیاز ژ ئالیێ نوونه‌رێ حزبا كاركه‌رێن به‌ریتانى گرهام موریس یا به‌رهنگارڤه‌ هاتیه‌ ئه‌نجامدان، لبه‌ره‌ ئه‌و پێشنیاز بۆ جڤاتا گشتى یا به‌ریتانى ژى بهێته‌ بلندكرن كا پێدڤیه‌ حوكمه‌تا به‌ریتانى دانپێدانێ ب ده‌وله‌تا فه‌له‌ستینى بكه‌ت یان نه‌.
ژئالیه‌كێ دیڤه‌ ئه‌و بڕیار یا بوویه‌ جهێ نه‌رازیبوونا ئه‌ندامێن په‌رله‌مانێ به‌ریتانى یێن پشته‌ڤانێن ئیسرائیلێ، پرۆژێ ناڤبرى نابیته‌ جهێ پێگیریا حوكمه‌تا به‌ریتانى كو سیاسه‌تا خوه‌ ل هه‌مبه‌رى فه‌له‌ستین بگوهۆڕن.

ئه‌ڤرۆ نیۆز:
رۆیته‌رز: بنگه‌هێ چاڤدێریا سوری یا مافێن مرۆڤى و ئه‌ێك ژ سه‌ركردێن كوردان گۆتن: د هێرشه‌كا تیرۆرى یا خوه‌ كوشتنێ دا ژ ئالیێ ده‌وله‌تا ئیسلامى داعشێ ڤه‌ ترۆمبێله‌كا مینرێژكرى ل كه‌رتێ باكورێ باژێرێ كوبانێ یا دورپێچكرى هاته‌ په‌قاندن، به‌لێ خوشبه‌ختانه‌ چو زیانێن گیانى نه‌بوون.
ژێده‌رێن ناڤبرى هه‌روه‌سا خوه‌یاكرن، هێرشا خوه‌كوشتنێ ب دووراتیا دو كیلومه‌تران ل باكورێ كوبانێ هاتیه‌ ئه‌نجامدان كو ب شه‌ڤ ژى هێرشێن توند و دژوار ل جاده‌ كولانان د هاتن ئه‌نجامدان ب مه‌ره‌ما كونترۆلكرنا كوبانێ.
ئدریس ناسان كو ئێك ژ به‌رپرسێن كوردایه‌ گۆت: دو شه‌رڤانێن یه‌په‌كێ دوێ هێرشا خوه‌كوژیى دا هاتینه‌ بریندار كرن كو ئارمانجا وێ هێرشێ ڤه‌كرنا رێیا هه‌مبه‌رى پێشڤه‌چوونا چه‌كدارێن دلعشێ بوویه‌ بۆ ئالیێ سنۆرى یێ توركیا و كونترۆلكرنا باكورێ كوبانێ.