ل دهمهكی دا ئهمریكا و وهلاتێن رۆژ ئاڤا ب توندی دژی سهربرینێ نه و ب بنپێكرنا مافێ مرۆڤی دهێته دان، بهلی ئێك ژ نێزیكترین وهلاتێن ههڤپهیمانا ئهمریكا ئهو ژی سعودی یه رۆژانه خهلكی ل سهر تاوانێن بچووك ژی دهێنه سهرژێكرن.
نووترين نووچه
- سەرۆك بارزانی و تۆم باراك دووماهی پێشهات و گوهۆڕینێن سووریێ گەنگەشەكرن
- نێچیرڤان بارزانی و قونسلا گشتییا ئەمریكا رەوشا هەرێما كوردستانێ و ئیراقێ گەنگەشەكر
- مەسرور بارزانی پیرۆباهیێ ل دیلان یەشیلگۆز دكەت
- فەرمانگەها میدیا و پێزانینان: داتایێن دارایی یێن بودجەیا گشتییا ئیراقێ شاشیێن مەزن دسەلمینن
- هێمن هەورامی: باوەرییا ملیۆنی یا مللەتی، سەلمێنەرا پێگەهـ و سەركەفتنا پارتی یە
- چەندین كۆمبوون بۆ ئێكلاكرنا پۆستێن سەرۆككۆماری و سەرۆك وەزیران دێ هێنە ئەنجامدان
- ڤەگوهاستنا زیندانیێن داعشێ بۆ ئیراقێ دێ بارگرانییا ئەمنی بۆ بەغدا پەیداكەت
- نها باشترین دەمە کۆنگرەیێ نەتەوەیی بهێتە ساز کرن
- دڤێت پرۆسەیا سیاسی ل ئیراقێ رەنگڤەدانا راستەقینەیا ئیرادەیا دەنگدەران بیت
- پارتی دخوازیت پۆستێ سەرۆككۆمارێ ئیراقێ وەرگریت بۆ ڤەگەڕاندنا سەنگا كوردان ل بەغدا
سهرهكى نووترين نووچه
هشيار زێبارى دێ بيته وهزيرێ دارايى
ئهڤرۆ نيوز، ناجى بهدهل:
ئهندامهكێ جڤاتا نوونهرێن عیراقێ ل فراكسیونا پارتا دیموكراتا كوردستانێ ئاشكهراكر حزبا وی گوهۆڕین د بهربژارێن پوستێن وهزاری یێن حوكمهتا عهبادی دا كرن.
ئهشواق جاف ئهنداما جڤاتا نوونهرێن عيراقێ ل سهر ليستا پارتى ديموكراتى كوردستان راگههاند كو پارتى ديموكراتى كوردستان گوهۆڕين د پۆستێن خوه يێن وهزارهتا دهرڤه و جێگرێ سهرۆكێ وهزيران دا كرن و د.رۆژ نوری شاوهیس وهكو جێگرێ سهرۆكێ جڤاتا وهزیرێن عیراقێ و هشیار زێباری بۆ پوستێ وهزارهتا دارایی دانان.
ئهڤه سێ حهفتيه حوكمهتا عهبادى هاتيه راگههاندن و كوردان ژ بلى ڤان پۆستان هێشتا ناڤێ چو كهسێن دى بۆ چو پۆستێن دى ئێكلا نهكريه كو ب تنێ حهفتيهك مايه ل سهر خالا ئێكێ يا كوردان و حوكمهتا عهبادى بۆ پشكداريكرن د حوكمهتێ دا.
ئهڤرۆ ناڤێ وهزارهتێن بهرى جهژنێ دێ مووچهى وهرگرن بهلاڤ دكهت
ئهڤرۆ نیوز، ناجى بهدهل:
بهردهڤكێ وهزارهتا دارای و ئابووریا حوكمهتا ههرێما كوردستانێ راگههاند: بهری جهژنا قوربان موچێ ههیڤا ههشت یێ نههـ وهزارهتان دێ هێته بهلاڤكرن و وهزارهتا پێشمهرگهی دێ يا ئێكێ بیت.
دلێر تارق بهردهڤكێ وهزارهتا دارای و ئابووریا حوكمهتا ههرێما كوردستانێ بۆ دهزگههێن راگههاندنێ دیاركر كو د ڤێ حهفتیێ دا مووچهیێ ههیڤا تهباخێ دێ مووچێ نههـ وهزارهتێن حوكمهتێ بهلاڤ كهن.
ئهڤه ژی د دهمهكی دایه رێباز محهمهد وهزیرێ دارای و ئابووری ل حوكمهتا ههرێما كوردستانێ ئاشكهرا كر د كۆمبوونا وهزیران دا ئاشتی ههورامی وهزیرێ سامانێن سرۆشتی راگههاند: مووچهیێ ههیڤا تهباخێ یێ فهرمانبهران ژ داهاتێ نهفتێ هاتیه دابینكرن، بهلێ میكانيزما گوهۆڕینا پارهی بۆ دینارێ عیراقی يا مايى.
وهزارهتێن دێ مووچهى بهرى جهژنێ وهرگرن ئهڤێن ل خوارێ نه:
وەزارەتا پێشمەرگە
وەزارەتا ناڤخۆ
دەزگههێ ئاسایشێ
وەزارەتا دارایی و ئابووری
وەزارەتا داد
وەزارەتا سامانێن سروشتی
وەزارەتا رهوشنبیری
وەزارەتا کاروبارێن جڤاكى
وەزارەتا ئاڤهدانكرن و بنهجهكرنێ
وەزارەتا شەهید و ئەنفالکريان
بالهفرێن ئهمریكا بنگههێن داعشێ ل دهوروبهرێن كۆبانێ توبارانكرن
ئهڤرۆ نیوز:
سپێدههیا ئهڤرۆ بۆ جارا ئێكێ بالهفرێن ئهمریكا و ههڤپهیمانان ب گرانی بنگههێن داعشێ ل كوبانێ و ل رۆژائاڤایێ كوردستانێ بومبارانكرن.
بالهفرێن شهری یێن ئهمریكا و ههڤپهیمانان بنگههێن چهكدارێن دهولهتا ئیسلامی ل عیراقێ و شامێ ناڤدار ب داعش ل گوندێ جم حهران ل رۆژئاڤایێ كوبانێ و باشوورێ گوندێ شێران و گوندێ عهلی شار و گوندێ مرده سمێل ل رۆژئاڤایێ كوبانێ ب گرانی توبارانكرن.
ل گوری زانیاریان ل ئهوان هێرشێن ئاسمانی یێن هێزێن ئهمریكا و ههڤپهیمان زهرهر و زیانهكا مهزن ل داعشێ داینه .
پهرلهمانێ بريتانيا رازى بوو شهرى دژى داعش بكهن
ئهڤرۆ نیوز
پهرلهمانێ بریتانیا ب دهنگێ 524 ههمبهر 43 رهزامهندی دا ل سهر پشكداریكرنا هێرشێن ئاسمانیێن وهلاتێ وێ ل بوردومانكرنا دژی داعشێ ل عیراقێ .
بهری دهنگدانێ دێڤێد كامیرۆن سهرۆكێ وهزیرێن بریتانیا ئاماژه ب درهندهیا داعشێ كر و گۆت: “شهرێ ئهڤێ گرۆپێ رهنگه بۆ چهند سالان ڤهكێشیت، بهحس ل وێ چهندێ ژی كر چ رێگریێن قانوونى نینن بۆ ئهنجامدانا كارێ ژڤی جوری ل سوریا ژی”.
پارتێن سهرهكیێن بریتانیا كو پێك هاتینه ژ پارتا پارێزهران و پارتا لیبرال دیموكرات و پارتا كرێكاران پشتهڤانیا خوه بۆ پرۆژێ بڕیارا حوكمهتێ دهربڕی.
ههڤبهندی یا حوكمهتا بریتانیا كو پێك هاتیه ژ ههردو پارتێن پارێزهران و لیبراد دیموكرات، دبێژن بڕیارا قانوونى یه چونكو حوكمهتا عیراقێ داخاز ژ بریتانیا و وهلاتێن دی كریه بو ئهڤی كاری.
حوكمهتا بریتانیا ههتا نها دبێژیت هێزا ئهردى رهوانه ناكهت و ب تنێ دێ هێزا ئاسمانی بكار ئينيت و مهشق و راهێنانێ ب هێزێن عیراقێ و پێشمهرگهی كهت.
كوچكا سپێ ژى دهستخوشی ل پهرلهمانێ بریتانیا كر ب پهسهندكرنا بڕیارا بهشداریكرنا شهری ل دژی داعشێ.
حهجیا دويێ ژ دهۆكێ ل سعودێ وهغهركر
ئهڤرۆ نیوز
مهریوان نهقشهبهندی پهیڤدارێ وهزارهتا ئهوقاف و كاروبارێن ئایینی و سهرپهرشتیارێ تیما راگههاندنا حهجیێن ههرێما كوردستانێ ل سعودیێ راگههاند: جهێ داخێ یه دوهی حهجیا دويێ يا ههرێما كوردستانێ ئهڤ ساله ل سعودیێ ب ناڤێ خهدیجه شهعبان وهغهركر.
خهديجه ژ دایكبوویا 1959 بوو، خهلكا باژێرێ دهۆكێ یه و ل گهل ههڤژینێ خویێ نهخوشدا چووبوو حهجێ.
پشتی سهرهدانا حهجیان بۆ مالا خودێ، ئهڤه حهجیا دویێ یه یا كورد ئهڤ ساله ل وهلاتێ سعودیێ وهغهر بكهت و دبيته كهسا سيێ ل ههرێما كوردستانێ پشتى زهلامهكێ خهلكێ سلێمانێ و ژنهكا دى يا دهۆكێ ب ناڤێ فاتما مهجيد ئلياس د ماوێ بۆرى دا گيانێ خوه ژ دهست داين.
“پێدڤيه هێزهكا ميانرهو وان دهڤهران كۆنترۆل كهت يێن داعش ژ دهست ددهت”
ئهڤرۆنیوز:
جاك ههیگل وهزیرێ بهرهڤانیا ئهمریكا دیار دكهت هێرشێن ئاسمانی یێن هێزێن ههڤپهیمانا كرینه سهر لڤینێن چهكدارێن داعشێ و ههتا نها زێدهتر ژ 243 هێرشێن ئاسمانی ل عێراقێ و سوریا ئهنجامداینه.
ل رۆژا ئهينى د كونگرهیهكێ رۆژنامهڤانیێ ههڤپشك دا ل گهل جهنهرال مارتن دێمیسی سهرۆكێ ستوونا ههڤپهیمانێن لهشكهرێ ئهمریكا، جاك ههیگل گۆت: “هێرشێن ئهسمانی دهستپێكهك بوو بۆ رێگریهكا دورودرێژ بو نههێلانا دهلیڤهیا ئهڤێ رێكخراوا تیرۆریستی”.
ههروهسا جهنهرال دێمیس راگههاند كو ئهو هێرشێن ئاسمانی یێن ئهمریكا و وهلاتێن ههڤپهیمان دكهنه سهر داعشێ ل سوریا ئهنجامێن باش ههبووینه و زیانهكا زۆر ب ناڤهندێن فهرماندهی و ژێدهر و رێيێن گههاندنا پێدڤیێن لهشكهری گههاندینه.
سهبارهت ب دامهزراندنا ناڤچهیهكا دابڕ ل سهر توخیبێ ناڤبهرا سوریا و گوت: “ئهگهر ههیه بهێته دانان، لێ د نها دا پشكهكا ستراتیژى یا ئهوان بۆ شهرێ داعشێ یه”.
جهنهرال دێمیسی گۆتژى: “مه پێدڤیه ب 12 ههتا 15 ههزار چهكدارێن ئۆپۆزسیونا میانرهو ههیه دا كۆنترولا ئهوان دهڤهران بكهن كو داعش ل روژههلاتا سوریا ژ دهست ددهت”.
حهجیهكا دهۆكێ ل سعودیێ وهغهركر
ئهڤرۆ، سالار دوسكى:
رێڤهبهرێ پهیوهندی و راگههاندنێ ل وهزارهتا ئهوقافێ د مالپهرێ خوه یێ تایبهتێ فێسبووكی دا دیار كریه كو (فاتیما مهجید ئلیاس) كو خهلكا كۆمهلگهها كهلهكچی یه سه ب پارێزگهها دهۆكێ كو دژیێ 85 سالیێ دایه گیانێ خوه ژ دهست دايه پشتى ماوهكى مايه دبن چاڤدێریا چرا نوشدارێن وی وهلاتی دا.
مهریوان گۆتژی: “پاشان ب بهرههڤبوونا رێڤهبهرێ گشتیێ حهج و عومرێ ل پارێزگهها دهۆكێ و ههموو حهجیێن كوردستانێ و ل باژێرێ مهكهها پیرۆز هاته بن ئاخكرن”.
مهریوان ئاشكرا كر ژی كو ژ بهر نهخۆشیهكێ ههر دهمێ گههشتنا حهجیان بۆ سعودیێ ئهڤ حهجیه هنارتبوو نهخۆشخانێ و د بن چاڤدێریا نوشداران دا بوو ههتا ئهڤرۆ 24\9 گیانێ خوه ژ دهست دايى”.
بهرى نوكه ژى حهجيهكێ پارێزگهها سلێمانى گيانێ خوه ل مهككێ ژ دهست دابوو.
5 سالۆخهتێن مۆبایلێن ژیر
ل گۆرهی راپۆرتێن زانستی، ههر جۆره مۆبایلهك لدووڤ سیستهم و خزمهتگوزاریێن وێ، بهایێن جودا ههنه و پترییا بكڕان ل گۆرهی پێدڤیێن خوه دكڕن، لهورا پێدڤییه بهری كڕینا مۆبایلێ مه هندهك پێزانین لسهر سالۆخهتێن ئهرێنیێن مۆبایلێن ژیر ههبیت. 1. مێگاپێكسێل: مێگاپێكسل هێمایهكێ پیڤانێیه و هندی مێگاپێكسێلێن كامیرهیهكێ پتر بن، وێنهیێن وێ رۆهنتر و زلالترن، باراپتر ل ناڤ سیتهمێن ئهندرۆید كامیرهیێن جودا وهكو 8 مێگاپێكسێل بكاردهێن. 2. كاربهر: كاربهر د راستی دا رێژهیا لهزاتییا مۆبایلێن ژیرێن جوراوجۆره، هندی كاربهراتی لهزاتییا كارییا بلندتر ههبیت، لڤێره مۆبایل ب لهزاتییهكا پتر كار كهت. 3. ئهپلیكێشن: ئهپلیكێشن ههر ئهو بهرنامهیێن بكارئینانێنه كو ب جۆرێن جودا دهێنه چێكرن و ههر ئێك ژ وان خزمتێن جودا پێشكێشی بكاربهری دكهن، بۆ نموونه هندهك بهرنامه بۆ هنارتنا ئیمێلان دهێنه بكارئینان، یان هندهك ژ وان بۆ گههشتن ب ئهنترنێتێ دهێته بكارئینان، پترییا ڤان بهرنامهیان لسهر مۆبایلان دهێنه دانان و دشیان دایه بهێنه پێشڤهبرن. 4. رووبهرێ ههلگرتنێ ل مۆبایلێن ژیر: رووبهرێ ههلگرتنێ ل مۆبایلان جوداهییا خوه ههیه و باراپتر دشێین ب كارئینانا Memory یێ رێژهیا رووبهرێ ههلگرتنێ ل مۆبایلێن ژیر زێده بكهین، ئهگهر ههوه رێژهیهكا مهزن ژ بهرنامه، وێنه و مۆزیكان ل ناڤ مۆبایلێن خوه دا ههبیت دشێن ب رێكا بكارئینانا Memory یهكێ ب قهبارهیهكێ ههلگرتنا مهزنتر بهرنامهیێن جوراوجۆر د ناڤ مۆبایلێن خوه دا ههلگرن. 5. ئینچ و شاشهیا نیشاندانێ: شاشهیا نیشاندانا مۆبالێن ژیر قهبارهیێن جودا ههنه و ژ یهكهیا (ئینچ)ێ بۆ پیڤانا وان مفای وهردگرن، هندی قهبارهیێ شاشهیێ مهزنتر بیت دێ مۆبایلێ قهبارهیهكێ مهزنتر ههبیت، بۆ نموونه شاشهیێن 4 یان 5 ئینچی پشكهكن ژ شاشهیێن نیشاندانێ ب قهبارهیهكێ ناڤنجی و ژ ڤێ قهبارهیێ مهزتتر ی (فێبلێت) دهێته نیاسین.
پتر ژ 131 هزار پشكنینێن ئیدزێ ل دهۆكێ هاتینه ئهنجامدان
ب ههلكهفتا رۆژا جیهانی یا بهرهنگاریا نهخۆشیا ئیدزێ، 2013/12/1 رێڤهبهریا كارۆبارێن خوپاراستنێ رابوو ب ساخكرنا ڤێ رۆژێ و چهند سمینارێن هشیاریا ساخلهمیێ هاتنه پێشكێشكرن.
د.سیروان محهمهد ئهسوهد، رێڤهبهرێ كارۆبارێن خۆپاراستنا ساخلهمیێ دیاركر كو وان بڕیاردایه پشكنینێن ب ههروه و نهێنی بۆ ههر كهسهكێ حهزبكهت یان گومان ههبیت كو نهخۆشیا ئیدزێ ههیه بكهن و گۆت:ههر كهسهك دێ شێت ب رێیا تێلهفونێ یان ئیمێلهكی پهیوهندیێ ب مه كهت و یا پێدڤی ژلایێ مهڤه دێ بۆ هێته كرن بێی نهێنیێن وی ئاشكراببن.
رێڤهبهرێ كارۆبارێن خوپاراستنێ دیاركر ژی كو ههتا نوكه 131000 سهدو سیه و ئێك هزار پشكنینێن ئیدزێ ل پارێزگهها دهۆكێ هاتینه كرن و گۆت: سێ تۆشبوویێن نهخۆشیێ ل دهۆكێ ههنه و ل سالا 2013 ێ دو نهخوش هاتینه دهستنیشانكرن بهلێ نه خهلكێ ههرێما كوردستانێ بووینه و بۆ وهلاتێ وان هاتینه رهوانهكرن و گۆتژی: دهرمان بۆ نهخۆشان ب ههڤكاریا وهزارهتێن ساخلهمیێ ل بهغدا و ههرێمێ بۆ دهێنه دابینكرن و ههیڤانه ههر نهخۆشهك كوژمهكێ پارهی ژی وهردگریت،د.سیروان خواست ی كو ئهو پاره بهێته زێدهكرن داكو تێرا پێدڤیێن نهخۆشان بكهت.
رێڤهبهرێ كارۆبارێن خۆپاراستنێ دیاركر ژی كو رێیا سهرهكی یا ڤهگوهاستنا ڤێ نهخۆشیێ سێكس ب تنێ نینه، بهلكو هندهك رێكێن دیتر ژی ههنه وهكو خوینێ چ ب نشتهرگهریهكێ رابوویه یان تووشی روودانهكێ بوویه ل نهخوشخانێ كو خوینا كهسهكێ تووشبووی بۆ هاتیه دان و گۆت: مه تاقیگههێن ڤێ نهخوشیێ یێن ل دهوكێ ههین بهلێ بو پتر پشتراستكرنێ ئهم نهخۆشان دهنێرینه سلێمانیێ و بهغدا، چونكی گهلهك جاران ئهڤ نهخوشیه دهردكهڤیت و پشتی ئهم دهنێرینه وان جهان رهنگه نێگهتیف دهربچیت، لهورا پێدڤیه چهند جارهكا ئهو پشكنین بهێته دوبارهكرن.
ل دووماهیێ د.سیروان محهمهد ئهسوهد دیاركر كو حكوومهتا ههرێمێ ل بهره سهنتهرهكێ ڤێ نهخوشیێ ل ههولێرێ ڤهكهت، داكو خهلك قهستا بهغدا نهكهت بۆ چارهسهریێ.
نيشاندان
WP Facebook Auto Publish Powered By : XYZScripts.com