ئەڤرۆ نیوز:
عەلی حسێن ئەندامێ ئەنجوومەنێ سەرکرداتیا پارتی دیمۆکراتی کوردستان راگەھاند، ل سەر داخوازا سەرۆک بارزانی سەرکرداتیا پارتی ئەڤرۆ دێ کۆم بیت و گۆت:(ھەکە سەرۆک بارزانی چو کار نەبن، ئەڤرۆ دێ ژ دەرڤە ڤەگەڕیت و سەرپەرشتیا کۆمبوونێ کەت).
عەلی حوسێن دیار کر کو سەرۆک بارزانی ژ ئەنجامێ دیدارێن ل گەل سەرۆک و کاربدەستێن وەلاتێن زلھێزێن جیھانێ، دێ پەیام بۆ خەلکێ کوردستانێ ھەبن و گۆت:(تەوەرەکێ کۆمبوونێ دێ بەحسکرن بیت ل سەر کاراکرنا پرۆسا سیاسی و قەیرانا دارایی).
ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا پێنج شەمبی رێککەفتی18/2/2016 دێ بڤی رەنگێ خوارێ بن ل سەرانسەری پارێزگەھا دھۆکێ:
ل ناڤ سەنتەرێ باژێرێ دھۆک دێ بڤی شێوەی بن:
سپێدێ : 1- جاددا بارزان قایمقامیێ
2- جاددا قازی بارزان شندوخا
ب شەڤ : 3- جاددا قازی محەمەد kro
4- جاددا شەھیدێن ئێکی شواتێ نێزیک ھولا دیلان
5- جاددا قازی محەمەد نێزیک یاریگەھا برا
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک گومەلگەھا مەھەتێ
2- جاددا سەرەکی یا شێخان نێزیک گوندێ دووشیڤان
رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ مەم و زین
2- جاددا بەردەرەش بو ناحیا کەلەک نێزیک گوندێ گەویلان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا پیشەسازی دناڤبەرا ترافیکا ئازادی بو دوریانا گەرەکا پیشەسازی
2- جاددا سەرەکی یا راپەرین دناڤبەرا ترافیکا قەلعێ بو ترافیکا بەلدێ
رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا تەناھی بو سێمێل نێزیک فاملی موول
راداراێن قەزا زاخو دێ لڤان جھان ھێنە دانان
1- جاددا سەرەکی یا بێدارێ
2- جاددا سەرەکی یا گەلیێ زاخو نێزیک گوندێ حەسەن ئاڤا
رادارێن قەزا ئامێدیێ دێ لڤانا جھان ھێنە دانان
1- جاددا سەرەکی یا سیارەتیکا بو سەرسنکێ
رادارێن ناحیا زاویتە دێ لڤان جھان ھێنە دانان
1- جاددا زاویتە بۆ دھۆک
2- جاددا ئێتیت بۆ دھۆک
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 19ى شۆباتا 2016ێ ئه‌سمان دێ ئه‌وره‌كێ كێم بيت و پاشان ب ته‌مامى بيته ئه‌ور و ئه‌گه‌رێ بارانه‌كا هوور ل دره‌نگى شه‌ڤ هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ ژ ئه‌وره‌كێ كێم بۆ ئه‌ورێن تمام بهێته گوهۆڕين و ئه‌گه‌رێ بارانه‌كا هوور ل دره‌نگى شه‌ڤ هه‌يه.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (11 بۆ 19) پلان دا بيت.
ئەڤرۆ نیوز، زنار تۆڤی:
بۆ ئێکەمین جار وەرگێران ب زمانێ کوردی و د گوگلی دا ھاتە زێدەکرن و ئەڤە پێنگاڤەکا زۆرا باش بوو،بۆ مە وەک مللەتێ کورد و ڤێ چەندێ دێ رۆلەکێ باش و ئەکتیف ھەبیت بۆ زەنگینکرنا زمانێ کوردی د ھەمی بوارێن ورگێرانێدا،لەورا ژ ئەڤرۆ پێڤە ئەم پێدڤی ب زمانێ عەرەبی نابین و دێ ب زمانێ خۆیێ شرین ھەر تشتێ مە ڤیا دێ وەرگێرینە کوردیێ و دەستخۆشی بۆ ماندیبوون و زەحمەتا وان کەسێن ئەڤ کارە ئەنجامدای.ئەڤەژی ب واتایا ھندێ دھێت کو ئێدی زمانێ کوردی شیایە ل جیھانێ ھەبوونا خۆ ب چەسپینیت و ببیتە جھێ گرنگیدانا خەلکێ جیھانێ.
لەورا ژ نھۆ وێڤە ھەر تشتێ مە بڤێت دێ ب ساناھی وەرگێڕینە زمانێ کوردی.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند.
ب گۆره‌ى وێ راگه‌هاندنا وه‌زاره‌تا دارايى، بڕياره ئه‌ڤرۆ رۆژا پێنجشه‌مبى رێكه‌فتى 18ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ وه‌زاره‌تا وه‌زاره‌تا سامانێن سرۆشتى، وه‌زاره‌تا پلان دانانێ، وه‌زاره‌تا ئه‌وقاف و كاروبارێن ئاينى هێته به‌لاڤكرن.
ئه‌ڤرۆ نيوز:
ئه‌ڤرۆ نيوز:
ئه‌و قه‌يرانا دارايى يا هه‌رێما كوردستانێ ڤه‌گرتى، بويه ئه‌گه‌ر لژنا فه‌توايا ئێكه‌تيا زانايێن كوردستانێ فه‌توايه‌كێ سه‌باره‌ت چوونا عومرێ ده‌ربێخن كو جودايه ژ فه‌توايێن دى.
لژنا فه‌توايا ئێكه‌تيا زانايێن كوردستانێ دبێژيت: ل ده‌مێ برسيبوون و هه‌ژاريا دژواردا، سه‌ده‌قه و به‌خشين خێرتر و باشتره ل دووباره‌كرنا عومرێ.
فه‌توايێ ئاماژه ب وێ يه‌كێ كريه كو هه‌رێم د قه‌يرانه‌كا دارايى يا دژوار دا ده‌رباز دبيت، له‌وما ده‌وله‌مه‌ند دشێن مالێ خوه ب سه‌ر هه‌ژار و كه‌سێن پێدڤى به‌لاڤ بكه‌ت ل جهێ چوونا عومرێ و دووباره‌كرنا وێ د ڤى ده‌مى دا.
ئه‌ڤرۆ نيوز:
وه‌زاره‌تا پلان دانانێ يا حوكمه‌تا هه‌رێما كوردستانێ برياره‌كێ سه‌باره‌ت ماوێ زێده‌كرنا پرۆژان دده‌ت و ل دووڤ بريارێ به‌لێنده‌ر ژ سزايێ گيروبوونا پرۆژان دهێنه عه‌فوكرن.
د.عه‌لى سندى وه‌زيرێ پلاندانانا حوكمه‌تا هه‌رێما كوردستانێ ب نڤيسارا ژماره 8 كو ل كانوونا دوێ ده‌ركريه، ئاماژه ب وێ يه‌كێ دايه كو وان برياردايه ب به‌خشينا هه‌موو وان به‌لێنده‌رێن كو نه‌شيان دده‌مێ دياركرى دا پرۆژێن خوه تمام بكه‌ن.
ژبه‌ر قه‌يرانا دارايى يا هه‌رێم ڤه‌گرتى، گه‌له‌ك ژ به‌لێنده‌ران، پرۆژێن خوه هێلانه ب نيڤه‌رۆ و هنده‌كان ژى ب ئێكجارى پرۆژێن خوه راوه‌ستاندينه.
ئەڤرۆ نیوز،زنار تۆڤی:
ئەحمەد عەسیری راوێژکارێ وەزیرێ بەرگریا سعودی دبێژیت،ئەم ئێکلایەنی هێرشا زەمینی بۆ سەر سووریێ ئەنجام نادەین.
ئەحمەد عەسیری دياركر ژى: مە ئامەدەیا خۆ دەربریە بۆ هێرشا زەمینی ل سووریێ،لێ ب سەرپەرشتیا هەڤپەیمانیا نێڤدەولەتی هەر چەندە گەله‌ک وەلاتان ژی دژایەتیا خۆ دەربریە کو نابیت سعودی چ هێرشێن زەمینی بکەنە سەر سووریێ.
ئه‌ڤرۆنیۆز، سالار دۆسكى:
هاریكارێ سه‌رۆكێ زانكۆیا سلێمانیێ دیاركر كو يا ساناهى يه حوكمه‌ت بشێت داهاتێ خوه زێده‌ت بكه‌ت و گوت: دڤێت هه‌موو كومپانى باجێ بده‌ن، سالانه دوڤچوون و مامله‌كا هوور ل گه‌ل رێڤه‌به‌ریا تۆماكرنا كومپانیان و باجێ بكه‌ت و كا چه‌ند كومپانى هاتینه تۆماركرن، بڤى ره‌نگى دێ كونترۆل ل سه‌ر هێته‌كرن و چ كومپانى نه‌شێن چ كاره‌كێ بازرگانى بكه‌ن هه‌كه ناڤێ وێ ل رێڤه‌به‌ریا تۆماركرنا كومپانیان نه‌هاتبيته توماركرنز
د.خالد حه‌یده‌ر هاریكارێ سه‌رۆكێ زانكۆیا سلێمانیێ بۆ ئه‌ڤرۆ نیۆز گۆت: پێدڤى یه حوكمه‌تا هه‌رێما كوردستانێ ل خالێن سنورى پتر باجێ دانیته سه‌ر كه‌ل و په‌لان ب تایبه‌ت ئه‌وێن ژ ده‌رڤه دهێت و بڤى ره‌نگى حوكمه‌ت دشێت داهاتێ خوه زێده بكه‌ت.
نيشاندان