ره‌وشا سه‌قايێ سوبه‌هى

19/01/2016 10:34

1547

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى چار شه‌مبى رێكه‌فتى 20ى كانوونا دويێ يا 2016ێ ئه‌سمان دێ ب ته‌مامى ئه‌ور بيت ل گه‌ل بارانا ڤه‌قه‌تايى و دێ به‌فر ل هنده‌ك ده‌ڤه‌ران باريت و ب تايبه‌ت دانێ سپێدێ زوو.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن نزمێن رۆژێن بۆرى و هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمان دێ ب ته‌مامى ئه‌ور بيت ل گه‌ل بارانا ڤه‌قه‌تايى و دێ به‌فر ل هنده‌ك ده‌ڤه‌ران باريت و ب تايبه‌ت دانێ سپێدێ زوو.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15 كم دا و هنده‌ك و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را (5 بۆ 11) پلان دا بيت.

پەرلەمان دێ ب قانوونێ رێ بۆ فرۆتنا مولکێ دەولەتێ خۆش کەت

19/01/2016 10:27

127

ئه‌ڤرۆ نيوز:

ئەندامەکێ لیژنا دارایی ل جڤاتا نوونەرێن عیراقێ بۆ ئەڤرۆ دیار کر کو ئەڤرۆ 19/1/2016 روونشتنا پەرلەمانێ عیراقێ دێ دەست پێ کەت و ھەموو ئەندامێن پەرلەمانی دێ کار کەن بۆ ڤەکرن و خۆشکرنا ھێلا ئاسمانی د ناڤبەرا عیراقێ و وەلاتێ کوێتێ دا بۆ کارێن بازرگاینی و گۆت “قانوونا گرێدان و فرۆتنا مولکێ دەولەتێ دێ ھێتە گوھۆرین، دا ھەمی بکەڤتە د دەستێ کەرتێ تایبەت دا”.
حاکم سەرحان سلێڤانەی ئەندامێ لیژنا دارایی یێ جڤاتا نوونەرێن عیراقێ دیار کر کو ئەڤرۆ 19/1/2016 پەرلەمانێ عیراقێ دێ خواندن بۆ پێنچ پرۆژە قانوونان ھێتەکرن، ژ وانا قانوون گرێدان و فرۆتنا ئەرد و مولکێ دەولەتێ ئەڤە ژی دی بۆ ھندێ بیت فرۆشنە کەرتێ تایبەت، چونکو پتر د بەرژوەندیا حوکمەتێ دا دایە و دێ داھاتیەکێ باش ب دەست حوکمەتێ کەڤیت و گۆت “پرۆژەکێ دی ھاتیە دانان بۆ خزمەتگوزاریان د ناڤبەرا عیراقێ و کوێتێ دا ب رێیا ئاسمانی و ھەکە پەرلەمان پەسەند بکەت دێ دەلیڤا کارێن بازرگانیێ گەلەک خوشتر بیت د ناڤبەرا عیراقێ و کوێتێ دا”.
حاکم سەرحان سلێڤانەی زێدەتر گۆت “قانوونا نەھێلانا تیرۆرێ دێ ھێتە راستەڤەکرن کو ئەڤ قانوونە پێکھاتیە ژ 22 بەندان ب مەرەما سزادانا تیرۆرێ و کەسێن پشتەڤانیا تیرۆرستان دکەن و زێدەباری چەند قانوونێن دی دێ ھێنە خواندن و گەنگەشەکرن”.

رازیبوون ل سەر پتری ھزار ناڤێن زیندانیێن سیاسی یێن دھۆکێ ھاتە کرن

19/01/2016 10:22

1062

ئەڤرۆ نیوز:
بەرپرسێ لقێ دھۆک یێ کۆمکارا زیندانیێن سیاسی بۆ ئەڤرۆ دیار کر کو ڕازیبوون ل سەر ھاتنا پتری ھزار ناڤێن زێندانیێن سیاسی یێن پارێزگەھا دھۆکێ ھاتیە کرن و ناسنامێن وان ژی گەھشتینە کۆمکارا زیندانیێن سیاسی لقێ دھۆکێ، ل دووڤ سالێن ھاتینە زیندانکرن دێ پاری وەرگرن.
کامل یاسین زێوەیی، بەرپرسێ لقێ دھۆکێ یێ کۆمکارا زیندانیێن سیاسی ئاشکرا کر، ناسنامێن ھژمارەکا زیندانیێن سیاسی یێن قووناغا ھەشت، نەە، 10 و 11 گەھشتینە و نوکە بەردەوام دھێنە بەلاڤکرن و گۆت: “ل دووڤ بڕیارا سالا 2011 سەرەدەری د گەل زیندانیێن سیاسی دێ ھێتە کرن، ھەر ئێک ل دووڤ سالێن ھاتیە زیندانکرن پارەی دێ وەرگریت، ھندەک رەنگە 35 ھەتا 40 ملیۆن دیناران وەربگرن، لێ ھێشتا دیارنینە دێ کەنگی پارە ھێتە دان”.
خویا ژی کر، ھژمارەکا دی یا زیندانیێن سیاسی معاملێن خوە تمام کرینە و بۆ ھەولێرێ ھاتینە ھنارتن، لێ ھەتا نوکە ڕازیبوون ل سەر نەھاتیەکرن و ھیشتا لژنە یا کار تێدا دکەت و ھەر دەمێ ب دووماھی دھێن بۆ جڤاتا وەزیران دێ ھێنە بلندکرن.
کامل زێوەیی ئاماژە دا وێ چەندێ کو ئەو زیندانیێن سیاسی یێن ناڤ و ناسنامێن وان نوو ھاتین دێ مووچێ ھەیڤانە وەرگرن، ھەکەر ئەنفالکری بیت ھەیڤانە 250 ھزار دیناران دێ وەرگریت، ھەکەر زیندانکری یان ڕاگرتی یان دەستەسەرکری بیت ل دووڤ سالێن زیندانکرنێ دێ مووچێ ھەیڤانە کو ژ 250 دیناران کێمتر نینە و ژ 650 ھزار دیناران پتر نینە دێ وەرگریت و گۆت: “ب رێڤەبرنا معاملێن زیندانیێن سیاسی یا بەردەوامە”.

بۆ بلندكرنا بهایێ په‌ترۆلێ عومانێ ئه‌ڤ ده‌ستپێشخه‌ریه‌ كر

18/01/2016 21:25

600

ئه‌ڤرۆ نیوز ، نه‌وزاد زاده‌ هلۆرى:
محه‌مه‌د كورێ كورێ حه‌مه‌د ره‌محى وه‌زیرێ په‌ترۆلا شاهنشینا عومانێ ته‌كه‌ست لسه‌ر وێ یه‌كێ كر كو وه‌لاتێ وى به‌رهه‌ڤه‌ به‌رهه‌مێ په‌ترۆلێ ب رێژا 10-5% كێم بكه‌ت ئه‌و ژى ب مه‌ره‌ما بلندكرنا بهایێ وێ و پێدڤى یه‌ هه‌موو وه‌لاتێن به‌رهه‌مێ په‌ترۆلێ هه‌یى ئه‌ڤێ پێنگاڤێ ب گرنه‌به‌ر.
دبه‌رسڤا پرسیاره‌كێ دا ل بارا ئاخفتنا د ناڤبه‌را وه‌لاتێن به‌رهه‌مئینانا په‌ترۆلێ ل ده‌رڤه‌ و نافخویا رێكخراوا ئوپیك دا ره‌محى بۆ رۆژنامه‌ڤانان دیاركر كو وه‌لاتێ وى به‌رهه‌ڤه‌ ئاستێ به‌رهه‌مئینانا په‌ترۆلێ ب رێژا 10-5% كێم بكه‌ت و باوه‌ریا خوه‌ ژى نیشاندا كو پێدڤى یه‌ ئه‌ڤ كێمكرنه‌ هه‌ر بهێته‌كرن و دڤێت هه‌موو ژى ڤێ یه‌كێ بكه‌ن.
دیاركر ژى كو به‌رهه‌مێ وه‌لاتى َوى رۆژانه‌ نێزیكا ملیون به‌رمیلێن په‌ترولێ یه‌ و پێشبینى دكه‌ت كو ئه‌ڤ ساله‌ به‌رهه‌مئینان زێده‌ ژى بیت.
به‌حس لسه‌ر وێ یه‌كێ ژى كر كو وه‌لاتێ وى دلگران نینه‌ ب وێ یه‌كێ كو ئێران په‌ترولا زێده‌تر ره‌وانه‌یێ بازارى بكه‌ت ژبه‌ركو ئه‌و بخوه‌ د بنه‌ره‌ت دا په‌تروله‌كا زور و زێده‌یه‌ ل پێدڤى بوونا بازاران .

دژى قوتابيێن خواندنا بلند و سه‌رپه‌رشتان ئه‌ڤ برياره‌ ده‌رچوو

18/01/2016 20:25

1749

ئه‌ڤرۆ نيوز:

وه‌زاره‌تا خواندنا بلند خه‌رجيا خواندنا قوتابيێن ماسته‌ر و دكتورايێ كێم كر و هه‌روه‌سا پاداشتا ماموستايان كێم كر كو سه‌رپه‌رشتيا نامێن ماسته‌ر و دكتورايێ دكرن و بريار ژى هاتيه‌ دان كو چ پاره‌ بۆ قوتابيێن خواندنا بلند ل زانكۆيێن ئه‌هلى نه‌هێته‌ مه‌زاختن.

سه‌رۆكايه‌تيا ئه‌نجومه‌نێ وه‌زيران هوشداريێ دده‌ته‌ دو په‌رله‌مانتاران

18/01/2016 20:19

402

KRG حوكمه‌تا هه‌رێما كوردستانێ — لۆگۆيێ حوكمه‌تا هه‌رێما كوردستانێ

ئه‌ڤرۆ نيوز:

سه‌رۆكايه‌تيا ئه‌نجومه‌نێ وه‌زيرێن هه‌رێمێ راگه‌هاندنه‌ك سه‌باره‌ت راگه‌هاندنا هه‌ڤبه‌شا هه‌ردو په‌رله‌مانتارێن كوردستانێ سوران عومه‌ر و عه‌لى حه‌مه‌ سالح ده‌رێخست و تێدا ئاخافتنێن ڤان هه‌ردو په‌رله‌مانتاران ل سه‌ر فروتنا نه‌فتێ و داهاتێ هه‌رێمێ ب نه‌وه‌يى ده‌رێخستينه‌ و هه‌ردو په‌رله‌مانتار ئاگه‌هداركرينه‌ د حاله‌تێ به‌رده‌وامبوونا ره‌فتارێن ب ڤى ره‌نگى، دێ ده‌زگه‌هێن حكومه‌تێ هه‌موو رێكارێن پێدڤى دژى وان بكارئينن.

د پشكه‌كا راگه‌هاندنا حكومه‌تێ دا هاتيه‌: ڤان دو په‌رله‌مانتاران ب نه‌وه‌يى به‌حسێ وێ يه‌كێ كريه‌ كو خه‌رجيێن شه‌رێ داعش بۆ 2015 ب تنێ 20 مليار دينارن، دده‌مه‌كى دا ب تنێ موچێ كه‌رتێ پێشمه‌رگه‌ و ئاسايش بۆ ئێك هه‌يڤ 320 مليار دينارن، كو ئه‌گه‌ر ب تنێ 9 هه‌يڤێن سالا 2015 بهێنه‌ هژمارتن، حكومه‌تا هه‌رێمێ د وێ سالێ دا دو ترليون و 800 هزار دينار بۆ موچان مه‌زاختينه‌.

ناڤه‌رۆكا كومبوونا سه‌رۆكێ حكومه‌تێ ل گه‌ل پارێزگه‌ران

18/01/2016 20:03

464

ئه‌ڤرۆ نیوز:
د چارچوڤێ پلانا به‌رهنگاربوونا قه‌یرانا دارایی دا 18/1/2016 سه‌رۆك وه‌زیرێن هه‌رێما كوردستانێ و قوباد تاڵه‌بانی جێگرێ سه‌رۆكێ وه‌زیران، ل گه‌ل پارێزگارێن هه‌ولێر و سلێمانی و دهۆكێ كۆم بوون و چه‌ند خالێن گرنگ هاتنه‌ شرۆڤه‌كرن ژ وانا داهاتێ ناڤخۆیێ پارێزگه‌هان و چه‌وانیا ڕێكخستنێ و پارڤه‌كرنێ ب ئاوایه‌كێ دادپه‌روه‌رانه‌، ب ئاوایه‌كی كو پارێزگه‌هێن هه‌رێمێ ژ هنده‌ك داهاتێ خوه‌ یێ ناڤخۆیی مفادار بن، هه‌روه‌سا بڕیاڕ هاته‌ دان كو سوبه‌هى چارشه‌مبیێ پارێزگارێن هه‌رێمێ پشكداریێ د كۆمبوونا ئه‌نجومه‌نێ وه‌زیران دا بكه‌ن.
د كۆمبوونێ دا كو وه‌زیرێ ناڤخۆیی و ژماره‌كا به‌رپرسان و شیره‌تكاران به‌رهه‌ڤبوون، لیژنا بلندا دارایی ل ئه‌نجومه‌نێ وه‌زیران كوتریته‌ك ژ دووماهی پێشنیار و داتا و پێزانین ده‌رباره‌ى ره‌وشا دارایی ب تایبه‌تى بابه‌تێ دابینكرنا مووچه‌ی بۆ پارێزگه‌هان شرۆڤه‌ كر.
د كۆمبوونێ دا ب هووری چه‌ند خال هاتنه‌ به‌حسكرن و گه‌نگه‌شه‌ ل سه‌ر هاته‌كرن، ژ وانا داهاتێ ناڤخۆیێ پارێزگه‌هان و چه‌وانیا ڕێكخستنێ و پارڤه‌كرنێ ب ئاوایه‌كێ دادپه‌روه‌رانه‌، ب ئاوایه‌كی كو پارێزگه‌هێن هه‌رێمێ ژ هنده‌ك داهاتێ خوه‌ یێ ناڤخۆیی مفادار بن. هه‌روه‌سا پرسا شۆڕكرنا ده‌ستهه‌لاتان بۆ پارێزگه‌هان و سه‌رۆكێن یه‌كه‌یێن كارگێڕیان بۆ كێمكرنا ڕۆتینێ و برێڤه‌برنا باشترا كاروبارێن ڕۆژانه‌، داكو سه‌رۆكێن یه‌كه‌یێن ئیداری ب شێوه‌یه‌كێ گشتی ل پارێزگه‌هێ و قه‌زا و ناحیان بشێن پشكه‌كی ژ داهاتێ ناڤخۆیی بۆ خزمه‌تگوزاریێن گشتی خه‌رج بكه‌ن.
هه‌روه‌سا د كۆمبوونێ دا رۆناهى به‌ردانه‌ سه‌ر وێ چه‌ندێ كو ب مه‌ره‌ما رێكخستنا بازارى ب ره‌نگه‌كى ئه‌ركێ گرانێ ل سه‌ر ملێن مووچه‌خۆران ژ به‌ر گیرۆبوونا مووچێ وان كێم بكه‌ت، بهایێ كه‌لوپه‌ل و پێدڤیێن رۆژانه‌ وه‌ك خوارن و كه‌لوپه‌لێن دى و كریا خانیان و بهایێ كلینیكان ل دووڤ كۆژمه‌ و ئاستێ مووچه‌ و داهاتى بهێته‌ رێكخستن.

لەتیف شێخ عومەر:خۆنیشادان چارەسەریا ڤی ره‌وشێ ناکەن

18/01/2016 18:31

126

ئەڤرۆ نیوز،زنار تۆڤی:

لەتیف شێخ عومەر بەرپرسێ مەلبەندێ سلێمانیێ یێ ئێکەتی نیشتیمانی کوردستان دبێژیت:هەر چیا دخزمەتا خەلکێ دابیت دێ کەین،دڤێت بارودۆخێ سیاسی یێ هەرێمێ لبەرچاڤ بهێتە گرتن و ئاشتەوایا جڤاکی تێکنەچیت،چونکی ب خۆپیشاندانان چارەسەریا ڤی دۆخی ناهێتەکرن.

هەروەسا گۆت ژی،دێ دگەل هەمی لایەنێن ساسی کومبین ژ پێخەمەت گفتۆگوکرنا پرسێن نیشتیمانی و دێ داخوازێ ژ حوکمەتێ کەین مووچێ فەرمانبەران دابین بکەت.

رادیۆيا پێشمەرگە دێ ھێتە ڤه‌كرن

18/01/2016 15:26

226

ئەڤرۆنیوز، ئەیاد بەرواری:
بەرپرسەکێ وەزارەتا رەوشەنبیری و لاوان ل ھەرێما کوردستانێ راگەھاند، ھەردو وەزارەتێن رەوشەنبیری و پێشمەرگە مژوولی دامەزراندنا رادیوا پێشمەرگە نە.
ھەلگورد جوندیانی رێڤەبەرێ گشتیێ راگەھاندنێ و چاپ و بەلاڤکرنێ بۆ ئەڤرۆنیۆز گوت” وێ رادیویێ دێ کاریگەریگەری ل سەر پێشمەرگەی و ل سەر خەلکێ کوردستانێ ھەبیت و دێ ژلایێ وەزارەتا پێشمەرگەی ڤە ھێتە ب رێڤەبرن، وەزارەتا رەوشەنبیری ژی ل دەستپێکێ دێ ھەڤکاریا وان کەت و ئامیرە و ستودیویێ بۆ رادیویێ دابین کەت”.
ل دۆر بەخشێ وێ رادیویێ، گوت” بەخشێ وێ دێ ھەموو کوردستانێ ڤەگریت، و تایبەتی ل وان جھێن کو پێشمەرگە تێدا ل سنۆرێن بەرگریکرنێ ژ کوردستانێ ژ شنگالێ ھەتا خانەقینێ”.

پارتى به‌رسڤا گۆڕان دا

18/01/2016 14:32

857

ئەڤرۆ نیوز، زنار تۆڤی:
عەلی عەونی ئەندامێ سەرکردایەتیا پارتی دیمۆکراتی کوردستان و بەرپرسێ لقا شێخان یێ پارتی بەرسڤا فراکسیۆنا گۆرانێ ل پەرلەمانێ کوردستانێ ددەت و دبێژیت:گۆرانێ دڤێت خەلکێ فێری درەوان بکەت،گۆرانێ نەخۆشیا دەروونیا هەیی و پێدڤی چارەسەریێ نە،هەروەسا سۆزێن مەزن داینە خەلکێ و لێ هێشتا چ بجهـ نە ئیناینە.

فراكسيۆنا گۆڕان ل په‌رله‌مانێ كوردستانێ راگه‌هاند: پارتى دڤێت خه‌لك و هێزێن سياسى ل سه‌ر زۆلم و شكاندنا قانوونان و سزادانا خه‌لكى رابهێت.

فراكسيۆنا گۆڕان ل په‌رله‌مانێ كوردستانێ به‌ياننامه‌ك ل سه‌ر كاودانێن نوكه‌ يێن هه‌رێما كوردستانێ به‌لاڤكريه‌ و ته‌كست ل سه‌ر وێ چه‌ندێ كريه‌ كو نيڤ مووچه‌ نيشانا فه‌شه‌ل و شكه‌ستنا رێڤه‌به‌ريێن حوكمه‌تێ و ته‌كست ل سه‌ر برنا سامانێ خه‌لكى و هاڤێتنا وى دكه‌ت.

نيشاندان 1...60 1,060 2,060 2,0632,0642,065...2,743 زێده‌تر

لاپه‌ر 2,064 ژ 2,743