داوی ره‌فتارا ل ئه‌ورۆپا دگه‌ل په‌نابه‌ران دهێته‌كرن دێ ته‌ مه‌نده‌هۆش كه‌ت

25/01/2016 17:39

1085

ئه‌ڤرۆ نیوز; ڤه‌ده‌ر ره‌شاڤایی:
حكومه‌تا بریتانیا ب سه‌ره‌ده‌ری و ره‌فتاره‌كا نوو دگه‌ل په‌نابه‌ران نه‌رازیبوون لدووڤ خوه‌ ئینان.
ل چه‌ند باژێرێن بریتانیا حكومه‌تێ بازنكه‌كێ ته‌یسۆك كرییه‌ ده‌ستێن په‌نابه‌ران و نه‌چاركرینه‌ كو ب به‌رده‌وامی بكه‌نێ هه‌كه‌ر بێخن خارن پێ ناهێته‌ دان، ئه‌ڤه‌ دده‌مه‌كی دایه‌ وان په‌نابه‌ران مافێ كاركرنی نینه‌ و چ پاره‌ ژی پێ ناهێنه‌ دان.
جڤاتا وێلزی یا په‌نابه‌ران ئه‌ڤ گاڤا حكومه‌تێ ب گاڤا نازییان ل به‌رامبه‌ری جوهییان بكارئینای هه‌ڤبه‌ر كر، لێ كۆمپانییا بازنك به‌رهه‌ڤ كریین دیاركر كو بتنێ بۆ وێ مه‌ره‌مێ یه‌ په‌نابه‌ر دانێن خوه‌ یێن خارنێ پێ وه‌رگرن.
ژ ئالییه‌كێ دی ڤه‌ بریاره‌ ل په‌رله‌مانێ بریتانیا بۆ ڤێ گاڤا خوه‌ حكومه‌ت رووبرووی پرسیاران بیت.

بهایێ په‌ترۆلێ د 100 سالێن بورى دا

25/01/2016 17:39

455

ئه‌ڤرۆ نيوز ، نه‌وزاد زاده‌ هلۆرى:
بهایێ په‌ترۆلێ كو ب زێرێ ره‌ش دهێته‌ نیاسین و بهایێ وێ به‌رده‌وامه‌ نزم دبیت و نها بهایێ وێ د نزمترین ئاست دایه‌ دماوه‌یێ حه‌فت سالێن بورى دا و دهێته‌ پێشبینیكرن كو هه‌تا سێ سالێن دن بهایێ په‌ترۆلێ بڤى ره‌نگى بمینیت.
بهایێ به‌رمیله‌كا په‌تۆلا بریند ل بازارێن جیهانێ بو 37 دولار كێمبوویه‌ كو ئه‌ڤ یه‌ك ژى نزمترین ئاسته‌ د ماوه‌یێ حه‌فت سالێن بورى دا
بو ئێكه‌مین جاره‌ ژى بهایێ په‌ترۆلێ بوڤى ئاستى دهێته‌ خوارێ ، و ئه‌ڤه‌ زێده‌بارى وێ یه‌كێ كو چه‌ندین ساله‌ ژ ئه‌گه‌رێن جودا بهایێ په‌ترولێ بو ڤى ئاستى نه‌هاتیه‌ توماركرن.

نزمه‌ترین ئاستێ په‌ترولێ دڤان رۆژان دا
نزمترین ئاستێ بهایێ په‌ترۆلێ دڤان رۆژان دا ڤه‌دگه‌ریێت بو سالێن 1920 كو تی>َا بهایێ به‌رمیله‌كا په‌ترولێ بوو دوو دولاران هاته‌خوارێ ب تایبه‌تى پشتى شه‌رێ جیهانیێ ئێكێ.

بهایێ په‌ترولێ ل سالێن 1948 هه‌تا سالا 1970
بهایێ په‌ترولێ ل سالێن 1948 هه‌تا سالا 1970 دناڤبه‌را دوو دولار و پێنجى و سێ سه‌نتان دا بوو

هنارتنا په‌ترولێ ژلایێ وه‌لاتێن عه‌ره‌بى

ل سالا 1973 پشتى كو وه‌لاتێن عه‌ره‌بیێن به‌رهه‌مئینانا په‌رتولێ ب پشته‌ڤانیا ئه‌مریكا و ئیسرائیلێ دناڤبه‌را شه‌رێ نسر و یسرائیلێ دا بریارا راگرتنێ هنارتنا په‌ترۆلێ بو ئه‌مریكا هاتیه‌دان بو ئێكه‌مین جار دوى ده‌مى دا بهایێ به‌رمیله‌كا په‌رتولێ ژ 3 دولاران بو 12 دولاران هاته‌خوارێ.
هه‌روه‌سا دناڤبه‌را سالێن 1978 بو 1978 بهایێ په‌ترولێ دناڤبه‌را 12 دولار بو 14 دولاران دا بوو.

شه‌رێ عیراق و ئیرانێ
پشتى درۆستبوونا شه‌رێ دناڤبه‌را عیراق و ئیرانێ ل سالا 1980 هنارتنا په‌ترۆلێ ژلایى َهه‌ردوو وه‌لاتان ب رێژه‌یا شه‌ش ملیون به‌میلان د رۆژه‌كێ دا هاته‌ كێمكرن و بڤێ یه‌كێ ژى بهایێ په‌ترولێ گه‌هشته‌ 37 دولاران.

سالێن خرابێن رێڤه‌برنا ئوپیكێ
ژئه‌گه‌را خراب ب رێڤه‌برن و فرۆتنا په‌ترۆلێ ژلایێ رێكخراوا ئوپیك ل سالا 1982 بو سالا 1985 جاره‌كا دن بهایێ په‌ترولێ نزمبوونه‌كا به‌رچاڤ بخوڤه‌ دیت و هاته‌خوارێ و دوى ماوه‌یى دا بهایێ په‌ترۆلێ بو 25 دولاران هاته‌وارێ.

هاتنه‌خارا مه‌زنترین رێژه‌یا بهایێ په‌ترولێ ل سالا 1986
ل سالا 1986 بهایێ په‌ترولێ مه‌زنترین نزمبوون بخوڤه‌ دیت ئه‌ڤ یه‌ك ژى پشتى وێ یه‌كێ هات ئوپیكێ ئاماژه‌ ب وێ یه‌كى َكرى كو شه‌رێ بهایێ په‌ترولێ ژلایێ وه‌لاتێن كو په‌ترولێ هنارن ده‌رڤه‌ سه‌ر هه‌لدایى و ب وى ره‌نگى كو بهایێ په‌ترولێ بو 7 دولاران فروتى ، به‌لێ ل دوماهی هه‌مان سالێ دا وه‌لاتێن كو په‌ترولێ د هنێرن ده‌رڤه‌ لسه‌ر وێ یه‌كێ رێكه‌فتن كو بهایێ په‌ترولێ ژ 18 دولار جێگیر بكه‌ن ، و پشتى سالا 1989 جاره‌كا دن بهایێ په‌ترولێ گه‌هشته‌ 29 دولاران.

قه‌یرانا ئاسیا 1997
د ماوه‌یێ سالێن 1990 بو 1997 بهایێ به‌رمیله‌كا په‌ترولێ ژ 20 دولاران هاته‌ جێگیركرن ، به‌لێ ل سالا 1997 ژئه‌گه‌را قه‌یرانا دارایى یا ئاسیا ئوپیك بریاردا كو بهایێ په‌ترولێ بلند ببیت ب رێژه‌یا هنارتنا په‌ترولێ ڤه‌ ، و هه‌ڤده‌م عیراقێ ژى به‌رامبه‌ر هنارتنا په‌ترولێ خوارن وه‌ردگرت و بڤێ یه‌كێ ژى بهایێ به‌رمیله‌كا په‌ترولێ ل سالا 1998 بو 11 دولار هاته‌ خوارێ و دڤدا ئوپیكێ بریار دا كو رێژه‌یا هنارتنا په‌رتولێ كێم بكه‌ت داكو جاره‌كا دن بهایێ په‌ترولێ ل سالا 2000 بو 27 دولاران هاته‌خوارێ.

قه‌یرانا دارایى یا جیهانێ ل سالا 2000 بو 2008
پشتى سه‌رهلدانا قه‌یرانا دارایى یا سالا 2000 بو 2008 داخزازى یا جیهانى لسه‌ر په‌ترولێ ب شێ,ه‌یه‌كێ به‌رچاڤ به‌ر ب زێده‌بوونى َڤه‌ چوو و ل ناڤه‌راستا سالا 2008 دا بهایێ په‌ترولێ بلندترین بها دڤان روژان دا توماركر و بهایێ به‌رمیله‌كا په‌ترولێ گه‌هشته‌ 147 دولاران ، به‌لێ ل دوماهیا هه‌مان سالێ دا ژ ئه‌گه‌را كێمبوونا داخوازى لسه‌ر پترولێ و خراببونا ئابورى یا ئه‌مریكا بهایێ په‌ترولێ جاره‌كا دن بو 40 دولاران هاته‌خوارێ.

بهارا عه‌ره‌بى
ل سالا 2011 پشتى سه‌رهلدانا بهارا عه‌ره‌بى و ژ ئه‌گه‌را گورانكاریێن د سیاسه‌تا وه‌لاتێن به‌رهه‌مهی،َه‌رێن په‌رتولێ دا هاتى رێژه‌یا هنارتنا په‌رتولێ به‌ر ب كێمبوونێ ڤه‌ چوو هه‌تاكو گه‌هشتیه‌ 100 دولاران.

بهایێ په‌ترولێ پشتى 2014
ل ناڤه‌راستا سالا 2014 ژ ئه‌گه‌را زوربونا رێژه‌یا هنارتنا په‌ترولێ ژلایێ ئوپیكێ ڤه‌ و ژ ئه‌گه‌را به‌رهه‌مئینانا په‌رتولێ ژلایێ ئه‌مریكا ڤه‌ جاره‌كا دن بهایێ په‌رتولێ ل بازارێن جیهانێ به‌ر ب كێم بووڤى َڤه‌ چوو و هه‌تا نها ژى یا به‌رده‌وامه‌ 60% بهایێ راسته‌قینه‌یا په‌ترولى َهاتیه‌ ژ ده‌ستدان ئه‌ڤ یه‌كێ ژى كارتێكرنه‌كا خراب لسه‌ر ئابووریا وه‌لاتی،َ كو پشت به‌ستنێ ب په‌ترولێ دكه‌ن هه‌یه‌.
عیراق و هه‌رێما كوردستانێ دنهادا ژ ئه‌گه‌را هاتنه‌خوارا بهایێ په‌ترولێ زیانه‌كا زور پێكه‌فتیه‌ و ب قه‌یرانا دارایى دا ده‌ربازدبیت ، و لگوره‌ى بوچونێن شاره‌زایێن ئابورى هه‌تا سێ سالێن دن دێ بهایێ په‌ترولێ هه‌ر هێته‌خوارێ.

ژێده‌ر: NRT

شوفێرى گيانێ خوه‌ ژ ده‌ست دا

25/01/2016 15:51

3225

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ به‌رى نيڤرۆ ل سه‌ر جادا سه‌ره‌كى يا سێمێل زاخۆ ژ ئه‌گه‌رێ روودانه‌كا ترفيكى د ناڤبه‌را دو ترۆمبێلان دا شوفێره‌كى گيانێ خوه‌ ژ ده‌ست دا.

رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 25ى كانوونا دويێ 2016 ل سه‌ر جادا سه‌ره‌كيا سێمێل بۆ زاخۆ روودانه‌كا ترافيكێ د ناڤبه‌را ترۆمبێله‌كا كلايزه‌ر سالۆن ره‌نگێ سپى تايبه‌ت(ئۆباما) و ترۆمبێله‌كا بارهه‌لگر دا روودا”.

زێده‌تر گۆت: “ب مخابنى ڤه‌ د ڤێ روودانێ دا، شوفێرێ ترۆمبێلا كلايزه‌ر سالۆن گيانێ خوه‌ ژ ده‌ست دا”. گه‌نجێ گيانێ خوه‌ ژ ده‌ست دايى قوتابيێ پشكا په‌يوه‌نديێن نێڤده‌وله‌تى يه‌ ل زانكۆيا نه‌ورۆز ب ناڤێ “مسته‌فا مومتاز زێدان”.

ئه‌ڤى كه‌سى گيانێ خوه‌ ژ ده‌ست دايه‌ كو قوتابيێ زانكۆيا نه‌ورۆزه‌

نووترين پێزانين ل سه‌ر زارۆيێ ميسى لێ دگه‌ريێت و ب به‌لگه‌ڤه‌

25/01/2016 14:23

4861

ئه‌ڤرۆ نيوز، نيوار محه‌مه‌د سه‌ليم:

هۆمن عه‌لى ئه‌حمه‌د، ئه‌و زارۆيێ 10 ساليێ پارێزگه‌ها دهۆكێ يه‌، ئه‌وێ ميديا جيهانى و كوردستانێ هه‌موو ب خوه‌ ڤه‌ مژوول كرى، پشتى باشترين ياريكه‌رێ جيهانێ بۆ پێنج سالان ليونێل مێسى داخوازيا ديتنا وى كرى.

چيرۆكا ڤێ بابه‌تى بۆ به‌رى دو سالان ڤه‌دگه‌ريت، ده‌ما ژ ئه‌گه‌رێ لاوازيا بارێ دارايى يێ بابێ هۆمنى ئه‌وێ پێشمه‌رگه‌، مه‌تا وى بۆ عه‌لگێن ئيرانى كو ل سه‌ر ره‌نگێ جلكێن ئه‌رژه‌نتين بوون، دكرنه‌ به‌ر و ژماره‌ 10 ل سه‌ر چێدكر و دنڤيسى ميسى هه‌ر وه‌كو شه‌وكه‌ت محه‌مه‌د سالح ئه‌و گه‌نجێ ئه‌ڤ زارۆيه‌ ئاشكه‌را كرى به‌حس لێ دكه‌ت.

شه‌وكه‌ت زێده‌تر بۆ ئه‌ڤرۆ نيوز دبێژيت: “من ئه‌ڤ زارۆيه‌ ب رێيا مه‌تا ڤى وى نياسى ده‌ما نامه‌ك بۆ په‌يجێ من يێ ب ناڤێ راستيێن ژيانێ هنارتى و چيرۆكا بابه‌تى بۆ من گۆتى و من ژى ئێكسه‌ر داخوازا ژمارا تله‌فۆنا بابێ وى كر و دووڤچوونا بابه‌تى كر و راستيا بابه‌تى زانى”.

شه‌وكه‌ت زێده‌تر به‌حس ل ڤێ چيرۆكێ دكه‌ت و دده‌ته‌ زانين كو ئه‌ڤ زارۆيه‌ نزانيت كێ ئه‌ڤ وێنه‌ بۆ گرتيه‌ “به‌لێ ئه‌و دبێژيت ده‌ما ئه‌م زارۆ بارێ مه‌ يێ ئابوورى يێ لاواز بوو و نه‌چاربووم ب رێيا خووشكا خوه‌ ڤان عه‌لاگان بكه‌مه‌ به‌ر خوه‌ و ناڤێ ميسى و ژمارا وى ل سه‌ر بكه‌م”.

شه‌وكه‌ت دده‌ته‌ زانين ژى كو بابێ هۆمن پێشمه‌رگه‌يه‌ و ژ دايكوبابێن خوه‌ يێن ل ته‌ناهى دژين جودا بوويه‌ و خانيه‌كێ ب كرێ ل قه‌سارا بۆ خوه‌ گرتيه‌، ده‌رباره‌ى وان جۆرێن عه‌لاگان ژى دبێژيت: “دايكا بابێ هۆمن ده‌ما تشت تێدا بۆ دهنارتن ئه‌وان ب ڤى ره‌نگى مفا ژ وان عه‌لاگان وه‌ردگرت و نوكه‌ نه‌ماينه‌ د بازارى دا”.

به‌رى چه‌ند رۆژان ل سه‌ر پێگه‌هێ خوه‌ يێ تۆڕا جڤاكيا تۆيته‌رى، ياريكه‌رێ ناڤدارێ جيهانى ليونێل ميسى داخوازا ڤه‌ديتنا ڤى زارۆى كربوو و ئاشكه‌را كربوو كو ئه‌و دێ وى زارۆى خه‌لات كه‌ت.

مووچێ په‌رله‌مانتاران ژى بۆ نيڤى هاته‌ كێمكرن

25/01/2016 13:54

2175

ئەڤرۆ نیۆز، قائید میرۆ:
پەرلەمانتارەکێ پارتی دیموکراتی کوردستان ئاشکراکر، نوکە موچێ پەرلەمانتارێن کوردستانێ بۆ نیف موچەی ھاتیە کێمکرن و دەرمالەژی ھەموو ھاتینە بڕین.
شێخ محەمەد سادق، پەرلەمانتارێ پارتی ل پەرلەمانێ کوردستانێ بۆ ئەڤرۆ نیۆز گۆت: “موچێ پەرلەمانتاران بۆ نیڤ موچەی ھاتیە کێمکرن، چونکو سالا ئێکێ نیف موچە مە وەرگرتیە و پاشی ئەم ھاتینە قەرەبووکرن، بەلێ پشتی توندبوونا قەیرانا دارایی حکوومەتێ بڕیاردایە دەرمالەیێن پەرلەمانتاران 100% بھێنە بڕین و نوکە ھاتینە بڕین”.
محەمەد سادقی دیارکر، موچێ ئەندامێن پەرلەمانی ب بڕیارا سەرۆکایەتیا جڤاتا وەزیران بۆ نیڤێ ھاتینە کێمکرن، بەلێ ب قانوون نەھاتینە کێمکرن و تنێ فەرمانا سەرۆکایەتیا جڤاتا وەزیرانە بۆ ڤێ قەیرانا دارایی.

سرێ بهايێ نه‌فتێ گه‌رم كر

25/01/2016 12:33

400

ئه‌ڤرۆ نيوز:

بهايێ نه‌فتێ رۆژ بۆ رۆژ ژ به‌ر وێ پێلا سه‌رمايێ ئه‌ڤا ئوروپا و ئه‌مريكا ڤه‌گرتى، يێ گران دبيت ب ره‌نگه‌كێ ل رۆژا ئه‌ينى يا چووى 10% بلند بوو.

ئه‌ڤرۆ رۆژا دوشه‌مبى، بهايێ ئێك به‌رميلا نه‌فتێ يا برێنت ب 32.49 دولاران هاتيه‌ فروتن و 31 سه‌نتا زێده‌ بوويه‌ و ئێك به‌رميلا نه‌فتا خام ب 32.46 دولاران هاتيه‌ فروتن.

ل دووڤ بوچوونا بسپوران، بهايێ نه‌فتێ دێ ل ناڤه‌راستنا ئه‌ڤ ساله‌ گه‌هته‌ 50 دولاران و سالا بهێت دێ گه‌هته‌ 70 دولاران.

ئێكگرتوو به‌رسڤا پرۆژێ ئێكه‌تيێ دا

25/01/2016 12:05

263

ئەڤرۆ نیوز، نەوزاد زادە ھلۆری:

پشتی ئەمیندارێ گشتیێ یەکگرتویا ئیسلامی کەسێ دوویێ کو دناڤا یەکگرتویێ دا بریارێ بدەت ئەنجومەنا سەرکردایەتیا یەکگرتویە کو ئەو ژی نھا ژلایێ محەمەد رەئوف دھێتە برێڤەبرن ، و محەمەد رەئوف د ھەڤپەیڤینەکێ دا ل گەل روداو بەحس لسەر پرۆژێ ئێکەتیا نیشتمانیا کوردستانێ دکەت کو پێشکێشی پارتی و پارتێن دن کریە و ب ھزرا وی ئەو پرۆژە سەرناگریت.

ئێکەتی پرۆژەیەک پێشکێشی ھەموو پارتێن کوردی کریە ژ وان ژی یەکگرتوو ل بارا ئەرێ ئەو پرۆژە چی یە و ئەرێ ژلایێ یەکگرتوڤە ھاتیە قبولکرن محەمەد رەئوف سەروکێ ئەنجومەنا سەرکردایەتیا ئەکگرتوی ئیسلامی کوردستان گۆت: (ئەو پرۆژە یێ ئێکەتیی یە و بۆ پارتی ھنارتیە و ژ ناڤ و نیشانێن وێ دیارە کو ئێکەتی بۆ پارتی ھنارتیە و چوو پەیوەندی ب مە و گۆڕان و کۆمەڵێ ڤە نینە و پەیوەندی ب رێکەفتنامەیا ستراتیجی یا کەڤنڤە ھەیە).

زێدەتر گۆت: (مە پرۆژەیێ ئێکەتیێ ب ھوری ڤەکولینکریە و نونەرێ ئێکەتیێ ژی بۆ لایێ مە ھاتیە و مە گوتیە وان کو علمانیەت دەستەواژەیەکا باش نینە وە بکارئینایە ژبەرکو ئەڤ یەک ڤەگەریانە بو ئایدولوژیکرنا جڤاکی و مە گوتیە وان نێزیکێ 89% گەلێ کوردستانێ موسلمانن و بەحسێ دەولەتا دینی و دەستھەلاتێن دینی ناکەین بەلێ دئەڤی بابەتی دا دەستواژەیا علمانیە بو ھاتیە زێدەکرن و مەرەما وێ ژی یا دیارە کا بوچی ھاتیە نڤیسان و ئەم ڤێ یەکێ ب شاشیەکا مەزن دبینین و پشتراستین کو ئەڤ جورێن ھزران سەرناگرن و علمانیەت وەکو پرۆپاکندە ھاتیە بکارئینان).

ل بارا وێ یەکێ ئەرێ کا ئەڤ پرۆژە بو تێکەلکرنا ئیسلامی یە ؟ ناڤبری گۆت: (ئیسلامی ھوسا ب ساناھی ناھێتە تێکەلکرن ژبەرکو ئیسلامی ژمارەکا گرانن و پشکەکن ژ جڤاکی، و پرۆژێ ئیسلامیان خوە چەند ژی ئیسلامی بیت ھەند ژی نەتەوەیی یە ئەڤجا مودێلا پشتگوە ھاڤێتنێ نەمایە و حزبایەتی 51% نەمایە ئەوا کو نەھێتە گوتن ئەوە کو ئەڤ پرۆژە سەرناگریت برگا شەشێ یا ئەوی پرۆژەیە و ھەر ئەڤ برگەیە ژی مەرەما سەرکی یا پرۆژەی و سەنتەرێ حوکمرانیێ یە).

رێيا ڤان ناحيێن سه‌ر ب پارێزگه‌هێ ڤه‌ هاتيه‌ گرتن

25/01/2016 11:53

1103

ئامێدیێ، رۆژھات لوقمان:
رێڤەبەرێ کەشناسیا قەزا ئامێدیێ دیارکر کو سپێدەھیا ئەڤرۆ شەپولەکا بەفر بارینێ سەرانسەری سنورێ قەزا ئامێدیێ ڤەگرت و ژ ئەنجامێ وێ بەفر و بارانێ ژی رێیا ناحیێن سەر ب قەزا ناڤبری ڤە ھاتە گرتن.
ھاشم یەحیا عەباس رێڤەبەرێ کەشناسیا ئامێدیێ بۆ ئەڤرۆ نیوز گۆت: “ل سپێدەھیا ئەڤرۆ رۆژا دوشەمبی رێکەفتی 25ی کانوونا دویێ 2016 شەپولەکا دی یا بەفر بارینێ سنورێ قەزا ئامێدیێ ڤەگرت و رێیا ھات و چوونا خەلکی ھاتە گرتن”.
زێدەتر گۆت: “نوکە رێیا ھەر ئێک ژ ناحیێن چەمانکێ، کانی ماسێ، بامەرنێ، سەرسنکی، دێرەلۆک و شێلادزێ ھاتیە گرتن”

ڤيديۆ: عه‌بدولا ئۆجه‌لان په‌يامه‌كێ به‌لاڤ دكه‌ت

25/01/2016 11:45

367

ئه‌ڤرۆ نيوز:

سه‌ركرده‌كێ به‌رى يێ پارتيا كرێكارێن كوردستانێ “په‌كه‌كه‌” رادگه‌هينيت كو عه‌بدولا ئۆجه‌لان دێ په‌يامه‌كێ به‌لاڤ كه‌ت.

عۆسمان ئۆجه‌لان سه‌ركردێ به‌رێ يێ په‌كه‌كێ و برايێ عه‌بدولا ئۆجه‌لان رێبه‌رێ زيندانكريێ په‌كه‌كێ بۆ كه‌نالێ كوردستان 24 راگه‌هاند كو د چه‌ند هه‌يڤێن بهێت دا، پرۆسا ئاشتيێ ل باكوورێ كوردستانێ و توركيا دێ ده‌سپێكه‌ته‌ڤه‌.

ئاماژه‌ ب وێ چه‌ندێ ژى كر كو نوكه‌ كۆمبوون و په‌يوه‌نديێن رۆژانه‌ د ناڤبه‌را به‌رپرسێن حكۆمه‌تا توركيا و وان دا هاتيه‌ و بڕياره‌ د ماوه‌كێ نێزيك دا، ئۆجه‌لان په‌يامه‌كێ به‌لاڤ كه‌ت.

ھاتنوچوونا دھۆکێ ئاگەھداریه‌كێ به‌لاڤ دكه‌ت

25/01/2016 11:30

3011

ئەڤرۆ نیوز، مللەت جەمال:
پێشبینی دھێتەکرن و لدووڤ زانیاریێن کەشناسی کو پلێن گەرماتیێ ل پارێزگەھا دھۆکێ ب شێوەکێ بەرچاڤ نزم ببن و بڤێ ئەگەرێ بەفر و باران بباریت ل ناوچێن سەر پارێزگەھا دھۆکێ ڤە لەورا رێڤەبەریا ھاتن وچوونا پارێزگەھا دھۆکێ ئاگەھداریا ھەمی شوفێران دکەت کو زور ب ھشیاری ھاژوتنێ بکەن و ئەگەر کارەکێ فەر نەبیت سەرەدانا دەڤەرێن چیایی نەکەن.
زێدەتر بەرپرسێ راگەھاندنا ھاتن و چوونێ رائیدێ مافپەروەر ئازاد تاھا بو ئەڤرۆ نیوز گوت: ئاگەھداریا شوەفێرێن خو دکەین لدەمێ ھاتنا بەفر و بارانێ رەوشا جاددێ مەترسیدار دبیت لەورا ئاگەھداریا ھەوەیێن بەرێز دکەین کو زور ب ھشیاری سەرەدەریێ لگەل شوفێریێ بکەن و گرنگیێ بدەنە دروستیا تارە و فرچێن ترومبێلێن خوە و ھەکە کارەکێ فەر و پێدڤی نەبیت دڤێ رەوشێ دلا ھاتن وچوونا دەڤەرێن چیایی نەکەن.
زێدەتر ناڤبری گوت: ھەمی پولیس و پلەدارێن ھاتن وچوونێ دێ د ئەرکێ فەرمی دابن بو پاراستنا سامان و گیانێ ھاولاتیان و شوفێران لەورا ھەفکاریکرن و ھەماھەنگیکرن ل گەل وان کارمەندان دێ بیتە ئەگەرێ کێمکرنا زەرەر و زیانان

نيشاندان 1...60 1,060 2,060 2,0642,0652,066...2,754 زێده‌تر

لاپه‌ر 2,065 ژ 2,754