ئه‌ڤرۆنیۆز، سالار دۆسكى:
دچاردچووڤێ رونشتنه‌كا ڤه‌كرى دا كو هاتبوو به‌رهه‌فكرن ژلایێ ناڤه‌ندا په‌یامنێرێن میدیایى ڤه‌ ل دهۆكێ، ئه‌ڤرۆ 16/1/2016 دكونگره‌كێ رۆژنامه‌ڤانى دا، د.فارس بریفكانى سه‌رۆكێ لژنا ساخله‌میێ ل په‌رله‌مانێ عیراقێ به‌حسێ ره‌وشا ساخله‌میێ بگشتى ل عیراقێ و پارێزگه‌ها نه‌ینه‌وا ب تایبه‌تى كر.
د.فارس بریفكانى ئاشكراكر كو نوكه‌ خه‌لكێ مووسل د قه‌یرانێن مه‌زن دایه‌ و نان و ئاڤ بوویه‌ هزره‌ت و نه‌خوه‌شیى به‌ر به‌لاڤ بووینه‌ و گۆت: پێدڤى یه‌ هه‌ر ده‌ڤه‌ره‌كا بهێته‌ ئازادكرن كارمه‌ندێن ساخله‌میێ قه‌ستا ده‌ڤه‌را خوه‌ بكه‌ن . هێشتا گۆت: ل گه‌ل وه‌زاره‌تا ساخله‌میا عیراقێ رێكه‌فتى نه‌ كو 80% ژ ده‌رمانێن پارێزگه‌ها نه‌ینه‌وا بهێنه‌ پارێزگه‌ها دهۆكێ و ل سه‌ر ئاواران بهێنه‌ به‌لاڤكر.
هه‌مبه‌ر هنارتنا نه‌خوه‌شان بۆ ده‌رڤه‌ى وه‌لاتى، ناڤبرى گۆت: بریار ده‌ركه‌فتی یه‌ نه‌خوه‌شێن ژ ده‌ستێن داعش رزگاربووین، بۆ ده‌رڤه‌ى وه‌لاتى بهێنه‌ هنارتن.

ئه‌ڤرۆ، كاروان باعه‌درى :
ب هه‌ماهه‌نگى دناڤبه‌را رێكخراوا وه‌هاى يا فه‌ره‌نسى و ده‌زگه‌هێ خێرخوازى یێ بارزانى ،نه‌خۆشخانه‌یه‌ك ل سه‌رێ چیایێ شنگالێ دێ ئێته‌ دروستكرن ، و هه‌ڤده‌م نه‌خۆشخانا ناڤچه‌یا سنوونێ دێ ئێته‌ نوژه‌نكرن .
ده‌زگه‌هێ خێرخوازى یێ بارزانى راگه‌هاند، رێكخراوا وه‌هاى یا فه‌ره‌نسى ل گه‌ل ده‌زگه‌هێ لبه‌ره‌ چه‌ند پرۆژه‌یێن ساخله‌میێ بۆ ئاواره‌یان ئه‌نجام بده‌ت ، ژوان ژی دروستكرنا نه‌خۆشخانه‌یه‌كێ ل سه‌رێ چیایێ شنگالێ بۆ ئاوه‌ره‌یێن ئێزدى ل وێ ده‌ڤه‌رێ ، دیسان نه‌خۆشخانه‌یا سنوونێ دووباره‌ نوژه‌ن كه‌ن بۆ هندێ خزمه‌تا زێده‌تر یا خه‌لكێ وێ ناوچێ بكه‌ن .

ئه‌ڤرۆ نیوز ، نه‌وزاد زاده‌ هلۆرى:
ئێڤاریا ئه‌ڤرۆ 15/1/2016 ل هه‌ولێرا پایته‌خت قوباد تاله‌بانى دگه‌ل وه‌زیرێ په‌روه‌ردێ یا حكومه‌تا هه‌رێما كوردستانێ و نوونه‌رێن ئێكه‌تیا ماموستایێن كوردستانێ و رێڤه‌به‌رێن په‌روه‌رده‌یان كومبوو و د كوومبونێ دا به‌حسێ ئاریشه‌یێن په‌روه‌رده‌ى و چه‌ند چاكسازى و گیروبوونا موچه‌یێن ماموستایان هاتنه‌كرن.
دپه‌راوێزا كونفرانسه‌كێ رۆژنامه‌ڤانى دا قوباد تاله‌بانى جێگرێ سه‌روكوه‌زیرێ حكومه‌تا هه‌رێما كوردستانێ دیاركر كو ئه‌و قه‌یرانا دارایى یا ب سه‌ر هه‌رێما كوردستانێ دا هاتى ژ موچه‌یێن ماموستایان و ده‌رماله‌یێن وان مه‌زنتره‌ و ئه‌ڤ یه‌ك بتنێ ب موچه‌خوران نه‌كه‌فتیه‌ و گۆت : (ئومێده‌وارین كو ماموستا لسه‌ر خزمه‌تكرنا خوه‌ به‌رده‌وام بن و هه‌ڤكاربن بو ده‌ربازكرنا ئه‌ڤێ قه‌یرانێ و داهاتیێ هه‌رێمێ تێرا خه‌رجیان ناكه‌تن و هه‌تا نها چوو ده‌وله‌تێن بیانى هه‌ڤكاریا هه‌رێمى َنه‌كریه‌ و ئه‌ڤه‌ د ده‌مه‌كێ دایه‌ كو نها ملیونه‌ك 900 هزار فه‌رمانبه‌رێن هه‌یى و ژبه‌رڤێ یا پێدڤى یه‌ كو پێداچوون د موچه‌ و ده‌رماله‌یێن فه‌رمانبه‌ران دا بهێته‌كرن )
زێده‌تر گۆت : ( ئه‌م دوپات دكه‌ین كو دى َحكومه‌ت لسه‌ر چاكسازیان یا به‌رده‌وام بیت داكو خه‌رجى بهێنه‌ كێمكرن و داهات ژى بلند ببیت )

ئه‌ڤرۆ نيوز:

پشتى دوهى محه‌مه‌د حاجى رێكخه‌رێ ژوورا په‌يوه‌نديێن سياسى يێ بزاڤا گۆران ده‌ست ژ كار كێشاى، ئه‌ڤرۆ

 د كۆنگره‌يه‌كێ رۆژنامه‌ڤانى دا ئه‌گه‌رێن ده‌ست ژ كاركێشانا خوه‌ راگه‌هاند و گوت: چاره‌نڤيسێ گۆران يێ كه‌تيه‌ دده‌ستێ هنده‌ك سنيێلان دا.

محه‌مه‌د حاجى رێكخه‌رێ ژوورا په‌يوه‌نديێن سياسى يێ بزاڤا گۆران ئاماژه‌ ب وێ يه‌كێ ژى كر كو بزاڤا گۆران ناوچه‌گه‌ريێ دكه‌ت و گرنگيێ ب بادينان و كه‌ركووكێ ناده‌ت.