زیان ڤێ كه‌تیێن پرۆژێ پرا كه‌ڤانى یا دێره‌لۆكێ دێ هێنه‌ قه‌ره‌بووكرن

12/01/2016 10:10

125

ئه‌ڤرۆ نیوز:

ژ بۆ قه‌ره‌بووكرنا وان وه‌لاتیێن دوكان و ئه‌ردێ وانا كه‌فتیه‌ به‌ر پرۆژێ چێكرنا پرا كه‌ڤانى یا دێره‌لۆكێ لیژنه‌ك هاتیه‌ پێكئینان ژبۆ ته‌خمینكرنا زیانان و دوهی دوشه‌مبى 11/1/2016 ڤێ لیژنێ سه‌را پرۆژه‌ی دا و ئه‌ڤ لیژنه‌ دێ زێنێن وه‌لاتیان ته‌خمین كه‌ت.
به‌همه‌ن ئه‌حمه‌د رێڤه‌به‌رێ ناحیا دێره‌لۆك بۆ ئه‌ڤرۆ دیار كر، كو ئێك ئاریشێن كه‌فتینه‌ د رێیا ئه‌نجامدانا پرۆژه‌یێ پرا دێره‌لۆكێ دا ئه‌ردێ وه‌لاتیان و پرسا قه‌ره‌بووكرنا وانا بوویه‌ و گۆت “بۆ ڤێ مه‌به‌ستێ به‌رى نها ژى لیژنه‌كا هاتبوو پێكئینان و زیانێن گه‌هشتینه‌ وه‌لاتیان ته‌خمین كرن بوون، لێ دیاره‌ ئه‌ڤ ته‌خمینكرنه‌ ل گۆر خودانێن ئه‌ردى نه‌ ب دلێ وانا بوویه‌ و ژ به‌ر وێ یه‌كى ژى ئاریشه‌ بۆ ئه‌نجامدانا پرۆژێ پرا كه‌ڤانى دروست ببوون”.
رێڤه‌به‌رێ ناحیا دێره‌لۆك ئاشكرا ژی كر كو نها لیژنه‌كا دى هاتیه‌ پێكئینان و ئه‌و وه‌ك سه‌رۆكێ لیژنێ و نها ده‌ست ب كار بووینه‌ و جاره‌كا دى سه‌را جهێ پرۆژه‌ و خودانێن دوكانان دایه‌ بۆ وێ یه‌كى ئه‌وان زیانان ته‌خمین بكه‌ن یێن گه‌هشتینه‌ وه‌لاتیان.
هه‌روه‌سا به‌همه‌ن ئه‌حمه‌د رێڤه‌به‌رێ ناحیا دێره‌لۆك دیار كر، پرا كه‌ڤانى یا دێره‌لۆكێ دبیته‌ ئێك ژ وان پرۆژێن هه‌ره‌ گرنگ ل ده‌ڤه‌رێ كو نها د ژێر بجهئینانێ دا یه‌ و گۆت “بۆ ئه‌نجامدانا ڤى پرۆژه‌ى كۆژمێ حه‌فت ملیار و 400 هزار دیناران هاتینه‌ ته‌رخانكرن كو درێژاهیا وێ 54 میترن و فره‌هى ژى 30 میترن ئانكو ل دووڤ ئاراستێ جادا جوتسایدى دهێته‌ چێكرن و د ماوێ دو سالان دا پێدڤیه‌ ب داوى بهێت و نها دورێن 75% هاتیه‌ چێكرن”.

حكومه‌تا هه‌رێمێ ئێدى ئاڤاهیان ب كرێ ناگریت

12/01/2016 10:04

ئه‌ڤرۆ نیوز:
وه‌زاره‌تا دارایى و ئابوورى یا حكومه‌تا هه‌رێما كوردستانێ بڕیار دا كو ژ نها پێدا نابیت رێڤه‌به‌ریێن حوكمه‌تێ چو خانى و ئاڤاهیان ب كرێ بگرن.
وه‌زاره‌تا دارایى و ئابوورى یا حكومه‌تا هه‌رێما كوردستانێ د رێنمایه‌كێ دا ئاشكرا كریه‌ كو نابین ب هیچ ره‌نگه‌كى رێڤه‌به‌ریێن حوكمه‌تێ خانیێن ب كرێ بگرن و ئه‌و رێڤه‌به‌ریێن د ناڤ خانى و ئاڤاهیێن كرێ دا، پێدڤیه‌ د گه‌ل خودانێن ئاڤاهیان گرێبه‌ستێن نوو ئیمزا بكه‌ن ب مه‌رجه‌كى كرێ یا وان بهێته‌ كێمكرن.
ل دووڤ وێ رێنمایا ژ لایێ وه‌زاره‌تا ناڤهاتى ڤه‌ هاتیه‌ ده‌رخستن دیار كریه‌ كو ژ مێژوویا 1/1/2016 وه‌زاره‌تا دارایى و ئابوورى رازیبوونێ ل سه‌ر چو گرێبه‌ستێن خانى و ئاڤاهیێن ب كرێ بۆ رێڤه‌به‌رى و وه‌زاره‌تان ناكه‌ت.

حه‌فتیانه‌ 20 لیترێن گازێ بۆ هه‌ر ژووره‌كا پشكێن ناڤخۆ دهێته‌ دابینكرن

12/01/2016 10:00

ئه‌ڤرۆ نیوز:
ل گۆره‌ى گۆتنێن سه‌رۆكاتیا زانكۆیا دهۆكێ و ئێكه‌تیا قوتابیێن كوردستانێ، بۆ هه‌ر ژووره‌كا پشكێن ناڤخۆ یێن قوتابیێن زانكۆیێ، حه‌فتیانه‌ 20 لیترێن گازا سپى بۆ هه‌لكرنا سۆپا دهێنه‌ دابینكرن. لێ سه‌ره‌راى ڤێ چه‌ندێ قوتابیێن زانكۆیا دهۆك گازندا ژ كێما وێ رێژێ دكه‌ن و دخوازن زێده‌تر لێ بهێت، چونكو ئه‌و رێژه‌ تێرا پێدڤیێن وان ناكه‌ت و وه‌رزێ زڤستانێ ژى سر و سه‌قه‌مه‌.

قوتابى سه‌رهه‌نگ نوشدار ژ پشكێن ناڤخۆیى یێن ناڤ كه‌مپا زانكۆیا دهۆك دا بۆ ئه‌ڤرۆ دیار كر، راسته‌ حه‌فتیانه‌ گاز بۆ وان دهێته‌ دابینكرن، به‌لێ ئه‌و رێژا دهێت ل گۆه‌رى پێدڤیێن قوتابیێن گه‌له‌ك یا كێمه‌ و تێرا وان ناكه‌ت و گۆت: هنده‌ك ژوور هه‌نه‌ ب تنێ سێ قوتابى تێدانه‌ و هنده‌ك ژوور هه‌نه‌ پێنچ قوتابى تێدانه‌ و هه‌ردو وه‌كو ئێك وه‌ردگرن و پێدڤیه‌ گاز ب دووڤ رێژا قوتابیان بیت نه‌ك ب دووڤ ژووران.

شێروان ئه‌حمه‌د، به‌رپرسێ لقێ زانكۆ یێ ئێكه‌تیا قوتابیێن كوردستانێ دیار كر، ئێكه‌تیا قوتابیان مینبه‌رێ گازندێن قوتابیان و هه‌رده‌م گازندێن وان ژ هه‌موو ئالیه‌كى ڤه‌ بۆ مه‌ دهێن و گازندا كێمیا گازێ ژى ئێك ژ وان گازندێن سه‌ره‌كى یێن قوتابیێن پشكێن ناڤخۆیى كو هه‌رده‌م بۆ مه‌ دهێن و گۆت: ل گۆره‌ى پێزانینێن به‌رده‌ست، حه‌فتیانه‌ رێژه‌كا گازێ كو بۆ هه‌ر ژووره‌كا پشكێن ناڤخۆ 20 لیتر دهێنه‌ دابینكرن و ژ سه‌رۆكاتیا زانكۆیا دهۆك دخوازین وێ رێژێ زێده‌تر لێ بكه‌ن.

كورد سنۆرێ خوه‌ ده‌ستنیشان دكه‌ن و ئه‌مریكا پشته‌ڤانه‌

12/01/2016 09:53

147

ئه‌ڤرۆ نیوز:
ئاژانسا رویته‌رز د راپۆرته‌كێ دا دیار دكه‌ت كو كورد ل هه‌رێما كوردستانێ خه‌نده‌كان دكۆلن، هه‌رچه‌نده‌ گه‌له‌ك كه‌س به‌حسێ هندێ دكه‌ن كو ئه‌و خه‌نده‌ك ژ بۆ پاراستنا خه‌لكی یه‌ ژ هێرشێن داعشێ ، لێ ئه‌و خه‌نده‌ك سنۆرێن ده‌وله‌تا نوو یا كوردی نه‌ ل عیراقێ و ئه‌مریكا و نه‌ته‌وێن ئێكگرتى ژی پشته‌ڤانیێ ل سنۆرێ هه‌رێما كوردستانێ دكه‌ن.

گه‌لێ كوردستانێ چو جارا نابیته‌ پشكه‌ك ژ ململانا تایفى

12/01/2016 09:43

ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ پێشوازى ل شانده‌كێ وه‌زاره‌تا به‌ڕه‌ڤانیا كۆمارا چیك ب سه‌رۆكاتیا جاكوب لاندۆڤێسكى جێگرێ وه‌زیرێ به‌ڕه‌ڤانیێ بۆ كاروبارێن سیاسى و ستراتیژى كر.
د دیداره‌كێ دا، جێگرێ وه‌زیرێ به‌ڕه‌ڤانیا چیك راگه‌هاند كو وه‌لاتێ وى دێ یێ به‌رده‌وام بیت ل سه‌ر پێشكێشكرنا هاریكاریێن سه‌ربازى بۆ پێشمه‌رگه‌ى و گۆت:(پێشمه‌رگه‌ى ب قه‌هره‌مانى و مێرخاسیا خوه‌ رێ ل وێ چه‌ندێ گرت كو تیرۆرست پلانا خوه‌ بۆ داگیركرنا پشكه‌كا زۆر یا جیهانێ بجه بینن).
د هه‌مبه‌ر دا سه‌رۆك بارزانى سوپاسیا گه‌ل و حوكمه‌تا كۆمارا چیك كر و پێشوازى ل به‌رفره‌هتركرنا په‌یوه‌ندیێن د ناڤبه‌را هه‌ردو ئالیان دا د وارێن جودا دا كر و گۆت:(هه‌بوونا ململانا تایفى ئه‌گه‌ره‌كێ سه‌ره‌كى یێ پێشڤه‌چوونا تیرۆرستان بوو و گه‌لێ كوردستانێ خودانێ فه‌رهه‌نگا پێكڤه‌ژیان و لێبۆرینێ یه‌ و چو جارا نابیته‌ پشكه‌ك ژ ململانا تایفى).
هه‌ر دوهى مه‌سرور بارزانى شیره‌تكارێ ئه‌نجوومه‌نێ ئاسایشا هه‌رێما كوردستانێ د دیداره‌كێ دا ل گه‌ل شاندێ كۆمارا چیك راگه‌هاند، ئه‌و هاریكاریێن سه‌ربازى یێن گه‌هشتین ل ئاستێ مه‌زنى و به‌رفره‌هیا شه‌رێ تیرۆرستان دا نینن و گۆت:(دڤێت ئه‌م بۆ شكاندنا داعش ژ روویێ چه‌نداتى و جۆراتیا چه‌ك و پێدڤیێن شه‌رى زێده‌تر بهێینه‌ پڕچه‌ككرن و مه‌ پێدڤى یا ب هاریكاریێن نێڤده‌وله‌تى هه‌ى).

سه‌ر خاترا قوتابيه‌كێ، يابانێ ئه‌ڤ برياره‌ دا

11/01/2016 23:12

1180

ئه‌ڤرۆ نيوز: ره‌وان نهێلى:

پشتى كو ده‌سته‌يا هێلا ئاسنى يا شه‌مه‌نده‌فرا يابانى بريارداى ويستگه‌ها شه‌مه‌نده‌فرا “كامي شيراتاكي” يا دكه‌ڤيته‌ باژێرێ هوكايدو ل يابانێ بگرن ژ ئه‌گه‌رێ كێمبوونا نه‌فه‌رێن شه‌مه‌نده‌فرێ، ژ نشكه‌كێ ڤه‌ حكومه‌تا يابانێ پشتى كو زانى قوتابيه‌ك ل قوتابخانه‌كێ دخوينيت سه‌ر خاترا وێ قوتابيه‌كا ل رێزا ناڤنچى دخواند بريار ها هه‌لوه‌شاند.

بريارا هه‌لوه‌شاندنا حكومه‌تا يابانێ ب تنێ سه‌ر خاترا قوتابيه‌كێ بوو كو بريار هاته‌ دان هه‌تا كو خواندنا خوه‌ خلاس دكه‌ت ئه‌ڤ ويستگه‌ها شه‌مه‌نده‌فرێ د كارى دا بيت و ل دووڤ ژڤانێ چون و هاتنا وێ بچيت.

بۆ زانين سێ سالێن دى ئه‌ڤ ويستگه‌ها شه‌مه‌نده‌فرێ دێ د كارى دا بيت هه‌تا ئه‌ڤ كچه‌ خواندنا خوه‌ ب دووماهى دئينيت.

ڤيديو: ته‌قينا به‌غدا

11/01/2016 20:18

554

ئه‌ڤرۆ نسوز:

شاخه‌وان عه‌بدولا بريارده‌رێ لژنا ئاسايش و به‌ره‌ڤانيێ ل په‌رله‌مانێ عيراقێ راگه‌هاند كو ژمارا كوشتيێن هێرشا ئه‌ڤرۆ ل سه‌ر مولا جه‌وهه‌وه‌ ل به‌غدا، هه‌تا نوكه‌ گه‌هشتيه‌ 10 كوشتيان.

كوشتنا به‌رپرسه‌كێ سه‌ربازى یێ داعش هاته‌ پشتراستكرن

11/01/2016 19:22

118

ئه‌ڤرۆ نیوز:
ئه‌نجوومه‌نێ ئاسایشا هه‌رێما كوردستانێ كوشتنا به‌رپرسه‌كێ سه‌ربازى یێ رێكخراوا تیرورستیا داعش راگه‌هاند.
ئه‌نجوومه‌نێ ئاسایشا هه‌رێما كوردستانێ د راگه‌هاندنه‌كێ دا دیاركریه‌” ئه‌ڤرۆ به‌رى نیڤرۆ ل ده‌ڤه‌ره‌كا باكوورێ حه‌وێجه‌، تیرورست ئه‌حمه‌د عه‌بدولا حه‌سه‌ن، به‌رپرسێ سه‌ربازیێ كه‌رتێ دبس یێ داعش یێ به‌رنیاس ب ( ئه‌بو سه‌یف و ئه‌بو حوزه‌یفه‌ و له‌یس) د هێرشێن توپبارانكرنا فرۆكێن هه‌ڤپه‌یمانان دا هاتیه‌ كوشتن.

ل دووڤ پێزانینێن ئه‌نجوومه‌نێ ئاسایشێ، ئه‌بو سه‌یف به‌رى نوكه‌ سه‌رپه‌رشتێ مه‌شق و راهێنانێن چه‌كدارێن داعش بوویه‌ ل حه‌ویجه‌ ل سه‌ربازگه‌ها ئه‌بو عومه‌ر به‌غدادى، پاشان سه‌رپه‌رشتیا پرانیا كریارێن تیرورستى یێن گوندێن باكوورێ رۆژئاڤا كه‌ركووكێ وه‌ك قه‌ره‌ته‌په‌ و باجوان و قه‌زا دبس كریه‌ و چه‌ند جاران ژى تیرورستێن خوه‌كوژ ره‌وانه‌ى كه‌ركووكێ كرینه‌ و وه‌ك گه‌فه‌كێ بوویه‌ بۆ سه‌ر هه‌رێما كوردستانێ.

سه‌باره‌ت خواندنا ئێڤاران برياره‌ك هاته‌ دان

11/01/2016 17:13

693

ئه‌ڤرۆ نيوز:

وه‌زاره‌تا خواندنا بلند و ڤه‌كولينێن زانستى ئه‌ڤرۆ رێنمايێن پێدانا ناسناڤێ زانستى په‌سه‌ند كرن و بريار ل سه‌ر ڤه‌كرنا خواندنا ئێڤاران ل زانكۆيێن حكومى كر كو ب پاره‌كێ كێمتر ژ زانكۆيێن ئه‌هلى قوتابى بهێنه‌ وه‌رگرتن.

د كومبوونا ئه‌ڤرۆ يا وه‌زاره‌تێ دا، به‌حسێ ڤه‌كرنا كۆليژێن خواندنا ئێڤاران ل زانكۆيێن حكومى بۆ سالا خواندنێ 2015 – 2016 هاته‌ كرن و بريار هاته‌ دان كو پشكێن دخوازن ڤه‌كه‌ن دڤێت كوالێتيا خواندنێ و پێدڤيا بازارێ كارى ل به‌رچاڤ بهێنه‌ وه‌رگرتن و 30 % دڤێت كرێيا خواندنێ ژ زانكۆيێن تايبه‌ت كێمتر بيت.

ب وێنه‌: وه‌زيرێ ئه‌وقافێ ب وه‌كاله‌ت ئه‌ڤ كاره‌ ل دهۆكێ كرن

11/01/2016 13:54

1580

ئەڤرۆنیۆز، سالار دۆسکی:
ل ژێر چاڤدێریا د. پیشتوان ساد وەزیرێ ئەوقاف و کارۆبارێن ئاینی ب وەکالەک و ب ئامادەبوونا فەرھاد ئەمین پارێزگەرێ دھۆکێ و رێڤەبەرێ گشتیێ ئەوقاف و کارۆبارێن ئاینی پارێزگەھا دھۆکێ و چەند کەساتیێن دەرڤەرێ، ئەڤرۆ 11/1/2016 ئاڤاھیێ نوویێ رێڤەبەریا گشتی یا ئەوقاف و کاروبارێن ئاینی دھۆکێ ھاتەڤەکرن، دووڤدا ئاڤاھیێ رێڤەبەریا کارۆبارێن مەسیحیان ل تاخێ بارزان ھاتە ڤەکرن تەنشت پارکا بارزانی.

هه‌ر وه‌سان ل ھولا ساخلەمی یا دھۆکێ کومبوونەک ل گەل ھەژمارەکا مەزن یا زانایێن ئاینی کر و دناڤا ھولێ دا پەیڤەک پێشکێشکر و رۆلێن زانایێن ئاینی د دیرۆک و مێژوویا مللەتێ کورد دا بلند نرخلند و ئاشکراکر کو ئەو زانایێن ئاینی یێن ھاتینە ڤەگوھاستن ئەگەر ئەوبوویە کو ئەڤە تشتەکێ نورمالە و ھەموو جھان گوھۆرین ھەیە.

دیسان خواست زانایێن ئاینی پتر رۆلێ خوە ببین دپێشڤەبرنا جڤاکی دا و کار بکەن و ھاندانا خەلکی بدەن و تایبەت کەسانێ، دەولەمەند بۆ ئاڤاکرنا مزگەڤتان ھەکە جھەکی پێدڤی بوو و ھەکە نە ھاند بدەن قوتابخان ئاڤا بکەن و ئەڤە ھەر بۆ زارۆکێن وانە.

ل دووماھێ وەزیرێ ئەوقاف و کارۆبارێن ئاینی خواست بەردەوام دوعا بۆ پێشمەرگێ کوردستانێ بھێنەکرن ل سەر مینبەرێن مزگەڤتان، دووڤ دا گوھداریا چەند خواست و گلە و گازندێن زانایێن ئاینی کر و بەرسڤا ھەموو پرسێن وان دا.

ھەڤدەم ھەر د سەردانا خوە دا بۆ پارێزگەھا دھۆک نوکە وەزیرێ ئەوقافێ ل قەزا زاخۆ یە و ب مەرەماڤەکرنا قوتابخانەکێ ل وێ قەزایێ و ھەر ئەڤرۆ دێ رێورەسمێن سەردانا وی ب دووماھی ھێن بۆ پارێزگەھا دھۆک.

نيشاندان 1...70 1,070 2,070 2,0742,0752,076...2,744 زێده‌تر

لاپه‌ر 2,075 ژ 2,744