ئەڤرۆ نیوز، سالار دۆسکی:
رێڤەبەرێ راگەھاندنێ ل رێڤەبەریا گشتی یا پەروەردێ ل پارێزگەھا دھۆکێ ئاشکراکر کو ل سەر فەرمانا وەزیرێ پەروەردێ رێڤەبەرێ پەروەردا دھۆک یا رۆژھەلات ھاتیە ڤەگوھاستن بۆ پەروەردەکا دی ل سنورێ پارێزگەھا دھۆک.
ئەحمەد عەبدولا زبێر رێڤەبەرێ راگەھاندنێ ل رێڤەبەریا گشتی یا پەروەردێ ل پارێزگەھا دھۆکێ بۆ مالپەرێ ئەڤرۆ نیۆز گۆت: ل سەر فەرمانا د.پیشوان سادق وەزیرێ پەروەردێ حوکمەتا ھەرێما کوردستانێ، سەمیر عەبدولعزیز رێڤەبەرێ پەروەردا دھۆک رۆژھەلات ھاتە ڤەگۆھاستن بۆ رێڤەبەریا پەروەردا قەزا سێمێلێ و سوباھی 12/1/2016 دێ دەست ب کاربیت.
ئەحمەد زوبێری ئاشکراکر ژی کو پوستێ رێڤەبەریا پەروەردا دھۆک رۆژھەلات و ل سەر پێشنیارا وەزیرێ پەروەردێ دێ بۆ ئافرەتەکێ بیت و ئەڤە ب سیڤی دێ ھێتە پرکرن و ل دووڤ چەندین مەرجان، کو دڤێت باروەرناما بەکالوریوس و پێ ھەل ھەبیت، چ نەخوشی ل جەم نەبن، چ سزایێن قانوونی ل سەر نەھاتبیتە زیندانکرن.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى نوچێن گرنگ
كاره‌با 20 ئه‌مپێرى كه‌فته به‌ر راپرسيێ
ئه‌ڤرۆ نيوز:
رێڤه‌به‌ريا ئامارا سلێمانيێ سه‌باره‌ت بوونا كاره‌با نيشتمانى ب 20 ئه‌مپرى، دێ راپرسيێ ئه‌نجام ده‌ت.
راپرسيێ ئه‌ڤه دو رۆژه يێ ل هه‌موو قه‌زا و ناحيێن سلێمانيێ و ئيدارا راپه‌رين و گه‌رميان و پارێزگه‌ها هه‌له‌بجه ده‌ست پێ كريه و 3 هزار خێزان وه‌ك نموونا بۆ رووپيڤا راپرسيێ دياركرينه.
مه‌حمود ئوسمان، رێڤه‌به‌رێ ئامارا سلێمانيێ راگه‌هاند: ل سه‌ر داخوازا پارێزگه‌ها سلێمانيێ و لژنا قه‌يرانان ل پارێزگه‌ها سلێمانيێ ئه‌ڤ راپرسيه هاته ئه‌نجادان.
بارزانى و هێرۆ دێ كۆم بن
ئه‌ڤرۆ نيوز:
ب گۆره‌ى گۆتنێن مه‌حمود محه‌مه‌د ئه‌ندامێ مه‌كته‌با سياسى يا پارتى ديموكراتى كوردستان ل ڤان رۆژێن بهێت ژ بلى كۆمبوونا هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان، دێ مه‌سعود بارزانى سه‌رۆكێ هه‌رێما كوردستانێ و هێرۆ ئيبراهيم ئه‌حمه‌د هه‌ڤژينا سكرتێرێ گشتيێ ئێكه‌تى نشتيمانى كوردستان كۆم بن.
پەرلەمانتارێن عیراقێ پشتەڤانێن سەربخوەیا کوردستانێ نە
ئەڤرۆ نیوز:
ئەندامەکێ جڤاتا نوونەرێن عیراقێ ژ فراکسیۆنا پارتی دیموکراتی کوردستان ئاشکراکر کو ئەو داخویانیێن پەرلەمانتارێن عیراقێ ل دۆر سەربخوەیا کوردستانێ ددەن، تنێ مەرەمەک پێ ھەیە و بەرۆڤاژی پشتەڤانیێ ل سەربخوەیا کوردستانێ دکەن.
ئیسلام حسێن گۆلی، ئەندامێ جڤاتا نوونەرێن عیراقێ ژ فراکسیۆنا پارتی دیموکراتی کوردستان بۆ رۆژناما ئەڤرۆ گۆت” چەرخەک ل سەر ڕێککەفتناما (سایکس بیکۆ) ی ڤە دەرباز بوو و خەلکێان وەلاتێن ھاتینە دروستکرن ژ ئەنجامێ وێ ڕێککەفتنێ، چو ژیانەکا خوەش ل گەل ئێک نەدیت، چونکی ب ھەموو تشتان ل گەل ھەڤدو ناگونجن و جوداھی ژ ئێک دو ھەل گەل ئێک یا ھەی”.
ئیسلام گولی زێدەتر گۆت” بۆ ئاڤاکرنا ھەر وەلاتەکی، دڤێت سەربخوەیا ئابووری ھەبیت و ئابوورێ وێ د دەستی وێ دابیت و بلا کێماسی ھەبن ژی، ھەتا رادەکێ باش، کوردستانێ سەربخوەیا ئابووری یا ھەی و عیراقێ ژی ھەتا رادەکی باوەری ب ڤێ چەندێ یا ھەی، دیسان ئەوژی دەرەھەکە بۆ سەربخوەیێ کو وەلاتێن جیران ل سەر بنیاتێ بەرژوەندیان پشتەڤان و ھاریکاربن، د ھەمان دەم دا ژی کوردان گەلەک دەرگەە یێن ھەین بۆ زێدەبوونا داھاتێ خوە، وەکو دەرگەھێن سنۆری ، گەشت و گوزار، چاندن و گەلەک سامانێن دی یێن سرۆشتی یێن ھەین”.
ھەمبەر ھەلویستێ لیستێن عەرەبی و تایبەت یێن شیعی ل سەر دامەزراندنا دەولەتا کوردستانێ، ڤی پەرلەمانتارێ ل سەر فراکسیۆنا پارتی ئاشکراکر کو” داخویانیێن پەرلەمانتارێن عیراقێ ل سەر سەربخوەیا کوردستانێ یێن د پشت کامیرێن دەزگەھێن راگەھاندنێ ددەن چو راستی بۆ نینە، بەلکو بەرۆڤاژی وان داخویانیان، ئەو پشتەڤانێن دروستبوونا دەولەتا کوردی نە، پەرلەمانتارەکێ عیراقی ب خوە ژی گوتە من، ھەموو پەرلەمانتار پشتەڤانێن وێ چەندێ نە کو کوردستان سەربخوە بیت و بۆ من دیارکر کو بۆ وان ئەو باوەری یا پەیدابووی کو ئێدی کورد ناڤەگەرن سەر ب عیراقێ ڤە و ئەڤە مافێ ھەوە کوردانە، نە ئاخا ھەوە وەکو یا مەیە و نە زمان و نە کەلتۆر و نە ھەتا ڕەفتار ژی”.
ب دیتنا ئیسلام گولی” باوەری یا بوو سونە و شیعان پەیدابووی بۆ جودابوونا کوردستانێ، تنێ دەم یێ کا کەنگی دێ سەربخوەیا کوردستانێ ھێتە راگەھاندن”.
سەبارەت مانا پەرلەمانتارێن کورد ل بەغدا، ئیسلام گولی گۆت” ھەبوونا ئەندامێن کورد ل بەغدا گەلەک یا گرنگە و ناھێلین تشتێ ھەی ژ دەست بچیت، ھەکە ب ھەبوونا ھەموو ئەندامێن کورد ژ ھەموو لیستان ل بەغدا نەبا، ل مەھێن بۆری ھەموو بزاڤ دھاتنەکرن 17% ھاتبا کێمکرن بۆ 10% و راستە ھەر ئەوژی ناھێـتەدان، بەلێ دیارکرنا رێژا بۆدجا ھەرێما کوردستانێ دناڤ بۆدجا عیراقێ دا گەلەک یا گرنگە، راستە بۆمە ھەموویان نەخوەشە ئەم ل بەغدا، بەلێ ھەبوونا مە ھەر چاوان بیت گەلەک یا باشە، ھەر چ پۆست بیت، وەزیر، ئەندام پەرلەمان، بریکارَن وەزیران و کەسانێن لەشکەری بن”.
ئیران لاوێن کورد بۆ شەری رەوانی سووریێ دکەت
ئەڤرۆ نیوز:
چاڤدێرەکێ سیاسی ل رۆژھەلاتێ کوردستانێ راگەھاند کو ئیرانێ دەست ب کەمپینا پاراستنا ئاخا پیرۆز کریە کو مەبەست ژ وێ کەمپینێ پاراستنا رژێما سووریێ یە، ھەتا نھا پتر ژ دو سەد لاوێن کورد یێن کو بەری نھا چەکدارێن رژێمێ بوون بەرێ وان داینە سووریێ و ھەتا نھا گەلەک کورد ل سووریێ ژی ھاتنە کوشتن لێ راستیا بابەتی بۆ خەلکی ناھێتە ئاشکرا کرن.
ئەڤرۆ، ھۆشەنگ تاجر:
کاوس عەزیزی چاڤدێرێ سیاسی ل رۆژھەلاتێ کوردستانێ بۆ رۆژناما ئەڤرۆ دیار کر کو دەمەکە ل ئیرانێ کەمپینا پاراستنا ئاخا پیرۆز ھاتیە دەستپێ کرن کو ژ ئالیێ فەرماندارێن سۆپایێ پاسداران ڤە دھێتە برێڤە برن و نھا ژی ل رۆژھەلاتێ کوردستانێ خەباتا خوە بەردەوام دکەن و گۆت: (بەرپرسێن ئیرانێ ل ژێر ناڤێ پاراستنا ئاخا پیرۆز لاوێن کورد رەوانەی سووریێ دکەن دا کو شەری بۆ پاراستنا رژێما بەشاری بکەن، ل گۆر زانیاریێن ل بەر دەستێ مە د چەند سالێن بۆری دا چەندین کورد ل سووریێ ھاتینە کوشتن، لێ بەرپرسێن ئیرانێ راستیا روودانێ بۆ مالبات و کەسوکارێن وان ئاشکرا ناکەن و ناھێلن کو چو دەزگەھێن راگەھاندنێ ژی بەحسێ بابەتی بکەن و تنێ دبێژن کو د رێیا خودێ دا جانێ خوە ژ دەست دایە و شەھیدە).
ناڤھاتی د بەردەوامیا ئاخڤتنا خوە دا ئەو یەک ژی دیار کر کو پشتی ئالۆزبوونا پەیوەندیێن ئیرانێ ل گەل سعوودیێ و وەلاتێن دی یێن عەرەبی نھا ھەوەکا سەربازی ل گەلەک باژێرێن ئیرانێ و رۆژھەلاتێ کوردستانێ دەستپێ کریە، مەبەستا سەرەکی یا رژێما ئیرانێ ئەوە کو دخوازیت ل ھەمبەر ھەر پێشھاتەکێ د ئامادە بن و دخوازن وەک شەرێ ئیرانێ و عیراقێ دیسان کوردان بکار بینن، چونکو ئەم دزانین د شەرێ ئیران و عیراقێ دا ب ھزاران لاوێن کورد ھاتنە کوشتن و چارەنڤیسێ ھزاران کەسان ژی ھەتا نھا دیار نینە، نھا ژی ئیران گەلەک تەنگاڤ بوویە و بەرھەڤیان بۆ شەری دکەت و رۆژانە ژی دەزگەھێن راگەھاندنا ئیرانێ بەحسێ مەترسیێن سعوودیێ و تورکیا بۆ سەر جیھانا ئیسلامی و ب تایبەتی ژی ئیرانێ و شیعان دکەن و گۆت: (مخابن کو لاوێن کورد ژ بۆ پاراستنا بەرژەوەندیێن رژێما ئیرانێ دھێنە بکار ئینان و دیرۆک خوە دوبارە دکەت).
سەبارەت ب ھندێ کا بۆچی ھندەک لاوێ کورد چەکی بۆ رژێما ئیرانێ رادکەن و دچنە سووریێ دا شەری بکەن ژی چاڤدێرێ سیاسی دیار کر کو چەندین فاکتەرێن گرنگ ھەنە، ب تایبەتی ژی خرابیا بارێ ژیانێ و نەبوونا دەلیڤا کاری وەسا لێ کریە کو لاوێن کورد چەکی بۆ رژێما ئیرانێ راکەن، چونکو ب ھزاران دەرچوویێن زانکۆیان ل رۆژھەلاتێ کوردستانێ ھەنە کو نھا بێکارن و د رەوشەکا خراب دا دژین و نەچار دبن کو چەکی بۆ رژێما ئیرانێ راکەن و گۆت: (خالا دی ژی نەبوونا خەباتەکا بەرچاڤ یا پارتێن رۆژھەلاتێ کوردستانێ یە، چونکو نھا ڤالاھیەکا گەلەک مەزن ل رۆژھەلاتی دروست بوویە و دەزگەھێن ھەوالگیری و سازیێن دی یێن دەولەتێ ژی دزانن کو دشێن زوو کاریگەریا خوە ل مێشکێ لاوان بکەن و وان بۆ مەرەمێن خوە یێن سیاسی بکار بینن و ژ بەر ڤان فاکتەران ژی مخابن لاوێن کورد ل رۆژھەلاتێ بەرێ خوە ددەنە سووریێ و شەری بۆ پاراستنا رژێمەکێ دکەن کو ھەتا نھا ب ھزاران لاوێن کورد کوشتینە و بێ سەروشوون کرینە).
چاڤدێرێ سیاسی د دووماھیا ئاخڤتنا خوە دا ئەو یەک ژی دیار کر کو ژ بەر زۆرداری و تەپەسەریا کو نھا ل رۆژھەلاتی ھەیە کەس نەشێت راستیان بۆ خەلکێ ئاشکرا کەت و ژ بەر ھندێ ژی مەیدان بۆ ھێزێن ھەوالگیری و ئێمناھیێن ئیرانێ چۆل بوویە و ئەو ژی ل گۆر بەرنامێ خوە کار دکەن و بێگومان ئەو یەک کارەساتەکا مەزنە، چونکو شەرمەکا مەزنە لاوێن کورد بچنە سووریێ و شەری بۆ پاراستنا رژێمەکا داگیرکەر ل سەر پارچەکا ئاخا وەلاتێ خوە بکەن.
هوله‌ندا ئاماده‌ییا خوه بۆ هاریكاریكرنا هه‌رێما كوردستانێ دوپات دكه‌ت
ئه‌ڤرۆ نیوز : ڤه‌ده‌ر ره‌شاڤایی:
ئه‌ڤرۆ 1/10/2016 سه‌رۆكێ هه‌رێما كوردستانێ مه‌سعود بارزانی پێشوازی ل شانده‌كێ هۆله‌ندی كو پێكهاتبوو ژ لۆدڤایك ئاشه‌ر، جێگرێ سه‌رۆك وه‌زیرێن هۆله‌ندا، و ژوونین هێنیس پلاشخارت وه‌زیرا به‌رگرییا هۆله‌ندا كر.
د كۆمبوونێ دا به‌حسێ ره‌وشا نها ل هه‌رێما كوردستانێ و ده‌ڤه‌رێ و شه‌رێ دژی تیرۆرستێن داعش هاته كرن.
هه‌روه‌سا ژ ئالیه‌كێ دی ڤه نێچیرڤان بارزانی سه‌رۆك وه‌زیرێن هه‌رێما كوردستانێ دگه‌ل شاندێ هۆله‌ندی كۆم بوو و شاندێ هۆله‌ندی ئاماده‌ییا خوه بۆ پشته‌ڤانیكرنا چاكسازیێن ئابۆریێن حكومه‌تا هه‌رێمێ ده‌ربری.
ب وێنه: كه‌سه‌ك بۆ قوربانى
ئه‌ڤرۆ نیوز:
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوز دیاركر ئه‌ڤرۆ ل ده‌مژمێر 12 نڤیرۆ ل سه‌ر رێیا سه‌ره‌كیا دێره‌بوون و گرشینى ل نهالا گوندێ كیلكى، روودانه‌كا هاتن و چوونێ د ناڤبه‌را دو ترۆمبیێلان دا ( تویوتا كرولا تایبه‌ت سپى، مان بارهه‌لگر تانكه‌ر) روودا و د ئه‌نجامدا شوفێرێ ترۆمبێلا تویوتا بۆ قوربانى روودانێ و سه‌ره‌راى زیانێن مه‌زن گه‌هشتنه ترۆمبێلان.
د قوناغا دویێ یا چاکسازیێ دێ 21 بريار هێنه دان
ئەڤرۆ نیوز،زنار تۆڤی:
سەرۆکێ حوکمەتا هەرێما کوردستانێ نێچیرڤان بارزانی قوناغا دویێ یا چاکسازیێ دێ راگەهه‌هينيت و تێدا 21 بریاران دێ دەڕێخيت ,
فرسه‌ت سوفى ئه‌ندامێ په‌رله‌مانێ كوردستانێ دياركر كو نێچيرڤان بارزانى ئيمزا ل سه‌ر قوناغا دوێ يا چاكسازيان كريه كو ژ 21 بريارا پێك دهێت ژ وان دڤێت دو مۆچەیی نەمینیت ل هەرێمێ و سێ پالاوگەهێن نەفتێ ل دهوک و سلێمانیێ و هەولێرێ بهێنە دڕوستکرن،وەرگرتنا قەرزێن بازرگان و کومپانیان بۆ ماوێ هەیڤەکێ بۆ حوکمەتێ بهێنە ڤەگەراندن،هەروەسا خانیێن خەلک تێدا ل سەر وەلاتیان بهێنە تاپۆکڕن، برینا زیادەرویێ دکارەبێ دا. هەروەسا دیارکریە ژی،گوهۆرینا داهاتێ نەفتێ ژ دولاری بۆ دینارێ عێراقی دڤێت لژێر سەرپەرشتیا لیژنەیەکا بالا دابیت.
ئیراق ئینانا ڤی به‌رهه‌می ژ 24 وه‌لاتان قه‌ده‌غه‌دكه‌ت
ئه‌ڤرۆ نیوز: ڤه‌ده‌ر ره‌شاڤایی:
ژ ترسا نه‌خۆشییا ئه‌نفلوه‌نزا بالندا حكومه‌تا ئیراقێ هاورده‌كرن و ئینانا به‌رهه‌مێن هه‌می بالندان كو مریشكان ژی بخوه‌ڤه دگریت قه‌ده‌غه‌كر.
ئه‌ڤێن ل خارێ ناڤێن وان وه‌لاتانه كو به‌رهه‌مێن وان ژ بالندێن ساخ و گوشت و هێكان مه‌ترسیی هه‌یه كو ئه‌نفلوه‌نزا بالندان په‌یدا كه‌ت، پرانیا وان وه‌لاتێن ئاسیایی و ئه‌فریقی نه:
مسر، هندستان، ئیسرائیل، فه‌لستین، چین ، به‌نگلادش، بوركینیا، بوهتان، غانا، هۆنگ كۆنگ، كوتێ دیڤوا، نیپال، نایجیریا، كازاخستان و ئه‌فریقیا باشۆر، كۆریا باشۆر و باكۆر، مه‌كسیك، میانمار، ڤیێتنام، نایجیر، لیبیا، لاوس.
ڤيديۆ: دو دزيكه‌ر هاتنه ده‌سته‌سه‌ركرن
نيشاندان
WP Facebook Auto Publish Powered By : XYZScripts.com