ئه‌ڤرۆ نيوز: ره‌وان نهێلى:
وه‌هبى يونس سه‌رۆكێ لقێ دهۆك يێ ئێكه‌تيا ماموستايێن كوردستانێ بۆ ئه‌ڤرۆ نيوز دياركر : نێچيرڤان بارزانى سه‌رۆكێ حكومه‌تێ د كومبوونا ئه‌ڤرۆ دا دو سوز داينه وان ئه‌وژى موچێ ماموستايان ناهێته كێمكرن و ئه‌و نيڤ موچێ ماى ل نێزيك دێ ده‌ن.
وه‌هبى يونس ئاماژه ب وێ يه‌كێ دا كو د كومبوونێ دا به‌حسێ هندێ هاتيه كرن كو ئه‌گه‌ر چ كێمكرنه‌ك د مووچه‌ى دا بهێته كرن، رێژه‌يه‌كا كێم به‌ر ب ماموستايان بكه‌ڤيت و دادپه‌روه‌يه‌ك ل دووڤ ئاستێ موچێ فه‌رمانبه‌ران تێدا هه‌بيت و گوت: داخوازيا مه يا نه‌دانا نيڤ موچه‌ى ، داخوازيه‌كه بۆ هه‌موو فه‌رمانبه‌ران ژبه‌ر كو پرانيا فه‌رمانبه‌ران ژيانا وان يا گرێدايه ب مووچه‌ى ڤه.
وه‌هبى يونس دياركر كو نێچيرڤان بارزانى به‌حسێ وێ يه‌كێ ژى كر كو ئه‌م لژنا دێ چاڤدێريا داهاتێ هه‌رێمێ كه‌ت، نوونه‌رێ ماموستايان ژى دێ تێدا بيت.
سه‌باره‌ت پرسا وان ماموستايێن رێيا وان دوور و ژ ده‌رڤه ده‌وامێ دكه‌ن، وه‌هبى يونس گوت: برياره ل ڤان چه‌ند رۆژان رێڤه‌به‌ريێن په‌روه‌رێ ل گه‌ل وه‌زيرێ په‌روه‌ردێ كوم ببن بۆ وێ يه‌كێ چه‌ند رۆژه‌ك بۆ وان ببيته بهێنڤه‌دان، ژبه‌ر كو قه‌يرانا دارايى يه و ب زه‌حمه‌ته ماموستا هه‌ر رۆژ هاتن و چوونێ بكه‌ن.
نيشاندان