ئه‌ڤرۆ نيوز:
شانده‌كێ ئێكه‌تيا ئورۆپا ل گه‌ل ئێكگرتوويا ئيسلامى كوردستان كۆمبوون و ئه‌ندامه‌كێ مه‌كته‌با سياسى يا ئێكگرتوو ژى ناڤه‌رۆكا كۆمبوونێ ئاشكه‌را كر.
ئه‌ڤرۆ رۆژا ئێكشه‌مبى رێكه‌فتى 31ى كانوونا دويێ 2016 شانده‌كێ ئێكه‌تيا ئورۆپا و ژماره‌كا قونسلێن وه‌لاتێن بيانى ب سه‌رۆكاتيا پاتريك گه‌يسن به‌پرسێ نڤيسينگه‌ها ئێكه‌تيا ئورۆپا ل هه‌رێمێ ل گه‌ل ئێكگرتوو ئيسلامى كوردستان كومبوون.
پشتى كۆمبوونێ خه‌ليل ئيبراهيم ئه‌ندامێ مه‌كته‌با سياسى يا ئێكگتروو ئيسلامى د كۆنگره‌كێ رۆژنامه‌ڤانى دا راگه‌هاند: د چارچۆڤێ كۆمبوونێ دا شاندێ ئێكه‌تيا ئورۆپا ته‌كست ل سه‌ر ئێكرێزيا لايه‌نێن سياسى يێن هه‌رێمێ و چاره‌كرنا كێشێن سياسى و ئابوورى كريه ب تايبه‌ت بابه‌تێ مووچێ فه‌رمانبه‌ران و ئاماژه ب وێ چه‌ندێ كر كو ئه‌و ل گه‌ل وێ چه‌ندێ نه كو نوكه ده‌مێ ريفراندۆمێ نينه و پێدڤيه هه‌رێما كوردستانێ كێشێن خوه ل گه‌ل به‌غدا چاره بكه‌ت، به‌لێ د هه‌مان ده‌م دا ته‌كست ل سه‌ر وێ چه‌ندێ كر كو ئه‌نجامدانا راپرسيێ مافێ چاره خوه‌نڤيس و مافه‌كێ ره‌وا و شه‌رعى يێ گه‌لێ كورده.
ده‌رباره‌ى هه‌لويستێ ئێكگرتوو ئيسلامى ل دۆر ئه‌نجامدانا ريفراندۆمێ ئه‌ندامێ ئێكگرتوو ئيسلامى وكردستان ئاماژه ب وێ چه‌ندێ كر كو ئه‌و ل گه‌ل ئه‌نجامدانا ريفراندۆمێ نه ژ به‌ر كو قووناغا نوكه بۆ ئه‌نجامدانا ريفراندۆمێ و راگه‌هاندنا سه‌ربه‌خۆيا كوردستانێ يا گۆنجاى يه و گۆت: “شاندێ ئێكه‌تيا ئورۆپا ته‌كست ل سه‌ر وێ چه‌ندێ كر كو بابه‌تێ سه‌ربه‌خۆى، ب تنێ گه‌لێ كورد دێ بڕيارێ ل سه‌ر ده‌ت و چو كه‌س نه‌شێت رێگر بيت”.
خه‌ليل ئيبراهيم ئاماژه ب وێ چه‌ندێ ژى كر كو ئه‌وان داخوازا مينحه‌كا داراى ژ ئێكه‌تيا ئورۆپا بۆ هه‌رێما كوردستانێ كريه ب كۆژمێ سێ بۆ چار مليار دۆلاران، د به‌رامبه‌ر دا ئێكه‌تيا ئورۆپا ئاماده‌يا ئێكه‌تيێ ده‌ربڕى، قه‌رزى پێشكێشى حوكمه‌تا عيراقێ بكه‌ن و د ڤێ چارچۆڤه‌ى دا دێ پشكا هه‌رێمێ يا 17% هێته دابينكرن.
به‌رى وان ژى شاندێ ئێكه‌تا ئورۆپا ل گه‌ل كۆمه‌لا ئيسلامى كۆم بووينه و بڕياره د داهاتى دا، شاندێ ناڤبرى ل گه‌ل پارتى ديموكراتى كوردستان كۆم ببيت.
نيشاندان