ئه‌ڤرۆ نيوز:
ده‌نگدان ل كۆنگرێ هه‌ده‌پێ ب دووماهى هات و بۆ دووه‌م جار، ده‌ميرتاش و یوکسەکداغ وه‌ك هه‌ڤسه‌رۆكێ هه‌ده‌پێ هاتنه هه‌لبژارتن ڤه.
پشتى كو ئه‌ڤرۆ كۆنگرێ هه‌ده‌پێ ل ئه‌نقه‌ره هاتيه ئه‌نجامدان، دده‌نگدانێ دا، سەڵاحەدین دەمیرتاش و فیگان یوكسەكداغ، ب هه‌ڤسه‌رۆكێن هه‌ده‌پێ هاتنه هه‌لبژارتن ڤه.
ئه‌ڤرۆ نيوز:
به‌رپرسێ په‌يوه‌نديێن ده‌رڤه يێ پارتا ديموكراتا كوردستان راگه‌هاند ل سه‌ر بنه‌مايێ رێككه‌فتنا ستراتيژى دێ ل گه‌ل ئێكه‌تيا نيشتيمانيا كوردستانێ رێككه‌فتنه‌كا نوى ئيمزا كه‌ن.
هێمن هه‌ورامى به‌رپرسێ په‌يوه‌نديێن ده‌رڤه يێ پارتا ديموكراتا كوردستان راگه‌هاند: پارتى ديموكراتى كوردستان و ئێكه‌تيا نيشتمانيا كوردستانێ هه‌ر ئێك ژ وان پرۆژێن خوه يێن هه‌ين بۆ رێككه‌فتنێ و خالێن هه‌ڤپشك د ناڤبه‌را مه‌دا د زورن.
هێمن هه‌ورامى دياركرژى: ره‌وشا ئابوورى و سياسى و پرسا ريفراندومێ و ره‌فتاركرن ل گه‌ل به‌غدا و پێكئينانا حكومه‌تا هه‌ڤپه‌يمانى نه حكومه‌ته‌كا بنگه‌ه به‌رفره خالێن هه‌ڤپشكێن د ناڤبه‌را مه‌دا.
ئه‌ڤرۆ نيوز:
كومبوونا نێچيرڤان بارزانى سه‌رۆكێ حكومه‌تا هه‌رێما كوردستانێ و قوباد تاله‌بانى جێگرێ سه‌رۆكێ حكومه‌تێ ل گه‌ل ئێكه‌تيا ماموستايان ب دووماهى هات.
عەبدولواحید محەممەد، سه‌رۆكێ ئێكه‌تيا ماموستايێن كوردستانێ د كۆنگره‌كێ رۆژنامه‌ڤانى دا گوت: مه داخوازيێن ماموستايان گه‌هاندنه حكومه‌تێ و وان ژى سوزدايه ب جدى كر بۆ دابينكرنا موچێ ماموستايان بكه‌ن و به‌حسێ برينا موچه و ده‌رمالێن ماموستايان نه‌هاتيه كرن،
عەبدولواحید محەممەد، سه‌رۆكێ ئێكه‌تيا ماموستايێن كوردستانێ هه‌ر د وى د كۆنگره‌كێ رۆژنامه‌ڤانى دا ئاماژه ب وێ يه‌كێ كر كو ژنه‌ر نه‌بوونا پاران، نيڤ موچه ب ماموستايان هاتيه دان و ئه‌ڤ برياره يا به‌رده‌وام نابيت.
ئه‌ڤرۆ نيوز:
ل ئه‌نقه‌ره يا پايته‌ختێ توركيا و ل هۆلا ئه‌حمه‌د كشلالى، ئه‌ڤرۆ رۆژا ئێكشه‌مبى رێكه‌فتى 24ى كانوونا دويێ 2016 و ل ژێر دوريمشێ “ديموكراتيا سياسى – به‌رخودانا ديموكراتى – ديموكراتيا كۆمارى” كۆنگرێ دويێ يێ پارتيا ديموكراتا گه‌لان، “هه‌ده‌په” ده‌ست ب كارێن خوه كر.
كۆنگره ب پشكداريا ب هزاران كه‌سان ل هه‌موو باژێر و باژێركێن توركيا و باكوورێ كوردستانێ ده‌سپێكر، هه‌روه‌سا هزار و 49 ئه‌ندامێن هه‌ده‌پێ د كۆنگره‌ى دا پشكدارى ده‌نگدانێ بوون.
ل هۆلا كۆنگره‌ى ب زمانێ كوردى و توركى و عه‌ره‌بى مه‌راسيم ده‌سپێكرن و د هه‌مان ده‌م دا وێنه‌كێ مه‌زنێ عه‌بدۆلا ئۆجه‌لان، سه‌رۆكێ زيندانكريێ پارتيا كرێكارێن كوردستانێ “په‌كه‌كه” ل گه‌ل شه‌هيدێن پارتيا خوه هه‌لاويست بوو.
ب گۆره‌ى نوچه‌كێ ئاژانسا ديجله د ڤى كۆنگره‌ى دا، هه‌ڤسه‌رۆكێن پارتيا هه‌ده‌پێ دێ هێنه هه‌لبژارتن، به‌لێ دهێته چاڤه‌رێكرن چو گورانكارى د پۆستێ هه‌ڤسه‌رۆكێ پارتيێ دا روو نه‌ده‌ن، د به‌رامبه‌ر دا پێشبينى دهێته كرن كو پتريا ئه‌ندامێن جڤاتا پارتيێ بهێنه گوهۆڕين.
ئەڤرۆ نیوز، قائید میرۆ:
ئەڤرۆ رۆژا ئێكشه‌مبى رێكه‌فتى 24ى كانوونا دويێ 2016 چەکدارێن داعش ل باژێڕێ مووسل فەرمانبەرێن ھەردو بانکێن زھور و رافیدەن ئازادکرن و ل سەر کار ھاتنە دەرکرن.
ژێدەرەکێ ئاگەھدار بۆ ئەڤرۆ نیۆز گۆت: “پشتی ل ڕۆژێن بۆری فڕۆکەیێن ھەڤپەیمانان ھەردو بانکێن زھوز و رافیدەین و گوژمەکێ زۆرێ پارە ھاتە ژناڤبرن تیرۆرستێن داعش فەرمانبەرێن ھەردو بانکان دەستەسەرکرن بۆ ڤەکۆلینێ و ھەردو بانک بتەمامی ھاتینە خراپکرن”.
ژێدەری گۆتژی” ئەڤرۆ چەکدارێن داعش 30 فەرمانەرێن بانکێن زھور و رافیدەن ئازادکرن، بەلێ بڕیارھاتەدان ھەموو فەرمانبەر بھێنە لادان ل سەر کارێن وان و نابیت ڤەگەڕن”.
ئه‌ڤرۆ نيوز:
لايه‌نگره‌كێ پله بلندێ بزاڤا گۆڕان ده‌مێ ڤه‌گه‌ريانا نه‌وشيروان مسته‌فا، رێكخه‌رێ گشتيێ بزاڤا گۆڕان ئاشكه‌را دكه‌ت.
دلاوه‌ر حاجى ئۆسمان، لايه‌نگرێ پله بلندێ گۆڕان بۆ گۆڤارا سڤيل راگه‌هانديه كو نه‌وشيروان مسته‌فا ده‌مێ ڤه‌دگه‌ريت دێ ب پرۆژه‌كێ چاكسازى ڤه ڤه‌گه‌ريته كوردستانێ.
دده‌ته زانين ژى كو ئه‌گه‌رێ چوونا وى يا ژ ده‌رڤه بۆ وێ چه‌ندێ دڤه‌گه‌ريت ل سالا 1980ێ نشته‌رگه‌ريه‌ك بۆ فه‌قه‌راتێن خوه كربوو، ل ڤان دووماهيان گه‌له‌ك هه‌ست ب ئێشانێ دكر، بۆ وه‌رگرتنا چاره‌سه‌ريا پێدڤى، سه‌ره‌دانا نوشدارى كريه و چوويه ژ ده‌رڤه كوردستانێ.
دلاوه‌ر ئاماژێ ب وێ چه‌ندێ ژى دكه‌ت كو نوكه ره‌وشا ساخله‌ميا وى “گه‌له‌ك باش” بوويه و د وێ باوه‌رێ دايه ل “هه‌يڤا بهێت” ڤه‌گه‌ريته كوردستانێ.
ئه‌ڤرۆ نيوز:
د ماوێ پێنج هه‌يڤان دا ژ ئه‌گه‌رێ بڕيارا قه‌ده‌غه‌كرنا هاتنوچوونێ ل باكوورێ كوردستانێ و ئه‌نجامدانا ئۆپه‌راسيۆنێن له‌شكرى 198 وه‌لاتيێن سڤيل هاتينه كوشتن.
شه‌ڤا شه‌مبى 23ى كانوونا دويێ 2016 كۆمه‌لا مافێ مرۆڤى ل توركيا راگه‌هاندنه‌ك د ده‌رباره‌ى شه‌ر و ئالۆزيێن باكوورێ كوردستانێ دا به‌لاڤكر و ئامارا قوربانيێن سڤيل ژ ئه‌گه‌رێ ئۆپه‌راسيۆنێن له‌شكرى و بڕيارا قه‌ده‌غه‌كرنا هاتنوچوونێ ئاشكه‌را كر.
ل رۆژا 16ى ته‌باخا 2015ێ هه‌تا 21ى كانوونا دويێ 2016 ژمارا كۆشتيێن سڤيل گه‌هشتيه 198 كه‌سان و د ناڤ وان ژى دا 39 زارۆ و 29 ژن يێن هه‌ين.
ب گۆره‌ى راگه‌هاندنه‌كێ 198 وه‌لاتيێن سڤيل ل باژێرێن ئامه‌د، شرناخ، مێردين، جۆله‌مێرگ، مووش، ئيليهـ و باتمان و 19 باژێرێن دى يێن سه‌ر ب ڤان باژێران ڤه د ماوێ 58 رۆژێن بۆرى دا بڕيارا قه‌ده‌غه‌كرنا هاتنوچوون و به‌رده‌وامبوونا ئۆپه‌راسيۆنا له‌شكرى هاتينه كوشتن.
د پشكه‌كا دى يا راپۆرتێ دا هاتيه، ب گۆره‌ى ئاماران ئێك مليۆن و 377 هزار وه‌لاتيێن باكوورێ كوردستانێ د ل ڤان حه‌فت باژێران ل ژێر مه‌ترسيا خرابيا كاودانێن ساخله‌ميێ و ئابوورى و جڤاكى دانه.
ئه‌ڤرۆ نيوز: ره‌وان نهێلى:
د سالا 2015 ێ دا، وه‌لاتێ يابانێ 99% داخوازيێن وان كه‌سان ره‌تكرينه يێن داخوازا په‌نابه‌ريێ ل وى وه‌لاتى كرى و ب تنێ 27 كه‌س وه‌ك په‌نابه‌ر وه‌رگرتينه كو ئه‌ڤه دده‌مه‌كێ دايه به‌ره‌ڤانيكه‌رێن مافێ مروڤى، داخواز ژ يابانێ كرينه زێده‌تر داخوازيێن خه‌لكى وه‌رگرن.
وه‌زاره‌تا داد يا يابانێ رۆژا شه‌مبى به‌لاڤكريه كو يابانێ 7586 داخوازى بۆ په‌نابه‌ريێ پێ گه‌هشتينه و د به‌رامبه‌ر دا 99% داخوازيێن وان هاتينه ره‌تكرن هه‌روه‌كى ئاژانسا فرانس پرێس به‌لاڤكرى.
وه‌زاره‌تا داد به‌لاڤكريه ئه‌ڤه دده‌مه‌كێ دايه كو وه‌رگرتنا په‌نابه‌ران ل يابانێ زێده‌بوويه ل چاڤ سالا 2014 و 2013 كو ل 2014 ب تنێ 11 كه‌س يێن وه‌رگرتين و سالا 2013 ب تنێ 6 كه‌س يێن وه‌رگرتين.
ئه‌ڤرۆ نيوز:
ب مه‌ره‌ما دانوستاندنێ ل سه‌ر قه‌ريانێن و داراى و بابه‌تێ پاشكه‌فتنا مووچه‌ى، كۆمبوونا سه‌رۆكێ حوكمه‌تا هه‌رێما كوردستانێ ل گه‌ل ئێكه‌تيا مامۆستايان و مامۆستايێن زانكۆيان ده‌سپێكر.
به‌رى نيڤرۆيا ئه‌ڤرۆ رۆژا ئێكشه‌مبى رێكه‌فتى 24ى كانوونا دويێ 2016 نێچيرڤان بارزانى سه‌رۆكێ حوكمه‌تا هه‌رێما كوردستانێ و ل قوباد ته‌له‌بانى جێگرێ سه‌رۆكێ حوكمه‌تا هه‌رێما كوردستانێ ل گه‌ل ئێكه‌تيا مامۆستايان و مامۆستايێن زانكۆيێ ل باژێرێ هه‌ولێرێ ده‌سپێكر، كۆمبوون بۆ دانوستاندنێ يه ل سه‌ر پرسێن داراى و ديتنا رێيێن چاره‌سه‌ريێ بۆ قه‌يرانا داراى و بابه‌تێ پاشكه‌فتنا مووچان.
دهێته پێشبينيكرن د ڤێ حه‌فتيێ دا كۆمبوونه‌كا دى يا جڤاتا وه‌زيرێن هه‌رێمێ بهێته كرن بۆ دانوستاندنێ ل سه‌ر ئه‌نجامێن وركشۆپا جڤاتا وه‌زيران كو ب ئاماده‌بوونا بسپۆر و په‌رله‌مانتاران ل باژێرێ هه‌ولێرێ بۆ دانوستاندنێ ل سه‌ر قه‌يرانا داراى و دروستكرنا هه‌ڤسه‌نگيێ د ناڤبه‌را خه‌رجى و داهاتان دا ئه‌نجام دابوو.
نيشاندان