ڤیدیو: ئه‌گه‌رێ راوه‌ستاندنا به‌رنامێ (من سیربح الملیون)

29/12/2015 00:34

1105

ئه‌ڤرۆنیۆز، ئه‌یاد به‌رواری

سه‌ره‌رای وێ چه‌ندێ به‌رنامێ (من سیربح الملیون) ژ سه‌ركه‌فتیترین به‌رنامێن به‌ریكانانێن عه‌ره‌بی بوو كو هزرا وی ژ به‌رنامه‌كێ بیانی هاتبوو وه‌رگرتن و سه‌ره‌رای كو قازانجا دارایی یا مه‌زن بۆ كه‌نالێ MBC و ب سه‌دان پشكدارێن وی به‌رنامه‌ی، به‌لێ ئه‌و به‌رنامه‌ ژ نشكه‌كێڤه‌ راوه‌ستا، سه‌ره‌رای سه‌ركه‌فتنا وی یا بێ وێنه‌، چه‌ندین بۆچوون بۆ راوه‌ستاندنا وی به‌رنامه‌ی هه‌بوون كو ناكۆكی د ناڤبه‌را جورج قه‌رداحی پێشكه‌شكه‌رێ به‌رنامه‌ی و هنده‌ك به‌رپرسێن كه‌نالی یا هه‌ی، به‌لێ هنده‌كێن دی ژی ئه‌گه‌رێ راوه‌ستاندنا وی به‌رنامی دزڤرینن بۆ وان سكالایێن هنده‌ك پشكدارێن به‌رنامه‌ی دژی جورج قه‌رداحی بلند كرین ژبه‌ر ترانه‌ پێكرنا وی ب وان پشكداران.
ئه‌ڤ پارچا ڤیدیۆیی ژی دیاردكه‌ت كا هه‌تا چ ڕاده‌ پێشكه‌شكه‌رێ به‌رنامه‌ی ب خوه‌ ترانا ب پشكداره‌كی دكه‌ت.

سه‌ركردێ له‌شكریێ داعشێ هاته‌ ده‌سته‌سه‌ركرن

29/12/2015 00:23

555

ئه‌ڤرۆنیۆز، ئه‌یاد به‌رواری
چه‌ندین ده‌نگوباس هاتینه‌ به‌لاڤكرن ل دۆر ده‌سته‌سه‌ركرنا فه‌رماندێ له‌شكری یێ ڕێكخستیا ده‌وله‌تا ئیسلامی (داعش) یا تیرۆرستی، ئه‌بو عومه‌ر شیشانی، پشتی ئۆپه‌راسیۆنه‌كا ئه‌سمانی ژلایێ هێزێن ئه‌مریكی و پێشمه‌رگه‌ی ل باشوورێ كه‌ركووكێ.
ل دووڤ (روسیا الیوم)، ده‌زگه‌هێن راگه‌هاندنێ یێن عیراقی ژ هنده‌ك ژێده‌ران ڤه‌گوهاستیه‌ كو” هێزێن تایبه‌ت یێن ئه‌مریكی دو سه‌ركردێن دی یێن داعشێ ل گه‌ل شیشانی یێن ده‌سته‌سه‌ركرین و 7 كه‌سێن كه‌سێن دی ژی یێن كوشتین، د ئۆپه‌راسیۆنه‌كێ دا ل رۆژا ئه‌ینی یا بۆری ل ناحیا ریاز ل كه‌ركووكێ”.
ژێده‌ره‌كێ ئه‌منی ل پارێزگه‌ها كه‌ركووكێ، ل رۆژا شه‌مبیا بۆری، راگه‌هاندبوو كو هێزه‌كا تایبه‌ت یا هه‌ڤپشك پرۆسه‌كا له‌شكری ل سه‌ر هژماره‌كا باره‌گایێن داعشێ ل ناحیا ریاز ل باشوورێ ڕۆژئاڤایێ كه‌ركووكێ ئه‌نجامدا و هنده‌ك به‌لگه‌نامێن گرنگ بده‌ستڤه‌ئینان و چه‌ندین چه‌كدارێن داعشێ ژی ده‌سته‌سه‌ركرن.
تورخان باتیرشفیلی یێ به‌رنیاس ب (ئه‌بو عومه‌ر شیشانی) ل جورجیا ژداكیبوویه‌ و سه‌ركردێ گرۆپا (جیش المهاجرین والانصار) كو ژ چه‌كدارێن شیشانی پێك دهات، پاشی گه‌هشته‌ تیرۆرستێن داعشێ و ل سالا 2013 ێ بوو فه‌رمانده‌كێ سه‌ره‌كیێ چه‌كدارێن داعشێ ل باكوورێ سووریێ.

ل تلسقۆف پێشمه‌رگه‌ چاڤه‌رێ چيه‌؟

28/12/2015 22:55

1147

ئەڤرۆ نیوز، بارزان مزووری:

فه‌رمانده‌كێ پێشمه‌رگه‌ى راگه‌هاند كو ب ره‌نگه‌كێ به‌رده‌وام چه‌كدارێن داعش هێرشى سه‌نگه‌رێن وان دكه‌ن و ئه‌و هێرش ب شكه‌تنێ ب دووماهى دهێن و نوكه‌ ئه‌و چاڤه‌رێ بڕيارا سه‌رۆك بارزانى دكه‌ن.

ليوا خدر، جێگرێ فه‌رمانده‌يا سپيلك ل ميحوه‌رێ تلسقۆف بۆ ئه‌ڤرۆ نيوز گۆت: “ئه‌ڤه‌ چه‌ند رۆژه‌ ب ره‌نگه‌كێ به‌رده‌وام تيرۆرستنێ داعش بزاڤێ دكه‌ن هێرشێ بكه‌نه‌ سه‌ر هێزێن پێشمه‌رگه‌ى و ژ لايێ پێشمه‌رگه‌ى ڤه‌ هێرشێن وان هاتينه‌ تێكشكاندن”.

زێده‌تر گۆت: “چاڤێ پێشمه‌رگه‌ى يێ ل بڕيارا سه‌رۆك بارزانى كو هه‌ر بڕياره‌كا جه‌نابێ سه‌رۆك بارزانى بده‌ت به‌رهه‌ڤن بۆ وى كارى”.

ناڤبرى گۆتژى: “مزگينيێ دده‌ينه‌ خه‌لكێ خوه‌ كو ل سه‌ر ده‌ستێ ڤان قاره‌مانان و ب سه‌رپه‌رشتيا سه‌رۆك بارزانى سه‌ربه‌خۆيا كوردستانێ گه‌له‌ك يا نێزيك بووى”.

ژ لايه‌كێ دى ڤه‌ موقه‌دم زێره‌ڤان، رێڤه‌به‌رێ ئاسايشا مووسل ل تلسقۆف بۆ مالپه‌رێ ئه‌ڤرۆ نيوز ئاشكه‌را كر كو ده‌ڤه‌را تلسقۆف ل بن كۆنترۆلا پێشمه‌رگه‌ و ئاسايشێ ڤه‌يه‌ و به‌ردوام هێرشێن چه‌كدارێن داعش دهێنه‌ ژناڤبرن”.

هوشدارى ژى دا خه‌لكى كو كه‌س گوهێ خوه‌ نه‌ده‌ته‌ تابۆرێ پێنجێ ئه‌وێ ترسێ دئێخيته‌ د ناڤ جڤاكى دا و گۆت: “ل هه‌موو ميحوه‌ران پێشمه‌رگه‌ يێ د ئاماده‌باشيێ دا و مورالا وان گه‌له‌ك يا بلنده‌”.

داواكاريا گشتى: دێ ڤەکۆلین ل گەل دەمیرتاش ھێتە کرن

28/12/2015 21:42

128

ئەڤرۆ نیوز، ئەیاد بەرواری:
داواکاریا گشتی ل تورکیا راگەھاند ئەڤرۆ دو شەمبی 28 دیسێمبەرێ، راگەھاند ئەو دێ ڤەکۆلینێ ل گەل (سەلاحەدین دەمیرتاش) ھەڤسەرۆکێ پارتا دیموکراتا گەلان (ھەدەپە) ڤەکەت، پشتی سەرەدانا وی یا ڤێ دووماھیێ بۆ رۆسیا بوویە جھێ گەنگەشێ ل تورکیا و داخۆیانی ل موسکۆ داین و گوتی ئێخستنا فرۆکا رۆسی ژلایێ تورکیا ڤە کارەکێ شاش بوو، د بەرسڤێ دا سەرۆک وەزیرێن تورکیا گوتبوو ( ئەڤ داخویانی یە خیانەتە).
داواکاریا گشتی ل ئەنقەرە، ل دووڤ سایتێ (ھاڤنگتۆن پۆست) گوت” ڤەکۆلین دێ ھێتە ئەنجامدان ژبەر وان داخۆیانیێن دەمیرتاشی داین ل دۆر پرسا (ڕێڤەبەریا خوەسەر) بۆ کوردان ل تورکیا و ڤەکۆلین دگەلدا دێ ل دووڤ قانوونا گرێدای تاوانێن دژی سیستەمێ دستووری ھێتە کرن.
دەمیرتاش ھەڤسەرۆکێ مەزنترین پارتا پشتەڤانیا کوردان دکەت ل تورکیا کو ل دووماھی ھەلبژارتن ل چریا ئێکێ، نۆڤێمبەرا بۆری 78 کورسی ل پەرلەمانێ تورکی بدەستڤەئیناین، دەمێ سەرەدانا رۆسیا کری ل 23 ڤێ مەھێ، راگەھاندبوو ( ئێخستنا فرۆکا رۆسی ژلایێ تورکیا ڤە شاشی بوو) و داود ئوگلۆی سەرۆک وەزیرێن تورکیا ئەڤ داخۆیانیا دەمیرتاشی ب (خیانەت) ھژمارت و کۆمبوونەکا خوە ل گەل وی ل دۆر دانوستاندنێ ل سەر بەرھەڤکرنا دستوورێ نوو بۆ تورکیا ھەلوەشاند.
سەرۆک وەزیرێن تورکیا ئەڤرۆ دوشەمبی راگەھاند کو ئەو دێ دانوستاندنێ ل دۆر پرسا بەرھەڤکرنا رەشنڤیسا دستوورێ نوو یێ تورکی ل گەل ھەموو لایەنان ئەنجام دەت، بەلێ ئەو دانوستاندنێ ل دۆر ئێکگرتنا ئاخا تورکیا ل گەل کەسێ ناکەت، وەکو ئاماژەک بۆ سەلاحەدین دەمیرتاش ھەڤسەرۆکێ پارتا دیموکراتا گەلان (ھەدەپە).

ژ ئه‌گه‌رێ روودانان زێده‌ترى 80 كه‌سان بووينه‌ قوربانى

28/12/2015 21:19

352

ئه‌ڤرۆ نيوز، نيوار محه‌مه‌د سه‌ليم:

د كۆنگره‌كێ رۆژنامه‌ڤانى دا، ئه‌ڤرۆ رۆژا دوشه‌مبى رێكه‌فتى 28ى كانوونا دويێ يا 2015ێ رێڤه‌به‌ريا به‌ره‌ڤانيا باژێرى ئامارا روودانێن 2015ێ راگه‌هاند كو ئه‌ڤه‌ 10 ساله‌ رێژا روودانان ب ڤى ره‌نگى زێده‌ نه‌بوويه‌.

رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ گۆت: “ئه‌ڤ ساله‌ سێ هزار و 94 روودان هاتينه‌ تۆماركرن”.

زێده‌تر گۆت: “82 كه‌س د ڤان روودانان دا بووينه‌ قوربان و 36 كه‌سان گيانێ خوه‌ ژ ده‌ست دايه‌؛ 25 خه‌ندقينه‌ و 11 كه‌س ژى سوتينه‌ و 46 ژى بريندار بووينه‌”.

رائيدێ مافپه‌روه‌ر دا زانين ژى كو ژ ئه‌نجامێ ڤان روودانێن ل سالا 2015ێ رووداين، زيانێن مادى ب كۆژمێ شه‌ش مليار و 900 مليۆن ديناران هاتينه‌ خه‌ملاندن “55 هزار دۆنه‌مێن ئه‌ردى ژى ژ ئه‌گه‌رێ بۆردۆناما فرۆكێن توركيا هاتينه‌ سۆتن”.

به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ ل دۆر خولێن هوشياريێ ژى ئاشكه‌را كر كو 79 خۆل هاتينه‌ ڤه‌كرن كو تێدا دو هزار و 530 كه‌سان پشكدارى تێدا كريه‌.

ل دووماهيێ ژى بێوار عه‌بدولعه‌زيز گۆت: “د ماوێ 10 سالێن بۆرى دا ئه‌ڤ رێژا روودانێن زێده‌ ل پارێزگه‌ها دهۆكێ نه‌هاتينه‌ تۆماركرن”.

حوكمه‌ت دێ ده‌وام و مووچێ فه‌رمانبه‌ران كێم كه‌ت

28/12/2015 20:20

4087

ئه‌ڤرۆ نيوز، نيوار محه‌مه‌د سه‌ليم:

حوكمه‌تا عيراقێ ل به‌ره‌ به‌رامبه‌ر كێمكرنا ده‌مێ ده‌وامێ، مووچێ فه‌رمانبه‌ران ژى كێم بكه‌ت، ژێده‌ره‌ك ژى ئاشكه‌را دكه‌ت كو وه‌زاره‌تا دارايى پێشنيازه‌كا نوو بۆ حوكمه‌تێ بلند كريه‌.

ژێده‌ره‌كێ پله‌ بلندێ وه‌زاره‌تا دارايى يا عيراقێ بۆ “غه‌د پرێس” راگه‌هاند: وه‌زاره‌تێ پێشناز كريه‌ كو د حاله‌تێ هاتنه‌خوارا بهايێ په‌ترۆلێ ل بازارێن جيهانێ، نيڤ مووچه‌ى بده‌نه‌ فه‌رمانبه‌ران و د به‌رامبه‌ر ژى دا ده‌واما فه‌رمانبه‌ران بهێته‌ ب نيڤيكرن.

ئاشكه‌را ژى كر كو داهاتێ عيراقێ نوكه‌ ملياره‌ك و 400 مليۆن دۆلاره‌، ئه‌و ژى ب تنێ به‌هرا مووچه‌ى هه‌تا هه‌يڤا شوباتێ دكه‌ت.
ب گۆتنا ژێده‌رى، وه‌زاره‌تا دارايى بۆ رێگريگرتن ل هه‌رسهێنانا دارايى و ئيفلاسبۆنێ دو پێشنياز بۆ جڤاتا وه‌زيران كرينه‌ ئه‌و ژى يا ده‌واما رۆژانه‌ يا فه‌رامانبه‌ران بكه‌نه‌ دو شێفت و مووچێ وان بهێته‌ كێمكرن يان ژى مۆله‌تا ب ته‌عداى بده‌نه‌ نيڤه‌كا فه‌رمانبه‌ران و د به‌رامبه‌ر دا ب تنێ مووچێ بنه‌ره‌ت بده‌نه‌ فه‌رمانبه‌ران.
جوكمه‌تا عيراقێ بۆ ب ده‌ستڤه‌ئينانا داهات و بودجه‌ى ب رێژا 95% ب تنێ پشت ب داهاتێ په‌ترۆلا فرۆتى ببه‌ستيت و نوكه‌ رۆژانه‌ بهايێ په‌ترۆلێ روو ل كێمێ دكه‌ت ب ره‌نگه‌كى كو بهايێ ئێك به‌رميلا په‌ترۆلا خاڤ د ناڤبه‌را 35 بۆ 38 دۆلارايه‌ و بودجێ عيراقێ ژى تووشى كۆرتئينانانه‌كا مه‌زن بوويه‌ و د چه‌ند رۆژێن داهاتى ژى كۆژمێ ئێك مليار و 200 مليۆن دۆلاران وه‌كو قه‌رز ژ سندوقا دراڤى يا نێڤده‌وله‌تى وه‌رگرتيه‌.

لژنا مواليدا بهايێ ئه‌مپێرێ كاره‌بێ ل دهۆكێ دياركر

28/12/2015 20:14

3039

ئه‌ڤرۆ نيوز، نيوار محه‌مه‌د سه‌ليم:

ئه‌ڤرو نیڤرو 28-12-2015 ب سه‌رپه‌رشتیا به‌رێز فه‌رهاد ئه‌مین ئه‌تروشی پارێزگه‌رێ دهوكێ وب ئاماده‌بونا به‌هزاد علی ئاده‌م جێگرێ پارێزگه‌رێ دهوكێ وچه‌ند رێڤه‌به‌رێن فه‌رمانگه‌هێن په‌یوه‌ندیدار ونونه‌رێن خودانێن موه‌لیدا كومبونا لیژنا موه‌لیدا هاته‌ سازكرن.
دكومبونێدا به‌حسێ ره‌وشا كاره‌با گشتی وكێمبونا وێ ل وه‌رزێ زڤستانێ ورولێ موه‌لیدێن ئه‌هلی بو پركرنا ڤالاتیا نه‌بونا كاره‌با گشتی وچاوانیا چاره‌سه‌ركرنا گله‌ وگازندێن وه‌لاتیان ب گشتی هاته‌ كرن.

پارێزگه‌رێ دهوكێ ته‌كه‌زكر كو دڤێت ئه‌م وه‌كو پارێزگه‌ها دهوكێ وخودانێن موه‌لیدا هاریكاریا وه‌لاتیان بكه‌ین وبه‌رژه‌وه‌ندیا گشتی ل به‌رچاڤ وه‌رگرین وژوه‌لاتیان ژی خواست كو ئابوریێ دمه‌زاختنا كاره‌با گشتی بكه‌ن دا كاره‌با گشتی ده‌م ژمێرێن پتر هه‌بیت.
پاش دكونگره‌كێ روژنامه‌ڤانیدا پارێزگه‌رێ دهوكێ گوت: “ئه‌م دگه‌ل خودانێن موه‌لیدا ولیژنا موه‌لیدا گه‌هشتینه‌ رێكه‌فتنێ كو بهایێ ئێك ئه‌مپێرێ كاره‌با موه‌لیدێ بو هه‌ر ده‌م ژمێره‌كی (1500) دیناربن ل دوڤ رێژا وێ یه‌كێ كو روژانه‌ موه‌لیدا هه‌شت ده‌م ژمێرا كاركریه‌ ، ئانكو بهایێ ئه‌مپێری بو ڤێ هه‌یڤێ دبیته‌ (12) هزار دینار بو مالا”.
هه‌روه‌سا دیاركر بو هه‌یڤا بهێت خودانێن موه‌لیدا دێ كاره‌بێ ل ده‌م ژمێرێن سپێده‌یان ژی موه‌لیدا هه‌لكه‌ن. .. دیسان بهایێ ئێك ئه‌مپێرێ كاره‌با موه‌لیدا یا بازرگانی ژی ژ2500دینارا بو 2000هزار دیناران هاته‌ كێمكرن كوبهایێ ئه‌مپێری بو ڤێ هه‌یڤێ دبیته‌ 16هزار دینار وپارێزگه‌ها دهوكێ ژی دێ گازوایلێ ب بهایێ حكومه‌تێ ده‌ته‌ خودانێن موه‌لیدا.

ب ناڤێ كارگێریا پارێزگه‌ها دهوكێ و لیژنا موه‌لیدا سوپاسیا خودانێن موه‌لیدا كر بوهاریكاریا وان دگه‌ل پارێزگه‌هێ ودوباره‌ داخاز ژوه‌لاتیان كر كوئابوریێ دمه‌زاختنێ دا بكه‌ن.
رێڤه‌به‌رێ گشتی یێ كاره‌بێ كمال محمدصالح دیاركركو گرتنا ده‌رگه‌هێ سنوری دگه‌ل تركیا بو ماوێ پتر ژ14روژان بو ئه‌گه‌رێ راوستاندنا پێنچ یه‌كه‌یێن به‌رهه‌م ئینانا كاره‌بێ ل كواشێ وباعه‌درێ زێده‌باری بارگرانیا كه‌مپێن ئاوارا وبه‌روكێن شه‌ری دگه‌ل داعش كو پتر ژ200میگاواتان روژانه‌ دهێنه‌ مه‌زاختن.
هه‌ژی گوتنێ یه‌ ئه‌ڤ بهایه‌ بو قه‌زایێن دهوك وسێمێل وزاخو هاتینه‌ دانان وجهێن دی دێ ل دوڤ رێژا كاركرنا ده‌م ژمێرێن موه‌لیدا بیت.

1935864_752980804807544_5742458555172518110_n

10351150_752980801474211_3607476016963619522_n

پارتى ڤێ داخوازيێ ژ گۆڕان دكه‌ت

28/12/2015 19:57

454

ئه‌ڤرۆ نيوز:

ئومێد خۆشناو سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو دڤێت ئێدى گۆڕان قه‌بوول بكه‌ت كو ئێدى چو رێكه‌فتن گه‌ل پارتى نه‌ماينه‌ و ئێدى يوسف محه‌مه‌د سه‌رۆكێ په‌رله‌مانى نينه‌ و دڤێت گۆڕان ئێدى ببيته‌ ئۆپۆزسيۆن.

ڤیدیۆ: فه‌رماندا هێزا پشتيوانى ترۆمبێله‌كا داعش يا TNT ل ڤێ ده‌ڤه‌رێ ژناڤبر

28/12/2015 19:36

445

ئەڤرۆ نیوز، بارزان مزووری:

ئەفسەرەکی ژ ھێزێن پێشمەرگەی ل میحوەرێ ناوەران کو نەڤیا ناڤێ وی دیار بیت بۆ ئەڤرۆ نیوز ئاشکرا کر کو ئەڤرۆ 28/12/2015 پێشمەرگەیێن کەتیبا تانک یا فه‌رماندا ھێزێن پشتیوانی 1 ل میحوەرێ ناوەران ترومبێلەکا مین رێژ کری یا چەکدارێن تیرورستێن داعش پەقاند.
وی ژێدەری ئاشکرا کر کو ل دووڤ دەنگویێ پەقینێ کو ئەو ترۆمبێل رێژەیەکا مەزن یاTNT د ناڤ بوویە، ھیڤیا پلانەکێ بوون کو دژی پێشمەرگەی بکار بینن، پێشمەرگەی نەھێلا پلانا وان ب سەرکەفتیانە بھێتە ئەنجام دلان.

سه‌ليم جبۆرى ژ بارزانى خواست كو رۆلێ خوه‌ بۆ نێزێكرنا لايه‌نێن سياسى و شه‌راكه‌تا راسته‌قينه‌ بگێريت

28/12/2015 18:13

342

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ رۆژا دوشه‌مبى رێكه‌فتى 28ى كانوونا دويێ يا 2015ێ سه‌رۆكێ هه‌رێما كوردستانێ پێشوازى ل سه‌رۆكێ جڤاتا نوونه‌رێن عيراقێ كر.

د ديداره‌كێ دا، سه‌ليم جبۆرى سه‌رۆكێ جڤاتا نوونه‌رێن عيراقێ پيرۆزباهيا سه‌ركه‌فتنێن پێشمه‌رگه‌ى ل سه‌رۆك بارزانى كر و ده‌ستخۆشى ل قاره‌مانى و ئازايه‌تيا هێزێن پێشمه‌رگه‌يێ كوردستانێ كر د روو ب رووبوونا تيرۆرستێن داعش دا كر و هيڤى خواست ب هيمه‌تا هێزێن عيراقێ و پێشمه‌رگه‌ى و پشته‌ڤانيا هێزێن هه‌ڤپه‌يمانان ده‌ڤه‌رێن دژى ژ بن ده‌ستێ تيرۆرستێن داعش رزگار بكه‌ن.

د پشكه‌كا دى يا ڤێ ديدارێ دا، سه‌رۆكێ جڤاتا نوونه‌رێن عيراقێ ده‌ستخۆشى ل بارزانى و حوكمه‌ت و خه‌لكێ هه‌رێما كوردستانێ كر بۆ وه‌رگرتن و حه‌واندنا ئاواره‌ و تووشبوويێن پارێزگه‌هێن دى يێن عيراقێ كو ژ ئه‌گه‌رێ داگيركرنا ده‌ڤه‌رين وان ژ لايێ داعش ڤه‌ روو ل هه‌رێما كوردستانێ كريه‌.
سه‌رۆكێ جڤاتا نوونه‌رێن عيراقێ داخواز ژ سه‌رۆكێ هه‌رێما كوردستانێ ژى كر كو رۆلێ خوه‌ ل نێزيكرنا هێز و لايه‌نێن سياسى و پێكهاتێن عيراقێ بگێريت ژ بوو چاره‌كرنا كێشان و ب ده‌ستڤه‌ئينانا شه‌راكه‌تا راسته‌قينه‌.

نيشاندان 1...90 1,090 2,090 2,0992,1002,101...2,744 زێده‌تر

لاپه‌ر 2,100 ژ 2,744