ئەڤرۆ نیوز،زنار تۆڤی:
پەیڤدارێ میحوەرێ مەخموور یێ هێزا پێشمەرگێ کوردستانێ دا دیارکرن،ئەڤڕۆ پلاندارێژێ هێرشێن چەکدارێن داعش بۆ سەر میحوەرێ مەخموور ئەڤرۆ ژلایێ هێزێن پێشمەرگەی ل باژێڕکێ قەڕاج سەر ب مەخموورڤە هاتیە کوشتن،ناڤێ وی تیرۆرستی محسن عیسا عەبد بوویە، ب موهەلهەل یێ ناسیار بوو،ب سەرپەرشتیا ڤی تیڕۆرستی چەندین جاران داعشێ هێرش ئیناینە سەر دەڤەرا مەخموورێ.
ئه‌ڤرۆ نيوز:
توركيا و ئسرائيل كار ژ بوو ئاسايكرنا په‌يوه‌نديێن خوه دكه‌ن و ئه‌نقه‌ره ژى دێ غازا سرۆشتى ژێ كريت، به‌رپرسه‌كێ ئسرائيل ژى دبێژيت: “د ئاماده‌ينه قه‌ره‌بوويا قوربانيێن گه‌شتا ئازاديێ بكه‌ين”.
به‌رپرسه‌كێ ئسرائيلى راگه‌هاند: د چارچۆڤێ كۆمبوونا نهێنى يا ل سويسرا ب رێڤه‌چووى، نوونه‌رێن توركيا و ئسرائيل گه‌هشتنه لێك تێگه‌هشتنه‌كێ ل سه‌ر ئاسايكرنا په‌يوه‌نديێن خوه كو ل سالا 2010ێ ئالۆزى كه‌فتبوويێ.
ب گۆتنا وى به‌رپرسێ ئسرائيلى ئاماده‌يا خوه ده‌ربڕيه قه‌ره‌بوويا قوربانيێن روودانا گه‌شتيا ئازاديێ كو ل سالا 2010ێ ژ لايێ هێزێن وه‌لاتێ وان ڤه ل ده‌ريا مه‌رمه‌ر هاتبوو په‌لاماردان ژ ئه‌گه‌رێ وێ چه‌ندێ ژماره‌كا وه‌لاتيێن تورك هاتبوونه كوشتن.
ئاماژه ب وێ چه‌ندێ ژى كر كو د به‌رامبه‌ر وێ ئاماده‌يا حوكمه‌تا تل ئه‌بيب، توركيا ژى دێ غازا سرۆشتى ژ ئسرائيل كريت وه‌كو شوونگره‌ك بۆ بازارێ رۆسيا.
ئەڤرۆ نیوز، ئەیاد بەرواری
دیرۆکنڤیسەکێ مسری دیاکر کو باژێرێ (قودسێ) چو پیرۆزیا خوە نینە بۆ موسلمانان و ناڤێ (قودسێ) د 200 سالێن ئێکێ ژ پەیدابوونا ئیسلامێ د دیرۆکا ئیسلامی دا نەھاتیە.
دیروکنڤیسێ مسری دکتۆر (یوسف زێدان) د بەرنامێ (ممکن) ل سەر شاشا کەنالێ (CBC) یێ مسری ل 16/12/2015ێ گوت” مزگەفتا ئەقسا یا ل سعودیێ و ل قودسێ نینە” ئاماژە دا بۆ مزگەفتا (التنعیم) ل مەکێ” گوت ژی” موسلمانان قودس ژ سەلیبیان ستاند تنێ ژبۆ کەرامەتێ”.
داخویانیێن ڤی دیرۆکنڤیسێ مسری ھاتن پشتی ھژمارەکا زانایێن ئایینی و چالاکڤانان، ژوان ژی موفتیێ مسرێ یێ بەرێ (عەلی جومعە) رەخنێن توند لێکرین.
یوسف زێدان د دیدارا خوەدا دبێژیت” ناڤێ مالا پیرۆز (البيت المقدس) ل سەر ناڤێ عبری یێ کەڤن (مالا ھمقداش) یا ھاتیە کرن”.
دیارکر ژی” پەیڤا (قودس) د ھەردو چەرخێن ئێکێ و دویێ یێن پەیدابوونا ئیسلامێ، د دیرۆکا ئیسلامی دا نەھاتیە” و گوت” ئەو پرسا بەحس ژێ دکەین لایەنێ شەرعی یێ ھەی و لایەنەکێ دیرۆکی و یێ سیاسی ژی”.
خویاکر ژی” ئەز تەحەدایێ دکەم ھەکە پەیڤا (قودسێ) یان ( مالا پیرۆز) د 250 سالێن ئێکێ یێن ژیێ ئیسلامێ دا ھاتبیت و ناڤێ وێ یێ دروست ب عبری (مالا مقداش) بوو و ئەمەویان بۆ مەرەمێن سیاسی ئەو ناڤە گوھارتبوو و ئەمەویان کەعبە خرابکر و (قوبەتولسەخرە) ئاڤاکر دا ھەستێ موسلمانان بەرامبەر مەکە بۆ قودسێ ب گوھۆرن”.
ڤی دیروکنڤیسێ مسری گوت ژی” دەمێ سەلاحەدین ئەیوبی قودس کونترۆلکری، ب وێرانکری بجهـ ھێلا” داخواز ژی کر کو دەڤەرا (مالا پیرۆز) ل قودسێ ل شوینا شەڕان، ببیتە کومەلگەھەکێ ئاینان و باژێرەکێ جیھانی بۆ ھەموو ئاینان، چ مەسیحی یان موسلمان یان جوھی”.
ئەڤرۆ نیوز، ئەیاد بەرواری:
سەرۆکێ رێکخستیا دەولەتا ئیسلامی (داعش) یا تیرۆرستی فەرمانا ھنارتنا 50 سەرکردێن دیار یێن وێ رێکخستیا تیرۆرستی ژ مووسلێ بۆ لیبیا دەرکر.
سایتێ (المسلە) ژ زاردەڤێ ژێدەرەکی ژ مووسل بەلاڤکر” ئەبوبەکر بەغدادی فەرمانا ھنارتنا وان 50 سەرکردێن داعشێ کریە بۆ سەربازگەھێن وێ رێکخستیا تیرۆرستی ل لیبیا و ئەو سەرکرێن ھاتینە ھنارتن ژ سەرکردێن داعشێ یێن رێزا ئێکێ نە”.
دیارکر ژی” ھندەک سەرکردێن داعشێ کو ھەلگرین رەگەزنامێن عەرەبی و بیانی نە ل مووسلێ و دەڤەرێن دی یێن پارێزگەھا نەینەوا یێن دبن کونترۆلا داعشێ ڤە ل وێ پاریزگەھێ نەماینە کو دھێتە ھژمارتن بنگەھێ سەرەکیێ دویێ یێ داعشێ پشتی پارێزگەھا رەقە یا سووری”.
خویاکر ژی” د ڤێ مەھێ دا، لەشکرێ ئەمریکی کوشتنا سەرکردێ دیارێ داعشێ (ابو نبیل العراقی) ل لیبیا راگەھاندبوو کو ئەو ئێک ژوان سەرکردێن داعشێ بوو ئەوێن ژ عیراقێ چووینە لیبیا و کوشتنا وی ژی چوونا ھژمارەکا سەرکردێن داعشێ بۆ لیبیا پشت راست دکەت”.
پشتی ھێزێن پێشمەرگێ کوردستانێ سەرکەفتنێن مەزن ل سەر داعشێ تۆمارکرین و چەندین دەڤەرێن کوردستانی ئازادکرین و بەحس ل ئازادکرنا مووسلێ ژی دھێتە کرن، ھژمارەکا مەزن یا سەرکردێن داعشێ ژ مووسلێ بەر رەقە و لیبیا ڕەڤینە.
ئه‌ڤرۆ نيوز:
سپێده‌هيا ئه‌ڤرۆ چه‌كدارێن داعش ل ميحوه‌رێ مه‌خمۆر هێرش كره سه‌ر هێزێن پێشمه‌رگه‌ى و هه‌تا ده‌مژمێر 8:00 سپێدێ يا به‌رده‌وام بوو.
ب گۆره‌ى ئه‌و پێزانينێن ل به‌ر ده‌ست، ل ڤى ميحوه‌رى، هێزێن پێشمه‌رگه‌ى ب ته‌مامى هێرشا داعش تێكشكاند و ته‌رمێ 19 چه‌كدارێن داعش ل به‌ر ده‌ستێ هێزێن پێشمه‌رگه‌ى دا و دده‌نه زانين كو زێده‌ترى 50 چه‌كدارێن داعش د ڤێ هێرشێ دا هاتينه كوشتن.
ل ميحوه‌رێ رۆژئاڤايێ كه‌ركووك ژى هێزێن پێشمه‌رگه‌ى تووشى هێرشه‌كێ بوون، به‌لێ ژ به‌ر كو ئه‌وان پێزانين ل سه‌ر وێ هێرشێ هه‌بوون، هه‌ر زوو هاته تێكشكاندن و ئارمانجا چه‌كدارێن داعش ب جهـ نه‌هات.
سه‌ربه‌ست تروانشى، به‌رپرسێ ميحوه‌رێ ناوه‌ران ژى د داخۆيانيه‌كێ دا راگه‌هانديه: د 48 ده‌مژمێرێن بۆرى دا، ژ ئه‌نجامێ هێرشێن به‌رده‌وامێن چه‌كدارێن داعش ئه‌و شياينه 75 كه‌سان ژێ بكوژن و ب مخابنى ڤه ل وى ميحوه‌رى پێشمه‌رگه‌ى ژى شه‌هيده‌ك هه‌بوويه.
تروانشى دايه زانين ژى كو ئه‌و ب مه‌ره‌ما برنا ته‌رمێن خوه وان بزاڤان دكه‌ن كو ئه‌ميره‌كێ داعش د ناڤ دايه و گۆت: “هه‌ر كه‌سێ بهێت دا ته‌رمه‌كى ژى ببه‌ت ئه‌و ب خوه ژى دێ بيته ته‌رم”.
ئه‌ڤرۆ نيوز:
حوكمه‌تا ئه‌لمانيا بڕيار دا چه‌ك و ته‌قه‌مه‌نيێن زێده‌تر پێشكێى هێزێن پێشمه‌رگه‌ى بكه‌ت بۆ ب كارئينان د شه‌رێ دژى رێكخراوا تيرۆرستى يا داعش دا.
ئەڤرۆ نیوز،زنار تۆڤی:
ئەڤرۆ کۆمبوونا ئەنجوومەنێ ئاسایشا نێڤدەولەتی ل باژێرێ نیویۆرک یێ ئەمریکی برێڤەچوو،د وێ کۆمبوونێ دا ب زۆرینەیا دەنگان بریارا ژمارە 2253 پەسەندکر،کو ژێدەرێن دارایی یێن گڕووپێن تیرۆرستی بهێنە بنبرکرن،هەروەسا ئەنجوومنێ ئاسایشا نێڤدەولەتی بریاردا کو ئەو دێ دگەل وەلاتێن جیرانێن سووریا هەڤکاریێ کەن بۆ نەهێلانا ژێدەرێن دارایی یێن داعشێ.
ئه‌ڤرو نیوز:بارزان مزوورى
سه‌ربه‌ست تروانشى، ، فه‌رماندێ پێشمه‌رگه‌ى ل میحوه‌رێ ناوه‌ران بو مالپه‌رێ ئه‌ڤرو نیوز ئاشكرا كر كو هێرشا داعش یا 16/12/2015 پلانه‌كا سه‌رانسه‌رى بو كو هێرشێ بكه‌نه سه‌ر هێزێن پێشمه‌رگه‌ى و ئارمانجا وان ئه‌و بو كو خالێن برجێ ناوه‌ران كونترول كه‌ن و بكه‌ڤنه لبن كونترولا وان و به‌رده‌وام ب جیهازى گازى هه‌ڤدو دكرن و دگوتن هوون گه‌هشته خالا بورجا، ده‌مێ داعش ده‌ست ب هێرشێ كرى پێشمه‌رگه‌ى ئێكسه‌ر ده‌ست ب شه‌رێ خو دكرو ب چه‌كێ جوراوجور هێرشا وان هاته تێك شكاندن .
ناڤبرى دیار كر كو ل شه‌ڤا بورى داعش نه‌شیان كوشتى و بریندارێن خو دناڤ شه‌رى قورتال كه‌ن و د شه‌رێ ئه‌ڤرۆ ژى دا، داعش 75 ته‌رمێن خوه بجه هێلاينه كو پتریا وان سه‌ركرده‌یێن وان بون و ییێن بیانى بون.
ئه‌ڤرۆنیۆز، ئه‌یاد به‌رواری
رۆژنامه‌كا توركی به‌لاڤكر، ئه‌و مۆشه‌كێن داعشێ ئاراسته‌ی سه‌ربازگه‌ها به‌عشیقه كو تێدا سه‌ربازێن تورك ب كارێ مه‌شقدانێ ڕادبن و تێدا چار سه‌رباز برینداربووین، مۆشه‌كێن روسی بوون.
رۆژناما (ینی شه‌فه‌ق) یا توركی كو سایتێ (هاڤینگتۆن پۆست) ژێ ڤه‌گه‌هاستی، دبێژیت” داعشێ مۆشه‌كێن كاتیۆشا د توپبارانكرنا وی سه‌ربازگه‌هی دا بكارئینان، ئه‌ڤ چه‌نده ژی بوویه جهێ پرسیارێ ل دۆر ڕێیا ئه‌ڤ چه‌كه دگه‌هنه ده‌ستێ داعشێ”.
دیاركر ژی” دبیت داعشێ ب شێوه‌كێ ئێكسه‌ر ئه‌و چه‌كه ژ رژێما ئه‌سه‌دی ل سووریێ وه‌رگرتبیت، ین ژی، ب ڕێیا ده‌ست ل سه‌رداگرتنا عومبارێن چه‌كی”.
نيشاندان