ئه‌ڤرۆ نیوز:
پشتى ئه‌ندامێن ئوپێك سه‌باره‌ت كێمكرنا ئاستێ به‌رهه‌مئینانا نه‌فتێ و كونترولكرنا گه‌له‌ك ئێخستنه نه‌فتێ بۆ بازارى شكه‌ستن خوارى، رۆژ بۆ رۆژ بهایێ به‌رمیلا نه‌فتێ یێ كێم دبیت و ل دووڤ بازارێ سوته‌مه‌نیێ جیهانێ، نوكه بهایێ به‌رمیله‌كا نه‌فتا خاڤ ب 35 دولار و 35 سه‌نتا ره‌فتار ل گه‌ل دهێته كرن، هه‌ڤده‌م به‌رمیله‌كا نه‌فتا برێنتیش ژى بۆ 38 دولاران هاتیه خوار كو نه‌فتا كوردستانێ ژى ب بهایێ نه‌فتا برێنتیش ره‌فتار ل گه‌ل دهێته كرن.
ئه‌ڤرۆ نیوز:
بابه شێخ، مه‌زنه زه‌لامێ ئاینێ ئێزدیان داخواز دكه‌ت كو شنگال بهێته ئاڤه‌دانكرن و ئه‌و كچێن ئێزدى كو نوكه دده‌ستى داعش دانه بهێنه رزگاركرن.
بابه شێخ داخاز ژ جڤاكێ نێڤده‌وله‌تى و عیراق و هه‌رێما كوردستانێ كر كو هاریكاریا شنگالێ بهێن و ئاڤه‌دان بكه‌ین.
ددرێژیا ئاخافتنێن خوه‌دا، بابه شێخ گوت: بۆ ماوێ دو سالانه، خه‌لكێ مه، ئاواره‌ى چیایێ شنگال و چه‌ند ده‌ڤه‌رێن دن یێن هه‌رێما كوردستانێ بووینه، ئه‌و د ره‌وشه‌كا گه‌له‌ك دژواردا دژین، له‌وما داخاز دكه‌ین ب زووترین ده‌م ڤه‌گه‌رنه سه‌ر جهێن خوه.
ئه‌ڤرۆنیۆز، ئه‌یاد به‌رواری
ب ڕه‌نگه‌كێ فه‌رمی رووسیا دانپێدان ب شكه‌ستنا ئۆپه‌راسیۆنێن خوه یێن له‌شكری ل سووریێ كر كو ل 30 ئیلۆنا 2015 ێ ده‌ستپێكرین و تێدا چه‌ندین جۆرێن چه‌كی بكارئیناین.
سه‌ره‌رای ئه‌نجامدانا 140 هێرشێن ئه‌سمانی د رۆژێ دا هه‌ر ژ ده‌ستپێكا پشكداریا روسیا د شه‌ڕێ سووریێ دا، ل دووڤ ئاژانسا (رویته‌رز) وه‌زیرێ به‌رگریێ یێ روسی ( سیرجی شویگو) د داخویانیه‌كێ دا ل باره‌گایێ وه‌زاره‌تا به‌رگریێ گوت” ده‌ستهه‌لاتا داعشێ ل سووریێ یا زێده دبیت و 70% ژ ئاخا سووریێ یا دبن كونترۆلا توندره‌وان دا”.
وه‌زیرێ به‌رگریا روسیا گوت ژی” داعشێ 60 هزار چه‌كدار یێن ل عیراقێ و سووریێ هه‌ین و مه‌ترسیا به‌لاڤبوونا توندوتیژیێ بۆ وه‌لاتێن ئاسیا ناڤه‌راست یێن سوڤیه‌تی یێن به‌رێ یا هه‌ی”.
ئه‌ڤرۆ نیوز:
سه‌رۆكێ لژنا پیشه‌سازى و وزێ و ژێده‌رێن سروشتى ل په‌رله‌مانێ كوردستانێ ئاشكراكر كو پرۆژێ هنارتنا غازا هه‌رێمێ بۆ توركیا یێ ده‌ستپێكرى و دبێژیت” ل پاشه‌رۆژێ هه‌رێم دێ بۆ توركیا بیته به‌دیلى رووسیا ل هنارتنا غازێ”.
د.عزه‌ت سابر سه‌رۆكێ لژنا پیشه‌سازى و وزێ و ژێده‌رێن سروشتى، ل په‌رله‌مانێ كوردستانێ دیاركر كو پرۆژێ هنارتنا غازا هه‌رێمێ بۆ توركیا یێ ده‌ستپێكرى و ل پاشه‌رۆژێ هه‌رێم دێ بۆ توركیا بیته به‌دیلى رووسیا ل هنارتنا غازێ.
د ماوێ چوویى دا ژ به‌ر ئه‌گه‌رێ تێكچوونا په‌یوه‌ندیێن د ناڤبه‌را توركیا و رووسا، رووسیا هنارتنا غازا خوه بۆ وه‌لاتێ توركیا راگرت و كومارا ئیسلامیا ئیرانێ ژى ب به‌هانا گوهۆرینا كه‌ش و هه‌وا 50% ژ هنارتنا غازا خوه بۆ توركیا راگرت.
ئه‌ڤرۆ نیوز:
وه‌زیرێ كاره‌با حكومه‌تا هه‌رێما كوردستانێ راگه‌هاند كو تێچوویا كاره‌با هه‌رێمێ د ساله‌كێ دا، سێ ملیار دولارن و داهاتێ ساله‌كێ یێ وه‌زاره‌تێ كێمتره ژ 300 ملیون دولاران.
سەڵاحەدین بابەکر،وه‌زیرێ كاره‌با حكومه‌تا هه‌رێما كوردستانێ ئاماژه ب وێ یه‌كێ كر كو ژ به‌ر قه‌یرانا دارایى و نه‌بوونا گازوایلێ، ب نه‌چارى كاره‌ب ب ڤى ره‌نگێ نوكه لێ هاتیه.
سەڵاحەدین بابەکر،وه‌زیرێ كاره‌با حكومه‌تا هه‌رێما كوردستانێ ئاماژه ب وێ یه‌كێ كر كو ئه‌ڤ ساله رێژا بكارئینانا گازوایلێ ب رێژا 30% به‌رامبه‌ر سالا بوورى زێده‌بوویه.
ئەڤرۆ نیوز، ھەرھین محەمەد:
فەرماندەکێ ھێزێن پێشمەرگێن کوردستانێ ئازادکرنا مووسل ب بریارەکا سیاسی ل قەلەم د دەست و خوەیا دکەت کو چەکێ باش د دەستێ پێشمەرگێ کوردستانێ دایە.
لیوا وەحید کوڤلی فەرماندێ ھێزێن پێشمەرگێ کوردستانێ بۆ ئەڤرۆ نیۆز گۆت: وەک پێشمەرگە بتنێ دبیت نەشێین مووسل ئازاد بکەین و چەکەکێ باش یێ دەستێ مە دا بەلێ باژێرێ مووسل باژێرەکێ مەزنە، ئەم نەشێن ژی وێ پێنگاڤێ پاڤێژین چونکو مووسل سەر ب حکومەتا مەرکەزیە و دەولەتێن ھەرێمی دبیت رازی نەبن و کونترول کرنا مووسل بریارەکا سیاسیە.
ھێشتا گۆت: ئاخا کوردستانێ وەک پێدڤی ل شنگالێ و دەوروبەرا نە مایە دەستێ داعەشێ دا ئەگەر ب ھژمێرین تلکێف دکەڤیتە بەر نەخشێ کوردستانێ و بەعشیق و بەھزان و خازر بتنێ مایە.
وەحید گۆت: ھەموو دەمان مە پێدڤی ب نەخشێن عەسکەری ھەیە، لێ داعەش ئەو ھێزا بەرێ نەمایە و ھێرشان بکەتە سەر پێشمەرگەی، ناڤبری ئاشکراکر کو ھەرچەند شەڤان ھێَزێن حەشد شعبی دزیان ژ پێشمەرگەی دکەن، ئەو بریارەکە دێ سەروک دەت ئەگەر ژدوزخورماتور بوری وی دەمی دێ ب توندی بەرسڤا وان ھێتەدان
زێدەتر گۆت: دڤێت ئەم و حکومەتا مەرکەزی پێک بھێین بۆ کونترولکرنا مووسل دڤێت حکومەتا مەرکەزی دگەل مە بیت و ئەو بریارێ بدەت چونکو سەر ب حکومەتا مەرکەزیە وی دەمی دێ بریارێ دەین کادێ پشکداریێ کەین یان نە.
گۆت: دبینم دووماھیا داعەشێ نە ل مووسل دبیت و نە ل رەقە بیت دووماھیا داعەش دێ کوچکا سپی بیت ئەو کچا ب ناڤێ کوچکا سپی د ئاخڤیت ب ماوێ پێنچ دەقا ب کونگرەکێ رۆژنامەڤانی دێ بێژیت داعەش نەما و ب ڤی رەنگی داعەش نامینت و ھەرکەسەک دێ چیتە مالا خوە و ئەڤە بۆچوونامنە و لێ ڤە نابم
ئاشکەراکر کو ئەو جھێن ھاتینە ئازادکرن دبەرژەوەندی دا ئەو ھاتنە ئازادکرن و ئەو جھێن ماین دکەڤنە سێگوشا سوریێ و رەمادی نە دبەرژوەندی دابوون و ئەم دشێن وان جھان ژی بگرین ھەتا دشیان ژی قابوسی ژی بگرین و گرتنا ئەردی گەلەک یا ب زەحمەتە ھەکە ستاندنا جھی یا ب ساناھیە و پێنگاڤا دوێ سەروک دێ بریارێ دەت.
لیوا وەحید کوڤلی فەرماندێ ھێزێن پێشمەرگێ کوردستانێ گۆت: ئەو دەڤەرێن نوکە ئازادکری ھەتا رادەکی دێ مەترسی ل سەرھەبیت، چیایێ شنگالێ وەکو رادەک دناڤبەرا مەو داعەشێ دا دەشتەکا فرەھە ھەتا دھێتە (وەردیێ باب شلو) ھەتا دگەھیتە (تەلەعفەر)لێ پیلانێن سەروک بارزانی چ مەترسی ل سەر پێشمەرگەی نابیت و ئەو چەندا سالا بۆری چ جاران دووبارە نابیتە ڤە.
ئه‌ڤرۆ نیوز:
ل سه‌ر رێیا ئه‌رسش و وانێ، روودانه‌ك د ناڤبه‌را مینیپاسه‌كا رێڤینگا و قامیونه‌كێ روویدا و د ئه‌نجامدا 11 كه‌سان گیانێ خوه ژ ده‌ستدا و 4 كه‌س ژى ب گرانى برینداربوون.
ل دووڤ ئاژانسێن ده‌نگوباسێن توركى د مینیپاسێ دا قوتابى و ماموستا تێدابوون و ژبۆ ئه‌نجامدانا ئه‌زموونان دچوون وانێ.
پولیسێن توركى ل جهێ روودانێ ده‌ست ب ڤه‌كولینان كرینه بۆ زانینا ئه‌گه‌رێ روودانێ.
ئەڤرۆ نیوز، قائید میرۆ:
چەکدارێن داعش ل قەزا حەویجە یا نێزیک کەرکووکێ کوڕێ سەرکردەیەکێ بلندا گروپا نەقشبەندیا گولە بارانکرن و تەرمێ رادەستی کەس و کارێن وی ھاتەکرن.
غەیاس سورچی، کارگێڕێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” ئەڤرۆ چەکدارێن داعش کۆڕێ سەرکردەیەکێ گروپا تیرۆرستیا نەقشبەندی ل قەزا حەویجە بناڤێ مەحەمەد فارس عوبێدی خەلکێ مووسل گولە بارانکر، ئەوژی ب تۆمەتا ئەڤان ناکۆکیێن ناڤبەرا گروپا داعش و گروپا نەقشبەندیا تیرۆرست.
سورچی گۆتژی” ئەف کەسێ ھاتیە کوشتن کۆڕێ سەرکردەیەکێ بلندێ نەقشبەندیە و ئەڤرۆ پشتی ل نێزیک کەرکووکێ ھاتیە کوشتن، تەرمێ وی ھاتە ڤەگەڕاندن بۆ کەس و کارێن وی ل باژێڕێ مووسل و بەری نوکە ئەڤی تیرۆرستێ نەقشبەندی چەندین کریارێن تیرۆرستی ئەنجامدابوون.
ئەڤرۆ نیوز، لەزگین جۆقی:
رێڤەبەرێ کومپانیا دەخلودانێ تایێ دھۆکێ و رێڤەبەرێ سایلویا فەیدی نازم محەمەد عەلی بۆ ئەڤرۆ نیوز تەکست ل سەر وێ چەندێ کر کو کوژمێ 12 ملیار و 944 ملیۆن دینارێن پارێ گەنمێ جوتیارین پارێزگەھا دھۆکێ گەھشتن و سوبەھێ دێ دەست بەلاڤکرنا پارێ گەنمی ل سەر جوتیاران ھێتە کرن.
نازم مەحمەد عەلی رێڤەبەرێ کومپانیا دەخلودانی تایی دھۆکێ دیارکر کو ل رۆژا 9/12/2015 چەکێ پارێ گەنمێ جوتیاران گەھشت و دێ ژ سوبەھی و وێڤە پارە ھێتە بەلاڤکرن و گۆت: جوتیارێن دەڤەرا زاخۆ پاری خوە ل بەنکا ھیزل زاخۆ وەرگرن و جوتیارین پارێزگەھا دھۆکێ د گەل وان جوتیارێن گەنمێ خوە دانایە گۆرەپانا ڤالاکرنا گەنمی ل روڤیا ل دەڤەرا بەردەرەش دێ پارێ خوە ل بەنکا گارە ل پارێزگەھا دھۆکێ وەرگرن و جوتیارێن دەڤەرا شیخان ژی دێ پارێ خوە ل بەنکا شێخان وەرگرن و وەرگرتنا پارەی دێ ل دووڤ رێزبەندیێ بیت.
رێڤەبەرێ سایلویا فەیدی نازم محەمەد عەلی تەکست ل سەر گۆتنێن رێڤەبەرێ کۆمپانیا دەخلودانی کر و گۆت: سوبەھی دێ دەست ب بەلاڤکرنا پارێ گەنمێ جوتیاران ھێتە کرن.
ئەڤرۆ نیوز:، لەزگین جۆقی:
سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ ئەڤرۆ نیوز دیارکر کو ھەولدان ب رێیا نڤیسینگەھا نیچیرڤان بارزانی سەرۆکێ حوکمەتا ھەرێما کوردستانێ بۆ ڤەگەراندنا تەرمێ 34 وەلاتین ھاتنیە نقوومکرن د دەریا ئینجە دا ل جزیرا فارماکونیسی یا وەلاتی یونانی د بەردەوامن.
سەیدۆ چەتۆ سەرۆکێ لیستا برایەتیی و پێکڤەژیانێ ل جڤاتا پارێزگەھا نەینەوا گۆت: “13 ژ وەلاتیێن د ئاڤی دا نقوم بووین خەلکێ دەڤەرا سنونێ نە و قەزا شنگالی نە، ژ ھندەک خێزانان ب تنی ئیک مایە ساخ و پتریا نقوم بوویان ژی زارۆ و ژنن”.
نيشاندان