ئه‌ڤرۆ نيوز:
وه‌زاره‌تا كاره‌با حكومه‌تا هه‌رێمێ د راگه‌هاندنه‌كێ دا، راگه‌هانديه ژبه‌ر دابين نه‌كرنا سوته‌مه‌نيێ چه‌ند يه‌كه‌يه‌كێن ويستگه‌هێن به‌رهه‌مئينانا كاره‌با سلێمانيێ و هه‌ولێرێ و دهۆكێ كار ناكه‌ت و هه‌تا 7 هه‌يڤا بهێت ئه‌ڤ ره‌وشه دێ يا به‌رده‌وام بيت و به‌رهه‌م ئينانا كاره‌بێ كێم بيت،
وه‌زاره‌تا كاره‌بێ ئاماژه ب وێ يه‌كێ دايه كو ئه‌و د بزاڤێن خوه‌دا بۆ چاره‌كرنا ڤێ كێشێ د به‌رده‌وامن.
ئه‌ڤرۆ نيوز:
حكومه‌تا هه‌رێما كوردستانێ د راگه‌هاندنه‌كێ دا سه‌باره‌ت سه‌رێ سالێ ئاماژه ب وێ يه‌كێ كريه كو ب چ ره‌نگه‌كى مافێ خه‌لكى ناهێته خوارن.
حكومه‌تا هه‌رێما كوردستانێ د راگه‌هاندنێ دا ئاماژه ب وێ يه‌كێ كريه كو سالا 2015 ساله‌كا پرى نه‌خوشى بوو بۆ گه‌لێ كورسدتانێ ژ ئه‌گه‌رێ گه‌فێن به‌رده‌وام ييێن تيرورستێن داعش بۆ هه‌رێما كوردستانێ و شه‌هيدبوونا چه‌ندين رۆلێن گه‌لێ كورد.
ئه‌ڤرۆ نیوز:
ره‌جه‌ب ته‌ییب ئه‌ردوگان سه‌رۆك كۆمارێ توركیا راگه‌هاند كو د سالا 2015 ژ ئه‌گه‌رێ ئۆپه‌راسیۆنێن له‌شكه‌رێ توركیا 3 هزار و 100 شه‌رڤانێن په‌كه‌كێ گیانێ خوه ژ ده‌ست داییه.
ئه‌ڤ گۆتنا ئه‌ردۆگانی د په‌یڤا وی یا سه‌رێ سالێ داهات و سۆز دا ده‌ست ژ هێرشێن له‌شكه‌ری نه‌هێته به‌ردان هه‌تا شه‌رڤانێن په‌كه‌كێ بته‌مامی ل باژێر و ده‌ڤه‌رێن چیایی یێن باكۆرێ كوردستانێ دهێنه ده‌رێخستن.
هه‌روه‌سا ئه‌ردۆگان دیاركر كو 300 پۆلیس و سه‌ربازێن تورك و هه‌ژماره‌كا سڤیلان ژی هاتینه كوشتن.
ئه‌ڤ گۆتنا وی ژ ئالیێ په‌كه‌كێ ڤه نه‌هاتیه پشتراستكرن.
دینارته ، نه‌وزاد زاده هلۆرى:
ژبه‌ر سه‌ده‌ما هاتنا پێله‌كا به‌فرێ نها رێیا سه‌ره‌كى یا دناڤبه‌را هه‌ردوو ناحیێن دینارته و بارزان هاتینه‌گرتن و به‌فر ژى یا به‌رده‌وامه.
دڤى واریدا رۆژنامه‌ڤان ره‌مه‌زان هه‌رنى ئاكنجیێ بنارێ چیایێ پیرس بو ئه‌ڤرۆ نیوز گۆت : ( شڤێدى هه‌تا نها پێله‌كا به‌فرێ ب سه‌ر ده‌ڤه‌را دینارته و چیایێ پیرس دا هاتیه و ئه‌ڤ یه‌ك ژى بوویه سه‌ده‌م كو رێیا دناڤبه‌را هه‌ردوو ناحیێن دینارته و بارزان بهێته‌گرتن )
زێده‌تر گۆت : ( رێیا چیایێ پیرس رێیه‌كا ستراتیجى یه و گه‌له‌ك گوندێن ده‌ڤه‌را بارزان و ده‌ڤه‌را زێبارێ دكه‌ڤنه سه‌ر وێ رێكێ و هندى به‌فر بهێت چوو ترومبێل نكارن هاتن و چوونێ بكه‌ن )
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا سالا نوو يا زاينى په‌يامه‌ك به‌لاڤكريه و راگه‌هانديه: ل سه‌ر پرسا سه‌رۆكايه‌تيێ جاره‌كادى داخوازێ ژ هه‌موو حزبێن موله‌پێدايى ييێن هه‌رێمێ دكه‌م كو ل گه‌ل ئێك كوم ببن و دووماهيێ ب ڤێ پرسێ بينن.
سه‌رۆك بارزانى گوتيه: يان بريارێ ل سه‌ر سازانا هه‌لبژارتنان بده‌ن، يان ل سه‌ر ده‌ستنيشانكرنا به‌رێزه‌كێ رێبكه‌ڤن كو هه‌تا هه‌لبژارتنێن 2017 ئه‌ركێ سه‌رۆكايه‌تيا هه‌رێمێ ب ستو بگريت، يان ژى بريارێ ل سه‌ر وێ يه‌كێ بده‌ن هه‌تا هه‌لبژارتنێن 2017 ره‌وش ب ڤى ره‌نگى بيت.
ئەڤرۆنیوز، ئەیاد بەرواری:
سەرۆکێ باژێرڤانیا برۆکسل ھەلوەشاندنا ئاھەنگێن سەرێ سالێ ژبەر گەفێن تیرۆرستی راگەھاند.
ئیڤان مایۆر، سەرۆکێ باژێَرڤانیا برۆکسل پایتەختێ بەلجیکا، بۆ تەلەڤزیۆنا بەلجیکی گوت” بریاربوو یاریێن ئاگری بھێنە ھاڤێتن و ئاھەنگەکا مەزن ب ھەلکەفتا سەرێ سالێ ل بروکسل بھێتە گێران، بەلێ ئەم نەچار بووین وێ ئاھەنگێ ب ھەلوەشینین ژبەر ھەبوونا گەفێن تیرۆرستی”.
دوھی چار شەمبی، پۆلیسێن بەلجیکی ھەوەکا پشکنینێ ل دەڤەرا مولینبیک ل برۆکسل ئەنجامدا کو جھێ ئاکنجیبوونا گومان لێکریێ ڕەڤی (سەلاح عەبدولسەلام) ی یە کو دھاتە ھژمارتن سەرکرەکێ گرۆپەکا جیھادی. د ھەمان دەم دا داواکارێ گشتیێ بەلجیکی بەری دۆ رۆژان دەستەسەرکرنا دو کەسان راگەھاند و دیارکر کو وان ل بەربوو پلانەکێ بۆ ئەنجامدانا ھێشان ل برۆکسل دانن.
ئەڤرۆ نیوز،زنار تۆڤی:
ئەڤرۆ ل رۆژا پێنجشەمبی پێلەکادی یا بەفرێ دەڤەرا بەرواری بالا ڤەگرت و د ئەنجامدا لدۆرێن 25 سەنتیمێن بەفرێ ل بارۆخێ بارینە و هەروەسا ل خالا گومرکا سەرزێری پتر ژڤێ رێژێ باریە و نوکەژی بەفر بەردەوام یا دباریت ل سەرجەم دەڤەرا بەرواری بالا،هەر چەندە جادا سەرەکی هاتیە پاقژکرن ژ بەفرێ،لێ هەتانوکە رێکێن گەلەک گوندێن ڤێ دەڤەرێ نەهاتینە ڤەکرن و ترۆمبێل نەشێن هاتنوچۆنێ لێ بکەن،دهێتە پێشبینیکرن کو ل رۆژانێن بهێن رێژەکا مەزن یا بەفرێ لڤێ دەڤەرێ بهێت.
ئەڤرۆ نیوز ، نەوزاد زادە ھلۆری:
فەریق جەمال ئێمینکی سوپا سالارێ پێشمەرگەی بو مالپەرا فەرمی یا پارتی دیموکراتی کوردستان دیارکر کو سالا ئایندە لیوایێن ئێک و دوو یێن ھێزێن پێشمەرگێ کوردستانێ دووبارە دێ ھێنە رێکخستن و ھێنە پرچەککرن ژی.
ل گورەی ئاخفتنا جەمال ئێمینکی وەزارەتا پێشمەرگەی یا حکومەتا ھەرێما کوردستانێ و بەرپرسێن بلندێن سەربازیێن کوردستانێ چاڤەرێ وێ یەکێ دکەن کو ل ناڤەراستا سالا 2016 ئەمریکا پرۆگرامێ ئەڤێ مەشقێ بدانیت و دەست ب مەشقکرن و پرچەک کرنا ھەردوو لیوایێن ناڤبری بکەت.
ئه‌ڤرۆ نيوز:
هه‌شت كه‌س كو شه‌ش ژ وان ماموستا بوون و ئه‌گه‌رێ بارينا به‌فره‌كا زور ل باژارۆكێ گه‌ڤه‌رێ ئاسێ ببون و پشتى دو ده‌مژمێران تيمێن قورتالكرنێ شيان بگه‌هنێ و رزگار بكه‌ن.
ل دووڤ پێزانينێن ئاژانسێن توركى، پشتى كو ئوتومبێله‌كا نه‌فه‌رهه‌لگر كو 25 كيلومتران دور ژ ناڤه‌ندا گه‌ڤه‌رێ ژ ئه‌گه‌رێ به‌فرێ ئاسێ بوون، هه‌ش كه‌س نه‌شيابوون خوه قورتال بكه‌ن، به‌لێ تيمێن رزگاركرنێ گه‌هشتنه ده‌ڤه‌رێ و پشتى دو ده‌مژمێران شيان رزگار بكه‌ن.
ئه‌ڤرۆ نيوز:
پشتى كو 600 پوليس ناڤێن وان ده‌رچووى كو ل سنورێ پارێزگه‌ها دهۆك بهێنه دامه‌زراندن، بۆ هه‌ياما دو هه‌يڤان پشكدارى د خوله‌كا راهێنان و مه‌شقان دا كربوو، دوهى ب به‌رهه‌ڤبوونا فه‌رهاد ئه‌ترووشى پارێزگارێ دهۆك ل فێرگه‌ها پلنگێن پێشابير رێوره‌سمێن ده‌رچوونا وان هاته راگه‌هاندن.
هێمن سلێمان به‌رپرسێ راگه‌هاندنا رێڤه‌به‌ه‌ريا گشتى يا پوليسێن دهۆكێ راگه‌هاند كو ئه‌ڤ پوليسه دێ ل سه‌نته‌رێن دهۆك و هه‌موو باژارۆكێن پارێزگه‌هێ ل به‌شێن چالاكيێن مه‌ده‌نى و هه‌واهاتن و بنگه‌هێن پوليسان ده‌ست ب كاربن.
نيشاندان