ئه‌ڤرۆنیۆز، ئه‌یاد به‌رواری
هێزێن ئێمناهیێ یێن سعودی ئه‌ڤرۆ دوشه‌مبی مه‌ترسیدارترین تاوانبار ل وی وه‌لاتی ده‌سته‌سه‌ركر.
پۆلیسێن باژێرێ ته‌بوك ل پارێزگه‌ها زه‌با یا سعودی راگه‌هاند، پشتی دووڤچوونێ و ڤه‌كۆلینێ گرنگترین كه‌سێ داخوازكری ل ده‌ڤ پۆلیسان د كێشێن جنائی دا كو قه‌چاخی و فرۆتنا مادێن بێهوشكه‌ر و هاڤێتنا گولله‌یان و قوماركرنێ و ڕه‌ڤین ژ زیندانێ و خوه‌ ڤه‌شارتن و نه‌ هه‌ڤكاری ل گه‌ل ده‌زگه‌هێن ئێمناهیێ هاته‌ ده‌سته‌سه‌ركرن.
تاوانبارێ ناڤبری پشتی تووشی روودانه‌كێ هاتنوچوونێ بووی ل باشوورێ پارێزگه‌ها زه‌با، بزاڤا فێلكرنێ ل ده‌زگه‌هێن ئێمناهیێ كر ب ڕێیا بكارئینانا كه‌سایه‌تیا برایێ خوه‌ و ژ نشكه‌كێڤه‌ هاته‌ ئاشكراكرن كو ئه‌ڤه‌ مه‌ترسیدارترێن تاوانباره‌ ل سعودیێ و ئێكسه‌ر ده‌سته‌سه‌ركر.

ئه‌ڤرو نیوز :بارزان مزوورى
عصمت ره‌جه‌ب، به‌رپرسێ لقێ 14 ل مووسل بۆ مالپه‌رێ ئه‌ڤرو نیوز ئاشكرا كر كو ئه‌ڤرۆ ئێڤارى 21/12/2015 ژماره‌كا گه‌نجێن مووسل رابووینه‌ ب بلند كرنا ئالایێ عێراقێ ل نیڤا باخچێ سور ل ده‌ڤه‌را دیدان ره‌خێ راستێ یێ مووسل ل نێزیك رێڤه‌به‌ریا پولیسێن مووسل و چه‌كدارێن داعش پێ هاتیه‌ ئاگه‌هدار كرن، ئێكسه‌ر چه‌كدارێن داعش گه‌هشتینه‌ جهێ ئالا لێ هاتیه‌ بلند كرن و ئینا خار.
ناڤبرى دیار كر كو ئه‌ڤرۆ ئێڤارى چه‌كدارێن تیرورستێن داعشه‌ ئیمام پێش نڤێژ”شێخ محمود حسن” یێ مزگه‌فتا نور ل تاخێ فاروق سێداره‌دا ژبه‌ركو پێگیرى ب رێنمایێن رێكخستیا داعش نه‌دكر.

ئه‌ڤرۆ نیوز:

پشتى كو ئه‌ڤرۆ ب سه‌رۆكایه‌تیا نێچیرڤان بارزانى سه‌رۆكێ حكومه‌تا هه‌رێما كوردستانێ جڤاتا وه‌زیران ل سه‌ر ره‌وشا دارایى و ئابووریا هه‌رێمێ كومبووى چه‌ند بڕیاره‌كدان ژ وانان:
1- مه‌زاختنا 50% ژ ده‌رمالێن پوستێن سه‌رۆكێ هه‌رێمێ و جێگرێن وى و سه‌رۆك وه‌زیران و جێگرێن وى و هه‌موو وه‌زیران و ئه‌وێن پلا وه‌زیریێ و وه‌كیل وه‌زیریێ هه‌ى
2- راگرتنا رێژا 100% ژ ده‌رمالێن تایبه‌ت ب پوستێن سه‌رۆكێ په‌رله‌مانى و جێگرێ سه‌رۆكێ په‌رله‌مانى و سكرتێر و ئه‌ندامێن په‌رله‌مانى.
3- كێمكرنا 30% ژ ده‌رمالێن تایبه‌ت ب پوستێن رێڤه‌به‌رێن گشتى و ئه‌وێن د وێ پلێ دا و ئه‌وێن مووچه‌ و ده‌رمالێن رێڤه‌به‌رێن گشتى وه‌ردگرن.
4- دڤێت مووچێ خانه‌نشینێن پله‌ بلند و تایبه‌ت و مووچێن وان ژى پشتى ده‌رچوونا ڤێ بریارێ كو خانه‌نشین دبن ب هه‌مان شێوه‌ بهێنه‌ رێكخستن.
5- راگرتنا مه‌زاختنا هه‌موو ده‌رمالێن تایبه‌ت ب خودان پله‌یێن تایبه‌ت و رێڤه‌به‌رێن گشتى و سه‌رۆكێن یه‌كه‌یێن ئیدارى، وه‌ك پارێزگار و جێگرێ وى و قایمقام و رێڤه‌به‌رێ ناحیێ.

6- كاركرن ب هه‌ردو قانوونێن خزمه‌تا شارستانى و قانوونا موچێ فه‌رمانبه‌رێن ده‌وله‌تێ و كه‌رتێ گشتى تایبه‌ت ب مه‌رجێن پله‌ بلندكرنا فه‌رمانبه‌ران ل 1/1/2016 و هه‌تاكو په‌سه‌ندكرنا قانوونا بودجێ گشتى یێ هه‌رێما كوردستانێ بۆ سالا 2016ێ.
7- كومكرنا پێزانینان ل سه‌ر وان كه‌سێن سود مه‌ند ژ وه‌رگرتنا مووچێ تایبه‌ت و هه‌ڤكاریا چاڤدێریا خێزانێ و بیمێ.

ئه‌ڤرو نیوز :بارزان مزوورى:
ئه‌فسه‌ره‌كێ پێشمه‌رگه‌ى ل سوپایێ 3 ل میحوه‌رێ ناوه‌ران بو مالپه‌رێ ئه‌ڤرۆ نیوز ئاشكرا كر كو چه‌كدارێن تیرورستێن داعش چه‌كدارێن خو نێزیك هێزێن پێشمه‌رگه‌ى دكرن ل روژئاڤا میحوه‌رێ ناوه‌ران و هێزێن خو كوم دكرن ژبو ئه‌نجام دانا پیلانه‌كێ دژى هێزێن پێشمه‌رگه‌ى و فروكه‌یێن هه‌ڤپه‌یمانان پلانا وان ژ ناڤبر پشتى كو بوردومان كرین.
ل دوڤ زانیاریێن ده‌ست پێكێ ژماره‌كا مه‌زن یا چه‌كدارێن وان هاتینه‌ كوشتن و ب ده‌نگه‌كێ بلند هه‌وار دكر و دگوتن گه‌له‌ك بریندار كه‌فتینه‌ ده‌ستێن مه‌دا.
ژێده‌رى دیار كر كو ئه‌ڤه‌ى ل‌ 16/12 ده‌مێ داعش هێرش كریه‌ سه‌ر ناوه‌ران و شكه‌ستین، روژانه‌ هه‌ولێن هێرش كرنێ دده‌ن دا وان ته‌رمێن كه‌فتینه‌ ده‌ستێن پێشمه‌رگه‌ى قورتال بكه‌ن چونكو گه‌له‌ك ژوان كه‌سێن هاتین كوشتن سه‌ركرده‌یێن وان یێن مه‌زن بوون .