ئه‌ڤرۆ نیۆز، قائید میرۆ
هێزێن پێشمه‌رگه‌ی ل میحوه‌رێ مه‌خموور پیلانه‌كا تیرۆرستێن داعش ژناڤبر و هژماره‌ك موشه‌كێن تیرۆرستان هاتنه‌ ژناڤبرن.
ئه‌حمه‌د جاف، په‌یڤدارێ میحوه‌رێ مه‌خموور ب ئه‌ڤرۆ نیۆز راگه‌هاند”چه‌كدارێن داعش هژماره‌ك موشه‌ك ل گوندێ لاكه‌چه‌ یێ نێزیك قه‌زا مه‌خموور ڤه‌شارتینه‌ ژبۆی كو هه‌مبه‌ر سه‌نگه‌رێن پێشمه‌رگه‌ی بهێنه‌ بكارئینان، به‌لێ پیلانا داعش ژئالیێ هێزێن پێشمه‌رگه‌ی هاته‌ ئاشكراكرن و ئه‌ موشه‌ك هاتنه‌ ژناڤبرن.
جاف دیاركر”به‌ری نوكه‌ژی تیرۆرستێن داعش موشه‌كێن دۆر هاڤێژ ئاراسته‌ی سه‌نته‌رێ هه‌ردوو قه‌زایێن مه‌خموور و خه‌بات و سه‌نگه‌رێن پێشمه‌رگه‌ی كرینه‌ و زیانێن گیانێ ل په‌یدابوونه‌.

ئه‌ڤرو نیوز،بارزان مزوورى

راید فیراس یاسین، به‌رپرسێ به‌شێ راگه‌هاندنا رێڤه‌به‌ریا به‌ره‌ڤانیا باژێرێ ئاكرێ بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 11:45 خوله‌ك 28/11 تیمێن بنگه‌هێ بجیل هاتنه‌ ئاگه‌هداركرن كو دوو زاروك كه‌فتینه‌ لبن خانیه‌كێ ل ناحیا بجیل و تیمێن وان بله‌ز گه‌هشتنه‌ جهێ روودانێ كو دوو زاروك ل بن خانى ڤه‌ ماینه‌ ئاسێ و بله‌ز كاریته‌ و ئه‌و ئاخا كه‌فتیه‌ سه‌ر وان راكرن و قورتال كرن و هه‌ردوو زاروك به‌رى گیانێ خو ژ ده‌ست ده‌ن بو نه‌خوشخانا ته‌نگاڤیا ئاكرێ ڤه‌گوهاستن و چه‌ند ده‌مژمێره‌كا لبن چاڤدێریا نوژداران بوون و نها ره‌وشا وان باشه‌ و بو مال هاتن ڤه‌گوهاستن.
ناڤبرى لدور ئه‌گه‌رێن رویدانێ دیار كر كو بابێ وان بناڤێ “كه‌ریم مسته‌فا” دیاركریه‌ كو ژبه‌ر هاتنا وه‌رزێ زڤستانێ خانیێ وى گاریته‌ بوویه‌، رابویه‌ هنده‌ك ئاخ كریه‌ سه‌ر بانى و بارى وان گاریتا گران كریه‌ وبویه‌ ئه‌گه‌ر كو گاریته‌ بشكێن.

ئه‌ڤرۆ نیوز:

ئاهر ئه‌لچى به‌رپرسێ سه‌ندیكا پارێزه‌رێن دیاربه‌كر ئه‌ڤرۆ ل ده‌مێ گرێدانا گۆنگره‌كێ رۆژنامه‌ڤانى ب ده‌ستدرێژیا گووله‌یان هاته‌ كوشتن، ئه‌ڤرۆ ژوورا پارێزه‌رێن ئامه‌دێ ب مه‌ره‌ما ده‌ربرینا نه‌رازیبوونێ به‌رامبه‌ر تێكدانا مناره‌كا مێژوویى ل ده‌ڤه‌را سور یا ئامه‌دێ، ژ ئالیێ هێزێن پولیسێن تورك ڤه‌، نه‌رازیبونه‌ك هاته‌ سازكرن و ل ده‌مێ خرڤه‌بوونێ ئالوزى كه‌تنه‌ د ناڤبه‌را هێزێن پولیس و به‌رهه‌ڤبوویێن خرڤه‌بوونێ و د ئه‌نجامدا تاهر ئه‌لچى سه‌رۆكێ ژوورا پارێزه‌رێن ئامه‌دێ ل ده‌ڤه‌را سور هاته‌ كوشتن.

ئەڤرۆ نیوز،زنار تۆڤی:
پشتی ئەڤرۆ خۆپیشاندانەک ل ئامەدێ هاتیەکرن لدووڤ دا گرژی و ئالۆزی دناڤ وێ خۆپیشاندانێ درۆست بوون،ئەڤ چەندە بۆ ئەگەرێ پەیدابوونا شەری و نوکە شەری دناڤ کۆلانێن ئامەدێ دەستپێکریە،هەروەسا د وان شەر و ئالۆزیان دا سەرۆکێ سەندیکا پارێزەرێن ئامەدێ تاهر ئەلچی هاتیە کوشتن و چەندین کەسێن دی ژ وەلاتیان هاتینە کوشتن و بریندارکرن.

ئه‌ڤرۆ نیوز:

مه‌سعود بارزانى سه‌رۆكێ هه‌رێما كوردستانێ ب رێیا فرۆكخانا نێڤده‌وله‌تیا هه‌ولێرێ و ب هه‌ڤالبه‌ندیا شانده‌كێ، ئه‌ڤرۆ به‌ره‌ڤ ولاتێن كه‌نداڤى برێكه‌فت كو دێ چه‌ند رۆژان گه‌شتا وى ڤه‌كێشیت.

ئه‌ڤرۆ نیوز:

ژ ئه‌گه‌رێ ئالوزبوونا ره‌وشا ده‌ڤه‌رێ، ب تایبه‌ت پشتى كه‌تنا فرۆكا رووسى ژ ئالیێ توركیا ڤه‌، ده‌زگه‌هێ ڤه‌گوهاستنا سوێد بریاردا هه‌موو گه‌شتێن خوه‌ یێن د ناڤبه‌را كوردستان و سوێد راگریت.
ده‌زگه‌هێ ڤه‌گوهاستنا سوێد ژ زارێ سیمون پوسلووك به‌رپرسێ پشكا فرۆكه‌ڤانى یا ده‌زگه‌هێ راگه‌هاندیه‌” ژبه‌ر زوربوونا ڤه‌لڤینێن سه‌ربازى ل ده‌ڤه‌رێ، مه‌ بریاردا گه‌شتێن خوه‌ یێن راسته‌خو یێن سوێد بۆ كوردستانێ رابگرین.