ئه‌ڤرۆ نيوز:

په‌رله‌مانتاره‌كێ ده‌وله‌تا قانوونێ داخواز دكه‌ت په‌رله‌مان و حكۆمه‌تا عيراقێ كار ژ بوو ژناڤبرنا پشكا هه‌رێما كوردستانێ ژ بوودجێ گشتيێ عيراقێ بكه‌ت و داخوازا ده‌ركرنا كوردان ژى ژ به‌غدا دكه‌ت.

عه‌بدولسه‌لام مابكى ئه‌ندامێ هه‌ڤپه‌يمانيا ده‌وله‌تا قانوونێ ل جڤاتا نوونه‌رێن عيراقێ راگه‌هاند: دياره‌ هه‌رێما كوردستانێ پشتى ژناڤچوونا سه‌دامى، باوه‌رى ب عيراق و ڤيانێ بۆ عيراقێ نه‌مايه‌، ژ به‌ر هندێ نابيت رێكه‌تنا نوو ل گه‌ل به‌غدا بكه‌ن. دڤێت پشكا هه‌رێمێ ژ 17% بهێته‌ كێمكرن و حوكمه‌ته‌كا نوو ل عيراقێ بهێته‌ دروستكرن. ئه‌و ژى يا بێ پشكداريا هه‌رێما كوردستانێ بيت.

ب گۆتنێن ڤى په‌رله‌مانتارى، عيراق زۆر يا ژ سه‌ركردێن كورد بێزا بووى و نه‌ڤيت د حوكمه‌ت و جڤاتا نوونه‌رێن عيراقێ دا پشكدار بن و دڤێت ژ نه‌خشێ سياسى يێ عيراقێ د دوور بن.

مالكى گۆتژى: “نوكه‌ بارزانى به‌حس ل راپرسيێ و جودابوونێ ژ عيراقێ دكه‌ت، ژ به‌ر هندێ هندى زووتره‌ ژ مه‌ جودا ببن باشتره‌”، ئاماژه‌ ب وێ چه‌ندێ ژى كر كو سه‌رۆكێ هه‌رێما كوردستانێ ب وێ چه‌ندێ تۆمه‌تبار دكه‌ت كو پشكه‌كا زۆر ژ ئه‌ردێ عيراقێ داگير كريه‌ كو مه‌ره‌ما وى پێ ده‌ڤه‌رێن كوردستانى يێن سنورى يێن هه‌ردو پارێزگه‌هێن نه‌ينه‌وا و كه‌ركووكێ يه‌.

ئەڤرۆ نیوز، ئەیاد بەرواری:

ھێزێن تورکی، ئەڤرۆ ئەینیێ، ھێرشەکا چەکدارێن داعشێ ل سەر سەربازگەھا زیلکان ل دەڤەرا بەعشیقە شکاند و 17 چەکدار ژێ کوشتن.
ئاژانسا رویتەرز ژ زاردەڤێ ژێدەرێن لەشکری تورکی بەلاڤکر” سەربازێن تورکی ھێرشەکا داعشێ ل سەر سەربازگەھا زیلکان شکاند، کو ل وێ سەربازگەھێ سەربازێن تورکی ھێزێن چەکدارێن عیراقی مەشق ددەن”. وەکو ئاماژەک بۆ ھێزێن حەشد وەتەنی یێن ژ خەلکێ مووسلێ پێکھاتی.
ژێدەرێن لەشکرێ تورکی بۆ رویتەرز دیارکر کو 17 چەکدارێن داعشێ د وێ ھێرشێ دا ھاتنە کوشتن.
سەرۆک وەزیرێن تورکیا، ئەحمەد داود ئوگلۆ، ل 14 مەھا بۆری راگەھاندبوو” پێرابوونێن پێدڤی ھاتنە وەرگرتن ژبۆ رەوشەکا دی یا ھێزێن تورکی ل نێزیک مووسل” دیارکربو ژی” ھێزێن تورکی یێن ل عیراقێ دێ د بەردەوامبن دکارێ مەشقا لەشکری دا”.