ئهڤرۆ نيوز:
بۆ ماوێ پتر ژ 15 سالايه رهوشا كارهبێ وهكو ڤان 4-5 رۆژێن چوويى خراب نهبوويه كو دابينكرنا كارهبا گشتى ب تنێ 7 دهمژمێر بوون، لهوما حكوومهتا ههرێمێ نهچار كريه كو گهلهك پێنگاڤێن نهچارى بهاڤێژيت.
سيروان محهمهد رێڤهبهرێ راگههاندنا كارهبا سلێمانيێ دياركر كو پشتى ئهڤ رهوشه هاتيه پێش وهزارهتا كارهبێ كارهبا ههموو كارگههێن چيمهنتوى و ئاسنى برى و ژ 7 دهمژمێران ئێدى كارهبا گشتى دێ 13 دهمژمێران هێته دابينكرن.
ئهڤرۆ نيوز:
يانا بهرشهلونه نهشياى دێربيا كهتهلونيا ژ يانا ئسپانيول ببهت و دو خالێن گرنگ ژ دهست دان، پشتى كو نهشياى تا دووماهيا ياريێ ئێك گول ژى تومار بكهت.
بهرشهلونه پشتى 17 ياريا ژ لاليگا ژ ڤى وهرزى شيا 40 گولان تومار بكهت و ههموو ياريان گولان تومار بكهت، بهلێ ئهڤ شهڤه، ئسپانيول هێرشێن بهرشهلونه راگرت و بۆ جارا ئێكێ د ڤى وهرزى دا نههێلا گولان د خولا ئسپانيا دا تومار بكهت.
ئهڤرۆ نیوز: كاروان باعهدرى
ههڤبهندیا ئافرهتێن عیراقێ كچا ئێزدى (نادیا موراد) بهربژێر دكهت بۆ خهلاتێ نۆبل یێ ئاشتیێ بۆ سالا 2016 ێ .
ئهڤ كچا ئێزدى یا قارهمان یا ههوهكا راگههاندنێ ب سهركهڤتیانه ل دژى داعشێ ب رێڤه دبهت و نامهیهكا ئاشتیێ بۆ ههموو جیهانێ دهنێریت و داخوازا بهرهڤانیێ ژ دوو كێشهیان دكهت “ئێك ل سهر مافێن ئێزدى یێن ل سهر دهستێ دهست درێژى ل سهر هاتیه كرن و یا” دووێ” لسهر مافێ مرۆڤى ل ئیراقێ “.
ههڤبهندیا ئافرهتئن عیراقێ دراگههاندنهكێ دا بهلاڤكریه ، ئارامى و رێز گرتن ل یاسایێن دوور ژ یاسایێن تایفگهریێ و ژبۆ دادوهریێ و ئازادیێ و زمانێ دانوستاندنێ یه ، نه بۆ ناكۆكیان و ململانێن سیاسى یه بهلكو بۆ ئازادكرنا وهلاتێ مه ژ تیرۆرێ و توندوتیژیێ و هندهك ئهگهر ههبوون كومه” نادیا ” ههلبژارتى و بهربژێركرى:
1- وێ وانهیهك ل وێرهكیێ تۆماركر و وێ نامهیا خۆ یا مرۆڤایهتیێ گههاند بۆ قورتالبوون ژ داعش و رێكخراوێن تیرورى
2- ئهڤ ههلبژارتنه بۆ نادیایێ و كچێن دى یێن دهست درێژى ل مافێن و كهرامهتا وان ل ئیراقێ و وهلاتێن دى یێن عهرهبى هاتیه كرن
ئهڤرۆنیۆز، ههرهین محهمهد:
سهروكێ سهندیكا هونهرمهندان ل زاخو دیاركر كو ئهڤه بۆ ماوێ چار رۆژانه هونهرمهند عهبدولقهار زاخویى توشى نهخوشهكا نه چاڤهركرى بوویه.
مههدى مونیر بهرپرسێ لقێ زاخۆ یێ سهندیكا هونهرمهندێن كوردستانێ بۆ ئهڤرۆنیۆز گۆت: بهرى چار رۆژان ژ نیشكهكێ هونهرمهند عهبدولقهار زاخویى توشى نهخوشیهكێ بوویه و ل دهمژمێر دوى شهڤ هاتیه رهوانهكرن بۆ نهخوشخانێ پشتى نوشداران پشكنینا وى كرى دیاربۆ كو فشارا وى بۆ 23 پله بلند بوویه.
ههروهسا مههدى گۆت: لدووڤ گۆتنێن هونهرمهند عهبدولقهارى كو ههردو دهستێن وى كارنهدكرن و ههروهسا نهدشیا باخڤیت و بێژیته خێزانا خوه ب رهخ خوه ڤه دههوارا من وهرن و ههتا چاڤێ خێزانا وى ڤێكهفتى كو توشى ڤێ نهخوشیێ بوویه پشتى هاتیه رهوانهكرن بۆ نهخوشخانێ ب خوشحالى ڤه نوكه تهندروستیا وى یا باشه و دشێت باخڤیت و هاتن و چوونێ بكهت.
ئهڤرۆ نیۆز، قائید میرۆ
تهرمێ هژمارهك چهكدارێن داعش كو شهڤا بۆری ژلایێ هێزا دژه تیرۆر و ههڤپهیمانان ل ناحیا ریاز هاتبوونه كوشتن گههشتینه نهخۆشخانهیێن مووسل.
غهیاس سورچی، پهیڤدارێ مهلبهندێ نهینهوا یێ ئێكهتی نیشتیمانی كوردستان بو ئهڤرۆ نیۆز راگههاند” پشتی شهڤا بۆری هێزێن دژه تیرۆر و ههڤپهیمانان ب رێیا فڕۆكهیان ئۆپهڕاسیۆنهك بۆسهر ناحیا ریاز یا سهر ب قهزا حهویجه ئهنجامدای، زیانێن زۆر گههاندینه تیرۆرستێن داعش و چهندین چهكدار و بهرپرسێن داعش هاتینه كوشتن.
سورچی گۆتژی” ئهڤرۆ تهرمێ ههژده چهكدارێن داعش گههشتینه نهخۆشخانهیێن مووسل، كو هندهك ژوانا كوشتی و یێن دیژی برینداربووینه ل ئۆپهڕاسیۆنا شهڤا بۆری دا و دناڤ تهرمێن داعش دو ئهمیر ههبووینه كو رهگهزناماوان یا بیانییه.
ئهڤرۆ نیوز: ڤهدهر رهشاڤایی:
بۆب دادلی سهرۆكێ كۆمپانیا (bp) كو ئیًك ژ حهفت مهزنترین كۆمپانیێن جیهانێ یه بۆ نهفت و گازێ راگههاند: بهایێ نهفتێ دێ د چارێكا ئێكێ یا ئهڤ ساله 2016 ێ پتر داكهفیت و بۆ دو سالێن داهاتی بهایێ نهفتێ دێ دڤێ رهوشا كێم بهاییێ دا بیت”
دادلی بۆ رادیۆیا (BCC Radio) یا بریتانی گۆت: ئهز پێشبینی دكهم ل چارێكێ داویێ یا ئهڤ ساله بها دێ خوجهـ بن و نهبلند بن و نه دادكهڤن، و نها حالهتێ بازنێ گهشهكرن و داكێشانێ ههیه”.
تێ زانین د سالا 2015 ێ بهایێ پهترۆلێ برێژا 34 سهدێ كێم بوویه، سهرهرای ڤێ یهكێ وهلاتێن مهزنێن بهرههمئینانا نهفتێ رهتكرییه بهرههمێ خوه كێم بكهن.
ئهڤرۆ نیوز، زهرى نهوزاد:
گوڤارا (سهندهى ئێكسپرێس) يا بريتاني داهاتێ روژانه یێ هونهرمهندا ئهمریكى (تهیلۆر سویفت) بهلاڤكر و راگههاند كو داهاتێ وێ هندى بودجهیا دهولهتهكێ یه .
گوڤارا ناڤبرى د راپورتا خوه دا ب ژماره رێزبهندیا ژمارهیهكا ستێرێن ئهمریكى یێن كو پترترین داهاتێ روژانه ههى بهلاڤكریه و هونهرمهندا سترانبێژ (تهیلۆر سویفت) ل پلا ئێكێ دهێت كو داهاتێ وێ یێ روژانه د گههیته ئێك ملیون دولارێ ئهمریكى و یێ سالانه ژى د گههیته ( 317,8) ملیۆن دۆلارێن ئەمریكی.
ئهڤرۆنیۆز، ئهیاد بهرواری
گهلهك جاران و ب تایبهتی دهمێ بهفر دباریت، ئیشارهتا كهنالان د سهتهلایتێ دا نامینن و نهشێن سهحكهینه وان كهنالان، ژبهركو بهفر ل سهر سێلا سهتهلایتێ ل سهربانێ كۆم دبیت.
چارهیا ههره باش بۆ ڤێ ئاریشێ ئهوه، بهری بارینا بهفری، سێلا سهتهلایتێ بهێته زهیت كرن و ئهڤ چهنده دێ بیته ئهگهرێ نهمانا بهفری ل سهر وێ سێلێ، ههكه ژ نشكهكێڤه ژی بهفر بباریت، دشیان دایه ئهو بهفرا ل سهر سێلێ بهێته ڕاكرن و پاشی دهست ب دوهنكرنا سێلا سهتهلایتێ بهێته كرن.
ئهڤرۆ نیوز: ڤهدهر رهشاڤایی:
پشتی ژ ئاليێ سعودیه ڤه شێخهكێ بهرنیاسێ شیعه مهزههب هاتيه ل سێدارهدان، ل باژیرَێ مهشههد ل ئیرانێ خوهنیشاندان لدژی سعودیه هاتنه كرن.
خوهنیشاندهران ئالایێ سعودیه ل كۆنسولخانا سعودیه ل وی باژێرێ ئیرانی ئینا خار و ئاگر بهردا ئاڤاهیێ كۆنسولخانێ، لێ ههر زوو پۆلیس و تیمێن ههوارهاتنێ گههشتنه جهێ روودانێ بۆ كۆنترۆلكرنا رهوشێ .
ئهڤرۆ نيوز:
فازل ئيبراهيم رێڤهبهرێ كهشناسيا ههرێمێ راگههاند كو د ڤێ حهفتێ دا شهپولهكا دن يا باران و بهفرێ دێ ههرێما كوردستانێ ڤهگريت.
فازل ئيبراهيم رێڤهبهرێ كهشناسيا ههرێمێ راگههاند : ل دووڤ پێشبينيان ئهڤ شهپولا بهفرێ ئهڤا ههرێما كوردستانێ ڤهگرتى، ههتا رۆژا دوشهمبى دێ يا بهردهوام بيت و ل شهڤێ دێ پلێن گهرمايێ گههنه 10 پله بن سفرێ دا، بهلێ د رۆژێ دا دێ بلندبنهڤه و گۆت: رۆژا دوشهمبى و سێ شهمبيێ دێ جارهكادى باران بارين دهست پێ كهت و شهپولهكا دن يا بهفرێ دهڤهرێن جودا جودا يێن كوردستانێ ڤهگريت ب تايبهت دهڤهرێن چيايى.
نيشاندان