ئه‌ڤرۆ نیوز:
د به‌رده‌وامیا پروسا به‌لاڤكرنا مووچان دا، وه‌زاره‌تا دارایى و ئابوورى یا حكومه‌تا هه‌رێما كوردستانێ راگه‌هاند كو رۆژا 5 شه‌مبى دێ مووچێ هه‌یڤا 8 یێ وه‌زاره‌تا داد و ئه‌نجومه‌نێ دادوه‌رى و وه‌زاره‌تا كارو و كاروبارێن كومه‌لایه‌تى هێته به‌لاڤكرن و ئێكشه‌مبیا بهێت مووچێ كێم ئه‌ندام و چاڤدێریا خێزانان دێ هێته به‌لاڤكرن.
ئه‌ڤرۆ نیوز:
رێڤه‌به‌رێ گشتیێ كه‌شناسی و بیڤه‌له‌رزێ ل هه‌رێما كوردستانێ دیار كر كو پێشبینی دهێته كرن ئه‌ڤرۆ پلێن گه‌رمێ ل هنده‌ك ده‌ڤه‌ران بهێنه دبن سفرێ دا و ل ده‌ڤه‌رێن چیایژی سوبه به‌فر ب باریت.
فازل ئیبراهیم، رێڤه‌به‌رێ گشتیێ كه‌شناسی و بیڤه‌له‌رزێ ل هه‌رێما كوردستانێ خویا كر، ئه‌ڤرۆ 2/12/2015 باران بارین ل ده‌ڤه‌رێن جودا یێن هه‌رێمێ یا به‌رده‌وام بیت، پشتی نیڤرۆیا هه‌مان رۆژ ژی هه‌وایه‌كێ سار كو ب هه‌وایێ سیبیری هاتیه نیاسین، دێ كارتێكرنێ ل سه‌ر ده‌ڤه‌رێن جودا یێن هه‌رێما كوردستانێ كه‌ت و پلێن گه‌رمێ ب ره‌نگه‌كێ به‌رچاڤ نزم بن و ل ده‌ڤه‌رێن چیایی دێ هێنه دبن سفرێ دا و گۆت: “هه‌تا رۆژا ئێكشه‌مبیا بهێت كاریگه‌ریا وان پلێن گه‌رمێ ل سه‌ر ده‌ڤه‌رێن جودا یێن هه‌رێما كوردستانێ دێ مینیت”.
ناڤهاتی ئاشكرا ژی كر، ژ ئه‌گه‌رێ كاریگه‌ریا هه‌وایێ سار پێشبینی دهێته كرن سوبه‌هی 3/12/2015 ل ده‌ڤه‌رێن چیایی به‌فر ب باریت و گۆت: “پلێن گه‌رێ به‌رده‌وام دێ نزم بن، لێ رۆژا ئه‌ینی 4/12 ره‌وشا هه‌وای هه‌تا راده‌كی دێ سه‌قامیگر بیت”.
ئەڤرۆ نیوز،زنار تۆڤی:
ئەڤرۆ سەرۆک وەزیرێ عێراقێ حەیدەر عەبادی، مەلاس محەمەد کەسنەزانی وەزیرێ بازرگانیا عێراقێ ژ پۆستێ وی دوورخست،ب پشتبەستن ب دستۆرێ عێراقێ عەبادی ئەو وەزیرە ژ پۆستێ وی لادایە،هەروەسا ناڤهاتی ل سەر هەڤپەیمانیا هێزێن سونیان بوو،ب رەگەز کوردە.
عەبادی ئەو چەند ژی دیارکریە،بەری هەیڤەکێ دادگەها عێراقێ فەرمانا دەستگیرکرنێ بۆ مەلاس محەمەدی دەرکربوو،ژبەرکو یێ پابەند نەبوو ب دەواما خۆ یا فەرمی.
ئه‌ڤرۆ نیۆز، قائید میرۆ
ب فه‌رمانا سه‌رۆك بارزانی وه‌كی ئه‌ركه‌كێ مرۆڤی بۆ خاترا ژن و زارۆیێن باژێڕێ مووسل رۆژانه چه‌ند ده‌مژمێره‌كا ئاڤا سكرێ مووسل دهێته به‌ردان بۆ سه‌نته‌رێ باژێڕی.
غه‌یاس سورچی په‌یڤدارێ مه‌لبه‌ندێ نه‌ینه‌وا یێ ئێكه‌تیێ ب ئه‌ڤرۆ نیۆز راگه‌هاند” پشتی سه‌ركه‌فتنێن هێزێن پێشمه‌رگه‌ی د سالا بۆری دا به‌نداڤا مووسل كه‌فتیه بن كۆنتڕۆلا هێزێن پێشمه‌رگه‌ی و ژلایێ هێزێن پێشمه‌رگه‌ی هاتیه پاراستن، به‌نداڤا مووسل ئێكه ژ به‌نداڤێن گرنگێن عێراقێ و ژێده‌رێ ئاڤا باژێڕێ مووسله.
سورچی گۆتژی” وه‌كی ئه‌ركه‌كێ مرۆڤایه‌تى ژبه‌ر خاترا ژن و زارۆیێن بن كۆنتڕۆلا داعش، سه‌رۆك بارزانی بڕیاردایه رۆژانه چه‌ند ده‌مژمێره‌كێن ئاڤێ بۆ خه‌لكێ سڤیلێ باژێڕێ مووسل بهێنه به‌ردان، ژبه‌ر وان خێزانێن ناڤا مووسلدا ماینه”.
ئه‌ڤرۆ نیوز:
ئاشتۆن كارته‌ر وه‌زیرێ به‌ره‌ڤانیا ئه‌مریكا راگه‌هاند كو پرانیا ئوپه‌راسیونێن توركیا ل دژى په‌كه‌كێ نه ، نه‌وه‌كو ل دژى داعش و گوت: پنتاگون بریار دایه هێزه‌كا تایبه‌ت بۆ پشته‌ڤانیكرنا سوپایێ عیراقێ و هێزا پێشمه‌رگێ كوردستانێ ل شه‌رێ دژى داعش ره‌وانه بكه‌ت.
ئاشتۆن كارته‌ر وه‌زیرێ به‌ره‌ڤانیا ئه‌مریكا هه‌روه‌سا راگه‌هاند دڤێت توركیا ل ناڤخویا وه‌لاتێ خوه، خوه پتر چالاكتر لێ بكه‌ت بۆ وێ یه‌كێ بشێت سنورێن خوه كونترول بكه‌ت كو ل ده‌ستپێكا دروستبوونا داعش، توركیا ب دروستى سنورێن خوه چاڤدێرى نه‌كرینه.
ئه‌ڤرۆ نیوز:
دادگه‌ها دستوورى یا ئسپانیا پرۆژه قانوونا په‌سه‌ندكرى یا هه‌رێمێ كه‌ته‌لونى بۆ جودابوونێ ژ ئسپانیا ره‌تكر.
ماریانۆ راخۆی، سه‌رۆك وه‌زیرێن ئسپانیا راگه‌هاند كو دادگه‌ها دستوورێ یێ ئسپانیا ب پرانیا ده‌نگان پرۆژه قانوونا په‌سه‌ندكرى یا هه‌رێما كه‌ته‌لونى بۆ جودابوونێ ژ ئسپانیا ره‌تكر.
په‌رله‌مانێ كه‌ته‌لونیا ل 9 چریا ئێكێ یا 2015 پرۆژه قانوونه‌ك په‌سه‌ند كر هه‌تاوه‌كو ل سالا 2017 سه‌ربه‌خووییێ رابگه‌هینیت و ل ئسپانیا جودا ببیت.
ئه‌ڤرۆ نیوز: ڤه‌ده‌ر ره‌شاڤایی:
كۆڤارا ئه‌مریكی (Foreign Policy) بۆ ئه‌ڤ ساله لیستا 100 هزرڤانێن جیهانی لسه‌ر ئاستێ جیهانێ هه‌لبژارتییه و به‌لاڤكرییه، دو كه‌سایه‌تیێن كورد ژی بخوه‌ڤه دگریت.
(Foreign Policy) ژ كوردان سیاسه‌تمه‌دارێ كورد (سه‌لاحه‌دین ده‌میرتاش) هه‌لبژارتییه و ئه‌گه‌رێ هه‌لبژارتنا وی ژی بۆ وێ یه‌كێ ڤه‌گه‌راندییه كو نه‌هێلایه پارتا ره‌جه‌ب ته‌ییب ئه‌ردوگانی سه‌رۆكێ توركیا ببیته پرانی و د هه‌لبژارتنان دا سه‌ركه‌فتنه‌كا به‌رچاڤ بده‌ستڤه ئینا، كۆڤارێ سه‌لاحه‌دین ب “ستریێ ره‌خ ئه‌ردۆگانی” و “ئۆبامایێ كوردان” وه‌سف كرییه.
هه‌روه‌سا (Foreign Policy) سترانبێژا كورد (هێلی لاڤ) هه‌لبژارتییه و ئه‌گه‌ر ژی بۆ وێ یه‌كێ ڤه‌گه‌راندییه كو هێلی لاڤێ ب هونه‌رێ خوه شیایه ده‌نگڤه‌دانێ بۆ شه‌ر و خه‌باتا پێشمه‌رگه ل جیهانێ بگێرینیت.
ئەڤرۆ نیوز، قائید میرۆ:
پەرلەمانتارەکێ پارتی دیموکراتی کوردستان رادگەھینە، ب چو شێوەیەکێ دەستەیا نوکەیا پەرلەمانی نامینە و ھەتا یوسف مەحەمەد سەرۆکێ پەرلەمانی بیت، کۆمبوون ناھێنەکرن.
ڤەمان فەیسەل، ئەندامێ فڕاکسیۆنا پارتی دیموکراتی کوردستان لپەرلەمانێ کوردستانێ ب ئەڤرۆ نیۆز راگەھاند” ب چو شێوەیەکی دەستەیا نوکەیا سەرۆکایەتیا پەرلەمانی نامینیت و دێ دەستەیەکا نوو ھێتە ھەلبژارتن، چونکو ھەتا دکتۆر یوسف سەرۆکێ پەرلەمانێ کوردستانێ بیت، کۆمبوونێن پەرلەمانی ناھێنەکرن و دڤێت سەرۆکێ نوکەیێ پەرلەمانێ بھێتە گۆھۆڕین، پارتی یا بزاڤان دکەت، دگەل لایەنێن دی وەکی ئێکەتیێ و کۆمەل و یەکگرتوو.
ڤەمانی گۆتژی” بەری نوکەژی پۆستێ سکرتێرێ پەرلەمانی بەھرا ئێکەتیێ بوویە و ب کۆمەلا ئیسلامی ھاتبوودان، ھویردەکاریێن رێکەفتنێ دیارنینە، لێ نوکە بزاڤ دبەردەوامن بشێوەیەکێ نوو پەرلەمان بھێتە رێڤەبرن و دەست بکارێن خوە بکەت.
ئه‌ڤرۆ نيوز:
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “د روودانه‌كا ترافيكێ دا، ئه‌ڤرۆ رۆژا چارشه‌مبى رێكه‌فتى 2ى كانوونا ئێكێ 2015 ل كۆمه‌لگه‌ها به‌دريكێ ترۆمبێله‌كا بارهه‌لگر توركى تووشى روودانه‌كێ بوو و تيمێن قورتالكرنێ ل رێڤه‌به‌ريا باژێرى ل دهۆكێ گه‌هشتنه جهێ روودانێ و لاشێ شوفێرێ ترۆمبێلێ ئيناده‌ر كو ب مخابنى ڤه گيانێ خوه ژ ده‌ست دابوو”.
نيشاندان