ئهڤرۆ نيوز:
سهركردێ بزاڤا سهدر راگههاند : ههبوونا هێزێن توركيا ل عيراقێ داگيركاريه و ئهم دشێن بهرسينگێ وان بگرين، ئهگهر ب هێزا سهربازى ژى بيت.
موقتهدا سهدر سهركردێ بزاڤا سهدر د كومبوونهكێ دا ل گهل نهقيبێ رۆژنامهڤانێن عيراقێ و رێڤهبهرێن پشكهكا كهنال و رۆژنامێن عيراقێ ئاشكراكر: ههبوونا هێزێن توركيا ل عيراقێ داگيركاريه و ههلويستێ حكومهتا عيراقێ نهگوهۆريه و دڤێت هێزا توركى بچيته دهرڤهى ئاخا عيراقێ.
ئهڤرۆ نیوز: ڤهدهر رهشاڤایی:
وهزارهتا دهرڤه یا رووسیا ژ حكومهتا توركیا خاست مژارا كوردی ل توركیا بتنێ برێیێن سیاسی چارهسهركهت و دهست ژ رێیێن توندوتیژ بهردهت.
وهزارهتا دهرڤهیا رووسیا بهیاننامهك بهلاڤكرییه و تێدا هاتیه: ئهم ژ حكومهتا توركیا دخازین گاڤێن پێدڤی بگریته بهر ب بداویئینانا ئێكسهر یا توندوتیژییان، و دهستپێكرنهڤهیا پرۆسا ئاشتیێ كو ل تیرمهها 2015 ێ هاتبوونه ڤهبرین.
ئهڤ داخازا توركیا دهێت پشتی ههڤسهرۆكێ ههدهپێ دهمیرتاش سهرهدانا رووسیا كری و دگهل وهزیرێ دهرڤهیێ وی وهلاتی كۆمبووی، ددهمهمی دا ئالۆزی ل دهڤهرێن باكۆرێ كوردستانێ د بهردهوامن .
ئهڤرۆ نيوز:
رووسا داخوازێ ژ حكوومهتا توركيا دكهت كێشا كوردى ل وهلاتێ خوه ب رێيا سياسى چاره بكهت و رژدى ل سهر وێ يهكێ كريه كو بكارئينانا هێزێ قوربانيێن زێدهتر ژێ پهيدا دبن و دێ رهوشێ ئالوزتر لێ كهت.
وهزارهتا دهرڤه يا رووسيا د بهياننامهكێ دا كو ئهڤرۆ بهلاڤكريه دلتهنگيا خوه سهبارهت توندوتيژى و ئوپهراسيونێن هێزيێن ئهمنى ييێن توركيا ل باژێرێن كوردى ل توركيا دياركريه و داخواز ژ حكوومهتا توركيا كريه كو كێشا كوردى ل وهلاتێ خوه ب رێيا سياسى چاره بكهت.
ئهڤرۆ نيوز:
فراكسيونا ئێكهتيا هێزێن عيراقى ل پهرلهمانێ عيراقێ داخوازێ ژ حكومهتا حهيدهر عهبادى سهرۆك وهزيرێن عيراقێ دكهن كو ب چ رهنگهكێ دهستكاري قانوونا بودجێ گشتى يێ عيراقىێ يێ 2016 نهكهن، ئهگهر نه وهزيرێن وان دێ خوه ژ كابينا حهيدهر عهبادى ڤهكێشن.
راكسيونا ئێكهتيا هێزێن عيراقى ل پهرلهمانێ عيراقێ كو قهوارهكێ سونيێن عيراقێ يه د بهياننامهكێ دا گهفێن وێ يهكێ ل حكومهتا عيراقى كرينه كو دهستكاريا بودجێ ئاواران و چهكدارێن خوبهخش نهكهت، ئهگهر نه دێ وان ههلويست ههبيت و دێ خوه ژ حكومهتا عهبادى ڤهكێشن.
ئهڤرۆ نيوز:
ئهو قهيرانا ئابووريا كو سيستهمێ ئابووريێ ههموو جيهانێ ڤهكرتى ل سالا 2007 دهستپێكريه و كارتێكرنا وێ گهلهك كريه سهر ههموو جيهانێ و ههتا نوكه يا بهردهوامه و ناهێته پێشبينيكرن كو ل ڤان نێزيكان چاره ببيت.
كارتێكرنا لايهنێ ڤێ قهيرانێ د بوارێ بهايێ نهفتێ يه، بهايێ نهفتێ ل سالا 2009 ل بازارێن جيهانێ گهلهك هاته خار و د ماوێ ڤان حهفت سالێن بوورى دا ل بازارێن جيهانێ 60% هاتيه خوار كو ئێك ژ وان ئهگهران ڤهدگهريت بۆ بهرههمئيانانا جورهكێ دى يێ سوتهمهنيێ ژ مادێ ئهسفلت ل وهلاتێ كهنهدا، ههروها نهفتا بهردين ل ئهمريكا وهك ئهلتهناتيڤهكا وزا پهتروێ.
ئهڤرۆ نيوز:
دادگهها تاوانێن عيراقێ برياردا كو پروسهيا دادگههكرنا 36 تومهتبارێن سهربازگهها سپايكهر بۆ رۆژا ئێك شهمبيا بهێت بهێته پاشخستن.
ل دووڤ گوتنا ژێدهرهكێ ژبهر بهێنڤهدانا سهرێ سالێ، دادگهها بلندا تاوانێن عيراقێ، دوهمين روونشتنا پروسا دادگههكرنا تومهتبارێن كهيسا كوشتارا سپايكهر بۆ رۆژا ئێكهشهمبيا بهێت پاشخست.
ئهڤرۆ نيوز:
ئێكهتيا ماموستاييێن كوردستانێ راگههاند كو ئهو دێ درێژيێ ب خواندنێ دهم و دهوامێ راناگرن كو مووچه گيروبوويه و داخوازێ ژ حكومهتێ دكهت كو زوو موچێ ههيڤا 9 ديار بكهن.
سكرتێرێ ئێكهتيا ماموستايێن كوردستانێ عهبدولواحد محهمهد ل دۆر گيروبوونا موچێ ماموستايان گۆت: وهكو سالێن 2014 و 2015 سهرهراى ههبوونا قهيرانان مه ههر بهردهوامى دايه پرۆوسا خواندنێ، لهوما ئهڤ ساله ژى دێ بهردهواميێ دهينه پروسا خواندنێ و دهوامێ تێكنادهين.
ئهڤرۆ نيوز، نيوار محهمهد سهليم:
د پرێسكۆنفرانسهكى دا ئهڤرۆ ل بارهگايێ پشكا ناڤ باژێرى يا رێڤهبهرا هاتنوچوونا پارێزگهها دهۆكێ ئامارا سالا 2015ێ هاته راگههاندن.
رائيدێ مافپهروهر ئازاد تاها د پرێسكۆنفرانسهكى دا گۆت: “ل پارێزگهها دهۆكێ و دهوروبهرێن وێ هزار و 223 روودانێن جواروجور پهيدابووينه و ژ وان ژى 966 لێكدان و 170 وهرگهريان و87 لێدان بوون”.
زێدهتر گۆت: “د ڤان روودانان دا، 181 كهسان گيانێ خوه ژ دهست دايه و ژ وان ژى 140 ژ رهگهزێ زێر و 41 ژ رهگهزێ مێ بوون، سێ هزار و 825 كهس ژى بريندار بووينه”.
رائيدێ مافپهروهر داخواز ژى ژ تهڤايا شوفێران كر كو پێگريێ ب قانوون و رێنمايێن هاتنوچوونێ بكهن دا كو گيان و سامانێ وان يێ پاراستى بيت ژ ههموو مهترسيێن هاتنوچوونێ.
ئهڤرۆ نيوز، نيوار محهمهد سهليم:
چهكدارێن داعش كهسهكێ بهرچاڤێ عهشيرهتا جبۆرى سهرژێكر پشتى كو زانى ئهو يێ رابوويى ب رهڤاندن و دهربازكرنا چهند كچێن ئێزدى.
ب گۆرهى ژێدهرێن دهنگوباسان، چهكدارێن تيرۆرستێن داعش، كهساتيێ بهرنياسێ عهشيرهتا جبۆرى “محهمهد عهبدولا جبۆرى” موختارێ گوندێ ئهبۆ كدور ل ناحيا حهميدات رۆژئاڤايێ مووسل سهرژێكر، دهما كو بزاڤا رهڤاندن و ئازادكرنا كچێن ئێزدى دكر، كهفتيه دهستێن وان.
نيشاندان