NO IORG
نووترين نووچه
نوچێن گرنگ

ئه‌ڤ وێنه‌ یێ ئه‌ڤرۆیه‌ ل وانكێ، ئوسمان رێكانى بۆ ئه‌ڤرۆ نیوز هنارتیه‌

ئه‌ڤرۆنیوز، ره‌زوان رۆژبه‌یانى
فروكێن هه‌ڤپه‌یمانان ژماره‌كا ترومبێلێن چه‌كدارێن داعش ل بلنداهیێن بادۆش ل به‌رامبه‌ر گوندێ “كفرج” ل میحوه‌رێ وانكێ كرنه‌ ئارمانج و پیلانا وان هاته‌ ژناڤبرن.
نه‌قیب عبدالجبار صدیق موسى ئه‌فسه‌ر ل به‌تالیۆنا دوو سه‌ر ب فه‌رمانده‌یا پێشمه‌رگه‌یێن زێره‌ڤانى ل میحوه‌رێ وانكێ بۆ ئه‌ڤرۆنیوز گوت: ئه‌ڤرۆ هژماره‌كا ترومبێلێن چه‌كدارێن داعش ل بلنداهێن بادۆش ل نێزیك گوندى كفره‌ج یێ عه‌ره‌ب نشین هاتنه‌ خوار و دڤیان هێرشى هێزێن پێشمه‌رگه‌ى بكه‌ن به‌لێ فرۆكه‌ێن هه‌فپه‌یمانان چار جار كاروانێن ترومبێلێن وان ب توندى بومبه‌بارانكرن و پیلانا وان هاته‌ ژناڤ برن لێ هه‌تا نوكه‌ مه‌ چوو پێزانین ل سه‌ر كوشتى و بریندارێن وان نینه‌ به‌لێ كو مه‌ ب چاف دیتیه‌ ترومبێل هه‌مى هاتینه‌ سووتن و بێ زیانێن مه‌زن یێ گیانى نابن.
گوت ژى پشتى چه‌كدارێن داعش ل شنگالێ شكه‌ستن خوارى به‌رده‌وام بزاف دكه‌ن ل میحوه‌رى وانكێ هێرشى پێشمه‌رگه‌ى بكه‌ن به‌لێ هه‌تانوكه‌ ئێرشێن وان ژلایێ پێشمه‌رگه‌ هاتیه‌ ژناف برن.

330

ئه‌ڤرۆ نيوز:
په‌یڤدارێ فه‌رمیێ سه‌رۆكایه‌تیا هه‌رێمێ د رۆنكرنه‌كێ دا دیاركریه‌ كو د كۆره‌كێ دا به‌رپرسێ ده‌سته‌سا كارگێرى یا مه‌كته‌با سیاسى یا ئێكه‌تیێ ل زانكۆیا سلێمانیێ سه‌باره‌ت هاتنا حه‌شد شه‌عبى چه‌ند ئاخفتن كربوون و ناڤێ سه‌رۆكێ هه‌رێمێ هاتیه‌ و د راگه‌هاندنان ژى خواندنێن جور ب جور بۆ هاتینه‌ كرن.
په‌یڤدارى دیاركریه‌” هه‌رێما كوردستانێ ل شكاندن و ژ ناڤبرنا تیرورستان ناكوكى ل گه‌ل حه‌شد شه‌عبى نینه‌ و هه‌ر ده‌مێ بۆ شه‌رى ل گه‌ل داعش پێدڤى بكه‌ت، هێزا پێشمه‌رگه‌ و حه‌شد شه‌عبى هاریكاریا ئێكدو بكه‌ن، به‌لێ ئه‌ڤه‌ وێ چه‌ندێ ناگه‌هینیت كو حه‌شد شه‌عبى بهێت دوزخورماتو داگیر بكه‌ت كو ئاخا كوردستانێ یه‌ و پێشمه‌رگه‌ى یێ د پارێزیت”
په‌یڤدارى دیسا دیاركریه‌” سه‌رۆك بارزانى رژدى ل سه‌ر وێ یه‌كێ كریه‌ كو جهێ حه‌شد شه‌عبى ل سه‌ر ئاخا كوردستانێ نینه‌، كوردستانێ پێشمه‌رگه‌ و هێزا خوه‌ یا ئاسایشێ هه‌یه‌ و پێدڤى ب چ هێزه‌كا دى ناكه‌ت، هاتنا حه‌شد شه‌عبى بۆ ناڤ ئاخا كوردستانێ نه‌ ب رازیبوونا سه‌رۆك بارزانى بوویه‌”.

ئه‌ڤرو نیوز،بارزان مزوورى
عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیوز ئاشكرا خه‌لكێ مووسل هه‌ولدده‌ت خو نێزیكى میحوه‌رێن پێشمه‌رگه‌ى بكه‌ن داكو خو ل بن كونترولا داعش ده‌ربێخن ژبه‌ر نه‌گه‌هشتنا پێدڤیێن ژیانێ و هه‌موو رێك ل وان هاتینه‌ گرتن.
عصمت ره‌جه‌ب، به‌رپرسێ لقا 14 ل مووسل دیاركر كو فروكه‌یێن هه‌ڤپه‌یمانا بوردومانا ناڤ باژێرێ مووسل دكه‌ت ب تایبه‌ت ل وان جهێن چه‌كدارێن تیرورستێن داعش لێ كوم دبن و كارێ وان لێ هه‌بیت ب تایبه‌ت ل نێزیك نه‌خوشخانه‌یێن ناڤ سه‌نته‌رى.

ئه‌ڤرۆنیۆز، ئه‌یاد به‌رواری
شاره‌زایه‌كێ یابانی د بیاڤێ بیڤه‌له‌رزان دا پێشبینیا لێدانا بیڤه‌له‌رزه‌كا ب هێز ل ستانبولێ ب هێزا (7،4) یا بیڤه‌رێ ریخته‌ری د ده‌مێ 30 سالێن بهێت دا دكه‌ت.
ل دووڤ سایتێ (هاڤینگتۆن پۆست) شاره‌زایێ بیڤه‌له‌رزان یێ یابانی (یوشینوری موریواكی) د كونگره‌كی دا ل دۆر بیڤه‌له‌رزان كو ل باژێرێ (قارابۆك) ل باكوورێ رۆژئاڤایێ توركیا هاتیه‌ ئه‌نجامدان، دیاركریه‌ كو ڤه‌كۆلینێن ل ڤێ دووماهیێ هاتینه‌ كرن ئاشكرا دكه‌ن كو دێ بیڤه‌له‌رزه‌كا ب هێز ل 30 سالێن بهێت دێ ل ستانبولێ ده‌ت.
گوت ژی” 55 ویلایه‌تێن توركی ژ سه‌رجه‌مێ 81 ویلایه‌تان د مه‌ترسیێ دانه‌ هه‌كه‌ هه‌ر بیڤه‌له‌رزه‌كا ب هێز ل توركیا بده‌ت”.
د ڤه‌كۆلینه‌كا بنگه‌هێ ڤه‌كۆلینێن ئه‌ندازیاریا بیڤه‌له‌رزان ل زانكۆیا رۆژهه‌لاتا ناڤین یا ته‌كنیكی ل ستانبولێ كو ل سه‌ر 125 هزار ئاڤاهیێن ستانبولێ كری وه‌كو به‌رهه‌ڤكرنه‌ك بۆ وێ بیڤه‌له‌رزا چاڤه‌ڕێكری دیاربوو كو 24 هزار ئاڤاهی دێ خراب بن ده‌مێ بیڤه‌له‌رزه‌كا ب هێزا (7،2) ل ستانبولێ بده‌ت و 40 هزار ئاڤاهی دێ خراب بن هه‌كه‌ بیڤه‌له‌رزه‌كا ب هێزا (7،5) ل وی باژێری بده‌ت.
ل سالا 1999 ێ بیڤه‌له‌رزه‌كا ب هێزا (7،5) ل ده‌ڤه‌را مه‌رمه‌ره‌ ل ستانبولێ دابوو د ئه‌نجامدا 17 هزار كه‌س هاتبوونه‌ كوشتن و 20 هزار كه‌س ژی بریندار ببوون.

141

ئه‌ڤرۆنیۆز، ئه‌یاد به‌رواری
شاره‌زایه‌كێ ئه‌منی یێ عیراقی ئاشكراكر كو (له‌شكرێ ئیسلامیێ نهێنی ل ئورۆپا) ئه‌وێ ژلایێ سه‌ركردێ رێكخستیا داعشێ، تیرۆرست (ئه‌بو به‌كر به‌غدادی) ڤه‌ هاتیه‌ پێكئینان، به‌رپرسیاره‌ ژ ئه‌نجامدانا هێرشێن تیرۆرستی ل پاریس پایته‌ختێ فره‌نسا و دیاركر كو ئه‌نجامده‌رێن وان هێرشان ل مووسلێ یێن هاتینه‌ مه‌شقدان.
حه‌مزه‌ ئه‌بولسوف شاره‌زایێ ئه‌منیێ عیراقی ل دووڤ (الاتجاه‌ پرێس) راگه‌هاند ” ئه‌وێن هێرشێن پاریس ئه‌نجامداین ئه‌ندامێن له‌شكرێ ئیسلامیێ نهێنی ل ئورۆپا نه‌ كو ل مووسلێ هاتیه‌ پێكئینان”.
خویاكر ژی” ئه‌ندامێن له‌شكرێ ناڤبری یێن هاتینه‌ هنارتن بۆ ئورۆپا ل گه‌ل په‌نابه‌رێن ژ سووریێ و عیراقێ و هنده‌ك وه‌لاتێن رۆژهه‌لاتا ناڤین به‌ر ب ئورۆپا ڤه‌ چووین” و گوت ژی” ب سه‌دان ئه‌ندامێن ڤی له‌شكری ل ئورۆپا یێن هه‌ین ب تایبه‌تی ل بریتانیا و فره‌نسا و سوید و ئیسپانیا و ئه‌لمانیا”.
گوت ژی” ئه‌و تیرۆرستێن هێرشێن پاریس ئه‌نجامداین، ل مووسل یێن هاتینه‌ مه‌شقدان و هه‌تا نوكه‌ ژی ب ده‌هان ژوان تیرۆرستان یێن ل فره‌نسا به‌لاڤ بووین و هه‌والگیریا فره‌نسی نه‌شێت بگه‌هیته‌ وان، چونكی هه‌موو هه‌لگرێن ره‌گه‌زناما فره‌نسی نه‌”.
ئه‌ڤ شاره‌زایێ ئه‌منیێ عیراقی پێشبینیا ئه‌نجامدانا هێرشێن تیرۆرستی یێن خویناوی ل باژێرێن ئورۆپی دكه‌ت سه‌ره‌رای هه‌بوونا پێرابوونین ئه‌منی ل وه‌لاتێن ئورۆپی.

140

ئه‌ڤرۆ نیۆز، قائید میرۆ
ب تۆمه‌تا ره‌ڤینێ ل به‌ره‌یێن شه‌ڕی ئه‌ڤرۆ تیرۆرستێن داعش شه‌ش چه‌كدارێن خوه‌ ل تاخێ ته‌حریرێ باژێڕێ موسل كوشتن.
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” سپێده‌هیا ئه‌ڤرۆ گرۆپا تیرۆرستیا داعش ل تاخێ ته‌حریر یێ باكورێ باژێڕێ مووسل شه‌ش چه‌كدارێن خوه‌ گولله‌ بارانكرن، ئه‌وژی ب تۆمه‌تا وێ چه‌ندێ ل سه‌نگه‌رێن هه‌مبه‌ر پێشمه‌رگه‌ی ره‌ڤینه‌ و نه‌شیاینه‌ به‌ڕه‌ڤانیێ ژ خوه‌ بكه‌ت.
غه‌یاسی گۆتژی” ئه‌ڤ شه‌ش چه‌كدارێن داعش یێن هاتینه‌ كوشتن، سه‌ر ب عه‌شیره‌تا حه‌دیدی بووینه‌ و ل میحوه‌رێ باشیك هه‌مبه‌ر هێزێن پێشمه‌رگه‌ی ب ئه‌گه‌رێ نه‌مانا وره‌یا وان ره‌ڤینه‌ و چووینه‌ ناڤا مووسل.

ئه‌ڤرۆ نیوز:

هه‌ر چه‌نده‌ وه‌سا هاتبوو به‌لاڤكرن كو ئه‌ڤرۆ و سوبه‌ دێ مووچێ وه‌زاره‌تا په‌روه‌ردێ هێته‌ به‌لاڤكرن، به‌لێ چو راستى بۆ ده‌رنه‌چوو و د ڤى بیاڤى دا وه‌زاره‌تا دارایى رۆنكرنه‌كێ به‌لاڤ دكه‌ت.
ئه‌ڤرۆ وه‌زاره‌تا دارایى و ئابوورى یا حكوومه‌تا هه‌رێما كوردستانێ راگه‌هاند كو رۆژا 1 شه‌مبیا بهێت دێ موچێ هه‌یڤا 8 یێ وه‌زاره‌تا په‌روه‌ردێ هێته‌ به‌لاڤكرن.

ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ به‌هزاد عه‌لى ئاده‌م پارێزگه‌رێ دهوكێ ب وه‌كاله‌ت پێشوازیا سه‌لاحه‌دین بابه‌كر وه‌زیرێ كاره‌با هه‌رێما كوردستانێ و شاندێ دگه‌لدا كر , دهه‌ڤدیتنه‌كێ دا ب ئاماده‌بونا رێڤه‌به‌رێ گشتى یێ كاره‌با پارێزگه‌ها دهوكێ به‌حسێ ره‌وشا كاره‌بێ و به‌رنامێن وه‌زاره‌تا كاره‌با هه‌رێما كوردستانێ بو باشتر كرنا كه‌رتێ كاره‌بێ و نه‌هێلانا كێما سیان دڤى كه‌رتێ گرنگدا هاته‌ كرن.
پارێزگه‌رێ دهوكێ ب وه‌كاله‌ت دیار كر كو ره‌وشا پارێزگه‌ها دهوكێ پێدڤى ب پێتر پشته‌ڤانى و هاریكاریێ یه‌ دبیاڤێ كاره‌بێ ژلایێ حكومه‌تا هه‌رێما كوردستانێ ڤه‌ ژبه‌ر كو نوكه‌ 23 كه‌مپێن ئاوارا و په‌نابه‌ران ل دهوكێ زێده‌بوینه‌ و روژانه‌ كاره‌به‌كا مه‌زن لێ دهێته‌ مه‌زاختن و گه‌له‌ك خێزانێن ئاوارا نوكه‌ ژبلى ئه‌وێن ل كه‌مپا ل ناف باژێرى ژى ئاكنجینه‌ و دهوك دوو به‌رامبه‌ر به‌رى نوكه‌ لیهاتیه‌.
هه‌روه‌سا رێڤه‌به‌رێ گشتى یێ كاره‌با پارێزگه‌ها دهوكێ ئامار و داتا یێن مه‌زاختنا كاره‌بێ ل كه‌مپێن سنورێ پارێزگه‌هێ و به‌روكێن شه‌رى دژى داعش دیار كرن و دیار كر كو ل زفستانێ بو كه‌مپێن ئاوارا و په‌نابه‌را 113 میگاوات پێدڤى نه‌ هه‌كه‌ هه‌ر خێزانه‌ك 6 ئه‌مپیرا بكار بینیت و ل هاڤینێ 60 میگاوات پێدڤى نه‌ و زێده‌بارى روژانه‌ 60 میگاوات بو به‌روكێن شه‌رى دهێنه‌ دابین كرن و به‌حسى وان كارا كر یێن بو كه‌مپا هاتینه‌ كرن كو 422 گهوركێن كاره‌بێ هاتینه‌ دانان دگه‌ل تێله‌ و ستینكێن كاره‌بێ یێن پێدڤى .
ژلایێ خوڤه‌ وه‌زیرێ كاره‌با هه‌رێمى سوز دا ئه‌وا دشیان دا بیت بو پارێزگه‌ها دهوكێ ژبه‌ر هاتنا ڤێ رێژا ئاوارا بهێته‌ كرن .
دیڤدا دپرێس كونفرانسه‌كى دا سه‌لاحه‌دین بابه‌كر وه‌زیرێ كاره‌با هه‌رێما كوردسنتانێ دیار كر كو ئارمانجا سه‌ره‌كى ژ سه‌ره‌دانا شاندێ وه‌زره‌تا كاره‌بێ بو دهوكێ داكو ژ نێزیك ئاگه‌ه ژى پێدڤى و كێم و كاسیێن كه‌رتێ كاره‌بێ ل سنورێ پارێزگه‌هێ هه‌بیت هه‌روه‌سا دانانا به‌رێ بنیاتى بو پروژه‌كێ ستراتیژى و گرنگ ئه‌وژى پروژێ هایدروپاوه‌رێ دیره‌لوكێ ل گه‌لیێ ره‌شاڤا یه‌ كو جارا ئێكێ یه‌ پشتى پروژێ دوكان و ده‌ربه‌ندیخان پروژه‌كى بڤى ره‌نگى ل هه‌رێما كوردستانێ دهێته‌ دانان و دێ ب قه‌رێ ژاپونى ب رێكا ئاژانسا جایكا هێته‌ بجهئینان و بریاره‌ 37 مێگاواتێن كاره‌بێ به‌رهه‌م بینیت و برێكا ئاڤێ دێ كار كه‌ت و ژلایێ ئابورى ڤه‌ گه‌له‌ك یێ گرنگه‌ , و ئه‌ف پروژه‌ ژ وان پروژا یه‌ یێن دپلان و ستراتیژیه‌تا حكومه‌تا هه‌رێما كوردستانێ هه‌ى كومه‌ دڤیت مه‌زاختیێن كاره‌بێ كێم بكه‌ین و ڤى پروژه‌ى پێدڤى ب سوته‌مه‌نیێ نینه‌ ,
بو شنگارێ وه‌زیرێ كاره‌بێ گوت : حكومه‌تا هه‌رێما كوردستانێ پلانا ئاڤه‌دانكرنا شنگارێ هه‌یه‌ و سه‌روكێ حكومه‌تا هه‌رێمێ یا راگه‌هاندى كو كاره‌كێ سه‌ره‌كیێ حكومه‌تێ دێ ئاڤه‌دانكرنا شنگارێ بیت و ئه‌م وه‌كو وه‌زاره‌تا كاره‌بێ دێ مه‌ژى پلان هه‌بیت و ستافێ پارێزگه‌ه دهوكێ دێ سه‌ره‌دانا ده‌ڤه‌رێ ده‌ن دا بزانن چ پێدڤیه‌ بو شنگارێ و ده‌وروبه‌ران بهێته‌ كرن.

ئەڤرۆ نیوز، سالار دۆسکی:
پەیڤدارێ دەستەیا گەشتوگوزارێ ل حوکمەتا ھەرێما کوردستانێ ئاشکراکر کو ب مەرەما پشکداریکرن د کونفرانسێ گەشتیاریێ ھەرێمێ دا ھەتا نوکە نێزیکی 100 کومپانیان خوە تومارکریە.
نادر روستی پەیڤدارێ دەستەیا گەشتوگوزارێ ل حوکمەتا ھەرێما کوردستانێ بۆ ئەڤرۆ نیوز گۆت: ئەڤرۆ 17ى چريا دويێ 2015 سەرۆکێ دەستەیا گەشت و گوزارێ ل حوکمەتا ھەرێما کوردستانێ و ب بەرھەڤببونا رێڤەبەرێ راگەھاندنێ و کارۆبارێن گەشتیاری، کومبوونا بەرھەڤیا کونفرانسێ نیف دەولەتی یێ گەشتیاری و کومپانیێن وبەرھێنانێ گەشتیاری ھەرێمێ کرا ل گەل 25 کومپانیێن نافخۆیی گرێدا.
روستی ئاشکراکر ژی کو کومبوونێ دا بەحسێ شێوازێ پشکداریکرنێ ھاتەکرن و بەرنامێ کومپانیان بۆ ئینانا گەشتیاران بۆ ناف ھەرێما کوردستانێ و شێوازێ رێکەفتنێ ل گەل کومپانیێن بیانی، گەنگشە ل گەل 100 کومپانیێن بیانی ھەمبەر بابەتی ھاتیەکرن.
جھێ ئاماژەکرنێ یە کو ژڤانە سەرێ ھەیڤا داھاتی کونفرانسێ گەشتیاری ل ھەولێرێ دەست پێ بکەت و بۆ ماوێ دو رۆژان بەردەوام بيت.

ئەڤرۆ نیوز، نەوازد زادە:

وەزیرێ سامانێن سروشتی یا حکومەتا ھەرێما کوردستانێ د ھەڤپەیڤینەکێ دا دگەل ئاژانسا دەنگ و باسێن رویتەرز بەحس ل ھورکاریێن فروتنا پەترۆلا ھەرێم و چەوانیا فروتنێ وێ ژ دەستپێکێ ھەتا دوماھیێ دکەت.

ئاشتی ھەورامی وەزیرێ سامانێن سرۆشتی یا حکومەتا ھەرێما کوردستانێ د پەڤەیڤینا خودا ل بارا فروتنا پەترۆلێ دبێژیت : ( ماوەیەکێ زورە ژلایێ بەغداڤە قەیرانێن دارایی بومە ھاتینە درۆستکرن ، و ل دەستپێکا ٢٠١٤ دا ئەو دەما کو بودجە ب تەمامی نە دگەھشتە دەستێ مە ، مە بریار دا کو ھزرێ د فروتنا پەترۆلا ھەرێمێ دا ب کەین ب شێوەیەکێ سەربەخو.
ناڤبری گۆت ژی : ( پشتی دوماھی ھاتنا بوریێن پەترۆلێ، ھەرێمێ پێدڤی ب دیتنەڤا بکرێن پەترۆلێ بوو ، و پرانیا بکران ژی د ترسیان ژ وێ یەکێ کو پەترۆلێ ژ ھەرێمێ بکرن ، ژبەرکو بەغدا ھوشداری دابوویە وان ژ تومارکرنا سکالایێن قانونی.
ھەورامی گۆت ژی : ( بابەت زور ب زەحمەت بوو و تشتەکێ نوو بوو ، بوو ھەرێمێ ، و ھندەک ژ بکرێن مە دڤیا کو ئەم بخوە گەشتیان ب کرێ بگرین و مە ژی چوو ژ فروتنا پەترۆلێ ب رێیا دەریا ناڤەراست نەدزانی ، و مە داخوازی ژ بازرگانەکێ ب ئەزموون بناڤێ ( مورتەزا لاخانی ) کر و داکو دڤی کاریدا ھەڤکاریا مە بکەت.
ل گور ئاخفتنا ھەورامی ، ناڤبری دزانی کو کا کێ پەترۆل دڤێت و کێ ژی نەڤێت کو پەترۆلا ھەرێما کوردستانێ بکریت ژبەرڤێ لاخانی دەرگەھەکی َمەزن بو ھەرێما کوردستانێ ڤەکر.
وەزیرێ سامانێن سروشتی دیارکر کو نھا پەترۆلا ھەرێم ژلایێ ١٠ وەلاتان دھێتە بکارئینان و وان مامەلەیێن بازرگانی دگەل دا ھەنە ، بەلێ بەرھەڤ نەبوو ناڤێن بکران ئاشکرا بکەت و گوت : ( د دەستھەلاتێن مەدا نینن ئەم زانیاریان لدور ڤێ یەکێ بینین زمان )

ژ ئەگەرا زنجیرا وان رودانێت لسەری ھاتینە دیارکرن ل گورەی ئاخفتنێن ئاشتی ھەورامی بەغدا پێگیرا سوز و رێکەفتنێن خوە نەبوویە و چوو بژاردەیێن دن ژی ل بەر دەستێ مە نەبوویە ژبلی فروتنا پەترۆلێ ب شێوەیێ راستەوخو.

پەترۆلا ھەرێمێ بووڤی َمەرەمێ چویە ئیسرائیلێ
ئاشتی ھەورامی دبێژیت : ( ھندەک ژ بکرێن مە گەشتیێن خوە بەر ب بەندەرێن باژێرێ ئەشکیلونی ئیسرائیلێ دبرن و دکرنە د کوگەھێن وان دا و دیڤدا ئەو پەترۆل ب بکرێن ئەوروپی د فروت.
گوت ژی : ( پەترۆلا کوردستانێ چەند جارەکان ل مالتایێ و ناڤا دەریایێ دا دھاتە فروت و ئالوگر پی َدھاتەکرن ھەتا کو ناسنامەیێن بکرێن دوماھیێ بەرامبەر ھەرەشێن سومو دیانەبن.
دبێژیت ژی : ( کارەگێ ب زەحمەت بوو و گەشتیەک بوو نێزیک مالتا دھاتە ھنارتن و چاڤەرێ دکر ھەتا کو ژلایێ گەشتیەکا دن ڤە پەترۆل بگەھیتێ ، و پاشی بگەھینە خالا دوماھیێ ، و ھندەک جاران ژی بوو سەردابرنێ دوو گەشتی دھاتن رەوانەکرن و ئێک یا بەتال و ئێک ژی یا تەژی.
دیڤدا ھەمو بونە ھەلگرێن گەشتیێن مە و مەژی ئاستێ مامەلەیێن خوە بلندکرن.
ئاشتی ھەورامی یێ گەشبینە ب ئایندەی و دبێژیت : ( ئارمانجا مە بلندکرنا ئاستێ ھنارتن و بەرھەمئینانا ملیون بەرمیلایە د روژەکێ دا و مە دڤێت گرنگ و کارابین د ھنارتنا گازا سروشتی ل دەڤەرێ .

website security
WP Facebook Auto Publish Powered By : XYZScripts.com