ئه‌ڤرۆ نیۆز، قائید میرۆ
فڕاكسیۆنا پارتی دیموكراتی كوردستان ل په‌رله‌مانێ عێراقێ وه‌لاتیێن كورد یێن سه‌ره‌دانا به‌غدا دكه‌ن ئاگه‌هدار دكه‌ت كو خوه‌ بپارێزن ژ میلیشیاتێن شیعی.
نه‌دا عه‌نته‌ر، بڕیارده‌را فڕاكسیۆنا پارتی ل په‌رله‌مانێ عێراقێ ب ئه‌ڤرۆ نیۆز راگه‌هاند” پشتی ئالۆزیێن قه‌زا خورماتوو شه‌ڕۆ پێكدادانێن ناڤبه‌را هێزێن پێشمه‌رگه‌ و میلشیاتێن شیعی، نوكه‌ حه‌ساسیه‌ته‌ك د ناڤبه‌را كورد و عه‌ره‌بێن شیعه‌ چێبوویه‌ و مخابن كو گه‌هشتیه‌ ڤێ رادێ كوشتن و ره‌ڤاندنا وه‌لاتیێن كورد ژلایێ حه‌شد شه‌عبی ڤه‌.
نه‌دایێ دیاركر” داخواز ژ وه‌لاتیێن كورد دكه‌ین ئه‌ڤێن سه‌ره‌دانا دكه‌ن یان هه‌ر ل به‌غدا ئاكنجی خوه‌ بپارێزێن ڤان رۆژان هه‌تا توشی چو ئاریشه‌ نه‌بن، راسته‌ هه‌تا نوكه‌ چو حاله‌تێن كوشتن و ره‌ڤاندنا وه‌لاتیێن كورد ل به‌غدا چێنه‌بووینه‌، لێ نوكه‌ مه‌ترسی هه‌یه‌ بۆ تولڤه‌كرنێ و دڤێت كورد خوه‌ بپارێزن.

ئه‌ڤرۆ نیۆز، قائید میرۆ
ئه‌ڤرۆ سێ پۆلیسێن داعش ژلایێ چه‌كدارێن نه‌نیاس هاتنه‌ كوشتن و گروپا داعشژی مامۆستایه‌كێ زانكۆیا مووسل گوللـه‌بارانكر.

ژێده‌ره‌كێ ئاگه‌هدار ژ ره‌وشا مووسل ب ئه‌ڤرۆ نیۆز راگه‌هاند” ئه‌ڤرۆ هژماره‌ك چه‌كدارێن نه‌نیاس لتاخێ 17ی ته‌موز یا سه‌نته‌رێ باژێڕێ مووسل ته‌قه‌ ل پۆلیسێ، داعشكر و د ئه‌نجامدا سێ پۆلیسێن داعش هاتنه‌ كوشتن و چه‌كدارژی ب ترۆمبێله‌كا ئه‌ڤیۆ به‌ره‌ف جهه‌كێ نه‌دیار ره‌ڤین.
ژێده‌ری پتر گۆت” هه‌ر ئه‌ڤرۆ گروپا تیرۆرستیا داعش مامۆستایه‌كێ زانكۆیا مووسل ل كۆلیژا زانست بناڤێ دكتۆر عه‌بدولا سولتان عوبێدی ل سیكا چوارگۆشه‌ گوللـه‌بارانكریه‌، ئه‌وژی بۆ ته‌مه‌تا سیخۆڕیێ بۆ هێزێن هه‌ڤپه‌یمانان.

ئه‌ڤرۆ نیوز:

ئه‌نجوومه‌نێ ئاسایشا هه‌رێما كوردستانێ راگه‌هاند كو پیلانا ته‌قینه‌كێ ل باژێرێ هه‌ولێرێ ژ ناڤ بر.
ئه‌نجوومه‌نێ ئاسایشا هه‌رێما كوردستانێ د راگه‌هاندنه‌كێ دا گرتنا ئه‌نجامده‌رێن ته‌قینا دوبز و دانپێدانا تاوانباران به‌لاڤ كر، د دانپێدانێ دا پیلانا ته‌قینه‌كێ ئاشكرا دكه‌ن كو سێ ئه‌ندامێن رێكخراوا ده‌وله‌تا داعش دخواستن ل باژێرێ هه‌ولێرێ ئه‌نجام بده‌ن.