ئه‌ڤرۆ نیوز:
پارتى و یه‌كگرتوو ل سه‌ر پشكداریا یه‌كگرتوو ل حكومه‌تا خوجهى رێكه‌فتن و دێ یه‌كگرتوو 23 پولستان ل سنورێ پارێزگه‌ها دهۆك وه‌رگریت.
غازى سه‌عید ئه‌ندامێ سه‌ركردایه‌تیا یه‌كگرتوو راگه‌هاند كو یه‌كگرتوو دێ پۆستێ جێگرێ پارێزگه‌رێ دهۆك و سێ رێڤه‌به‌رێن ناحیا و چه‌ند پوستێن دى ل سنورێ پارێزگه‌ها دهۆك وه‌رگریت.
ئه‌ڤرۆ نیوز:
پشتى نمایشكرنا فلمێ بیره‌وه‌ریێن سه‌ر به‌رى ل باژێرێ دهۆكێ، ڤێ حه‌فتیێ ئه‌ڤ فلمه دێ ل هه‌ولێرێ و سلێمانیێ هێته نمایشكرن.
شەوكەت ئەمین كوركی، ده‌رهێنه‌رێ فلمى بۆ ئه‌ڤرۆ نیوز گوت” بریاره ڤێ چارشه‌مبیێ ل هولا پێشه‌وا ل باژێرێ هه‌ولێرێ و رۆژا پاشتر دێ ل ستى سینه‌ما ل سلێمانیێ هێته نمایشكرن.
فلمێ بیره‌وه‌ریێن سه‌ر به‌رى پربینه‌رترین فلم بوو ل فلمه فیسته‌ڤالا دهۆك یا نێڤده‌وله‌تى كو ل رۆژانێن 9 بۆ 16 ئیلونێ فلمه قیسته‌ڤالا دهۆك برێڤه‌چووى.
ئه‌ڤرۆ نیوز:
ده‌زگه‌هێ روشنبیرى و راگه‌هاندنێ پارتى دیموكراتى كوردستان، رۆنكرنه‌ك سه‌باره‌ت راپورته‌كا ته‌له‌فزیونا knn، یا زمانحالا بزاڤا گۆران به‌لاڤكریه و راگه‌هاندیه : نانبرین ئه‌خلاقێ پارتى نینه، و كه‌س ژى باوه‌ر ب دره‌وێن ب ڤى ره‌نگى ب شاخ ناكه‌ت، ئێدى چاڤه‌رێى نه‌بن پارتى ل هه‌وه بێده‌نگ بیت”.
ده‌زگه‌هێ روشنبیرى و راگه‌هاندنێ پارتى دیموكراتى كوردستان، ئاماژه ب وێ یه‌كێ ژى كریه كو ” گوران نه‌شیایه ساله‌كێ ب ئارامى سیاسه‌تێ بكه‌ت و راگه‌هاندنا گوران ژى ل سه‌ر بنه‌مایێ پیلانگێرى به‌رنامێ خوه دارێتى یه”.
ئه‌ڤرۆ نیوز، له‌زگین جۆقى:
سه‌رۆكێ كوتله‌یا برایه‌تى و پێكڤه ژیانێ ل جڤاتا پارێزگه‌ها نه‌ینه‌وا بۆ ئه‌ڤرۆ نیوز گۆت: ب ئاماده‌بوونا 38 ئه‌ندامێن جڤاتا پاریزگه‌ها نه‌ینه‌وا، ئه‌ڤرۆ ده‌ست ب هه‌لبژارتنا دیاركرنا كه‌سه‌كێ نوو بۆ پارێزگارێ نه‌ینه‌وا هاتنه كرن د ئه‌نجامدا نوفل حه‌مادى سولتان 21 ده‌نگ بده‌ست خوه‌ڤه ئینان و ئه‌مین ئیبراهیم ژێ 16 ده‌نگ.
سه‌یدو چه‌تو ئاماژه ب وێ یه‌كێ كر كو نوفل حه‌مادى دێ پوستێ نوو یێ پاریزگارێ نه‌ینه‌وا وه‌رگریت و گوت: نوفل سولتان سوز دا هه‌ڤكاریا ئاواران بكه‌ت و كار بكه‌ت بۆ رزگاركرنا پاریزگه‌ها مووسل و دێ گوهورینان ژێ ل پوستێن ئیدارى یێن پاریزگه‌ها مووسل دا كه‌ت.
ئەڤرۆ نیۆز، قائید میرۆ:
ئەندامەکێ بەرێ یێ پەرلەماني عێراقێ ئاش کراکر، ئەف شەڕێ نوکە ل دەڤەرێ دھێنەکرن شەڕێ جیھانیێ سیێ یە، بەلێ ھێشتا خەلکی ب دروستی ھەست پێ نەکریە.
مەھدی حاجی، پەرلەمانتارێ بەرێ یێ پارتی دیموکراتی کوردستان بۆ ئەڤرۆ نیۆز راگەھاند” ئەف شەڕێ نوکە دھێتە رێڤەبرن شەڕێ جیھانیێ یێ سیێ یە، بەلێ ھێشتا خەلکی ھەست پێ نەکریە و ئەگەر ھەڤڕکیێن ناڤبەرا رۆسیا و ئەمریکا بەردەوامبن ئەڤە دێ شەڕەکێ مەزنتر روو دەت، مەرج نینە ئەف شەڕە تنێ یێ سەربازی بیت بەلکۆ شەڕێ سار ژی یێ دھێتەکرن.
حاجی گۆتژی” پێشبینیا مەترسیەکا مەزن دھێتەکرن لڤان گۆھۆڕینێن رۆژھەلاتا ناڤین ڤەگرتی، چونکو دەڤەر بۆیە دو میحوەر ئەوژی میحوەرێ رۆسیا و میحوەرێ ئەمریکا.
ئەڤرۆ نیوز، قائید میرۆ:
ھژمارەکا چەکداران ئاڤاھیێ پەروەردا قەزا دەشتی ھەولێر دورپێچکر و پشتی شەڕەکێ دژوار دو کەس برینداربوون.
ژێدەرەکێ ئاگەھدار ب ئەڤرۆ نیۆز راگەھاند” نیڤرۆیا ئەڤرۆ ب ئەگەرێ ئاریشەیا بکرێدانا فڕۆشگەھێن قوتابخانێن پەروەردا قەزا دەشتی ھەولێر یا نێزیک باژێڕێ ھەولێرێ شەڕە تەقە کەفتە ناڤبەرا ئیدارەیا پەروەردەیا دەشتی ھەولێر و بەلێندەرێن وەرگرتنا فرۆشگەھان، د ئەنجامدا دو کەس ب چەکی برینداربووینە.
ژێدەری کو نەڤیا ناڤێ وی بھێتە بەلافکرن گۆتژی” شەڕ ددەمەکیدایە بۆیە کو بەلێندەردگەل رێڤەبەرێن قوتابخانا و ئیدارەیا پەروەردێ دکۆمبوونێ دابووینە و پشتی شەڕە دەف چێبووی ل دەرڤەی پەروەردێ خەلکێ چەکدار پشکداری شەڕی کریە.
ئەڤرۆ نیوز، سالار دۆسکی:
سەرۆکێ لقێ دھۆکێ ئێکەتیا مامۆستایێن کوردستانێ ئاشکراکر کو پشتەڤانێ مافێن مامۆستانە کو مووچێن وان بھێنە پارڤەکرن.
وەھبی یونس تێلی زێدەتر بۆ ئەڤرۆ نیۆز گۆت: ل گەل ھندێ ینە پشتەڤانیا مامۆستا بھێتەکرن مووچێن وان زوو بھێنە پارڤەکرن، لێ نەچوونا دەوامێ ئەم نە ل گەل ڤێ چەندێنە، ژ سەرجەمێ ١٢ لقێن مامۆستا بتنێ دو لقێن مامۆستان ل سەرانسەری کوردستانێ بایکوتا خواندنێ کرینە.
ھەڤدەم جێگرێ سەرۆکێ ئێکەتیا مامۆستایێن کوردستانێ د نووترین لێدوان دا بەحسێ مووچێ وەزارەتێن پەروەردێ و خواندنا بلندکر.
ئەحمەمەد گەرمیانی جێگرێ سەرۆکێ ئێکەتی مامۆستایێن کوردستانێ بۆ ئەڤرۆ نیۆز گۆت: بەردەوامین ل سەر ھەلویستێ خوە کو مووچێ مامۆستا بھێـتە دابینکرن و مە رژدی ل سەر وێ چەندێ کریە و بزاڤ کرینە ل گەل وەزارەتا دارایی و ب رێکا وەزارەتا پەروەردێ و خواندنا بلند کو مووچێ وەزارەتێن پەروەردێ و خواندنا بلند پشتی ھەر دو وەزارەَن پێشمەرگەی و نافخوە بھێتەبەلاڤەکرن.
ئەڤرۆ نیوز، قائید میرۆ:
پەرلەمانێ کوردستانێ دوڤچوونا رەڤاندنا سێ وەلاتیێن ھەرێما کوردستانێ ژلایێ چەکدارێن پەکەکێ دکەت و جێگرێ سەرۆکێ لیژنا نافخۆژی دبێژیت، چارەنڤیسێ وان دیارنینە.
نازم کەبیر، جێگرێ سەرۆکێ لیژنا نافخۆ یا پەرلەمانێ کوردستانێ ب ئەڤرۆ نیۆز راگەھاند ” سێ رۆژا بەریا نوکە چەکدارێن پەکەکێ ل دەڤەرا قەندیل چووینە سەر گوندێ زارگەلی و دو وەلاتی و موختارێ گوندی بەرەف جھەکێ نەدیار رەڤاندینە، کو ھەردو وەلاتیێن رەڤاندی کەس و کارێن شەھیدانە.
نازمی گۆتژی” ئەم وەکی پەرلەمانێ کوردستانێ ئەڤێ دەستدرێژیا چەکدارێن پەکەکێ شەرمزاردکەین و کارەکێ بێڕیزی دزانین ھەمبەر کەس و کارێن شەھیدان، نوکە لیژنا نافخۆ مژۆلی کۆمکرنا زانیاریان لدۆر ئەڤان سێ وەلاتیان ژبەرکو چارە نڤیسێ وان دیارنینە.
ئه‌ڤرۆ نيوز:
حوکمە‌تا ھەرێما کوردستانێ ل دووڤ بە‌رنامە‌ی بۆ گە‌شە‌پێدان و پێشڤە‌برنا کە‌رتێ پێشە‌سازی، دێ کارگە‌ھێن کە‌رتێ گشتی دە‌تە کە‌رتێ تایبە‌ت ب کرێ، بە‌رامبە‌ر رێژا ٢٠ % ژ قازانجێ ، ئە‌ڤ پلانا حوکمە‌تێ بۆ دووبارە کارکرنا کارگە‌ھێن کە‌رتێ گشتی یێن راوە‌ستیایی و پە‌یداکرنا دە‌لیڤێن کاری بۆ وەلاتیان و دابینکرنا رێژە‌یەکێ ژ پێدڤیێن بازاری نە .
ئاراس رە‌ئوف رێڤە‌بە‌رێ گشتی یێ پێشە‌سازیێ ل وەزارەتا بازرگانی و پێشە‌سازی راگەھاند:پلانا تایبە‌ت یا حوکمە‌تێ بۆ گە‌شە‌پێدانا کە‌رتێ پێشە‌سازی و ئاراستە‌کرنا ئاسانکاریان بۆ وە‌بە‌رھێنە‌ران و دە‌ست نیشانکرنا پارچێن ئە‌ردی بۆ ئاڤاکرنا کارگەھان بخوڤە دگریت ، کارگە‌ھێن کە‌رتێ گشتی یێن ئاڤاکری ژی دێ دە‌نە کە‌رتێ تایبە‌ت ب کرێ بە‌رامبە‌ر ٢٠% ژ قازانجێ، رێڤە‌بە‌رێ گشتیێ پێشە‌سازیێ بۆ رۆژناما ئەڤرۆ گۆت:لژنە‌کا پسپۆر ل وە‌زارە‌تێ ھاتیە پێک ئینان بۆ چە‌وانیا برێڤە‌برنا ڤێ پروسێ و دانە کرێ یا ڤان کارگەھان ئێک ب ئێک و مورکرنا گرێبە‌ستان دگە‌ل وە‌بە‌رھێنە‌ران .
نوکە حوکمە‌تا ھە‌رێمێ ١٢ کارگە‌ە ھە‌نە و د راوە‌ستیایینە ژ کاری ب شێوە‌کێ گشتی ژبە‌ر کە‌ڤناتیا ئامیران ، دگە‌ل ھندە‌ک کارگەھان لڤێ دوماھیێ داینە ب کرێ، بەلێ بێکو مفایە‌کێ ئابووری ھە‌بن ژبەرکو بە‌رھە‌مێ وان یێ پێشە‌سازی بتنێ ھندە‌ک کە‌ل و پە‌لێن ئاسایی و بە‌کاربرنێ نە وەکی تە‌زیاتا و چپس ، ھەر ل دوور ڤێ چەندێ نازدار عبدالقادر حسێن رێڤە‌بە‌را گە‌شە‌پێدانا پێشە‌سازی ل دھۆک بۆ رۆژناما ئەڤرۆ گۆت: ل پارێزگە‌ھا دھۆک بتنێ چوار کارگە‌ھێن کە‌رتێ گشتی ھە‌نە و ئەوژی ھەر چار بە‌ری نوکە وە‌ک گرێبە‌ست داینە وە‌بە‌رھێنە‌ران بو ماوێ ٢٥ سالان، ل دوور وان کارگە‌ھێن ل پارێزگە‌ھا دھۆکێ رێڤە‌بە‌را گە‌شە‌پێدانا پێشە‌سازی گۆت: ئەوژی کارگەھا تە‌زیاتا ل دھۆک و کارگەھا داگرتنا قە‌سپا (التمور) ل زاخو و کارگەھا رونی (زیت) ل ئاکرێ کو نوکە مفایێ خویێ ئابووری نە‌مایە ژبەرکو مادێ دە‌ستپیکی زور یێ گرانە بە‌رامبە‌ر بە‌رھە‌مێ ئامادە و ھە‌کە کارکە‌ت ژی نە‌شێت رکابە‌ریا بە‌رھە‌مێ بیانی بکە‌ت، رێڤە‌بە‌ریا وان وە‌بە‌رھێنە‌ر ئاگەھدارکرینە یان پێدڤیە دە‌ست ب کاری بکە‌ت یان دێ گرێبە‌ستا وی ئێتە ھە‌لوە‌شاندن و کارگەھا سپیاتیا ل سێمێلێ مولکیە‌تا وی ھاتیە ڤە‌گوھاستن ژ وەزارەتا بازرگانی و پێشە‌سازی بۆ دە‌ستە‌یا وە‌بە‌رھێنانێ.
ل دووڤ ڤوکولینە‌کا حوکمە‌تێ ب دانە کرێ و کارکرنا ڤان کارگەھان دێ ٢٨ ھزار دە‌لیڤێن کاری ل ھە‌رێمێ پە‌یداکە‌ت ، ژ سالا ٢٠٠٦ وە‌رە ل دووڤ پلانا پشتەڤانیا وە‌بە‌رھێنانێ مولە‌تا ئاڤاکرنا ٥٠٠٠ کارگە‌ھێن تایبە‌ت دە‌رکە‌فتیە و دبیاڤێن جوراو جور دا،بەلێ ژبە‌ر قە‌یرانا دارایی ٢٠٠٠ نوکە بتنێ کاردکە‌ن .
ئەڤرۆ نیۆز، قائید میرۆ:
بڕیارە پشتی کێمکرنا موچێن پلە بلند ٢٠٠ ھزار دینارێن موچێن بەرپرسان بچنە سەر موچێ ھێزێن پێشمەرگەی.
بەھار عەبدولڕەحمان، بڕیاردەرا لیژنا پێشمەرگەی لپەرلەمانێ کوردستانێ ب ئەڤرۆ نیۆز راگەھاند ” چوار پڕۆژە قانوون بۆ رێکخستن و کێممرنا موچێ ن پلە بلند ھاتینە بەرھەڤکرن و نوکە یێ تێدا دھێتەکرن بۆ رێکخستنەڤا موچێن پلە بلند، بەلێ ھێشتا دوماھی نەھاتینە کو ببنە ئێک پڕۆژە.
بەھارێ دیارکر، ددەمێ کێمکرنا موچێن پلە بلند دێ زێدەھیا وان چیتە سەر موچێ پێشمەرگەیی و بشێوەیەکێ قانوونی دێ ھێتە رێکخستن، ئەز باوەرم دێ موچێ ھەر پێشمەرگەیەکێ ٥٠٠ ھزار دیناران وەرگریت ٢٠٠ ھزار دێ بۆھێنە زێدەکرن.
نيشاندان