ئه‌ڤرۆ نیۆز، قائید میرۆ:
فه‌رمانده‌یه‌كێ هێزێن پێشمه‌رگه‌ی ئاشكراكر، داعش هێزێن خوه ل سه‌نگه‌رێن به‌رامبه‌ر پێشمه‌رگه‌ی زێده‌كرینه و لبه‌ره هێرشان بكه‌ت، به‌لێ پێشمه‌رگه یێ به‌رهه‌ڤه بۆ به‌رسڤدانا وان.
به‌هرام عه‌ریف یاسین، فه‌رماندێ پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” گروپا تیرۆرستیا داعش ل میحوه‌رێ خازر هه‌تا دگه‌هیته باشیك و ناوه‌ران هێزێن خوه زێده كرینه و رۆژانه سه‌نگه‌رێن پێشمه‌رگه‌ی ژلایێ تیرۆرستێن داعشڤه دهێنه تۆپبارانكرن، گوره‌ی زانیاریێن بۆمه هاتی داعش لناڤ موسل پڕۆپاگنده‌كرینه و ب خه‌لكێ باژێڕی گۆتیه دێ ل جه‌ژنێ هێرشی سه‌ر هێزێن پێشمه‌رگه‌ی بكه‌ین.
به‌هرامی گۆت ژی” هه‌ر گوره‌ی زانیاریان داعش لبه‌ره د ئه‌ڤان هێرشاندا چه‌كێ كیمیایی دژی پێشمه‌رگه‌ی بكاربینیت، به‌لێ چو كاریگه‌ری نابیت و هێزێن پێشمه‌رگه‌ی د به‌رهه‌ڤن بۆ به‌رسیڤدانا هه‌ر هێرشه‌كێ.”
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سهرهكى نوچێن گرنگ
هه‌ژماره‌كا مامۆستایێن په‌روه‌ردا ئامێدیێ بێ مۆله‌ت چووینه ژده‌رڤه‌ى وه‌لاتى
ئه‌ڤرۆ نیوز: مه‌حمود نهێلى:
رێڤه‌به‌رێ په‌ره‌وه‌ردا قه‌زا ئامێدیێ بۆ ئه‌ڤرۆ دیار كر كو زه‌نگا سالانا نوویا خواندنێ ل قوتابخانه‌یا ئیسفكا یا قه‌دشێ ب ئاماده‌بوونا قایمقمامێ قه‌زا ئامێدیێ ل سپێده‌هیا رۆژا 15/9/2015 هاته لێدان و د پرۆسه‌یا خواندنا سالا 2015-2016 دورێن 32 هزار قوتابى دێ ل ده‌ڤه‌را ئامێدیێ به‌شدار بن.
ناسر موحه‌مه‌د سه‌عید رێڤه‌به‌رێ په‌روه‌ردا قه‌زا ئامێدیێ بۆ بۆ ئه‌ڤرۆ خویاكر، كو بۆ سالا خواندنێ یا 2015 – 2016 بیست و شه‌ش ماموستایا موله‌تا بێ موچه وه‌رگرتیه و گۆت:” بارا پترێ ئه‌ڤ ماموستایه ئه‌و نینن یێن دچنه ده‌رڤه‌ى وه‌لاتى به‌لكو چێدبیت نه‌خوشیه‌ك هه‌بیت یان ژى كاره‌كى بكه‌ن و یێن ب هند كارێن دى ڤه گرێدایى و ئه‌و ماموستایێن موله‌ت وه‌گرتى یێن ئازادن تا موله‌تا وانا ب داوى دهێت”.
و ئاشكرا كر كو هند ماموستایان تا نها په‌یوه‌ندى ب قوتابخانه‌یێن خوه نه‌كریه و دهێته زانین ئه‌ڤ ماموستایه بێ موله‌ت چوبنه ده‌رڤه‌ى وه‌لاتى و ته‌كه‌زكر هه‌ر ماموستایه‌كى په‌یوه‌ندیێ ب قوتابخانه‌یێن خوه نه‌كربیت ل دووڤ رێنمایان دێ هێنه دوورخستن ژ كارێ وان.
ناڤبرى ئه‌و یه‌ك ژى دیاركر، كو ئه‌و ماموستایێن قه‌ستا ده‌رڤه‌ى وه‌لاتى كرى یێن ب موله‌ت و بێ موله‌ت بارا پترێ ژ برایێن مه‌سیحى نه و ئه‌و ژى نه‌ڤه‌شارت كو هه‌ژمارا وان ماموستایێن قه‌ستا ده‌رڤه‌ى كرى رێژه‌یه‌كا گه‌له‌ك كێمن.
بۆ چاره‌سه‌ره‌كرنا ئاریشه‌یا نه‌بوونا ماموستایان ژى ناڤبرى دیاركر، كو ب وانه بێژا و ڤه‌گوهاستنێ تا راده‌یه‌كى دێ هێته چاره‌سه‌ركرن بۆ وێ یه‌كێ بوشایا زانستى نه‌كه‌ڤیته ده‌ڤه‌رێ.
خشتێ به‌لاڤكرنا مووچێ هه‌یڤا شه‌ش هاته راگه‌هاندن
ئه‌ڤرۆ نیوز:
وه‌زاره‌تا دارایى خشتێ به‌لاڤكرنا مووچێ هه‌یڤا 6 یێ فه‌رمانبه‌رێن هه‌رێمێ به‌لاڤكر و ب ڤى ره‌نگى دێ دووماهى ب به‌لاڤكرنا مووچێ هه‌یڤا 6 هێت”
1- پێنج شه‌مبیێ 17/9/2015 وه‌زاره‌تا خواندنا بلند
2- ئێكشه‌مبیا بهێت 20 هه‌یڤا 9 وه‌زاره‌تا ناڤخو
3-دوشه‌مبى و سێشه‌مبیێ 21 و 22هه‌یڤا 9 خانه‌نشینیا مه‌ده‌نى و پێشمه‌رگه‌ى، سه‌رۆكایه‌تیا په‌رله‌مان و سه‌رۆكایه‌تیا هه‌رێمێ و سه‌رۆكایه‌تیا جڤاتا وه‌زیران.
ب ڤێ یه‌كێ دێ دووماهى ب مووچێ هه‌یڤا 6 هێته كرن.
ب وێنه: سه‌رۆك بارزانی و سالح موسلم ل هه‌ولێرێ كۆم دبن
ئه‌ڤرۆ نیوز: ڤه‌ده‌ر ره‌شاڤایی:
ئه‌ڤرۆ 15 ئیلۆنێ مه‌سعود بارزانی سه‌رۆكێ هه‌رێما كوردستانێ و سالح موسلم سه‌رۆكێ پارتا یه‌كێتییا دیمۆكرات په‌یه‌دێ ل هه‌ولێرێ كۆم بوون.
لدووڤ داخویانییا برێت مه‌ككۆرگ نوونه‌رێ سه‌رۆكاتییا ئه‌مریكا بۆ هه‌ڤپه‌یمانییا دژی داعش ل ئیراق و سوریا، د كۆم بوونێ دا به‌حسێ بزاڤێن به‌رهنگاربوونا تیرۆرستين داعش هاتییه كرن.
په‌قینه‌ك ل رۆژئاڤا كوردستانێ چه‌ندین قۆربانییان لدووڤ خوه دهێلیت
ئه‌ڤرۆ نیوز: ڤه‌ده‌ر ره‌شاڤایی:
ژ سه‌ده‌مێ په‌قینا ترۆمبێله‌كا تێنتیكری ل باژێرێ حه‌سه‌كێ ل رۆژئاڤا كوردستانێ حه‌فت كه‌س هاتنه كوشتن و سیهـ كه‌س بریندار بوون.
روانگه‌ها سوری بۆ مافێ، مرۆڤی دیاركر كو په‌قین ژ ئالیێ خوه‌كوژه‌كی ڤه هاته ئه‌نجام دان كو ترۆمبێلا خوه ل به‌ر ده‌رێ ئاڤاهیێ رێڤه‌به‌رییا ئاڤێ ل تاخێ مه‌عاشیێ په‌قاند و دو ژ قۆربانیێن گیانێ خوه ژ ده‌ست دای شه‌رڤانێن كورد بوون.
دوهی رۆژا دوشمه‌بی ژی د په‌قینه‌كێ دا ل هه‌مان باژێر 32 كه‌س هاتبوونه كوشتن و تیرۆرستێن داعش به‌رپرساتییا خوه ژ هێرشێ راگه‌هاندبوو.
تێ زانین پشكه‌كا مه‌زن یا باژێرێ حه‌سه‌كێ نها لبن كنترۆلا هێزێن كوردی یه‌په‌گێ یه.
پشتی ته‌ماشای ڤیدیۆیێن داعش كری لگه‌ل ئه‌ڤیندارێ خوه دایكا خوه كوشت
ئه‌ڤرۆ نیوز: ڤه‌ده‌ر ره‌شاڤایی:
دادگه‌ها دانیماركی سزایێ 9 سالێن زیندانكرنێ لسه‌ر سنێله‌كا دانیماركی سه‌پاند كو پار سال پتشی ته‌ماشای گه‌له‌ك ڤیدیۆیێن تیرۆرستێن داعش كری كو سه‌ربرینێن ئه‌و پێ رادبن نیشان ددان دایكا خوه كوشت بوو.
لیزا بۆرچ یا 15 سالی لگه‌ل ئه‌ڤیندارێ خوه یێ موسلمانێ توندره‌و كو ب ره‌گه‌ز ئیراقییه بناڤێ به‌ختیار موحه‌مه‌د عه‌بدولا ل داویا سالا 2014 ێ د بزاڤه‌كێ دا 20 جاران كێركه‌كا لێنانگه‌هێ ل دایكا لیزاێ دابوو و كوشت بوو.
به‌ختیار ژی ب 13 سالێن زیندانكرنێ هاته حوكمكرن و پشتی ده‌مێ حۆكمێ خوه دبۆرینیت دێ ژ دانیمارك هێـه ده‌رێخستن و بۆ ئیراقێ هێته هنارتن.
لیزایێ پشتی دایكا خوه كوشتی تێله‌فۆن بۆ پۆلیسان كربوو گۆتبوویێ ئێكێ دایكا وێ یا ل خوینێ وه‌ركری و ره‌ڤی، پشتی پۆلیس گه‌هشتینه مالا وان دیت كو لیزا یا د ئایفۆنا خوه دخه‌بتیت ده‌مێ پۆلیسان پرسیار لێ كر كا دایكا وێ ل كیڤه‌یه، ناڤهاتی ب ئیشاره‌تان گۆتێ ل قاتێ دوویێ.
پۆلیسان ئایفۆنا وێ پشكنین و دیار بوو كو ب سه‌دان ڤیدیۆیێن داعش یێن سه‌ربرین و كوشتنێ ل سه‌ر یۆتیۆبی ڤه‌كرینه و ته‌ماشه كرینه ژ وان ژی ڤیدیۆیا جیهادی جۆن، خوشكا وێژی دیاركر كو ئه‌و ژ مال جودا ببوو ژبه‌ر شه‌رێن هه‌ررۆژی یێن لیزایێ و دایكا وێ.
ئه‌گه‌رێن شه‌رێن وان ژی ئه‌و بوو دایكا وێ دگۆتێ وه‌كی كچێن ئاسایی به و هه‌ڤالینیا توندره‌وان نه‌كه، كو لدووڤ دا دیارببوو كچا وێ و به‌ختیاری پلان دانایه بچنه سوریا و بگه‌هنه داعش.
پشتی چه‌ندین مه‌هێن دادگه‌هێ تاوانبارییا هه‌ردوكان هاتنه سه‌لماندن و هاتنه حوكم كرن.
جوداهيا مووچه‌ى دێ بۆ فه‌رمانبه‌رێن دهۆك هێته مه‌زاختن
ئه‌ڤرۆ نيوز:
وه‌زاره‌تا دارايى و ئابوورى بڕيارێ دده‌ت جوداهيا مووچێ فه‌رمانبه‌ر و خانه‌نشينكريێن دهۆك و هه‌ولێر ژ مووچێ هه‌يڤا حه‌فت هه‌يڤانه ب مه‌زێخيت.
پشتى ده‌ركه‌فتنا رێنمايێن وه‌زاره‌تا دارايى يێن ژماره 32 ل 28ى كانوونا ئێكێ يا سالا 2011 بڕيار هاته دان مووچێ فه‌رمانبه‌رێن هه‌رێما كوردستانێ بهێته وه‌كهه‌ڤكرن و قه‌ره‌بوويا جوداهيا مووچه‌ى بۆ ئه‌وان فه‌رمانبه‌ران بهێته دان يێن مافێ وان پێ نه‌هاتيه دان د بلندكرنا ناڤونيشانان دا، پشكه‌ك ژ جوداهيا مووچه‌ى هاتبوو مه‌زاختن و پشكه‌ك ژى هه‌تا نوكه يا مايى، وه‌زاره‌تا دارايى د نووترين بڕيار دا، راگه‌هاند دووباره دێ ده‌ست ب خه‌رجكرنا جوداهيا مووچێ وان فه‌رمانبه‌ران كه‌ت يێن ئه‌و رێنما ژێ دگرن.
رۆژناما باس به‌لاڤكريه كو ب گۆره‌يى بڕياره‌كا رێباز حه‌ملان وه‌زيرێ دارايى ل هه‌رێما كوردستانێ كو ل 17ى ته‌باخا 2015ێ ده‌ركه‌فتيه، ئاماژێ ب وێ چه‌ندێ دكه‌ت كو دێ هه‌يڤانه جوداهيا مووچێ فه‌رمانبه‌ر و خانه‌نشينكريێن هه‌ولێر و دهۆك هێته مه‌زاختن.
د وێ بڕيارێ دا هاتيه: “گه‌نجينه دێ جوداهيا مووچێ فه‌رمانبه‌ر و خانه‌نشينكريان ل پارێزگه‌هێن هه‌ولێر و دهۆك ب رێژا 10% يێ سه‌رجه‌مێ گشتى بۆ هه‌ر هه‌يڤه‌كێ مه‌زێخن”.
وه‌زاره‌تا دارايى ئاماژه ب وێ چه‌ندێ ژى كريه كو ئه‌ڤ بڕياره ژ 1ى تيرمه‌ها 2015ێ دێ هێته بجهئينان و ل گه‌ل ليستا مووچه‌يى هێته مه‌زاختن.
هنده‌ك ژ وه‌زاره‌تان ليستا مووچێ هه‌يڤا حه‌فت هنارتيه گه‌نجينان، ژ به‌ر هندێ وه‌زاره‌تا دارايى ئه‌وێ چه‌ندێ روون دكه‌ت كو ئه‌و وه‌زاره‌ت ئه‌وێن ليستا مووچێ هه‌يڤا حه‌فت هنارتبيته گه‌نجينێ دێ ب رێيا ليسته‌كا جودا ب جوداهيا مووچه‌ى بۆ گه‌نجينێن په‌يوه‌نديدار ره‌وانه بكه‌ن.
ب گۆره‌يى رێنمايێن دارايى ژماره 1 ل 9ى كانوونا دويێ يا سالا 2013ێ ب تنێ 96 فه‌رامبه‌ران قه‌ره‌بوويا 32 هه‌يڤان بۆ فه‌رمانبه‌رێن هه‌ولێر و دهۆك مه‌زاختيه، ئه‌ڤه ژى د ده‌مه‌كى دايه كو به‌رى نوكه بۆ فه‌رمانبه‌رێن ئيدارا به‌رێ يا سلێمانيێ ب ته‌مامى هاتيه مه‌زاختن.
ب بڕيارا جڤاتا وه‌زيرێن هه‌رێما كوردستانێ ل سالا 2011ێ بڕيار هاتيه دا ب راستڤه‌كرنا مووچان و مه‌زاختن و جوداهيا مووچێ فه‌رمانبه‌رێن به‌رێ يێن ئيدارا سلێمانيێ ل 1ى كانوونا دويێ يا سالا 2004ێ هه‌تا 31ى كانوونا ئێكێ يا سالا 2010ێ و بۆ ڤێ مه‌ره‌مێ ژى وه‌زاره‌تا دارايى هه‌موو قه‌ربوو مه‌زاخت.
عوسمان سالح رێڤه‌به‌رێ گه‌نجينا هه‌رێمێ ئه‌ڤ بڕيارا وه‌زاره‌تا دارايى دووپاتركر و راگه‌هاند، بڕيارا وه‌زاره‌تا دارايى بۆ وان هاتيه و هه‌يڤان ژ سه‌رجه‌مێ گشتيێ موسته‌حقاتێن جوداهيا مووچێ فه‌رمانبه‌ران 10% دێ هێته مه‌زاختن.
دو گزیرتێن ئورۆپی دێ كڕیت و په‌نابه‌ران لێ حه‌وینیت
ئه‌ڤرۆنیۆز، ئه‌یاد به‌روار:
ملیاردێره‌كێ مسری یێ دانوستاندنان بۆ كرینا دو گزیرتێن یونانی دكه‌ت ژبۆ حه‌واندنا هزاره‌ها په‌نابه‌رێن سووری و یێن وه‌لاتێن دی ئه‌وێن تووشی شه‌ڕی بووین.
نه‌جیب ساویرس ملیاردێرێ مسری بۆ ( هافینگتۆن پۆست عه‌ره‌بی) دیاركر كو یێ گه‌هشتیه رێككه‌فتنه‌كێ ل گه‌ل خودانێن وان هه‌ردو گزیرتێن یونانی بۆ كرێنا وان بۆ حه‌واندنا په‌نابه‌ران و داخواز ژ حوكمه‌تا یونانی ژی كریه رازیبوونێ ل سه‌ر وێ چه‌ندێ بكه‌ت و نوكه یێ ل هیڤیا به‌رسڤا حوكمه‌تا یونانی.
ساویرسی خویاكر، هه‌كه حوكمه‌تا یونانی رازی بوو ل سه‌ر كرینا وان هه‌ردو گزیرتان، دێ ناڤێ وێ كه‌ته (گزیرتا ئیلان) ئانكو دێ ب ناڤێ وی زارۆكێ كورد ناڤ كه‌ت ئه‌وێ ته‌رمێ وی ل سه‌ر لێڤا كناره‌كێ توركی ل ده‌ستپێكا ڤێ مه‌هێ هاتیه دیتن.
ڤی ملیاردێرێ مسری ره‌تكر ژی مایتێكرنا خوه د شێوێ حوكمرانیێ ل هه‌ردو گزیرتان بكه‌ت و دیاركر كو كۆمپانیا ئه‌وا په‌یوه‌ندیێ ل گه‌ل حوكمه‌تا یونانی دكه‌ت، كاری د وارێن وه‌به‌رهێنانێ دا دكه‌ت و مایێ خوه د لایه‌نێن سیاسی دا ناكه‌ت. نه‌جیب ساویرس كو دهێته هژمارتن ئێك ژ ده‌وله‌مه‌نترین زه‌لامكارێن مسرێ، ل ده‌ستپێكا ڤێ مه‌هێ داخواز ژ (تویته‌ری) كربوو گزیرته‌كێ ل یونانێ یان ل ئیتالیا بكریت و سه‌ربه‌خوه‌یا وێ گزیرتێ رابگه‌هینیت و په‌نابه‌ران وه‌رگریت و ده‌لیڤێن كارى بۆ په‌یدا بكه‌ت ل وه‌لاتێ وان یێ نوو.
ب فه‌رمى بهێنڤه‌دانا جه‌ژنا قوربان هاته دیاركرن
فورما كۆمسیونێ ب ڤێ رێكێ پر بكه
ئه‌ڤرۆ نیوز:
پشتى كومسیونا بلندا سه‌ربه‌خویا هه‌لبژارتنان ل كوردستانێ بریارداى چه‌ند كه‌سان دامه‌زرینیت، هوین دشێن ب رێیا ڤى لینكى فورمێ داگرن
نيشاندان
WP Facebook Auto Publish Powered By : XYZScripts.com