ئەڤرۆ نیۆز، قائید میرۆ
ئەندامەکێ جڤاتا سەرکردایەتیا پارتی دیموکراتی کوردستان ئاشکراکر، پارتی لبەرە گۆھۆڕینێن مەزن دناڤا کادرێن خوەدا بکەت لسەر ئاستێ حزبێ و حوکمەتێ.
دکتۆر ئاراس حەسۆ میرخان ئەندامێ جڤاتا سەرکردایەتیا پارتی ب ئەڤرۆ نیۆز راگەھاند” بەری ھاتنا شەڕێ داعش و ھێرشێ ڤێ رێکخراوێ بۆسەر ھەرێما کوردستانێ، پارتی دیموکراتی کوردستان لبەربوو گۆھۆڕینێن بەرچاڤ بکەت ل کادرێن خوە یێن حزبی و حوکمەتێ، بەلێ رەوشا نوکە ئەف گۆھۆڕین پاشخستن و ئەف گۆھۆڕین نەھاتنە کرن.
دکتۆر ئاراس دیارکر، ھەر دەمێ رەوش بەرەف باشیێ چوو، ئەڤە لسەر ئاستێن بلند دێ پارتی گۆھۆڕینان لبەرپرسێن لقا و کادرێن خوە یێن ناڤا حوکمەتێ بکەت، ھەروەسا مە لبەرە رەوش تەنابیت کۆنگرێ پارتی بھێتە گرێدان.
ئه‌ڤرۆ نيوز، نيوار محه‌مه‌د سه‌ليم:
ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند: ژ به‌ر مژووليا سه‌رۆكێ په‌رله‌مانى ب كارێن حزبايه‌تى و ئه‌جنيدايێن حزبا خوه د ناڤ په‌رله‌مانى دا نه‌شيناينه گه‌نگه‌شێ ل سه‌ر ئه‌گه‌رێن چوونا گه‌نجان بۆ ژ ده‌رڤه و گه‌له‌ك بابه‌تێن دى بكه‌ن.
محه‌مه‌د عه‌لى ياسين، ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ، د داخۆيانيه‌كا تايبه‌ت دا بۆ ئه‌ڤرۆ نيوز ئه‌نجنيدا پارتى بۆ قووناغا داهاتى ئاشكه‌را دكه‌ت و دده‌ته زانين ژى كو سه‌رۆكێ په‌رله‌مانى رێز بۆ په‌رله‌مانى نه‌هێلايه.
محه‌مه‌د عه‌لى ياسين دا زانبن كو ل ده‌سپێكێ بزاڤه‌ك هه‌بوو “روونشتنه‌كا تايبه‌ت ل سه‌ر چوونا گه‌نجان بۆ ژ ده‌رڤه‌يى وه‌لاتى هه‌بيت و گه‌له‌ك بابه‌تێن دى، بۆ نمۆنه، د بۆرينا ساله‌كێ ل سه‌ر كاره‌ساتا شنگال، مه هزر كر دێ تشته‌كێ باش هێته كرن و هنده‌ك رێنما د به‌رژه‌وه‌ندا وان دا ده‌ركه‌ڤن، به‌لێ ژ به‌ر مژووليا سه‌رۆكێ په‌رله‌مانى ب كارێن نه گرێدايى په‌رله‌مانى ل ناڤ هۆلا په‌رله‌مانى و په‌يره‌وكرنا ئه‌جنيدايێن حزبا خوه، چو نه‌هاته كرن”.
ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ خۆيا كر كو ئه‌و وه‌كو پارتى ڤێ چه‌ندێ قه‌بوول ناكه‌ن و هه‌كه سه‌رۆكێ په‌رله‌مانى ل سه‌ر بێ رێزكرا په‌رله‌مانى يێ به‌رده‌وام بيت، ئه‌و دێ كار ل سه‌ر وێ چه‌ندێ كه‌ن “هنده‌ك بژاردێن دى ل به‌ر مه‌هه‌نه و ژ وان دووباره پێداچوون ب وێ ته‌وافقێ يا كابينا هه‌شتێ ل سه‌ر هاتيه مه‌زارندن و پۆستێن په‌رله‌مانى ل سه‌ر هاتينه بلاڤكرن” ب به‌هانه‌يا وێ چه‌ندێ “نابيت گۆڕان د هه‌مان ده‌م حوكمه‌ت بيت و ئۆپۆزسيۆن بيت، دڤێت گۆڕان و سه‌رۆكێ په‌رله‌مانى باوه‌رى ب ديموكرسيا ته‌وافقى هه‌بيت”.
ئه‌ڤرۆ نيوز:
بابێ ئالان كوردى، ئه‌و زارۆيێ ل سه‌ر رێيا ئورۆپا د ناڤ ئاڤا ده‌ريا ئيجه دا خه‌ندقى سۆپاسيا نێچيرڤان بارزانى، سه‌رۆكێ حوكمه‌تا هه‌رێما كوردستانێ دكه‌ت.
رۆژا ئه‌ينى 4ى ئيلۆنا 2015ێ نێچيرڤان بارزانى سه‌رۆكێ حوكمه‌تا هه‌رێما كوردستانێ ب ته‌له‌فۆنێ په‌يوه‌ندى ب عه‌بدولا كوردى بابێ ئالان كر و پرسه و سه‌ره‌خوشيێن خوه ئاراسته‌يى خێزان و كه‌سوكارێن وى كرن.
ب گۆره‌يى نوچه‌كێ فه‌رميێ مالپه‌رێ سه‌رۆكاتيا حوكمه‌تا هه‌رێما كوردستانێ وێرايى ده‌ربڕينا هه‌ڤخه‌مى و هه‌ڤسۆزيا خوه بۆ ژ ده‌ستدانا ئالان و غالب و دايكا وان و ريحان شتوى، نێچيرڤان بارزانى هه‌ڤپه‌خميا خوه بۆ خێزان و كه‌سوكارێن هه‌موو وان په‌نابه‌رێن رۆژئاڤايێ كوردستانێ ده‌ربڕى يێن د رێيا په‌نابه‌ريێ دا گيانێ خوه ژ ده‌ست دايى.
ب گۆره‌يى وان پێزانينێن هاتينه به‌لاڤكرن، بابێ ئالان سه‌ره‌رايى سۆپاسيكرنا سه‌رۆكێ حوكمه‌تا هه‌رێما كوردستانێ په‌يوه‌نديكرنا سه‌رۆكێ حوكمه‌تێ ب نيشانا “دلفره‌هى و سه‌بره‌كا مه‌زن” بۆ خوه و خێزانا خوه ب ناڤكر.
ئه‌ڤرۆ نيوز:
هه‌ردو وه‌زاره‌تێن به‌ره‌ڤانيێ و ژ ده‌رڤه يێن ئه‌مريكا د دو به‌ياننامێن جودا دا، داخوازێ ژ وه‌لاتيێن خوه دكه‌ن كو توركيا ب جهـ بهێلن و ڤه‌گه‌رنه ئه‌مريكا.
پيته‌ر كۆك ئاخفتنكه‌رێ ب ناڤێ وه‌زاره‌تا به‌ره‌ڤانيێ و ماكر تۆنه‌ر ئاخفتنكه‌رێ ب ناڤێ وه‌زاره‌تا ژ ده‌رڤه يێن ئه‌مريكا د دو به‌ياننامێن جودا دا، راگه‌هاند، پشتى ده‌سپێكرنا هێرشا ئه‌سمانى يا سۆپايێ توركيا ل ئه‌نجرليك بۆ سه‌ر چه‌كدارێن داعش ل سوريا وه‌كو بزاڤه‌ك بۆ پاراستنا گيانێ وه‌لاتيێن ئه‌مريكى ل توركيا، رێ د ده‌ن ب ڤه‌گه‌ريانا ئه‌ندامێن خێزانێن فه‌رمانبه‌رێن خوه ل وى وه‌لاتى، چونكو سلامه‌تيا وه‌لاتيان و فه‌رمانبه‌رێن ئه‌مريكا ل توركيا ل ده‌ف وان يا گرنگه.
به‌يانناما وه‌زاره‌تا ژ ده‌رڤه يا ئه‌مريكا ژى هوشدارى دايه وه‌لاتيێن ئه‌مريكى سه‌ره‌دانا باژێرێن باشوور و رۆژهه‌لاتێ توركيا نه‌كه‌ن ژ به‌ر وان ئالۆزيێن هه‌ين ل وان ده‌ڤه‌ران، د ناڤ وان ژى دا ل هاتا و كيليس و غازى عه‌نتاب و ئورفا و شه‌رناخ و چه‌ند باژێرێن دى.
ئه‌ڤرۆنیۆز، ئه‌یاد به‌روارى
ژێده‌ره‌كی ژ به‌غدا بۆ (ئه‌ڤرۆنیۆز) دیاركر كو وه‌لاتیێن عیراقی ئه‌وێن رۆژا ئه‌ینى پشكدارى د خوه‌نیشاندانێن به‌غدا دا كری دژى گه‌نده‌لیێ، ب شێوه‌كێ به‌ربه‌لاڤ وێنێن شیره‌تكارا ئه‌لمانیا (ئه‌نگیلا مێركل) بلندكرن وسۆپاسیا هه‌لویستێن وێ به‌رامبه‌ر په‌نابه‌ران كر.
محه‌مه‌د جبورى رۆژنامه‌ڤان ژ به‌غدا بۆ ئه‌ڤرۆ نیۆز گوت” ئه‌ڤرۆ خوه‌پیشاندانێن مه‌یدانا ته‌حریر ل به‌غدا د به‌رده‌وامبوون دژی گه‌نده‌لیێ دناڤ حوكمه‌تا عیراقێ دا و د چارچۆڤێ وان خوه‌پیشاندانان دا وێنێن میركلی ژی ب به‌ربه‌لاڤی دهاتنه دیتن وه‌كو سۆپاسیه‌ك بۆ هه‌لویستێ وێ”.
جبوری گوت ژی” چو وه‌لاتیێن عیراقی ل به‌غدا باوه‌ری ب چاكسازیێن سه‌رۆك وه‌زیران عه‌بادی نینه و هه‌موو دره‌ون و هه‌تا نوكه چو پێنگاڤێن چاكسازیێ نه‌هاتینه هاڤێتن”.
ل دۆر پرسا كوچبه‌ریێ ژ به‌غدا بۆ ئورۆپا گوت” كوچكرن گه‌له‌ك یا به‌ر به‌لاڤبووى و رۆژانه ب ده‌هان وه‌لاتی ب تایبه‌تی گه‌نج دچن و ئه‌ڤرۆ ب تنێ 10 گه‌نج ژ تاخێ مه چوون و ئه‌م ل جاده‌یان هه‌ست دكه‌ین كو قه‌ره‌بالغ ژی وه‌كو به‌رێ نه‌مایه و ئه‌ز ب خوه ژی ل گه‌ل پێنج رۆژنامه‌ڤانێن دی دێ به‌ر ب ئورۆپا چین”.
ئه‌ڤرو نیوز ،بارزان مزوورى
فه‌رمانده‌یى فه‌رمانده‌ییا سپیلك ل میحوه‌رێ تلسقوف بو ئه‌ڤرو نیوز ئاشكرا كر كو ئه‌ڤرو مه‌غره‌به‌كا تارى 4 ئه‌یلولێ 2015 چه‌كدارێن تیرورستێن داعش فروكه‌یه‌كا سیخوریێ ل هنداڤى هێزێن پێشمه‌رگه‌ى ل میحوه‌رێ تلسقوف فراندبوو ژبو ده‌ست ڤه ئینانا پێزانینا ل دور هێزێن پێشمه‌رگه‌ى و ده‌م ل ده‌ست ژلایێ هێزێن پێشمه‌رگه‌ى و هێزێن ئاسایشێ ڤه نه‌هێلا داعش پێزانینا ب رێیا فروكێ بزانن و فروكه ئیخسته‌خارێ و كه‌فته ده‌ستێن هێزێن پێشمه‌رگه‌ى و هێزێن ئاسایشێ .
ناڤبرى گوت ژى :كامیره‌ك ب ڤێ فروكێ ڤه بو ژبو گه‌هاندنا پێزانینا ب رێیه‌كا راسته‌وخو .
ئه‌ڤرۆنیۆز، ئه‌یاد به‌روارى
حوكمه‌تا فه‌زنزویلا به‌رهه‌ڤیا خوه بۆ وه‌رگرتنا 7 ملیۆن په‌نابه‌رێن عیراقی و سووری و فلستینی دیاركر و بۆ ڤێ چه‌ندێ ژی تنێ پێدڤیه ل سه‌ر په‌نابه‌رێ دچیته فه‌نزویلا په‌ساپۆرت هه‌بیت و ده‌مێ دگه‌هیته پایته‌ختێ وی وه‌لاتی پێدڤی ب وه‌رگرتنا ڤێزێ ناكه‌ت.
ل دووڤ رۆژناما (الدیار) یا لوبنانی، حوكمه‌تا فه‌نزویلی راگه‌هاندیه كو ئه‌و دێ ئه‌ردێ چاندنێ ل سه‌ر په‌نابه‌ران به‌لاڤكه‌ت هه‌تاكو تێدا كار بكه‌ن و بێ كار نه‌مینن، دیسا ملیۆن خێزانێن فه‌نزویلی به‌رهه‌ڤیا خوه بۆ پێشوازیا خێزانێن په‌نابه‌ر كریه بۆ ده‌مێ سێ مه‌هان هه‌تاكو خانی و ئه‌ردێ چاندنێ وه‌ربگرن.
كه‌رتێ چاندنێ ل فه‌نزویلا پێدڤی ب 650 هزار كاركه‌ران یێ هه‌ی و كه‌رتێ په‌ترۆلێ ژی پێدڤی ب 300 هزار كاركه‌ران یێ هه‌ی و فه‌نزویلا دێ 600 ملیۆن دۆلاران ژ یه‌ده‌كێ خوه ژ سندوقا یه‌ده‌ك یا په‌ترۆلی كێشێت ژ به‌ركو فه‌نزویلا وه‌لاته‌كێ په‌ترۆلی یه و یه‌ده‌كه‌كێ مه‌زن یێ پاره‌ی هه‌یه.
وه‌لاتێ فه‌نزویلا رۆژانه پتر ژ چار ملیۆن به‌رمیلێن په‌ترۆلێ دهنێریته ده‌رڤه و دهێته هژمارتن وه‌لاتێ نه‌هێ ل جیهانێ د به‌رهه‌مئینانا په‌ترۆلێ دا.
فه‌نزویلا دكه‌ڤیته كێشوه‌رێ ئه‌مریكا باشوور و یا هه‌ڤسنوره ل گه‌ل وه‌لاتێن به‌رازیل و كولومپیا و گویانا و ترینیداد و توباگۆ و پایته‌ختێ وێ كاراكاسه و هژمارا وه‌لاتیێن وێ 26 ملیۆن كه‌سن و زمانێ ئیسپانی زمانێ فه‌رمیێ وی وه‌لاتی یه.
ئه‌ڤرۆ نیوز، ئه‌یاد به روارى
سه‌رۆك وه‌زیرێن هه‌رێما كێبك یا كه‌نه‌دی به‌رهه‌ڤیا هه‌رێما خوه بۆ پێشوازیا ب هزاران په‌نابه‌رێن سووری كر.
فیلیب كوبار سه‌رۆك وه‌زیرێن هه‌رێما كیبك یا كه‌نه‌دی بۆ ئاژانسا (فرانس پرێس) گوت” كاره‌ساته ئه‌م پێدڤی ب وێنه‌كێ زارۆكه‌كێ خه‌ندقی د ده‌ریایێ دا بین هه‌تاكو وژدانا مه ب لڤینیت” وه‌كو ئاماژه‌ك بۆ وێنێ وی زارۆكێ كوردێ سووری یێ خه‌لكێ كوبانی ئه‌وێ ل سه‌ر لێڤێن كنارێن توركیا خه‌ندقی و وی وێنه‌ی جیهان هه‌موو هه‌ژاندی.
هه‌رێما كیبك یا كه‌نه‌دی ل سالا 2015 ێ پێشوازی ل 640 په‌نابه‌رێن سووری یا كری و هه‌تا 24 مه‌ها ته‌باخا بۆری كه‌نه‌دا پێشوازی ل 1074 په‌نابه‌رێن سووری كربوو ژ هژمارا 10 هزار په‌نابه‌رێن سووری كو كه‌نه‌دا سۆز دای دده‌مێ سێ سالان دا وێ هژمارا په‌نابه‌ران وه‌رگریت ل دووڤ داخویانیا وه‌زاره‌تا كوچبه‌ریا كه‌نه‌دی.
نيشاندان