ئەڤرۆ نیۆز، قائید میرۆ
تیرۆرستێن داعش 30 وەلاتیێن باژێڕێ مووسل گوللە بارانکرن، کو تێدا دکتۆرەکا ئافرەت ھەبوو.
غەیاس سورچی، پەیڤدارێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” سپێدەھیا ئەڤرۆ چەکدارێن داعش ل سەنتەرێ باژێڕێ مووسل، ب تۆمەتێن جۆدا 30 وەلاتیێن سڤیل گوللە بارانکرن و سزایێ خوە بسەردا سەپاند.
سورچی دیارکر، حەفت ژوان 30 وەلاتیان ئافرەتبوون و دکتۆرەکا ژافرەت بناڤێ دکتۆر ئەحلام ھەبوو، کو ئێکە ژ دکتۆرێن ناڤ و دەنگێن باژێڕی و بسپۆر و شەھرەزایا نەخۆشیان بوویە.
ئهڤرۆ نیوز:
سهرۆك بارزانى سوپاسیا ئهلمانیا كر بهرامبهر ههڤكاریا وان بۆ هێزێن پێشمهرگهى و وهرگرتنا پهنابهران و ئاوارێن شهرى.
ئهڤرۆ سهرۆك بارزانى پێشوازیا ئورسلا ڤون دێرلان وهزیرا بهرهڤانیا ئهلمانیا كر، ددیدارهكێ دا سهرۆك بارزانى سوپاسیا ئهلمانیا كر بهرامبهر ههڤكاریا وان بۆ هێزێن پێشمهرگهى و وهرگرتنا پهنابهران و ئاوارێن شهرى.
وهزیرا بهرهڤانیا ئهلمانیا راگههاند ههتا نوكه وان راهێنان ب زێدهتر ژ 4500 پێشمهرگان كریه و دێ د بهردهوام بن ل ههڤكاریكرنا پێشمهرگهى ل شهرێ دژى داعش.
ئهڤرۆ نیوز: ڤهدهر رهشاڤایی:
واشنتۆن ئاشكرا كر كو لدووڤ زانیارییان، ئیرانێ ددهمێ نها دا پتری ئێك هزار سهرباز ل ئیراقێ ههنه، ههروهسا نێزیكی 2 هزاران ل سوریا ههنه.
جهنهرالێ ئهمریكی و سهرۆك ئهركانێ هێزێن ههڤپشك یێن ئهمریكا جهنهرال جۆزێف دانفۆرد خویاكر: ئهو د باوهرێدانه ههژمارا سهربازێن ئیرانی ل ئیراقێ گههشتیه نێزیكی ئێك هزاران، و ل سوریا گههشتيه نێزكی 2 هزاران، و ببۆرینا دهمی ههژمارا سهربازێن ئیرانی ل ئیراقێ زێدهبووینه.”
ئهڤرۆ نیۆز، قائید میرۆ
ئهڤرۆ ل باژێڕێ مووسل هژمارهك چهكدارێن نهنیاس سهركردهیهكێ گروپا تیرۆرستیا داعش ب چهكێ بێدهنگ كوشت.
ژێدهرهكێ ئاگههدار ب ئهڤرۆ نیۆز راگههاند” ئهڤرۆ هژمارهك چهكدارێن نهنیاس ل تاخێ زهور یێ باژێڕێ مووسل تهقه ل سهركردهیهكێ گروپا تیرۆرستیا داعش بناڤێ عهلا سوههیب عهفهوی كرن كو ب رهگهز توركومانه و خهلكێ قهزا تهلهعفهره.
ژێدهری گۆتژی” ئهف مهزنه تیرۆرست ب چهكێ بێدهنگ هاتیه كوشتن و ددهمێ تهقهكرنێ شوفێری ئهڤی سهركردهیێ داعش ژی هاتیه كوشتن و چهكدار ژی بهرهف جههكێ نهدیار رهڤینه.
ئهڤرۆ نیوز: ڤهدهر رهشاڤایی:
سهرۆك وهزیرێن توركیا ئهحمهد داود ئوغلو بۆ ئێكهم جار پشتراستكر كو توركیا دو هێرش لسهر یهپهگێ ل رۆژئاڤا كوردستانێ كرینه و خویاكر كو توركیا هێلێن سۆر بۆ كوردان ل باكۆرێ سوریا داناینه.
داودئوغلو گۆت: پهیهدێ دهربازی رۆژئاڤا رووبارێ فورات نابیت، ههكهر وێ یهكێ بكهن دێ ئێكسهر توركیا تهقێ لێكهت و وان كهته ئارمانج”
ناڤهاتی د دیدارهكا تێلهڤزۆنی ئهڤ یهك ئینا زمان و گۆت كو توركیا رۆلێ سهرهكی ل سوریا ههیه لێ دیار نهكر ل چ بهروار ههردو هێرش ئهنجام داینه.
یهپهگێ بهرییا دهم خویاكر بوو كو توركیا هێرش هێرش كرییه سهر وان لێ وان بهرسڤ نهداییه.
ئەڤرۆنیۆز، سالار دۆسکی:
غازی سەعید ئەندامێ سەرکرداتیا ئێکگرتوو ئیسلامی کوردستان بۆ ئەڤرۆ نیۆز گۆت: ئێکگرتوو چ پوستێن وەزارەتێن بزاڤا گوران دحوکمەتێ دا وەرناگریت، دیارکر بزاڤەک ھەیە گوران و پارتی ئاریشان چارەکەن.
غازی گۆت: بزاڤ ھەنە ئاریشا دناڤبەرا پارتی دیموکراتی کوردستان و بزاڤا گوران دا بھێتە چارەسەکرن و حوکمەتا بەردەوامە و ھێشتا چ پێنگاڤێن دی ل سەر حوکمەتەکا نوو نەھاتینە ھاڤێتن.
ھێشتا گۆت: کومبوونا سێ قولی دناڤبەرا (ئێکەتیێ و ئێکگرتوو و کومەلێ) ھاتبوو گرێدان و مە رونشتن ل گەل بزاڤا گوران و پارتی دیموکراتی کوردستان ھەنە.
ھەمان ئەندام سەرکرداتیا ئێکگرتوو گۆت: ئەگەر ل نافخوە نەگەھشتینە چ چارەسەریا لایەنێ دەرڤە کارتێکرنا خوە ھەنە
ھەمبەر پوستێن بەر ب ئێکگرتوو ئیسلامی کەفتین ل پارێزگەھا دھۆکێ د حوکمەتا خوجھی دا غازی سەعید ئاشکراکر کو ھێشتا دانوستاندن دبەردەوام و رۆژێن بھێت دێ دیاربن و گۆت: مە کاغەزەک رادەستی شاندنێ پارتی ل دھۆکێ کریە و ھێشتا نەگەھشتینە دووماھی ئەنجام.
ئهڤرۆ نیوز:
مهریوان نهقشبهندى رێڤهبهرێ پهیوهندیێن وهزارهتا ئهوقاف و كاروبارێن ئاینى راگههاند” ب فهرمانا نێچیرڤان بارزانى سهرۆكێ حكومهتا ههرێما كوردستانێ، د.پشتیوان سادق، وهزیرێ پهروهردێ وهك وهزیرێ ئهوقاف و كاروبارێن ئاینى ب وهكالهت هاته راسپاردن”.
پشتى خونیشادانێن قهلادزێ و سلێمانیێ ئالوزى تێكهتى و 5 وهلاتى شههیدبوون، ب فهرمانا پارتى دیموكراتى كوردستان رێگرى ل سهرۆكێ پهرلهمانى هاته كرن كو بهێته ههولێرێ و نێچیرڤان بارزانى خاترا خوه ژ وهزیرێن گۆران خواست و پاشان نێچیرڤان بارزانى د گوتارهكێ دا راگههاند كو دێ ئهو پشكا دوێ ژ پێكئینانا حكومهتێ راگههینن.
ئهڤرۆنیۆز، ئهیاد بهروارى
پشتی شوونوارێن كهڤنبوونێ ل سهر دهمژمێرا (بیگ بن) ل لهندهن دیاربووین و زهنگ لێدانا وێ ژ دهمێ دروست گیرۆدبیت، نوكه لهندهن هزر د وێ چهندێ دا دكهت دهست ژ دیارترین شوینوارێن خوه بهردهت.
ل دووڤ سایتێ (روسیا الیوم) ” لژنهكا پهرلهمانی ل بریتانیا ڤهكۆلینهك ل دۆر دهمژمێرا ناڤبرى كریه و تێدا دیاركهت كو پێدڤی ب نووژهنكرنێ یه ب تایبهت پشتی ئاڤێ و دهرزان كارتێكرن ل ئاڤاهیێ وێ كری كو دووماهی نووژهنكرن ژب بۆ سالا 1980 دزڤریت”.
ژێدهرهكی پهرلهمانی ئاشكراكریه ژی كو پرۆسا نووژهنكرنا وێ دهمژمێرا كێشا وێ دگههیته پێنج تهنا، دێ پێدڤی ب 40 ملیۆن جنهیهێن سترلینی بیت، ئانكو 60 ملیۆن دۆلاران و نووژهنگرن ژی سێ سال بۆ دڤێن.
پهیڤدارهكا جڤاتا گشتی یا بریتانی (پهرلهمان) خویاكریه كو ئهندامێن هندهك لژنێن ب سهر پهرلهمانی ڤه یێ وێ ڤهكۆلینێ د ههلسهنگینن و دێ بۆچوونا خوه ل سهر دهن”.
لێ ژێدهرهكێ پهرلهمانی ل بریتانیا ئاشكراكر كو دهمژمێرا بێك بن یا د حالهتهكێ نهباش دا و بهر ههلوهشاندنێ ڤه دچیت و دبیت ب ئێكجاری بهێته راوهستاندن.
دهێته زانین دهمژمێرا (بیگ بن) ل ژ رۆژا 3 خزیرانا 1859 یا هاتیه دانان و ههتا نوكه كاردكهت.
ئهڤرۆنیۆز، ئهیاد بهروارى
رۆژنامهكا ئهمریكی ئاشكراكر، ئهمریكا دترسیت روسیا كێبلێن دهریایی یێن ههموو پهیوهندیێن ئهنترنێتێ ل جیهانێ ببڕیت و د ئهنجامدا گرفتهكا دبلوماسی یا مهزن پهیدا ببیت.
رۆژناما (نیویورك تایمز) یا ئهمریكی د راپۆرتهكا خوهدا كو سایتێ (الخلیج ئونلاین) ئاماژه پێدای، بهلاڤكر كو سیخۆرێن ئهمریكا غهواسێن روسی و گهمیێن سیخۆریێ یێن روسی دهمێ لڤینێن گومانلێكری ل نێزیك كێبلێن دهریایی ل دهریا باكوور، باكوورێ رۆژههلاتا ئاسیا و ل نێزیك كنارێن ئهمریكی دكرن.
رۆژناما ئهمریكی دیاركرژی كو 12 بهرپرسێن ئهمریكی ترسا خوه ژ ڤان جۆره لڤینان یا بهرچاڤكری و ئاماژه دا كو رۆژانه رێككهفتنێن بازرگانی ب گۆژمێ پتر ژ شهش ترلیۆن دۆلاران ب ڕێیا ئهنترنیتێ دهێنه ئهنجامدان.
د ههمان دهم دا بهرپرسێن لهشكری یێن ئهمریكی ب گومانن كو روسیا دێ ل كێبلێن لهشكری یێن نهێنی گهریێت ئهوێن ژلایێ وهزارهتا بهرهڤانیا ئهمریكی (بهنتاگۆنێ) ڤه دهێنه بكارئینان.
رۆژناما ناڤبرى ژ ولیام ماركس پهیڤدارێ هێزا دهریایی یا ئهمریكی ڤهدگوهێزیت كو گوهلێبوونا ڤی دهنگوباسی دێ جهێ دلتهنگیا ههر وهلاتهكی بیت و تێكدانا كێبلێن تایبهت ب پهیوهندیكرنێ ڤه پرسهكا ب ساناهی نینه.
ژلایێ خوهڤه ئهمیرال فریدریك روكی فهرماندێ ئوقیانوسێ تهنا ل كاروانێ غهواسان ل هێزا دهریایی یا ئهمریكی راگههاند كو ئهو یێ دلتهنگه ژ پێرابوونهكا روسی دڤی بواری دا.
بڕینا كێبلێن پهیوهندیان دێ كێشهكا ئابووری ل جیهانێ دروستكهت ب تایبهتی ل رۆژئاڤا ژبهر پشت بهستنا وی یا مهزن ب تۆرا ئهنترنێتێ.
ب دیتنا مایكل سیرست، ڤهكۆلهر د بوارێ كێبلێن دهریایی دا، مهترسی ژ ئهنجامدانا ڤی كاری ئهوه كو زیان ب ههموو سیستهمی بكهڤیت، ب تایبهتی ئهو جۆره كێبله ب چو شێوهكی د نهێنی نینن.
نيشاندان