ئه‌ڤرۆ نيوز، ئه‌ياد به‌روارى:
رێڤه‌به‌ریا راگه‌هاندن و په‌یوه‌ندیێن وه‌زاره‌تا دارایی و ئابوورى راگه‌هاند، سوباهی دوشه‌مبی 31-8-2015 مووچێ مه‌ها شه‌ش یا وه‌زاره‌تا ساخله‌میێ دێ هێته به‌لاڤكرن
سوبه‌هى ئه‌ڤ وه‌زاره‌ته دێ مووچه‌ى وه‌رگريت
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نوچێن گرنگ
ڤيديۆ.. ئەیاد عەلاوی: پۆستێ جێگرێ سەرۆک کۆماری ب پێلاڤەکێ ناکڕم
ئه‌ڤرۆ نيوز، ئه‌ياد به‌روارى:
جێگرێ سەرۆک کۆمارا عیراقێ یێ کو ژلایێ عەبادی ڤی ژ پۆستێ وی ھاتیە لادان راگەھاند، بۆ من گرنگ نینە د وی پۆستی دا نەمایمە.
ئەیاد عەلاوی د دیدارەکێ دا ل گەل کەنالێ (البغدادیە) گوت” من د ژیانا خوە دا دو یان سێ جاران ب تنێ حەیدەر عەبادی یێ دیتی، لێ ئەز پشتەڤانیا پێرابوونێن وی دکەم”.
ل دۆر لادانا وی ژ پۆستێ جێگرێ سەرۆک کۆماری، عەلاوی گوت” وی پۆستی ب پێلاڤەکێ ناکڕم”.
ئه‌ڤرۆ نيوز پێزانينان ل سه‌ر رەوشا پەنابەرێن کورد ل هنگاریا و سربیا به‌لاڤ دكه‌ت
ئەڤرۆ نیوز،زنار تۆڤی:
گەلەک پەنابەرێن کوردێن رۆژئاڤا و باشوور گەهشتینە وەلاتێن هنگاریا و سربیا،لێ رەوشا وان پەنابەران گەلەک دناڤ کەمپاندا گەلەکا خرابە و ژ بەر کو هەتا نوکە پتریا خزمەتگۆزاریێن دەستپێکی ژی بۆ وان دناڤ کەمپان دا نەهاتینه درۆستکرن، لەورا پتریا پەنابەران نەچارن دناڤ پارک و جهێن راوەستیانا شەمەندەفران ب شەڤ دمینن و ل وان جهان دنڤن.
هەروسا پولیس و سازیێن وان هەردو وەلاتان سەرەدەریەکا خراب دگەل پەنابەران دکەن، لەورا هنگاریا نوکە دیوارەکێ چار مەتران بلند دگەل سنورێ وەلاتێ سربیا دروستکریە، ژ پێخەمەت پەنابەر نەشێن بچنە وی وەلاتی.
پێشمەرگەیەک یێ بەرزەیە
ئەڤرۆ نیۆز، قائید میرۆ
پێشمەرگەیەکێ زێرەڤانی رۆژا سێشەمبیا بۆری وەرە بەرەف سەنگەرێن بەڕەڤانیێ چوویە و نەگەھشتیە جھێ مەبەست و چارەنڤیسێ وی دیارنینە.
رائید عەونی یوسف، ئەفسەرێ پێشمەرگەی ب ئەڤرۆ نیۆز راگەھاند” رۆژا سێشەمبیا بۆری پێشمەرگەیەک بناڤێ رزگار عەبدولا خەلکێ ناحیا وەرتێ یە، بەلێ ئاکنجیێ کۆمەلگەھا شاوێس یا نێزیک باژێڕێ ھەولێرێ یە و بەرەف سەنگەرێن پێشیێ چوویە ل چیایێ زەرتک، مخابن نەگەھشتیە دەواما سەربازی و یێ بەرزەیە.
رائید عەونی گۆتژی” رزگار عەبدولا پێشمەرگەیێ ھێزا دو یا فەرماندەیا زێرەڤانیە و گورە ئاخفتنا ھەڤژیناوی رزگار دەمژمێر ٨ی سپێدێ ب جلکێن سەربازی دەرکەفتیە و ٣٥ ھزارێن عێراقی ژی پێبووینە، ھەتا نوکە مە چو زانیاریی لدۆر چارەنڤیسێ رزگاری نینە و ڤەکۆلین دبەردەوامن لسەر وندابوونا وی.
نووترين پێزانين ل سه‌ر پێشمه‌رگێن ئێخسير د ناڤ ده‌ستێ داعش دا
ھەولێر، قائید میرۆ:
ھژمارەک کوردێن ئێخسير بن دەستێ چەکدارێن داعش ل زیندانەکا نھێنی خوە رزگارکریە و ١٨ ژ وان ئەف پێشمەرگەنە یێن ب ئێخسير ھاتینەگرتن.
غەیاس سورچی، پەیڤدارێ ئێکەتی نیشتیمانی کوردستان ل نەینەوا بۆ ئەڤرۆ نیۆز گۆت: “بەری چەند رۆژان ھژمارەکا گرتیێن کورد یێن ژ لایێ داعش ڤە ھاتینەگرتن، د زیندانەکا نھێنی دا ھاتبوو دەستەسەرکرن و دەرێ زیندانێ شکاندیە و خوە رزگارکریە، کو ھژمارا وان ٥٠ کەسن و ھەموو ژی کوردن، بەلێ ١٨ ژ وانا ئەف پێشمەرگەنە یێن ب ئێخسير ھاتینە گرتن”.
غەیاس گۆتژی: “ئەف 50 کەسێن خوە رزگار بووى داناڤا خانیێ ئەفسەرەکێ سەردەمێ رژێما بەعس ھاتبوونە زیندانیکرن و زیندانەکا تایبەت و نھێنی بوویە، بەلێ چو کەسەکێ زیندانی ژ مووسل دەرنەکەفتیە و ھەر ل مووسل خوە ڤەشارتیە”.
ئه‌ڤرۆ بۆ جارا شه‌شێ دێ كۆمبوونا لايه‌نێن سياسى هێته ئه‌نجامدان
ئه‌ڤرۆ نيوز:
بڕياره ئه‌ڤرۆ رۆژا ئێكشه‌مبى رێكه‌فتى 30ى ته‌باخا 2015ێ گه‌ره‌كا دى يا دانوستاندنێن ناڤبه‌را پێنج لايه‌نێن سه‌ره‌كى ل هه‌رێما كوردستانێ برێڤه بچيت، بڕياره پێكهاتێن توركمان، كلد، سريان و ئاشوورى ژى تێدا پشكدار بن، ل گه‌ل وان لايه‌نێن كورسيه‌كا په‌رله‌مانى ب ده‌ست ڤه ئينايى.
چارشه‌مبيا بۆرى كۆمبوونا پێنجێ يا لايه‌نێن سياسى ب ئاماده‌بوونا نوونه‌رێن “پارتى ديموكراتى كوردستان، بزاڤا گۆڕان، ئێكه‌تيا نشتيمانى كوردستان، ئێكگرتوويا ئيسلامى كوردستان و كۆمه‌لا ئيسلامى” ده‌رباره‌يى پرسا سه‌رۆكاتيا هه‌رێمێ ب رێڤه چوو بوو، تێدا ل سه‌ر 13 خالان رێكه‌فت بوون.
ئه‌ڤ وه‌زاره‌ت و ده‌سته دێ مووچه‌ى وه‌رگرن
ئه‌ڤرۆ نیوز:
وه‌زاره‌تا دارایى و ئابوورى ل حوكمه‌تا هه‌رێما كوردستانێ پێشتر راگه‌هاندبوو كو ئه‌ڤرۆ رۆژا ئێشكه‌مبى رێكه‌فتى 30ى ته‌باخا 2015ێ ئه‌ڤرۆ وه‌زاره‌ت و ده‌سته دێ مووێ هه‌يڤا تيرمه‌هێ وه‌رگرن.
1- وه‌زاره‌تا پلاندانانێ
2- وه‌زاره‌تا داد.
3- وه‌زاره‌تا ئاڤه‌دانكرنێ
4- وه‌زاره‌تا بازرگانى و پێشه‌سازى
5- وه‌زاره‌تا ڤه‌گوهاستنێ
6- وه‌زاره‌تا ره‌وشه‌نبيرى
7- وه‌زاره‌تا دارايى و ئابوورى
8- وه‌زاره‌تا سامانێن سرۆشتى
9- ده‌سته‌يا وه‌به‌رهێنانێ
10- ديوانا چاڤدێريا دارايى
11- ده‌سته‌يا ده‌سپاكيێ
12- ده‌سته‌يا مافێن مرۆڤى
13- ده‌سته‌يا ده‌ڤه‌رێن ده‌رڤه‌يى هه‌رێمێ
15- ده‌سته‌يا ژينگه‌هێ
خوەنیشادانێن عیراقێ داخوازا ھەلوەشاندنا پەرلەمانی دکەن
ئەڤرۆ نيوز:
خوەنیشادانێن بەغدا ب پشکداریا ھزاران کەسان ل مەیدانا تەحریر د بەردەوامن و ل ڤێ حەفتیێ چەندین پارێزگەھێن دی ل باشوورێ عیراقێ ڤەگرتن و خوەنیشاندەران داخوازا بجھئینانا کارناما چاکسازیێ یا سەرۆک وەزیرێن عیراقێ و ھەلوەشاندنا پەرلەمانێ عیراقێ دکر.
محەمەد جبوری رۆژنامەڤانەکێ عیراقێ یە کو ل خوەنیشادانێن مەیدانا تەحریر ل بەغدا یێ بەرھەڤ بوو، بۆ رۆژناما ئەڤرۆ گوت” ب ھزارەھان خوەنیشاندەرێن عیراقی یێن نەرازی ژ رەوشا نوکە یا عیراقێ و ھەبوونا گەندەلیێ د ھەموو بیاڤان دا دناڤ دەزگەھێن حوکمەتێ و پەرلەمانێ عیراقێ، ئێڤاریا رۆژا ئەینی رژیانە سەر جادان و بەر مەیدانا تەحریر ھاتن و داخوازا دادگەھکرنا گەندەلان و بجھئینانا کارناما چاکسازیێ یا حەیدەر عەبادی کرن”.
جبوری خوەیاکر ژی” ھەر د ھەمان رۆژ دا، خوەنیشادانێن جەماوەری ب پشکداریا ھزارەھان وەلاتیان ل چەندین پارێزگەھێن عیراقێ ھاتینە ئەنجامدان و وان خوەنیشادانان ل گەل خوەنیشادانێن بەغدا ژی داخوازا ھەلوەشاندنا پەرلەمانێ عیراقێ دکر و دیسان گەلەک درووشمێن دناڤ وان خوەنیشادانان دا ژی داخوازا ھەلوەشاندنا جڤاتێن پارێزگەھان ژی دکر”.
دھێتە زانین ل رۆژا ئەینی یا بۆری ٢٨ تەباخێ، ئەینیا پێنجێ بوو کو وەلاتیێن بەغدا و پارێزگەھێن عیراقێ خوەنیشادانان دژی گەندەلیێ و نەبوونا خزمەتگوزاریان دکەن کو ژ ئەگەرێ وان خوەنیشادانان سەرۆک وەزیرێن عیراقێ ب پشتەڤانیا مەرجەعیەتا شیعی چەندین پێنگاڤ بۆ بجھئینانا داخوازیێن خوەنیشاندەران ھاڤێتینە.
بوخاری عەبدوللا: پارتی یا گەشبینە
ئه‌ڤرۆ نيوز:
ئەندامەکێ بەرێ یێ پەرلەمانێ عیراقێ ژ ھەڤپەیمانیا کوردستانی راگەھاند، کۆمبوونێن ل دۆر پرسا سەرۆکاتیا ھەرێما کوردستانێ یێن ل سەر داخوازا سەرۆک بارزانی ھاتینە کرن و ھەر گرێیەکا ھەبیت ژی، سەرۆک دێ ڤەکەتو پێدڤیە دانوستاندن د بەردەوام بن.
بوخاری عەبدوللا ئەندامێ بەرێ یێ پەرلەمانێ عیراقێ بۆ مالپەرێ فەرمیێ پارتی گوت” چارەکرنا پرسا سەرۆکاتیا ھەرێما کوردستانێ گەلەک ڤەکێشا و خەلکێ ھەرێما کوردستانێ د چاڤەرێنە ئەڤ پرسە ئێکلابیتو ب دیتنا من پارتی گەلەک یا گەشبینە کو ڤێ جارێ ئەڤ پرسە دێ ب دووماھی ھێت، بەلێ ھەکە ئەڤ پرسە د کۆمبوونێن ڤێ حەفتیێ دا نەھێتە چارەکرن، پێدڤیە بەردەوامیێ پێ بدەن ھەتاکو ب سازانێ بھێتە ئێکلاکرن، چونکی ئەڤ چەندە د بەرژەوەندیا گشتی و ھەموو خەلکێ کوردستانێ دایە”.
بوخاری گوت ژی” وەکو چاوان سەرۆک بارزانی گرێیا دەستپێکرنا کۆمبوونێن پێنج قۆلی ڤەکر، ھەکە گرێیێن دی ژی ھەبن، سەرۆکێ ھەرێمێ دێ ڤەکەت و دێ بزاڤێ کەت کێشە ب شێوەکێ ئاشتیانە و ب سازانێ و قانوونێ ئێکلابیت کو ھەموو خەلکێ کوردستانێ پێ رازی بیت”.
پشتی سەرۆکێ ھەرێما کوردستانێ پەیامەک ئاراستەی لایەنێن سیاسی کری بۆ ئەنجامدانا دانوستاندنان ل دۆر ئێکلاکرنا پرسا سەرۆکاتیا ھەرێما کوردستانێ ب سازانێ، پێنج لایەنێن سەرەکی ل ھەرێما کوردستانێ ھەتا نوکە چەند کۆمبوون ل دۆر پرسا سەرۆکاتیا ھەرێمێ ئەنجام داینە و ل دووماھی کۆمبوون ژی ل سەر ١٣ برگا رێککەفتبوون.
ڤیدیو: وه‌زیرێ سه‌رخوش
نيشاندان
WP Facebook Auto Publish Powered By : XYZScripts.com