ئه‌ڤرۆ نيوز:
د روودانه‌كا ترفيكى دا ل جادا سه‌ره‌كى يا ئێتيتێ به‌رامبه‌ر زانكۆيا جيهان كه‌سه‌كى گيانێ خوه ژ ده‌ست دا و سێ كه‌س ژى بريندار بوون.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ئه‌ڤرۆ سپێدێ ل سه‌ر جادا ئێتيت – دهۆك ترۆمبێله‌كێ خوه ل ستوونه‌كێ دا و د ئه‌نجام دا كه‌سه‌كى گيانێ خوه ژ ده‌ست دا و سێ ژى بريندار بوون”.
زێده‌تر گۆت: “پشتى ئه‌م هاتينه ئاگه‌هداركرن كو روودانه‌كا ترافيكێ يا په‌يدا بوويى، تيمێن به‌ره‌ڤانيا باژێرى ب گه‌هشتنه جهێ روودانێ و شيان سێ كه‌سان قورتال بكه‌ن، به‌لێ ب مخابنى ڤه كه‌سه‌كى گيانێ خوه ژ ده‌ست دابوو”.
ب گۆره‌يى ئه‌و پێزانينێن راديۆيا ترافيك به‌لاڤكرن شۆفێرێ ڤێ ترۆمبێلێ ل سه‌ر جادا سه‌ره‌كى يا ئێتيتێ به‌ر ب دهۆك ڤه دهات و له‌زاتيه‌كا زێده ب كار ئينايه و بوويه ئه‌گه‌رێ روودانێ.
ئه‌ڤرۆ نيوز، مه‌حمود نهێلى:
ب گۆره‌يى ئه‌و ژێده‌رێن ل ده‌ڤه‌رێ هه‌ين و ب چاڤ ديتين، ل ده‌ڤه‌رێن زێباريا و ب تايبه‌ت هه‌ردو گۆندێن سێده‌را و ئه‌رگۆنێ يێن سه‌ر ب قه‌زا ئاكرێ، فرۆكێن شه‌ركه‌رێن توركيا ئه‌و ده‌ڤه‌ر تۆپبارانكرن.
هێشتا نه‌هاتيه زانين كا چ زيانێن گيانى و مادى هه‌نه، لێ ئه‌ڤه ژ ده‌مژمێر 10:00 وه‌ره تۆپبارانكرن يا به‌رده‌وام بوو و نيڤ ده‌مژمێرێ ڤه‌كێشا و نوكه ئاگر يێ ب وان ده‌ڤه‌ران ڤه.
ئه‌ڤرۆ نيوز:
شڤێدى ل ده‌مژمێر 11ى شه‌ڤ دزيكه‌ر كه‌فتيه مالا دو رۆژنامه‌ڤانان و ب بهايێ نێزيكى پێنج مليۆن ديناران زيان گه‌هاندينێ.
رۆژنامه‌ڤان خه‌ليل كه‌مال د داخۆيانيه‌كێ دا بۆ ئه‌ڤرۆ نيوز راگه‌هاند كو شڤێدى دز كه‌فتينه مالا وان و زێر و پاره ژ مال دزينه و زيانێن ژى گه‌هاندينه مالێ.
زێده‌تر گۆت: “شڤێدى ده‌مژمێر 11ى شه‌ڤ ده‌ما ئه‌م ژ شه‌هيانه‌كێ ڤه‌گه‌رياين، چووينه مال مه ديت كو خانى يێ هاتيه شه‌لاندن، مه ژى ئێكسه‌ر په‌يوه‌ندى ب لايه‌نێن په‌يوه‌نديدار كر”.
دا زانين ژى كو ئه‌وان دزيكه‌ران هنده‌ك زێر و پاره ب بهايێ نێزيكى چار مليۆن ديناران برينه و گه‌له‌ك زيانێن دى ژى گه‌هاندينه مال كو دبنه نێزيكى پێنج مليۆن ديناران و زێده‌تر ژى.
هيڤى ژى ژ لايه‌نێن په‌يوه‌نديدار خواست كو ب زووترين ده‌م ئه‌و تاوانبار بهێنه ده‌سته‌سه‌ركرن و بگه‌هنه سزايێ خوه يێ عاديلانه.
خه‌ليل كه‌مال و سارا حاجى هه‌ردو هه‌ڤژين دو كارمه‌ندێن به‌رچاڤێن راديۆيا دهۆكن و د ماوێ بۆرى دا شياينه خزمه‌ته‌كا گه‌له‌ك پێش چاڤ د وارێ راگه‌هاندنێ دا پێش كێش بكه‌ن.
ئه‌ڤرۆ نيوز:
نڤيسينگه‌ها كوسره‌ت ره‌سۆل جێگرێ سكرتێرێ گشتيێ ئێكه‌تى نشتيمانى كوردستان په‌يامه‌ك به‌لاڤكر و رادگه‌هينيت كو گه‌له‌ك ئاخفتن و داخۆيانيێن نه دروست ب ره‌نگه‌كێ ئێكسه‌ر و نه‌ئێكسه‌ر ب ناڤێ به‌رێز كوسره‌ت ره‌سۆل عه‌لى دهێنه به‌لاڤكرن و دڤێت تێكدانێ د ناڤا رايا گشتى دا به‌لاڤ بكه‌ن.
ده‌قێ روونكرنێ:
روونكردنەوەیەك لە نووسینگەی رۆژنامەوانی جێگری یەكەمی سكرتێری گشتی
یەكێتی نیشتمانی كوردستان
لە سەروبەندی گۆڕانكاری و قەیرانەكانی كوردستان و پرسی سەرۆكایەتی هەرێمی كوردستاندا، بەداخەوە لەملاو لەولا جۆرەها قسەو لێدوانی ناڕاست بەناوی بەڕێز كۆسرەت رەسول عەلی-یەوە بڵاودەكرێتەوەو دەیانەوێ رای گشتی پێ چەواشە بكەن و بەرژەوەندی و كۆبوونەوە نهێنییەكانی خۆیان بە جەنابیان بفرۆشنەوە، لێرەدا بەم خاڵانە چەند شتێك بۆ رای گشتی رووندەكەینەوە:
1- لە سەرەتای ئەم قەیرانەوە بەڕێز كۆسرەت رەسول عەلی رایگەیاندووە كە بە تەواوی لەگەڵ سیستەمی پەرلەمانیەو هەموو هەوڵێكیشی بۆ ئەوەیە یەكێتی یەك بڕیاربێ و بەرژەوەندی باڵای گەلەكەمان لەبەرچاو بگیرێ و هەرگیزیش رای وانەبووە كە هەموو ئاراستەكان بە ئاراستەی خزمەتكردنی كەس و لایەنێك بێ، بەڵكو دەبێ بڕیارەكان سەرجەم لایەنەكان لێی بەشداربن و بەرپرسیاریەتییەكەی هەڵگرن.
2- پێویستە هەموو لایەنەكان و خەڵكی كوردستانیش ئەو راستیە بزانن كە گەڕانەوەی دەستوور بۆ پەرلەمان و سیستەمی پەرلەمانی تێزی “ی.ن.ك”ەو دەبێ لایەنەكان هاوكاربن بە سازانێكی نیشتمانی ئەم پرسە رێكارە یاساییەكانی خۆی بگرێ.
3- سەبارەت بەو هەواڵانەی گوایە لە نامەیەكدا كۆسرەت رەسول عەلی داوای لابردنی خەڵكانێكی كردووە لە پۆستەكەی، وێڕای رەتكردنەوەی سەرلەبەری ئەم هەواڵە، لێرەوە بە هەوو لایەكی رادەگەیەنین كە جەنابی كاك كۆسرەت جێگری یەكەمی سكرتێری گشتییەو هەر كاتێك بیەوێ كارێك ئەنجام بدا بڕیار دەردەكاو جێبەجێ دەكرێ، نەك ئەوەی نامە بنووسێ، كە بەداخەوە راگەیاندنەكان ئەمەیان بۆ خۆیان داتاشیوە.
4- لە هەندێك لە راگەیاندنەكانەوە وا بڵاوكراوەتەوە كە كۆسرەت رەسول عەلی دژی بەشداری كردنی ئەندامانی فراكسیۆنی سەوز بووە لە كۆبوونەوەی 19ی حوزەیران، لێرەوەو بۆ بەرچاوڕوونی هەموو لایەك ئەوە دەخەینەڕوو كە لە كۆبوونەوەی شەوی 18ی ئابدا وەفدی یەكێتی نیشتمانی كوردستان پێكهاتبوو لە”كۆسرەت رەسول عەلی، مەلا بەختیار، حاكم قادر، عیماد ئەحمەد، سەعدی پیرە، دلێر سەید مەجید، قوباد تاڵەبانی) و هەر بڕیارێك درابێ بڕیاری تەواوی بەشداربووان بووە نەك تەنها كەسێك، جگە لەوە 3 سەعات بەر لە تەواو بوونی كۆبوونەوەكە كۆسرەت رەسول عەلی شوێنی كۆبوونەوەكەی جێهێشت.
5- لە سەرەتای هاتنەپێشەوەی ئەم بابەتەو پرسی سەرۆكایەتی هەرێم، جەنابی كاك كۆسرەت هەمیشە لەگەڵ ئەوە بووە لایەنەكان بگەنە سازان و رێككەوتن بۆ سیستەمێكی پەرلەمانی بەرژەوەندی گەلەكەمانیان لەبەرچاوبێ و بەهیچ شێوەیەكیش نەیویستووە رای شەخسی بدرێ و بڕیارەكان تاكلایەنە بن، بەڵكو لای وایە دەبێ بڕیار بڕیاری هەموو یەكێتییەكان بێ، هەروەك لە پەیامەكەی 24/6/2015جەختی لەوە كردەوە كە هەڵوێستی فەرمی (ی.ن.ك) تەنها هەڤاڵ عیماد ئەحمەد دەریدەبڕێ و هەر ئەوە رای فەرمی حزبە نەك كەسی تر.
ماوەتەوە بڵێین پێویستە لەسەر راگەیاندنەكان بەرپرسیارانە مامەڵە بكەن و لە راستی و دروستی ئەو هەواڵانە دڵنیابنەوە كە بڵاوی دەكەنەوە.
نووسینگەی رۆژنامەوانی
جێگری یەكەمی سكرتێری گشتی
یەكێتی نیشتمانی كوردستان
ئه‌ڤرۆ نيوز، سالار دوسكى:
سەرۆکێ لژنا سوتەمەنی و پیشەسازی ل ئەنجوومەنێ پارێزگەھێ دیارکر کو موولەک بۆ فەرمانگەھێن پەیوەندارھاتیەدان کو ئاریشێن ل سەر کارگەھێن کاشێ ھەین چارەکەن و دووماھی موولەت ھەیڤا یازدەیە ل ئەڤ سالە.
عەبدسەمەد تێلی سەرۆکێ لژنا سوتەمەنی و پیشەسازی زێدەتر بۆ ئەڤرۆ نیۆز گۆت: پشتی درکرنا ڤێ بریارێ پارێزگەرێ دھۆکێ خودانێن کومپانیان ئازاکرن و دووڤ دا ڤەکرن ڤە و دڤێت ماوێ دیارکری دا ئەو ئاریشێن خوە چارەسەربکەن.
ناڤبری گۆت: دناڤا راپورتێ دا حەفت خال ھاتبوونە دەست نیشانکرن کو زێدەگاڤی ل سەر عەردێ شارەوانی و دیسان کارتێکرن ل ژینگەھێ ھاتیەکرن و فەرمانگەھێن پەیوەندار ل سەر بابەتی ھاتبوونە ھایدارکرن، موولەت بۆ ئەڤان کارگەھان ھاتیەدان کو دڤێت چارەسەربکەن ماوێ شەش ھەیڤان دا و ھەتا ٧-١١-٢٠١٥ ئەگەر ڤی ماوەی دا نەھاتنەکرن دێ پێرابوون ل گەل فەرمانگەھێن پەیوەندار ھێتەکرن.
نيشاندان