ئه‌ڤرۆ نيوز:

رێڤه‌به‌ريا پۆليسێن پارێزگه‌ها دهۆكێ راگه‌هاند كو دوهى ل تاخێ ره‌زا ل دهۆكێ ژنه‌كا 18 سالى خوه‌ د مال ڤه‌ كوشتيه‌ و ل باعه‌درێ ژى كه‌سه‌كى ب گۆله‌يێن ده‌بانجێ دووماهى ب ژيانا خوه‌ ئينايه‌.

رائيدێ مافپه‌روه‌ر هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئێڤاريا رۆژا پێنجشه‌مبى رێكه‌فتى 27ى ته‌باخا 2015ێ پۆليسێن دهۆكێ هاتنه‌ ئاگه‌هداركرن ب هه‌بوونا روودانه‌كا كوشتنێ ل تاخێ ره‌زا ل دهۆكێ و پشتى پۆليس ل جهێ روودانێ ئاماده‌ بووين، ديار بوو ژنه‌كا 18 سالى دووماهى ب ژيانا خوه‌ ئينايه‌ و لاشێ وێ هاتيه‌ ڤه‌گوهاستن بۆ نوشداريا داد و دوسه‌يا ڤه‌كۆلينێ يا هاتيه‌ ڤه‌كرن بۆ ئه‌گه‌رێن دروست يێن روودانێ”.

رائيدێ مافپه‌روه‌ر زێده‌تر گۆت: “هه‌ر دوهى ل ناحيا باعه‌درێ يا سه‌ر ب قه‌زا شێخان ژى زه‌لامه‌كى د ناڤ مالا خوه‌ دا، خوه‌ ب گوله‌يێن ده‌بانجێ كوشت و دوسه‌يا ڤه‌كۆلينێ ل دۆر كوشتنا وى ژى ل دووڤ مادێ 408 يا قانوونا سزايێن عيراقێ هاتيه‌ ڤه‌كرن دا كو ئه‌گه‌رێن دروست يێن خوه‌كوشتنا وى ديار بن”.

ئه‌ڤرۆ نيوز:

بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ئه‌ڤرۆ رۆژا پێنجشه‌مبى رێكه‌فتى 27ى ته‌باخا 2015ێ بنگه‌هێ به‌ره‌ڤانيا باژێرى ل سێملێ هاته‌ ئاگه‌هداركرن كو كو روودانه‌ك ل جادا سه‌ره‌كى يا سێمێل زاخۆ روودايه‌”.

زێده‌تر گۆت: “د ڤێ روودانێ دا ئه‌وا ترۆمبێله‌كا پيكه‌م يا پێشمه‌رگه‌يى و ترێله‌كا تانكه‌ر ڤێك كه‌فتين، دو پێشمه‌رگه‌ بريندار بووينه‌ و ئێكسه‌ر بۆ نه‌خۆشخانێ هاتينه‌ ڤه‌گوهاستن”.

دا زانين ژى كو هه‌ر ئه‌ڤرۆ ل سه‌ر جادا سه‌ره‌كى يا شندوخا ژ ئه‌گه‌رێ له‌زێ ترۆمبێله‌ك ژ جادێ ده‌ركه‌فتيه‌ و چوويه‌ سه‌ر شووسته‌ى، به‌لێ سۆپاس بۆ خودێ گيان ب سلامه‌ت بوون.