ئهڤرۆ نیوز:
كومبوونا نههێ یا پێنج لایهنان سهبارهت راستڤهكرنا قانوونا سهرۆكایهتیا ههرێمێ ل باژێرێ سلێمانیێ بێ ئهنجام ب دووماهى هات و ههر چار لایهنێن سیاسى بریاردا كومبوونا 5 قولى ب ڤهكرى بمینیت.
ژێدهرهكێ ژ كومبوونا پێنج قولى دیاركر ژبهر كو پارتى بهر بهرسڤدانا دو پێشنیازێن چار حزبان پێشنیازێن نوى ههبوون، لهوما بریار هاته دان كومبوون ب ڤهكرى بمینیت.
ئەڤرۆ نیوز، قائید میرۆ:
ئەڤرۆ رۆژا پێنجشهمبى ل میحوەرێ گوێڕ ھژمارەک چەکدارێن داعش خوە رادەستی ھێزێن پێشمەرگەیکر.
ژێدەرەکی ل میحوەرێ گوێڕ ب ئەڤرۆ نیۆز راگەھاند” ئەڤرۆ ل میحوەرێ گوێڕ یێ ھێزێن پێشمەرگەیێ کوردستانێ ١٣ چەکدارێن تیرۆرستێن داعش خوە رادەستی ھێزێن پێشمەرگەی کر.
ژێدەری گۆتژی” ئەف ١٣ چەکدارێن داعش پشتی شکەستنا گروپا تیرۆرستیا داعش دھێت لڤێ دەڤەرێ و سپێدەھیا ئەڤرۆ ئەڤێ ھژمارا تیرۆرستان ل گوندێ سولتان عەبدولا خوە رادەستی ھێزێن پێشمەرگەی کر.
ئهڤرۆ نيوز، نيوار محهمهد سهليم:
پشتى دوهى چوونا وهلاتيان بۆ وهلاتێ توركيا هاتيه راگرتن ژ ئهگهرێ گرتنا دهرگههێ فيشخابۆر ل وهلاتێ توركيا، ئهڤرۆ سپێدێ جارهكا دى يێ هاتيه ڤهكرن و هاتنوچوونا وهلاتيان ب رهنگهكێ سرۆشتى يا دهێته كرن.
دوهى رۆژا چارشهمبى رێكهفتى 8ى چريا ئێكێ يا 2015ێ دهرگههێ سنورى يێ فيشخابۆر لايێ توركيا هاتيه گرتن و ب تنێ رێيا هاتنا ناڤ ههرێما كوردستانێ ههيى، ئهڤرۆ ب رهنگهكێ ئاشكهرا دووباره هاته ڤهكرن.
ژێدهرهكى ژى ژ گۆمركا ئيراهيم خهليل تايبهت بۆ ئهڤرۆ نيوز راگههاند كو دهرگههێ ئيبراهيم خهليل ب چو رهنگان نههاتيه گرتن و بهردهوام پێشوازى يا ل وهلاتيان كرى.
دهربارهيى ڤهكرنا دهرگههێ فيشخابۆر ژى دا زانين كو ئهڤرۆ سپێدێ لايێ توركيا ژى دهرگههێ فيشخابۆر يێ ڤهكرى و “نوكه هاتنوچوون ئاسايى دهێته كرن”.
ئهڤرۆ نيوز:
د كۆمبوونا ئهڤرۆ يا پێنجقوليا ناڤبهرا لايهنان دا تايبهت ب پرسا سهرۆكاتيا ههرێمێ، پارتى ديموكراتى كوردستان ب نڤيسارهكا فهرمى بهرسڤا پێشنيازێن چار لايهنێن سياسى دايه و ئێك ژ بژارا ژى هاتيه قهبوولكرن.
ئهبۆ بهكر ههلهدنى سهرۆكێ فراكسيۆنا ئێكگرتوويا ئيسلاميا كوردستانى ل پهرلهمانێ كوردستانێ و يێ پشكدار د كۆمبوونا پێنجقولى دا بۆ ئاژانسا دهنگوباسێن سلێمانيێ راگههاند: ئهڤرۆ پارتى ب فهرمى د رێيا نڤيسارهكێ دا بهرسڤا چار لايهنان دايه و پرۆژهكێ نوو بهرچاڤ كريه.
دهربارهيى پرۆژێ پارتى ژى ههلهدنى ئاشكهرا كر كو پارتى داخواز كريه سهرۆكێ ههرێمێ د ناڤ خهلكى دا بهێته ههلبژارتن و دهستهلاتا فهرماندهيا هێزێن چهكدار ههبيت.
گۆتژى: “پشتى مه دانوستاندن ل سهر داخوازيا پارتى كرى، يێن چووينه د كۆمبوونا پێنجقولى دا، دا كو دووماهى ئاخفتن د وێ دهربارێ دا بكهين”.
نهڤهشارت ژى ئهو داخوازيا پارتى بۆ دهستهلاتا سهرۆكێ ههرێمێ د قانوونا كهڤن يا سهرۆكێ ههرێمێ ژى دا ههبوو “بهرى نوكه ژى ههمان داخوازى ههبوو”.
ئەڤرۆ نیوز، ئەیاد بەرواری:
ئاژانسێن دەنگوباسێن جیھانی ل ڤێ دووماھیێ ئاماژەی ددەنە راپۆرتەکا ئاژانسا ئەسمانی یا نێڤدەولەتی (ناسا) کو تێدا دیار دکەت ئەرد بۆ دەمێ 15 رۆژان دێ د تاریێ دابیت ھەر ژ 15\11\2015 و ھەتا 29\11\2015.
ل دووڤ زانایێن گەردوونی ل ئاژانسا (ناسا)، ھەر ژ دەمژمێر 3 ئێڤاریا رۆژا 15\11\2015 دێ جیھان ھەموو تاری بیت و دێ ئەو تاریاتی ھەتا دەمژمێر 4:45 یا ئێڤاریا 29\11\2015 یا بەردەوام بیت و ئەڤ دیاردە بەری ملیۆن سالان پەیداببوو.
ل دووڤ وان زانایان، ئەڤ روودانە کو ب (نوڤێمبەر بلاک ئاوت) ناڤکریە ژ ئەگەرێ روودانەکا گەردوونی د ناڤبەرا موشتەری و زوھرە دا دێ پەیدابیت کو ل 26\10\2015 ێ ئەو ھەردو ھەسارە دێ چنە سەر ئێک ھێل و ھەسارا زوھرە دێ ژلایێ باشوورێ رۆژئاڤایێ ھەسارا موشتەری ڕا بوریت و دێ بیتە ئەگەرێ گەرمکرنا غازێن ھەسارا موشتەری و دێ موشتەری کارڤەدان ل سەر ڤێ چەندێ ھەبیت کو دێ رێژەکا مەزن ژ غازا ھايدروجینی بەردەتە گەردونی و ئەو ھایدروجینە دێ ل گەل ھەتاڤی تێکھەل بیت و دێ بیتە ئەگەرێ پەقینەکا مەزن ل سەر روویێ ھەتاڤێ و ئەو پەقین دێ پلا گەرماتیا ھەتاڤێ بۆ 9 ھزار كێلڤن بلندکەت و ھەتاڤ دێ بزاڤا راوەستیانا وان پەقینان کەت ب ڕێیا ھلدانا گەرماتیا ژ بنگەھێ خوە و ئەڤ چەندە دێ رەنگێ ھەتاڤێ شین کەت و ھەتاڤ پێدڤی ب 14 رۆژان ھەیە ھەتا ئەو رەنگێ شین نەمینیت ھەتا کو پلا خوە یا گەرماتیێ یا ئاسایی وەردگریت و رەنگێ وێ یێ سوور بزڤریت و د وان رۆژان دا ئانکو 14 رۆژان ھەسارا ئەردی دێ تاریاتیەکا تمام دا بیت
ئهڤرۆ نيوز:
د. شرين حوسنى، ئهنداما فراكسيۆنا پارتى ديموكراتى كوردستان ل پهرلهمانێ كوردستانێ راگههاند، ژ ئهگهرێ مهترسيا بهلاڤبوونا نهخۆشيا كولێرێ، ههردو وهزيرێ ساخلهميێ و ژينگههێ گازى پهرلهمانى كهن.
ئهوێ پهرلهمانتارا فراكسيۆنا پارتى كو ئهنداما لژنا ساخلهميێ و ژينگههێ يه ل پهرلهمانێ كوردستانێ، ئاماژه ب وێ چهندێ كر كو لژنا وان د دووماهى كۆمبوونا خوه دا، ئهو بڕيار دايه.
دهربارهيى ئهگهرێ گازيكرنا ههردو وهزيران گۆت: “ئهگهر ئهو بوويه كو بهرى نوكه ل باژێرێ كهركووك دو حالهتێن نهخۆشيا كولێرايێ پهيدا ببوون، مه گوهـ لێ بوويه ژى كو ل كهلار ژى حالهتهك ههيه، ژ بهر هندێ مه ب پێدڤى زانى ژ لايێ وهزيرى ڤه پشت راست بكهين، چونكو دبيت چهند حالهتكێن دژى ههبن و هێشتا نههاتبنه ديتن، ژ بهر هندێ ژى مه ڤيا وهزيرێن پهيوهنديدار گازى بكهين ل سهر ڤێ نهخۆشيێ و چاوانيا خوهئامادهكرنێ و چاوانيا خوه پاراستنێ ل دهمێ بهلاڤبوونا نهخۆشيێ”.
ل دووماهيێ ژى گۆت: “نهخۆشيا كولێرايێ نهخۆشيهكا ب مهترسيه و پێدڤيه زوو ل بهر سينگێ وێ ب راوهستن دا زيانێن مهزن ژێ پهيدا نهبن”.
ئەڤرۆ:
وەزیرا باژێرڤانی و گەشتوگوزارێ ل حوکمەتا ھەرێما کوردستانێ ئاشکرا کر کو لژنەک ل جڤاتا وەزیران بۆ پێدانا شوقە یان خانی یان پارچێن ئەردی بۆ بنەمالێن شەھیدان ھاتە پێک ئینان و نوکە وەزارەتا باژێرڤانی و گەشتوگوزارێ چاڤەرێ گەھشتنا لیستا ناڤێن شەھیدێن قەھرەمان دکەت.
نەوروز مەولود، وەزیرا باژێرڤانی و گەشتوگوزارێ ل حوکمەتا ھەرێما کوردستانێ دیار کر کو لژنەک ب سەرپەرشتیا وەزیرێ شەھید و ئەنفالان ل جڤاتا وەزیران ھاتە پێک ئینان بۆ پێدانا شوقە یان خانی یان پارچێن ئەردی بۆ خێزانێن سەربلندێن شەھیدان و گۆت: “پشتی چەندین کۆمبوون ھاتینە ئەنجامدان لیستەک یا ھاتیە بەرھەڤکرن و ل دەمەکێ نێزیک لیستا ناڤێن شەھێدین قەھرەمان دێ ب دووماھی ھێت و دێ بنەمالێن شەھیدان ل دووڤ حەزا خوە بۆ خوە خانی یان شوقێ یان پارچا ئەردی ھەلبژێرن”.
ئهڤرۆ نيوز:
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ بۆ ئەڤرۆ ئاشکرا کر کو وان سی دی یێ ناڤێن ئاکنجیێن پارێزگەھا دھۆکێ بۆ وەزارەتا بازرگانی ل بەغدا ھاتینە ھنارتن، چونکی پلیتین ئاھێن خۆارنی ئەڤ سالە دێ ھێنە گھۆرین و دێ ب رەنگەکێ نووتر ھێتە چاپکرن، ژبەر ڤێ چەندێ نوکە ئەو چاڤەرێ حوکمەتا عیراقێ دکەن گازی وان بکەت وەکو پارێزگەھا دھۆکێ بۆ دانوستاندنێ ل سەر کێماسی و داخوازیان.
حسێن سەبری، رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ دیار کر کو پشتی ئەو ل بەغدا دانوستاندنێ دکەن دێ دەست ب چاپکرنا پلێتێن نوو یێن ئاھێن خوارنێ ھێتە کرن و گۆت: “ل سەرانسەری عیراقێ دێ زمانێن کوردی و عەرەبی ل سەر بیت”.
ناڤبری ئاماژە دا وێ چەندێ کو چ جاران کەس نەشێت پلێتا ئاھێن خوارنێ سەختە بکەت، چونکی چەندین ژمارا تێدا ھەنە وەکو ژمارا بنگەھی و بریکاری و پلێتێ و گۆت: “ھەتا نوکە ل پارێزگەھا دھۆکێ چ حالەتێن سەختەکرنا پلێتێن ئاھێن خوارنێ پەیدا نەبووینە”.
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ گۆت: “رێڤەبەریا مە بەردەوام داخوازا پلێتێن زێدە یێن ئاھێن خوارنێ ژ بەغدا دکەت بۆ وان کەسێن جودا دبن یان شنو ژیانا ھەڤژینیێ پێک دئینن، بەلێ بەغدا پلێتێن زێدە ناھنێریت”.
ئەڤرۆنیۆز، ئەیاد بەرواری:
ل دووڤ دەنگوباسەکێ ئاژانسا (عین العراق نیوز) عیراق شیا گرێبەستا ھنارتنا پەترۆلێ بۆ ھنگاریا ب دەست ڤەبینیت و ئەڤ ھنارتنە دێ ژ پەترۆلا ھەرێما کوردستانێ بیت کو بەری نوکە ھنگاریا پەترۆلا خوە ژ روسیا دکڕی
ئاژانسا ناڤبری ئاماژە کرن ب نووچەکێ ئاژانسا (رویتەرز) دبێژیت” ئەو گرێبەستا پەترۆلێ دێ عیراقێ بەتە رێزێن بەراھیێ یێن ھناردەکارێن پەترۆلێ ژ پشکێن جیھانی”.
دبێژیت ژی” ھنارتنا پەترۆلێ بۆ ھنگاریا دێ ژ پەترۆلا ھەرێما کوردستانێ بیت کو دێ بیتە جارا ئێکێ کو ھەرێما کوردستانێ ھنارتنا مەزن یا پەترۆلێ خوە بۆ وەلاتەکێ ئورۆپی دکەت”.
نيشاندان