ئه‌ڤرۆ نیوز:
“ئاڵتان تان” ئه‌ندامێ پارتا دیموكراتى گه‌لان ( هەدەپە) ل ناڤ په‌رله‌مانێ توركیا به‌ره‌ڤانى ژ سه‌رۆك بارزانى كر و گوت: بارزانى یێ ددلێ هه‌موو كورده‌كێ دا.
نووترين نووچه
سهرهكى نوچێن گرنگ
د ناڤ پەرلەمانێ تورکیا دا هەدەپە بەرەڤانیێ ژ بارزانی دکەت
ئەڤرۆ نیوز،زنار تۆڤی:
ئەندامەکێ سەر ب پارتیا دیمۆکراتیا گەلان هەدەپە دناڤ پەرلەمانێ تورکیا دا بەڕەڤانی ژ سەرۆک بارزانی کر،ئەڤ چەندە هات پشتی پەرلەمانتاڕەکێ نەژادپەرستێ جەهەپێ دناڤ پەرلەمانێ توڕکیا دا ب تۆندی هێرش کریە سەر بارزانی و ئێکسەر پەرلەمانتارێ هەدەپێ ئالتان تان نوونەرێ باژێرێ ئامەدێ دناڤ پەرلەمانی دا بەرسڤا پەرلەمانتارێ جەهەپێ دا و گۆتێ:سەرۆک بارزانی ددلێ هەر کوردەکی دایە،وی پەرلەمانتاری ب رەنگەکێ مەزن بەرەڤانی ژ سەرۆک بارزانی کر.
په‌یاما سه‌رۆك بارزانى ل دۆر روودانێن ڤێ دووماهیێ
ئه‌ڤرۆ نیوز:
سه‌رۆك بارزانى د په‌یامه‌كێ دا سه‌باره‌ت روودانێن ڤێ دووماهیێ د ناڤبه‌را توركیا و په‌كه‌كێ دیاركریه” من ب پێدڤى زانى ره‌ئیا خوه یا شه‌خسى دیاربكه‌م، ژبه‌ر كو سه‌باره‌ت هه‌لویستێ من د وى بیاڤى دا، هنده‌ك لێكدانێن میزاجى و حوكمێن پێشوه‌خت و دوورژ پێزانینان هاتینه دان”
بارزانى گوتیه” ئه‌م سیاسه‌تا توركیا ره‌سم ناكه‌ین، و به‌رپرس نینن ل سیاسه‌تا په‌كه‌كێ، ئه‌وا ژ ده‌ستێ مه بهێت ب تنێ ئه‌وه كو هاریكاریا وان بكه‌ین بۆ وێ یه‌كێ دانوستاندنان بكه‌ن و ژێك نێزیك بن”.
ده‌قێ گوتارا سه‌رۆك بارزانى
بناڤێ خودایێ به‌خشنده و میهره‌بان
جه‌ماوه‌رێ خوشتڤیێ کوردستانێ …
دبیاڤێ رویدانێن ڤێ دوماهیێ و پێشڤه‌چونێن دناڤبه‌را حکومه‌تا تورکیا و پارتی یا کرێكارێن کوردستانێ من ب پێدڤی زانی هه‌لویستێ شه‌خصیێ خو رابگه‌هینم ژ به‌رکو ده‌رباره‌ی هه‌لویستێ من ل سه‌ر ڤی بابه‌تی هنده‌ک شروڤه‌کرنێن میزاجی و حوکمێن پێش وه‌خت ودویر ژ پێزانینان هاتینه به‌حس کرن.
کورد نه‌ته‌وه‌یه‌که بێی ئیرادا خو پارچه کریه و ئه‌و پارچه‌کرنه ژی وه‌کی واقعه‌کێ ته‌عل ب سه‌ر مه دا سه‌پاندیه. و ژ پێناڤ گوهارتنا ڤی واقعی خوینه‌کا مه‌زن هاتیه رێتن کو هێشتا واقع ژلایێ خوگرافی و سنورێن نیڤ ده‌وله‌تی ڤه هه‌ر وه‌کی خو ماینه به‌لێ ب ڤێ خوین و قوربانیدانێ مه ناسناما خو یا نه‌ته‌وه‌ییی پاراست.
سه‌د ساله وه‌کی کورد دژی زولم و زورداری و داگیرکرنێ مه شه‌رکریه نه مه شیایه واقعی بگوهرین و نه به‌رامبه‌رێن مه ژی شیاینه مه ژناڤ ببه‌ن له‌وما گه‌هشتیمه وێ قه‌ناعه‌تێ کو شه ری چ ده‌ستکه‌فت نابن و پێدڤیه مفایی ژ هه‌می ده‌رفه‌تێن ئاشتیێ وه‌ربگرین و به‌ره‌ف ئاشتی و دان و ستاندنێ بچین.
ل پشتی شه‌رێ کوێتێ ل باشورێ کوردستانێ، دگه‌ل وێ چه‌ندێ مه قوناغێن گه‌له‌ک نه‌خوش برین، به‌لێ کیانه‌ک هاته پێکئینان کو ژلایێ نیڤ ده‌وله‌تی ڤه ئیعتیراف پێ هاته‌کرن و بویه جهێ ئومێدا هه‌می تاکه‌کێ کورد ل هه‌ر جهه‌کی. وه‌کی شه‌خصێ خو و حکومه‌تا هه‌رێما کوردستانێ ژی بو هاریکاریا خویشک و برایێن مه ل سه‌رانسه‌ری کوردستانێ ئه‌وا ب مه هاتیه‌کرن مه کر دویر ژ هه‌می جوره موزایه‌ده‌کێ.
ئه‌گه‌ر ب دیتنه‌کا واقعیانه به‌رێخوبده‌ینه ره‌وشا تورکیا دێ بینین کو به‌ری هاتنا پارتی یا داد و گه‌شه‌پێدانێ ناڤێ کورد و کوردستان و گشت هێمایێن کوردی قه‌ده‌غه‌بوو مه گه‌له‌ک هه‌ولدان کو زه‌مینا پروسه‌یه‌کا ئاشتیانه ل تورکیا دروست بکه‌ین، و پشتی دان و ستاندنێن زور ده‌رکه‌فت کو پارتا داد و گه‌شه‌پێدانێ و شه‌خصێ به‌رێز ئه‌ردوغاى سیاسه‌ت و بوچونه‌کا نوی و جودا ژ حزبێن بوری یێن تورکیا هه‌یه به‌رامبه‌ر کوردان.
له‌وما دگه‌ل پارتی یا کرێکارێن کوردستانێ مه پێکول کر کو پشکداری دان و ستاندنان ببن و به‌رێز ئوجه‌لان ژی وه‌کی لایه‌نه‌کێ سه‌ره‌کی دان و ستاندنا ئاشتیێ ره‌فتار دگه‌ل دا بهێته‌کرن، ئه‌ڤه ژی پێشکه‌فتنه‌کا زور گرنگ بوو ژبه‌رکو به‌ری وی ده‌می مه ددیت حکومه‌تێن پێش حکومه‌تا داد و گه‌شه‌پێدانێ چ جوره ره‌فتاره‌کا پر سڤکاتی دگه‌ل به‌رێز ئوجه‌لان دکر.
ئه‌ڤێ چه‌ندێ ژی ئه‌نجامێن باش هه‌بون و بو ئه‌گه‌ری بیاڤێ دان وستانا ئێکسه‌ر ژێ په‌یدا بیت و وه‌کی قوناغا ئێکێ پروسا ئاشتیێ گه‌له‌ک ب باشی ب رێڤه‌بچیت به‌لێ ب مخابنی ڤه ل دویڤدا گه‌له‌ک ئاریشه هاتنه درێکێ دا. به‌لێ دگه‌ل ڤێ ژی، پروسه هه‌ر ب هه پروسه‌کا هه‌بون هه‌ی حساب دکر ب تایبه‌تی کو ده‌وله‌تا تورکیا و به‌رێز ئوجه‌لان و پارتی یا دیموکراتی یا گه‌لان هه‌ده‌په پێگیریا خو ب وێ پروسێ و درێژه‌پێدانێ رادگه‌هاند، له‌وما ژی ئه‌م ب وێ هیڤیێ بوین کو پروسه وان کوسپان ده‌ربازکه‌ت و مه ژی ئاماده‌ییا خو بو هه‌ر هاریکاریه‌کێ بو هه‌ر دوو لا دڤی بیاڤی دا راگه‌هاند بوو.
نوکه ژی داخواز دکه‌ین پروسه ده‌ست پێ بکه‌ته‌ڤه و گه‌لێ کورد ب مافێن خو شاد بن و ئاسایش و سه‌قامگیری به‌رقه‌رار بیت.
دبیاڤێ هه‌لویستێ تورکیا و پارتا کارکه‌رێن کوردستانێ ژی ئه‌م سیاسه‌تا تورکیا ره‌سم ناکه‌ین و به‌رپرس ژی نینین ژ سیاسه‌تا پارتی یا کرێکارێن کوردستانێ.
ئه‌وا ژ ده‌ستێن مه دهێت بتنێ ئه‌وه کو هاریکاریێ بکه‌ین ژ بو کو دان و ستاندنێ بکه‌ن و لێک نێزیک ببن بو مێژوویێ دێ ڤێ بێژم دبیاڤێ چاره‌سه‌ریا ئاشتیانه مه هه‌لویست و ئاماژه و پێنگاڤێن ئیجابی ژ حکومه‌تا تورکیا دیتن به‌لێ ب مخابنی ڤه هنده‌ک لایه‌نان ئیستعاب نه‌کر و تێبینی یا وێ چه‌ندێ مه کر کو تووشی غرورێ بوینه.
چه‌ندین جارا په‌یام بو پارتی یا کرێکارێن کورستانێ من هنارتن کو دبهێى فره بن ژبه‌رکو ئاشتی پروسه‌یه‌کا ب زه‌حمه‌ته و ب بهێن فره‌هی سه‌ردکه‌ڤیت.
من ب وان راگه‌هاند ب کوشتنا دوو پولیسان تورکیا ژ ناڤ ناچیت نوکه مه‌زنترین ده‌لیڤه هاتیه پێش کو ب سندوقێن ده‌نگدانێ ب قه‌له‌م و دیالوگ و سیاسه‌ت و خه‌باتا ئاشتیانه به‌رده‌وام بن ژبه‌رکو ئه‌و ده‌ستکه‌فت و به‌رهه‌مێ مه‌زن یێ ژ ڤان رێکا ب ده‌ستڤه دهێت چ جارا ب رێکا چه‌کی ب ده‌ست ڤه ناهیت.
نوکه ژی وه‌سا دبینم پارتی یا دیموکراتی یا گه‌لان دگه‌ل پارتی یا داد و گه‌شه‌پێدانێ رێکبکه‌ڤن بو پێکئینانا حکومه‌تا نوی ل تورکیا ژبه‌رکو ئه‌ڤێ چه‌ندێ ده‌ستکه‌فته‌کێ گه‌له‌ک مه‌زن دێ هه‌بیت بو کورد و تورکیا و ده‌ڤه‌رێ.
هه‌ر ل ده‌ستپیکێ مه وه‌سا ددیت بێ بریارکرنا به‌رێز ئوجه‌لان و پارتی یا دیموکراتی گه‌لان دبیاڤێ چه‌کدانان و دوماهی ئینان ب شه‌رێ چه‌کداری ب ره‌نگه‌کێ ئێکجاری پێنگاڤه‌کا گه‌له‌ک خه‌له‌ت یا سه‌رکردایه‌تیا پارتی یا کرێکارێن کوردستانێ یه ژبه‌رکو ب ڤی ره‌نگی وه‌دکه‌ن کو تورکیا وه‌کی لایه‌نه‌کێ دان و ستاندن ره‌فتارێ دگه‌ل به‌رێز ئوجه‌لان نه‌که‌ت و وه‌بکه‌ن پارتی یا دیموکراتی یا گه‌لان ژی بکه‌ڤیته ژێر فشاره‌کا سیاسی و په‌رله‌مانی یا زورڤه پشتی سه‌رکه‌فتنا مه‌زن.
نوکه ژی شه‌ره‌کێ گه‌له‌ک مه‌زن ل ده‌ڤه‌رێ هه‌یه پێدڤیه هه‌ڤپه‌یمانیا ده‌ڤه‌ری ل وی شه‌ری دا روله‌کێ گرنگ بگێریت دگه‌ل هه‌ڤپه‌یمانیا نیڤ ده‌وله‌تی دا و پێدڤیا مه ب شه‌ر و ئاریشێن دی یێن بێ ئه‌نجام نینه پێدڤیه هه‌می لایه‌ک ل ده‌ڤه‌رێ پێکڤه کاربکه‌ن بو ژناڤبرنا داعش پێنگاڤه‌کا گرنگه و ئه‌نجام و کارتێکرنه‌کا گه‌له‌ک مه‌زن دێ هه‌بیت.
پشکداریا له‌شکه‌رێ تورکیا ئه‌نجامێن گه‌له‌ک مه‌زن و ئێکلایکه‌ر دێ هه‌بن د وی شه‌ری دا ب هه‌ڤپه‌یمانیا ئه‌مریکا هه‌می لایه‌ک ژی پێدڤیه گه‌له‌ک ب هویری وان پێشکه‌فتنان بخوینیت.
گه‌له‌ک دلگرانین ب وێ ره‌وشا نوی و دوباره ده‌رکه‌فتنا بێهنا باریتێ من شه‌ر پێ خوش نینه و چ ده‌مان پشته‌ڤانیا ئێک چرکا شه‌ری ژی ناکه‌م دگه‌ل وێ چه‌ندێ من گه‌له‌ک تێبینی ل سه‌ر سیاسه‌تێن پارتی یا کرێکارێن کوردستانێ هه‌یه ب تایبه‌تی ده‌ستێوه‌ردانا کاروبارێن هه‌رێما کوردستانێ و هه‌می پارچێن دی یێن کوردستانێ و قورخکرنا گوره‌پانا روژئاڤا به‌لێ ژ لایێ من ڤه دوزا ره‌وایا گه‌لێ کورد ل سه‌ر هه‌می تشته‌کی یه ب هاندان و دروشم و شه‌ر و توند و تیژی ئاریشه چاره‌سه‌ر نابن.
باشترین هاریکاریا مه بو هه‌ر دوولا ئه‌وه داخواز بکه‌م ڤه‌گه‌رنه‌ڤه سه‌ر مێزا دان و ستاندنێ و درێژیێ بده‌نه پروسا ئاشتیێ به‌رده‌وامبونا شه‌ری زیان بو خه‌لک و ئاکنجی یێن ده‌ڤه‌رێن سنوری یێن هه‌رێما کوردستانێ ژی هه‌بویه خه‌لکی مافێ وانه پرسیار بکه‌ت بوچی هه‌رێما کوردستانێ ببیته گوره‌پانا شه‌ری و ژیان و که‌یفا وان بهێته تێکدان.
ل دوماهیێ دوپات دکه‌ین کو ڤه‌گه‌ریان بو پروسا ئاشتیێ و دان ستاندن بتنێ رێکه‌که بو چاره‌سه‌رکرنا ئاریشان و ئه‌م ژی ئه‌وا ژ ده‌ستێن مه بهێت دێ که‌ین بو هاریکاریا دان و ستاندن و ڤه‌ژاندنا پروسا ئاشتیێ بین.
وەزیرێ دەرڤە یێ ئێرانێ گەهشتە عێراقێ
ئەڤرۆ نیوز،زنار تۆڤی:
ژێدەرێن نووچەیان ل عێراقێ دانەدیارکرن کو ئەڤ شەڤە وەزیرێ دەرڤە یێ ئیرانێ محەمەد جەواد زەریف ب سەڕەدانەکێ گەهشتە باژێرێ نەجەف ل عێراقێ و بریارە سوبەهی 27.7.2015 دگەل سیستانی کۆمببیت،هەروەسا وەزیرێ دەرڤەیێ ئیرانێ دێ سەرەدانا بەغدا دەت و دێ دگەل مەزنە بەرپرسێن حووکمەتا عێراقێ سەبارەت دوسەیا ئەمنی یا عێراقێ و وەلاتێن دەوڕوبەر دانوستاندنێ کەن.
جارەکادی فڕۆکان دەڤەرێن سنوری بومبەبارانکرن
ئەڤرۆ نیوز،زنار تۆڤی:
وەلاتیەکێ بناڤێ وەیسی عادل بۆ ئەڤرۆ نیوز راگەهاند کو ئەڤ شەڤە لدەمژمێر 9 شەڤ جارەکادی چەند فرۆکێن سۆپایێ تورکی دەڤەرێن سنوری ل حەفت تەنینێ بو ماوێ 15 خولەکان بۆمبەبارانکرن و هەروەسا دەورێن وان فرۆکان دهاتنە هنداڤی گوندێن بەرواری بالا،لێ وان فرۆکان چ جه ل بەرواری بالا بۆمبەباران نەکرن،زێدەتر گۆت:لێ ترسا خەلکێ ژ فرۆکان هەیە،لەورا نەوێرن گەلەک ژ گوندێن خوە دوور بکەڤن.
به‌حسێ ئالوزیێن هه‌مبه‌ر رێككه‌فتا هه‌رێم و به‌غدا د بوارێ نه‌فتێ دا كرن
ئه‌ڤرۆ نیوز:
سه‌رۆك بارزانى ئه‌ڤرۆ ل سه‌لاحه‌دین پێشوازیا عادل عه‌بدولمه‌هدى وه‌زیرێ نه‌فتا عیراقێ كرن.
د دیداره‌كێ دا روناهى خستنه سه‌ر په‌یوه‌ندیێن هه‌رێم و به‌غدا د بیاڤێ وزێ دا و ئه‌و ئالوزیێن هه‌مبه‌ر رێكه‌فتنا د ناڤبه‌را هه‌رێم و به‌غدا دروست بووین و رژدى ل سه‌ر نه‌هێلانا كێشان كر و دووپاتى ل هه‌ماهه‌نگیا به‌رده‌وام كر.
گوهۆرین دێ كه‌ڤیته نمرێن قوتابیان
ئه‌ڤرۆنیۆز، سالار دۆسكى:
رێڤه‌به‌ریا گشتى یا په‌روه‌ردێ ل پارێزگه‌ها دهۆكێ دپه‌یچێ خوه‌یێ تایبه‌تێ فێسبووكى لێبورین ژ قوتابیان خواست، ئاشكراكر كو دێ گوهورین كه‌ڤیته نمرێن قوتابیێن پشكا زانستى گرۆپێ B و دبیت قوتابى هه‌بن مفاداربن.
دهه‌مان راگه‌هاندنا به‌لاڤه‌كرى دا، رێڤه‌به‌ریا گشتى یا په‌روه‌ردێ ل پارێزگه‌ها دهۆكێ ئاگه‌هداری یا قوتابیێن پولا دوزادێ ئاماده‌یى پشكا زانستى گرۆپێ B دكه‌ت سه‌ره‌دانا قوتابخانێن خوه بكه‌ن بۆ كاره‌كێ فه‌ر و پێدڤى.
دیسا هاتیه كو دیار بوویه جوداهى د به‌رسڤێن دو پرسیارێن بابه‌تێ بیركارى دا هه‌یه زاراڤێ به‌هدینى پولا دوازدێ گرۆپێ B ل گه‌ل یێن سورانى، ئامیرێ راستڤه‌كرنا پرسیاران ئانكو (تصلیح) به‌رسڤێن دروست ل دووڤ پرسیارێن سورانى یێن هه‌لبژارتنین، ب ڤێ چه‌ندێ زیان گه‌هشتیه قوتابیێن بادینى پشكا زانستى گرۆپێ B به‌رسڤ داى له‌وما بریاره قوتابیێن زیان ڤێ كه‌فتین، دو نمره و هنده‌كان هه‌تا چار نمران بۆ بهێنه زڤراندن و هنده‌كان ژى دێ كێم بن.
دهه‌مان به‌لاڤه‌كرن دا، رێڤه‌به‌ریا گشتى یا په‌روه‌ردێ ل پارێزگه‌ها دهۆكێ داخازا لێبورینێ ژ قوتابیێن پولا دوازدێ پشكا زانستى خواست و داخاز ژ قوتابیان كر كو سه‌ره‌دانێن قوتابخانێن خوه بكه‌ن.
پارتی: ته‌قه ل باره‌گایێ مه نه‌هاتیه‌كرن
ئه‌ڤرۆ نیۆز، قائید میرۆ
پارتی دیموكراتی كوردستان ره‌تكر، شه‌ڤا بۆری ل سلێمانیێ ته‌قه ل باره‌گایێ وان هاتبیته كرن و ئاشكراكر، ئه‌ڤان زانیاریان چو راستى بۆ نینه.
فارس نه‌وڕۆلی، په‌یڤدارێ پارتی دیموكراتی كوردستان ل سه‌ركردایه‌تیا سلێمانیێ بۆ ئه‌ڤرۆ نیۆز گۆت” چو راستی بۆ ته‌قه‌كرنێ ل باره‌گایێ جڤاتا سه‌ركردایه‌تیا پارتی ل پارێزگه‌ها سلێمانیێ نینه، هه‌تا دره‌نگی شه‌ف ئه‌ز بخوه ل سه‌ركردایه‌تیێ بویمه و ئه‌ف زانیاریێن به‌حسێ ته‌قه‌كرنێ دكه‌ن ئه‌سل و ئه‌ساس بۆ نینه.
نه‌وڕۆلی گۆتژی” شه‌ڤا بۆری لایه‌نگرێن بزاڤا گۆڕان بهه‌لكه‌فتا 25/7/2009ێ سه‌ركه‌فتنا لیستا خوه ب ئالایێ خوه هاتن و چوون دكر و لبه‌ر ده‌رگه‌هێ سه‌ركردایه‌تیا مه هاتن وچوون دكر، به‌لێ چو په‌یوه‌ندی ب پارتی ڤه نه‌بوو.
رێنمایێن وەرگرتنا قوتابیان ل زانكۆیا پولیته‌كنیك یا دهۆك
ئه‌ڤرۆ نیوز:
زانكۆیا پولیته‌ك یا دهۆك رێنمایێن وه‌رگرتنا قوتابیان بۆ سالا بهێت یا خواندنێ راگه‌هاندن و چه‌ند رێنامیى ده‌رێخستى نه ژ وان”
ئەو دەرچووێن تێنە وەرگرتن ل کولیژێن تەکنیکى دێ هێنە وەرگرتن ل قوناغا دووێ پشتى ئەنجامێ پروسەیا (مقاصە کردن ل بەشی زانستى یێ پەیوەندیدار ) .
رێنمایێن وەرگرتنێ ل زانکویا پولیتەکنیکى
1- رێژا (80%) بو پارێزگەها دهوکێ و رێژا (20%) بو پارێزگەها هەولێر و سلیمانیێ .
2- رێژا (40%) ژ پلانا وەرگرتنا بەشێت زانستى دێ بو دەرچوویێت پەیمانگەهێن تەکنیکى یێن ساڵا(2014-2015) دەرچووین ل خولا ئێکێ و تێکرا نمرێت وى کێمتر نەبیت ژ (65%) و تەمەنێ
3- ئەڤ رێژە دێ هێتە دابەشکرن لدویڤ ژمارا دەرچوویێن بەشی زانستى ل هەر پەیمانگەهەکێ .
4- رێژا (40%) ژ پلانا وەرگرتنێ ل هەربەشەکێ زانستى دێ ئێتە تەرخان کرن بو دەرچوویێن سالێن بوری یان پێشتر ل هەردوو خولا (ئێکێ و دووێ) ب مەرجەکی تەمەن ژ (40) سالان زێدەتر نەبیت ، سالا دایک بوونێ (1975) و تێکرا نمرێت وى کێمتر نەبیت ژ (65%) .
5- مەرج نینە هەر قوتابیێەکێ داواکاریا خو پێشکیش کەت بێتە وەرگرتن چونکى پرکرنا کورسیێن خواندنا بەکەلوریوسى تەکنیکى دێ لدویڤ پلانا وەرگرتنێ بیت و رێزبەندیا نمرا دەرچوونا
6- ئەوێ تێتە وەرگرتن ل کولیژێن تەکنیکى ل قوناغا دووێ هێنە وەرگرتن ب مەرجەکى ئەگەر وانەیەک یان زێدەتر وانە ل قوناغا ئێکێ ل کولیژێ نە خاندبیت دێ وەک شێوەى سەربارکرن.
7- ئەو قوتابیێ تێتە وەرگرتن ل قوناغا دووێ ل کولیژا تەکنیکى ئەگەر وانێن سەرەکى زێدەتر بیت ژ دوو وانا ل قوناغا ئێکێ یا کولیژێ نە خاندبیت دێ هێتە دابەزین کرن بو قوناغا ئێکێ .
8- ئەگەر هات ئەو دەرچوو فەرمانبەر بیت دێ نڤیسارەکێ ژ رێڤەبەریا خو ئینیت کو رێڤەبەر یێ رازیە بو دانا مولەتێ بو تمام کرنا خواندنێ ئەگەر هاتە وەرگرتن و بهێتە دیارکرن روژ و هەیف و
9- بؤ وەرگرتنا قوتابیان سنورێ جوگرافی ل بەر چاف ناهێتە وەرگرتن و دبیت قوتابی ل هەر زانکویەکا پولیتەکنیکى یا هەرێما کوردستانێ (دهوک – هەولێر – سلیمانی) بهێتە وەرگرتن. وى ژ (40) سالیێ نەبوریبیت دا کو بشێت ب پێشکێش کرنێ بو کولیژێن تەکنیکى. ئەنجامێت خولا ئێکێ دێ دەست پێکەت . دوبلومێ دێ بیتە پیڤەر بو دەست نیشانکرنێ و هێچ پیڤەرەکێ دى ب کارناهێت . سالێن دامەزراندنا وى کو خزمەت دوو سال هەبیت .
10- ئەو قوتابیێ تێتە وەرگرتن ب سیستەمى پولیتەکنیکى مافێ دابەزینێ و ڤەگوهاستنێ نینە ژ بەر کو لدویڤ داخازا وى دێ هێتە وەرگرتن . میکانیزمی پێشکێش کرنێ و وەرگرتنا دەرچوویێن پەیمانگەهێن تەکنیکى ل کولیژێن تەکنیکى
11- پێشکێش کرن راستەوخو ب رێکا تومارا گشتی یا زانکویا پولیتەکنیکى بیت ب سیستەمێ ئون لاین (ONLINE)ل سەر سایتێ تومارا گشتى یا زانکویێ.
apply.dpu.edu.krd
1- وەختێ پێشکێش کرنێ ل (25/7/2015) تا (25/8/2015) .
2- راگەهاندنا نافا ب شێوێ دەسپێکى ل (5/9/2015) .
3- ماوێ ئێک حەفتی تەرخان کریە بو نەرازیبوونا تا روژا (13/9/2015) هەر ب رێکا سایتێ http://apply.dpu.edu.krd/ku
4- ل (20/9/2015) ئەنچامێ وەرگرتنێ بو وەزارەتێ هێنە بلندکرن .
5- ل (26/9/2015) ئەنجامێن دوماهیێ ل وەزارەتێ دێ هێنە راگەهاندن .
پارتى يا رژده ل سه‌ر هه‌لويستێ خوه
ئه‌ڤرۆ نيوز:
بڕياره سوبه‌هى رۆژا دوشه‌مبى 27ى تيرمه‌ها 2015ێ سه‌رۆكێن فراكسيۆنان و سه‌رۆكاتيا په‌رله‌مانى ل سه‌ر قانوونا راستڤه‌كرنا سه‌رۆكاتيا هه‌رێما كوردستانێ و ئالوزيێن ناڤبه‌را په‌كه‌كه و توركيا دا كۆمبوون.
ئامينا زكرى، جێگرا سه‌رۆكێ فراكسيۆنا پارتى ديموكراتى كوردستان راگه‌هاند: “سوبه‌هى هه‌موو سه‌رۆكێن فراكسيۆنێن ناڤا په‌رله‌مانێ كوردستانێ و سه‌رۆكاتيا په‌رله‌مانێ كوردستانێ ل سه‌ر پرسا راستڤه‌كرنا قانوونا سه‌رۆكاتيا هه‌رێما كوردستانێ كۆم بن دا كو دانوستاندنێ ل سه‌ر وێ پرسێ بكه‌ن”.
ده‌رباره‌يى هه‌لويستێ نوو يێ پارتى ديموكراتى كوردستان ل سه‌ر وێ پرسێ ئامينا خانێ گۆت: “مه هه‌مان هه‌لويستێ به‌رى نوكه يێ هه‌يى كو دڤێت لايه‌نێن سياسى بگه‌هنه ل هه‌ڤهاتنێ ل ژ ده‌رڤه‌يى په‌رله‌مانى و ژ نوو ئه‌ڤ پرسه بۆ په‌رله‌مانێ بهێته هنارتن، چونكو ب ديتنا مه ئه‌ڤه نه كارێ په‌رله‌مانى يه”.
پرسا راستڤه‌كرنا قانوونا سه‌رۆكاتيا هه‌رێما كوردستانێ ئێكه ژ وان پرسێن د ناڤبه‌را لايه‌نێن سياسى دا ل باشوورێ كوردستانێ و دانوستاندن ل سه‌ر دهێته كرن و ماوێ دو هه‌يڤانه ل سه‌ر وێ پرسێ نه‌گه‌هشتينه رێكه‌فتنێ.
ل 23ى خزيرانێ و ب ئاماده‌بوونا قونسلێ ئيرانێ ل په‌رله‌مانێ كوردستانێ بێى فراكسيۆنا پارتى، فراكسيۆنێن دى خواندنا ئێكێ بۆ پرۆژێ قانوونا سه‌رۆكاتيا هه‌رێما كوردستانێ كر و ب ڤێ چه‌ندێ ژى كاودان ئالوزتر لێ هاتن.
نيشاندان
WP Facebook Auto Publish Powered By : XYZScripts.com