ئه‌ڤرۆ نیوز،زنار تۆڤى:
شانێن قه‌یرانان ب سه‌رۆكاتیا حه‌یده‌ر عه‌بادى سه‌رۆكوه‌زیرێن عێراقێ كۆمبوونه‌ك ئه‌نجامدا،تێدا ره‌زامه‌ندى ل سه‌ر كێمكرنا مووچه‌یێ 3 سه‌رۆكاتیێن عێراقێ نیشان دا.
ل دووڤ به‌یاننامه‌یه‌كا نڤێسینگه‌ها عه‌بادى،ل رۆژا چارشه‌مبى شانه‌یێن قه‌یرانان ل ئه‌نجومه‌نێ وه‌زیرێن عێراقێ،ب سه‌رۆكاتیا حه‌یده‌ر عه‌بادى،كۆمبوونا خوه ئه‌نجامدا و بارودۆخێ ئابوورى و دارایى ل ژێر رۆناهیا وان هێرشێن كو دژى خه‌لكێ عێراقێ هاتینه كرن،ئه‌وژى ئاشكه‌راكر كو دناڤا وێ كۆمبوونێ دا،جه‌خت ل سه‌ر كێمكرنا مووچێ سێ سه‌رۆكاتیێن عێراقێ و پله‌یێن تایبه‌ت هاته‌كرن، د وێ به‌یاننامێ دا ئه‌وژى دووپاتكریه كو پشتى جه‌ژنا ره‌مه‌زانێ،پێشنیارا په‌سه‌ندكرنێ بۆ كێمكرنا مووچێ هه‌رسێ سه‌رۆكاتیا و خودانێن پله‌یێن تایبه‌ت ل عێراقێ دێ هێته جێبه‌جێكرن.
ئه‌وژى دیاركریه،كو دوێ كۆمبوونێ دا بارودۆخێ رێككه‌فتنا نه‌فتێ یا دناڤبه‌را هه‌ولێر و به‌غدا و رێژه‌یا نه‌فتێ یا كو هه‌رێما كوردستانێ ڤرێدكه‌ته ژده‌رڤه و پارێ هه‌رێمێ هاتیه گفتوگۆكرن،جه‌خت ل سه‌ر پێدڤیا پابه‌ندبوونێ ب برگه‌یێن وێ رێكه‌فتنێ هاته‌كرن،وه‌ك د یاسایێ بودجه‌یێ سالا 2015 یێ عێراقێ دا هاتى،دڤى بارى دا (عادل عه‌بدولمه‌هدى) وه‌زیرێ نه‌فتا عێراقێ ل چه‌ند رۆژێن داهاتى دا دێ دوفچوونا وێ دوسیه‌یێ ب ستوویێ خوه‌ڤه گریت.
ل ده‌ستپێكا ڤێ هه‌یڤێ هه‌تانوكه نوكه،ب ئه‌گه‌رێ پابه‌ند نه‌بوونا حوكمه‌تا عێراقێ ب هنارتنا به‌شه بۆدجه‌یێ ته‌مام یێ هه‌رێما كوردستانێ،حوكمه‌تا هه‌رێما كوردستانێ ژى هیچ برا نه‌فتێ راده‌ستى كۆمپانیا سۆمۆ یا عێراقى نه‌كریه.
عه‌بادى، وه‌زیرێ نه‌فتێ راسپارد كێشا نه‌فتا هه‌رێمێ چاره بكه‌ت
نيشاندان
