ئەڤرۆ نیۆز، قائید میرۆ:
پشتی سپێدەھیا ئەڤرۆ ب ئەگەرێ بۆردومانا فڕۆکەیێن تورکیا ھژمارەک وەلاتیێن دەڤەرا قەندیل شەھید و برینداربووین، ددەمێ نوکەدا رەوشا برینداران یا باشە.
کاروان جەمال، رێڤەبەرێ نەخۆشخانا ئاشتی ل قەزا سۆران بۆ ئەڤرۆ نیۆز راگەھاند” حەفت بریندارێن بۆردومانا تورکیا گەھشتینە نەخۆشخانا ئاشتی و ددەمێ گەھشتنێ ژلایێ نۆشدار و کارمەندێن نەخۆشخانێ دەست ب چارەسەرکرنێ ھاتیەکرن.
ئەڤرۆ نیۆز، قائید میرۆ:
تۆڕا خەمی خەلک یاداشتەکا نەڕازیبوونێ ل دۆڕ بلندکرنا بھایێ کارتێن مۆبایل و ئینتەرنێتێ پێشکەشی داخوازکارێ گشتیێ ھەرێما کوردستانێ کر.
مەحەمەد گومەشینی، رێکخەرێ تۆڕا خەمی خەلک بۆ ئەڤرۆ نیۆز راگەھاند” پشتی دوھی کۆمپانیێن گەھاندنێ بھایێ کارتێن خوە بلندکری، مە فەردیت ئەم یاداشتەکێ رادەستی داخوازکارێ گشتیێ ھەرێما کوردستانێ ل دۆر ڤێ گرانبوونێ دکەین، چونکو نوکە ھەرێم یا د قەیرانەکا ئابوریا مەزندا و نابیت بھایێ کارتان بھێتە بلندکرن.
گومەشینی دیارکر، گرانکرنا بھایێ کارتێن مۆبایل و ئینتەرنێتێ چو رامان نینە دڤێ رەوشێ دا پێدڤیە حوکمەتا ھەرێما کوردستانێ و پەرلەمان ب ئەرکێ خوە رابن و نەڕازیبوونا خوە دیاربکەت، کو ئایا بۆچی بھا ھاتیە بلندکرن و رەسید وەکی خوە مایە.
ئه‌ڤرۆ نيوز:
ل گۆندێ زارگه‌لێ يێ سه‌ر ب ناحيا وه‌رتێ يێ قه‌زا ره‌واندۆز، فرۆكێن شه‌ركه‌رێن توركيا بۆردۆمانا ده‌ڤه‌را بنارێ قه‌نديل كر و ژ ئه‌نجامێ وێ ئێكێ 13 كه‌س بوونه قوربانى.
سپێده‌هيا ئه‌ڤرۆ رۆژا شه‌مبى رێكه‌فتى 1ى ته‌باخا 2015ێ فرۆكێن شه‌ركه‌رێن توركيا گۆندێ زارگه‌ل بۆردۆمان كر و ژ ئه‌گه‌رێ وێ چه‌ندێ 13 كه‌س شه‌هيد و بريندار بوون.
ئيسماعيل عه‌ولا قادر، ئه‌ندامێ جڤاتا گۆندێ زارگه‌لێ و ئێك ژ بريندارێن ئه‌وى گۆندى بۆ رووداو گۆت: “ئه‌م د خه‌و بووين، ده‌مێ فرۆكێن شه‌ركه‌رێن توركيا گۆندێ مه بۆردۆمان كرى”، ئاماژه ب وێ چه‌ندێ ژى كر كو هه‌تا نوكه شه‌ش كه‌س ژ خۆجهيێن گۆندى شه‌هيدبووينه و 7 كه‌س ژى ب گرانى بريندار بووينه.
ئه‌ڤرۆ نیوز:
وه‌زاره‌تا ڤه‌گوهاستن و گه‌هاندنێ یا حكومه‌تا هه‌رێما كوردستانێ ئه‌ڤرۆ راگه‌هاند : بهایێ كارتێن موبایل و ئه‌نته‌رنێتێ ب رێژا 20% گران بووینه و ئه‌ڤ بریاره ژى دێ هه‌موو عیراق و هه‌رێما كوردستانێ ژى هێته بجهئینان ژبه‌ر كو (کۆڕەک تیلیکۆم – ئاسیا سیڵ – زەین) سێ كومپانیێن سه‌رانسه‌رى نه ل عیراقێ و موله‌تا كاركرنێ ژ ئالیێ حكومه‌تا عیراق و ده‌سته‌یا راگه‌هاندن و گه‌هاندنا عیراقێ وه‌رگرتیه و رێنمایێن وێ دێ بجهـ ئینیت.
بۆ زانین رۆژا 1 ته‌باخێ، سوبه ئه‌ڤ بریاره دێ هێته بجهئینان.
ئه‌ڤرۆ نیوز،زنار تۆڤى:
پشتى كۆنسلخانه‌یا ئه‌مریكا راگه‌هاندى كو ل ڤان هه‌ردو رۆژێن ئه‌ینى و شه‌مبى ژیانا وه‌لاتیێن وان دێ كه‌ڤیته به‌رمه‌ترسیێ ل هه‌ولێرا پایته‌خت و هۆشدارى دایه وان كو نه‌چنه جهێن گشتى ل وى باژێرى،ئه‌ڤرۆ رۆژا ئه‌ینى 31/7/2015 په‌یڤدارێ حووكمه‌تا هه‌رێمێ سه‌فین دزه‌یى راگه‌هاند:كو هۆشداریا كۆنسلخانه‌یا ئه‌مریكا ل هه‌ولێرێ بتنێ بۆ وه‌لاتیێن ئه‌مریكا بوو،ئه‌ڤ چه‌نده رۆتینیه‌ك بوو وان كرى و گۆت ژى:وه‌لاتیێن هه‌رێما كوردستانێ دلنیا دكه‌ین كو چ جۆره مه‌ترسى و هێرشێن مه‌ترسیدار ل سه‌ر ژیانا وه‌لاتیان نینه و ده‌زگایێن پۆلیس و ئاسایشێ ب چاڤه‌كێ ڤه‌كرى دوێ په‌رێ خزمه‌تێ دانه بۆ ئارامى و سه‌قامگیریا هه‌ولێرێ و ته‌ماما هه‌رێما كوردستانێ.
ئه‌ڤرۆ نیوز،زنار تۆڤى:
ژ ئه‌گه‌رێ بۆردومانكرنا فرۆكه‌یێن توركى بۆ ماوێ چه‌ندین رۆژان لدووڤ ئێك هه‌ردو گوندێن هێسێ و ئێكمالێ ل ده‌ڤه‌را به‌روارى بالا هاتنه به‌ردان،شلیمۆن ئیشا مۆختارێ گوندێ هێسێ بۆ ئه‌ڤرۆ نیوز دبێژیت:چه‌ندین جاران فرۆكه‌یان دۆرمانێن گوندى بۆردومانكرن و چه‌ندین بۆمبه ب نێزیكى گوندى دكه‌فتن و هه‌روه‌سا بۆمبه‌یان پتریا ره‌ز و زه‌ڤیێن مه‌سۆتن،له‌ورا بۆ پاراستنا گیانێ خوه مه گوند به‌ردا و نوكه كه‌س لێ ناژیت. هه‌روه‌سا چه‌ندین مال ل گوندێ ئێكمالێ دژیان زه‌ڤى و ئاقارێ خوه شوین دكرن،لێ ژ ئه‌گه‌رێ بۆمبه‌بانكرنا فروكه‌یان ب ره‌نگه‌كێ به‌رده‌وام،ئه‌و مال نه‌چاربوون ژبۆ پاراستنا گیانێ خوه گوندى چولبكه‌ن و نوكه كه‌س ل گوندى نه‌مایه و هاتیه به‌ردان،خه‌لكێ وان گوندان دیاركریه ئه‌گه‌ر ره‌وش بڤى ئاوایى بیت و هه‌ر رۆژ گوندێن وان بهێنه بوردۆمانكرن ئه‌و نه‌شێن ڤه‌گه‌رنه سه‌ر گوندێ خوه،هه‌روه‌سا دێ زیانه‌كا مه‌زن گه‌هیته وان و ئاقارێ وان دێ هشك بیت و نه‌شێن ئاڤده‌ن،له‌ورا دخوازن چاره‌یه‌ك بۆ بهێته دیتن.
ئەڤرۆ نيوز:
ژڤانە رۆژا ٢٧-٨-٢٠١٥ ئێکەم کاروانێ حەجیان ل دھۆکێ بەرەڤ مالا خودی ژ بۆ ئەداکرنا فەریزا حەجێ یا ئەڤ سالە بچیت و ئەڤ سالە ٩٥٧ حەجی ل پارێزگەھا دھۆکێ دێ قەستا مالا خودێ کەن.
شەمسەدین تاھر، رێڤەبەرێ حەج و عومرێ ل پارێزگەھا دھۆکێ بۆ رۆژناما ئەڤرۆ دیار کر، پرۆسێسا حەجێ نێزیک بوو، و گۆت: “مە بەرنامەکێ سالانە ھەیە، ئەم د گەل حەجیان کۆم دبین و ھەموو شیرەتێن کارگێری و ئایینی و نۆشداری ددەینێ”.
ئاشکرا ژی کر، ئەڤ سالە ٩٥٧ حەجی ل پارێزگەھا دھۆکێ دێ قەستا مالا خودێ کەن و گۆت: “٤٠ کەس ژ ڤێ ھژمارێ ستافێ خزمەتگوزاری نە، وەکو لژنا فەتوایێ و ماموستایێن ئایینی و لژنا ساخلەمیێ و ھەموو بەرھەڤی بۆ چوونێ ھاتینە کرن ھەموو گەشت دێ ب رێیا فرۆکخانا ھەولێرێ بن”.
شێخ شەمسەدین دا زانین ژی کو ل ٢٢-٨ کاروانێ ئێکێ یێ فەرمانبەرێن کارگێری دێ چیتە وەلاتێ سعودیێ بۆ پێشوازیکرنا حەجیان ل فرۆکخانێ
مالک رەمەزن، ئێک ژ حەجیێن ئەڤ سالە قەستا مالا خودێ دکەت بۆ رۆژناما ئەڤرۆ گۆت: “رێنمایێن ھاتینە شرۆڤەکرن گەلەک دگرنگ بوون بۆ حەجیان، چونکو دڤێت ب دروستی ئەڤ رێنمایە بھێنە بجھئینان، دا کو بشێین حەجەکا دروست ئەداکەین”.
ئەڤرۆ نیۆز، قائید میرۆ:
وەزارەتا پێشمەرگەی یا ھەرێما کوردستانێ دیارکریە، ھەر چەکدارەکێ داعش دەست د کریارێن تیرۆرستی دا نەبن دێ لێبۆرین و سەرۆکێ لیژنا مافێ مرۆڤی ژی دبێژیت دەستھەلاتا وەزارەتا پێشمەرگەی نینە لێبۆرینێ بۆ کەسێ دەربکەت.
سۆران عومەر، سەرۆکێ لیژنا مافێ مرۆڤی لپەرلەمانێ کوردستانێ بۆ ئەڤرۆ نیۆز راگەھاند” ژبلی ئەف لایەنێن دەستھەلاتا قانوونی ھەی بۆ چو کەس و لایەنەکێ دی نینە لێبۆرینا گشتی کەسێ دەربکەن و ئەف لێبۆرینا وەزارەتا پێشمەرگەی دەرکری نەقانوونیە و کارێ وەزارەتا پێشمەرگەی ئەو نینە لێبۆرینێ بۆ چەکدارێن داعش دەربکەت.
سۆرانی گۆتژی” گورەی قانوونێ تنێ سەرۆکێ ھەرێما کوردستانێ مافێ لێبۆرینا تایبەت ھەیە و پەرلەمانی و جڤاتا دادوەری ژی دەستھەلات ھەیە لێبۆرینا گشتی دەربکەت، بەلێ پەرلەمان نەشێت لێبۆرینا بۆڤان کەسان دەربکەت یێن ماددەیێن تیرۆرێ ڤەدگریت، پێدڤیە وەزارەتا پێشمەرگەی رۆھنکرنێ بدەت.
ئەڤرۆ نیۆز، قائید میرۆ:
نونەرەکێ تورکومان لپەرلەمانێ کوردستانێ ئیماژە بڤێ چەندێ دکەت، ئەگەر لایەنێن سیاسی نەگەھن چو رێکەفتنان دێ رەوش ئالۆزتر بیت.
ئایدن مەعرۆف، سەرۆکێ فڕاکسیۆنا بەرەیێ تورکومانی لپەرلەمانێ کوردستانێ بۆ ئەڤرۆ نیۆز دیارکر، ئەز یێ گەشبینم لایەنێن سیاسی بگەھنە رێکەفتنێ لدۆر پرسا پۆستێ سەرۆکێ ھەرێمێ و ئەگەر فڕاکسیۆنژی نەگەھنە چو ئەنجامان ئەڤە ل دەرڤە لایەنێ، سیاسی دێ رێکەڤن.
ئایدنی گۆتژی” دەم یێت بۆریت، بەلێ تنێ دو رۆژ مابن دڤێت رێکەفتن ھەر بھێتەکرن، چونکو چو چارەسەرێن دی مە نینە و دێ ڤالاھیا قانوونی چێبیت، نوکە ھەرێما کوردستانێ یا د قەیرانەکا مەزنا ئابوری و سیاسی دا، ئەگەر لایەنێن سیاسی نەگەھنە رێکەفتێ دێ رەوش ئالۆزتربیت.
نيشاندان