ئه‌ڤرۆ نيوز:

 به‌رى نيڤرۆيا ئه‌ڤرۆ رۆژا دوشه‌مبى رێكه‌فتى 10ى ته‌باخا 2015ێ ل هه‌ولێر كۆمبوونا پارتى و ئێكه‌تى ل دۆر پرسا سه‌رۆكاتيا هه‌رێما كوردستانێ ب دووماهى هات.

عيماد ئه‌حمه‌د، ئاخفتنكه‌رێ ب ناڤێ ئێكه‌تى نشتيمانى كوردستان د كۆنگره‌كێ رۆژنامه‌ڤانى دا راگه‌هاند: بوچوون د جودانه، به‌لێ هندێ ناگه‌هينن كو رێك ناكه‌ڤن.

عيماد ئه‌حمه‌ دگۆت: “هێشتا مه‌ بڕيارا دووماهيێ ل سه‌ر پرسا سه‌رۆكاتيا هه‌رێما كوردستانێ نه‌ ل مه‌كته‌با سياسى نه‌ ل سه‌ر ئاستێ سه‌ركرداتيێ نه‌ راگه‌هانديه‌”.

دا زانين ژى كو ئه‌و ل سه‌ر پرۆژێ خوه‌ لێڤه‌نه‌بووينه‌ و ئه‌وا نوكه‌ ئه‌و دبێژن و ل گه‌ل پارتى د روونن پێگوهۆڕێ وێ چه‌ندێ نينه‌.

مه‌حمود محه‌مه‌د ئه‌ندامێ سه‌ركرداتيا پارتى هه‌ر د وى كۆنگرێ رۆژنامه‌ڤانى دا راگه‌هاند كو پارتى و ئێكه‌تى دو حزبێن گه‌له‌ك ژێك جودانه‌ و دێ بزاڤێ كه‌ن خالێن هه‌ڤپشك هه‌لبژێرن و ل سه‌ر بگه‌هنه‌ رێكه‌فتنێ.

گۆتژى: “دشيان دايه‌ بۆ ماوێن گه‌له‌ك درێژ ئه‌ڤ پرۆژێ خواندنا ئێكێ ل په‌رله‌مانى بۆ هاتيه‌ كرن بمينيته‌ ل په‌رله‌مانێ كوردستانێ و به‌رى نوكه‌ ژى گه‌له‌ك قانوونان خواندنا ئێكێ بۆ هاتيه‌ كرن و هه‌تا نوكه‌ نه‌هاتينه‌ به‌ر دانوستاندنێ ل په‌رله‌مانى و نه‌هاتينه‌ په‌سه‌ندكرن”.

ئەڤرۆ نیوز، سالار دۆسکی:

رێڤەبەرێ گشتیێ ئەوقاف و کارۆبارێن ئاینی پارێزگەھا دھۆکێ، ل ئاڤاھیێ رێڤەبەریا حەج و عومرێ دھی ئاشکراکر کو ئەڤ سالە ئێک ئاڤاھی بۆ ھەموو حەجیێن کوردستانێ ھاتیەگرتن.
ب مەرەما خورتکرن و خوشکرنا پتر سەرکەفتنا پرۆسێسا چوونا حەجێ ل ئەڤ سالە، رێڤەبەرێ گشتیێ ئەوقاف و کارۆبارێن ئاینی ل گەل رێڤەبەرێ حەج و عومرێ ل پارێزگەھا دھۆکێ ل گەل رێبەر ئانکو (حملەدارێن) و زانایێن ئاینی یێن ئەڤ سالە دێ قەستا بەرێ بەیتێ کەن کومبوون.
لدەسپێکێ د.سەمیان عەبدولخالق سەعید رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆکێ، بەحسێ رۆلێ (حملەداران) کر ل سالێن بوری و ئەو خزمەتا پێشکێشی حەجیێن پارێزگەھێ کرین و دیسان و شیاین ناڤێ پارێزگەھێ بلند بکەن، د.سەمیان ھەر گۆتنێن خوە دا، رێنمایێن ئەڤ سالە بۆ ئامادەبوویان شرۆڤەکرن و خواست ئەڤ سالە ژی وەک سالێن بوری پێگیربن ب رێنمایێن وەزارەتێ و رێڤەبەریا ناڤبری.
ھەڤدەم رێڤەبەرێ گشتی ئاشکراکر کو ئەڤ سالە دێ پیچەکێ یا بزحمەت بیت چونکە ھەموو حەجیێن کوردستانێ ل ئێک ئاڤاھی ھاتینە کومکرن و ژ قاتێ پێنجێ ھەتا نەھێ بۆ حەجیێن دھۆکێ یە و ل بن دا بۆ حەجیێن ھەولێرێ یە و سەردا بۆ حەجیێن سلێمانیێ یە و ئاشکراکر کو ئێکەم وجبا حەجیا ل ٢٧/ ڤێ ھەیڤێ دێ ب رێکەڤیت.
د دووڤ دا شێخ شەمسەدین تاھر رێڤەبەرێ حەج و عومرێ ل پارێزگەھا دھۆکێ چەندین شیرەت و ئاموژگاری دانە ئامادەبوویان، خواست ئەڤ سالە ژی وەک سالێن بوری پێگیربن ب ھەموو رێنمایێن وەزارەتێ پێخەمەت سەرکەفتنا پرۆسێسێ.

ئه‌ڤرۆ نيوز:

ئاخفتنكه‌رێ ب ناڤێ ئێكه‌تى نشتيمانى كوردستان راگه‌هاند كو بڕياره‌ به‌رى نيڤرۆيا ئه‌ڤرۆ رۆژا دوشه‌مبى رێكه‌فتى 10ى ته‌باخا 2015ێ ل هه‌ولێر ل دۆر پرسا سه‌رۆكاتيا هه‌رێما كوردستانێ كۆم ببن.

عيماد ئه‌حمه‌د، ئاخفتنكه‌رێ ب ناڤێ ئێكه‌تى نشتيمانى كوردستان دا زانين ژى كو بڕياره‌ ئه‌ڤرۆ ئێكه‌تى ل پشتى كۆمبوونا خوه‌ ل گه‌ل پارتى هه‌لويستێ خوه‌ ل دۆر ماوێ سه‌رۆكاتيا سه‌رۆكێ هه‌رێما كوردستانێ ب ده‌زگه‌هێن راگه‌هاندنێ ب راگه‌هينيت.

دا زانين ژى كو ئه‌ڤ كۆمبوونه‌ ده‌سپێكه‌كه‌ بۆ كۆمبوونێن ئێكه‌تى نشتيمانى كوردستان ل گه‌ل لايه‌نێن سياسى و دێ ل باره‌گايێ مه‌كته‌با سياسى يا ئێكه‌تيێ ل هه‌ولێرێ ئه‌ڤ كۆمبوونه‌ هێته‌ ئه‌نجام دان.

رۆژا چارشه‌مبى رێكه‌فتى 12ى ته‌باخا 2015ێ ماوێ پێشكێشكرنێ بۆ خواندنا دكتورايێ ل هه‌رێما كوردستانێ ده‌سپێكه‌ت و رۆژا دوشه‌مبى 31ى ته‌باخا 2015ێ دێ يا به‌رده‌وام بيت.

ب گۆره‌يى نڤيساره‌كا وه‌زاره‌تا خواندنا بلند و ڤه‌كۆلينێن زانستى يا حوكمه‌تا هه‌رێما كوردستانێ كو وێنه‌ك ب ده‌ست ئه‌ڤرۆ نيوز كه‌فتيه‌، تێدا رێنمايێن چاوانيا ده‌سپێكرنا خواندنا دكتورايێ ل هه‌رێما كوردستانێ به‌حس دكه‌ت ل گه‌ل چه‌ند بابه‌تێن دى يێن تايبه‌ت ب خواندنا بلند.

ئەڤرۆ، حکمەت زێوکی:
پشتی پارێزەرەکی سکالا ل سەر رێڤەبەرێ وەبەرئینانا دھۆکێ تۆمارکری و جارەکێ ل دادگەھێ بەرھەڤ بووی و دادگەھکرنا وی ھاتیە پاشخستن، ئەڤرۆ ١٠-٨-٢٠١٥ ل دادگەھا کەتنێ دێ ھێتە دادگەھکرن.
زنار زبێر عەلی پارێزەرێ وی پارێزەرێ سکالا تۆمار کری بۆ رۆژناما ئەڤرۆ دیار کر کو ل سالا ٢٠١٣ پارێزەر دلۆڤان کەمال پارێزەرێ خودانێن ٤٠ قەپانان بوو کو ل دەمێ ڤەگوھاستنا قەپانان زیان گەھشتبوونێ و گۆت “ل وی دەمی بەختیار ئەمین رێڤەبەرێ وەبەرئینانا دھۆکێ ل دۆر وێ پرسێ ب نڤیسارا ژمارە ١٣٦٨ کو بۆ کارگێریا پارێزگەھا دھۆکێ ھنارتی سڤکاتی و تەشھیر ب پارێزەر دلۆڤانی کربوو، ئەوی ژی ژ ئالیێ خوە ڤە سکالا ل سەر تۆمار کریە”.
پارێزەر زنار خویا ژی کر کو ٨-٦-٢٠١٥ ل دادگەھا کەتن یا دھۆکێ رێڤەبەرێ وەبەرئینانێ بەرھەڤ بوو، لێ دادگەھکرن بۆ ئەڤرۆ ھاتیە پاشخستن و گۆت “ئەڤ دادگەھکرنە دێ ل گۆر مادێ ٤٣٣ یێ قانوونا سزایان بیت”.