ئه‌ڤرۆ نیوز:زنار تۆڤى:
سه‌رۆكێ به‌رێ یێ (سى ئاى ئه‌ى) یا ئه‌مریكى مایكل هایدن سه‌باره‌ت ره‌وشا عێراق و سوریێ دیاركر:نوكه‌ عێراق و سوریا دره‌وشه‌كا ئالۆزدانه‌، له‌ورا عێراق و سوریا نه‌ماینه‌ وه‌ك ده‌وله‌ت و هاتینه‌ پارچه‌كرن و بتنێ كورسیێن وان ل نه‌ته‌وێن ئێكگرتى ماینه‌،هه‌روه‌سا پێشبینى دكه‌ت كو 30 سالێن دى نه‌ ئارامى ل ڤان هه‌ردوو وه‌لاتان دێ هه‌بیت و چاره‌نڤیسێ خه‌لكێ وان وه‌لاتان دێ نه‌یێ دیار بیت.
ده‌رباره‌ى كوردان ناڤهاتى دبێژیت:كورد باشترین هه‌ڤپه‌یمانێن مه‌نه‌ ل ڤێ ده‌ڤه‌رێ و دڤێت ئه‌م هاریكاریا كوردان بكه‌ین و چه‌كى بده‌ینێ،ژبه‌ركو به‌رژه‌وه‌ندا وان دگه‌ل وه‌لاتێن رۆژئاڤایه‌،هه‌روه‌سا بتنێ كورد شیاینه‌ به‌رسنگێ داعشێ بگرن و وان بشكێنن،له‌ورا گرنگى دان ب كوردان دێ هه‌ڤپه‌یمانه‌كا بهێز بۆ ئه‌مریكا ل ڤێ ده‌ڤه‌رێ دروسكه‌ت.
هه‌روه‌سا دبێژیت:ئه‌گه‌ر ئه‌م كوردان پشتگوه بێخین و هاریكاریا عێراق و سوریێ بكه‌ین،ئه‌م دێ بارودۆخى ئالۆزكه‌ین،چونكى هه‌تانوكه‌ سه‌ربازێن عێراقى نه‌شیاینه‌ كونترۆلێ ل سه‌ر باژێرێ ئه‌نبار بكه‌ن، هه‌روه‌سا نه‌شیاینه‌ مووسلێ كونترۆل بكه‌ن،هه‌روه‌سا هێزێن ملیشیاتێن شیعه‌یان شیاینه‌ بهاریكاریا فه‌رمانده‌یێن ئیرانى باژێرێ تكریتێ كۆنترول بكه‌ن و له‌شكه‌رێ سورى ژى رۆژ ب رۆژ د پاشڤه‌كشانێ دایه‌ به‌رامبه‌ر داعشان،له‌ورا ئێدى عێراق و سوریا ناڤه‌گه‌رنه‌ڤه‌ وه‌كو جاران،دڤێت ئه‌م چه‌كى ئێكسه‌ر بده‌ینه‌ كوردان و ژ هه‌مى لایان ڤه‌ هاریكاریا وان بكه‌ین.

ئه‌ڤرۆ نیوز،زنار تۆڤى:
ئه‌ڤرۆ روژا چارشه‌مبى 8/7/2015 ل دادگه‌ها بالا یا عێراقێ ئێكه‌م روونشت ده‌رباره‌ى 28 تۆمه‌تبارێن ده‌سته‌سه‌ركرى یێن سه‌ربازگه‌ها سپایكه‌رێ برێڤه‌چوو،كو ل دووڤ دادگه‌ها بالا یا عێراقێ وان كه‌سان ده‌ست دگه‌ل كوشتنا وان سه‌ربازێن عێراقى دا هه‌بوو،یێن كو ژلایێ داعشێ ڤه‌ هاتینه‌ كوتن،له‌ورا د روونشتنا ئێكێ یا دادگه‌هكرنا وان تۆمه‌تباران دا بریار ژلایێ دادگه‌ها بالا یا عێراقێ ڤه‌ هاته‌ دان كو 24 كه‌س ژوان بهێنه‌ بدارڤه‌كرن،د هه‌مان ده‌مدا مالباتێن قوربانیێن سپایكه‌ر داخواز ژ دادگه‌ها بالا یا عێراقێ كریه‌ كو وان 24 كه‌سان ل به‌رچاڤێن خه‌لكى و ل گۆره‌پانا ئازادیێ ل به‌غدایێ بدارڤه‌ بكه‌ن.
هه‌ژێ گۆتنێ یه‌ كو سه‌رجه‌مێ وان كه‌سێن به‌شدارى دكوشتنا سه‌ربازێن سپایكه‌رێ دا كرى 63 كةسن كوو 28 ژوان هاتینه‌ ده‌سته‌سه‌ركرن.

ئه‌ڤرو نیوز، بارزان مزوورى:
عصمت ره‌جه‌ب، به‌رپرسێ لقا 14 ل مووسل بو روژناما ئه‌ڤرو دیار كر كو ئه‌ڤرو ئیڤارى 7 ته‌موزێ 2015 چه‌كدارێن تیرورستێن داعش دێرا ” ام المعونه‌ الكالوسیك” ل تاخێ ده‌واسا دناڤا بازارێ نشتیمانى ل نێزیك رێڤه‌به‌ریا پولیسێن مووسل TNT كر و لدوڤ دا په‌قاند .
ناڤبرى دیار كر كو به‌رى چه‌ند مه‌هانه‌ ئه‌و كه‌ل و په‌لێن دناڤا دێرێ دا بو جهه‌كێ نه‌دیار ڤه‌گوهاست بون و ئه‌و خاچێن دێرێ ڤه‌ به‌رى 20 روژانه‌ شكاند بون ،
ژلایه‌كێ دى ڤه‌ ژێده‌ره‌ك ژچه‌كدارێن رێكخراوا ئازاد بو ئه‌ڤرو نیوز دیار كر كو ده‌مێ په‌قاندنا ڤێ دێرێ 10 مالێن نێزیك دهێته‌ هه‌رفاندن و چار زارویێن بێ گونه‌ه دهێنه‌ كوشتن و گه‌له‌ك دوكانێن نێزیك دهێنه‌ هه‌رفاندن.

ئه‌ڤرۆ نيوز:

 ژماره‌كا په‌رله‌مانتارێن كوردستانێ داخوازا كومبوونه‌كا نه‌ئاسايى ل دۆر دياريا كوچكرنا گه‌نجێن گه‌نجان بۆ ده‌رڤه‌ دكه‌ن و سكرتێرێ وێ ژى گومان يا هه‌ى كو ئه‌ڤ كێشه‌يه‌ ب كومبوونه‌كا په‌رله‌مانى بهێته‌ چاره‌كرن.

فه‌خره‌دین قادر سكرتێرێ په‌رله‌مانێ كوردستانێ بۆ ئاژانسا ئه‌نادول راگه‌هاند: ژماره‌كا په‌رله‌مانتارێن هه‌رێما كوردستانێ داخواز ژ سه‌رۆكاتيا په‌رله‌امانى كريه‌ كومبوونه‌كا نه‌ئاسايى ل دۆر دياردا كوچكرنا گه‌نجان ب تايبه‌ت گه‌نجێن ئێزدى بۆ ده‌رڤه‌ى وه‌لاتى ئه‌نجام گرێبده‌ن.