ئه‌ڤرۆ نيوز:

د راگه‌هاندنه‌كێ دا، وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو بڕياره‌ سوبه‌هى رۆژا پێنجشه‌مبى رێكه‌فتى 16ى ترمه‌ها 2015ێ هنده‌ك ده‌سته‌ دى مووچێ هه‌يڤا گۆلانێ وه‌رگرن.

د وێ راگه‌هاندنێ دا كو وێنه‌ك ب ده‌ست ئه‌ڤرۆ نيوز كه‌فتينه‌، پشكا په‌يوه‌ندى و راگه‌هاندنێ ل وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند: سوبه‌هى رۆژا پێنجشه‌مبى رێكه‌فتى 16ى ترمه‌ها 2015ێ دێ هه‌ر ئێك ژ وه‌زاره‌تا دارايى و ئابوورى و وه‌زاره‌تا ئه‌وقاف و كاروبارێن ئاينى و وه‌زاره‌تا پلاندانانێ و ده‌زگه‌هێ مين و ديوانا چاڤدێريا دارايى و ده‌سته‌يا وه‌به‌رهێنانێ و ده‌سته‌يا ده‌سپاكيێ و ده‌سته‌يا ژينگه‌هێ و كۆمسيۆنا بلندا هه‌لبژارتن و راپرسيان مووچێ هه‌يڤا گۆلانێ وه‌رگرن.

ئه‌ڤرۆ نيوز:
گرانبوونا غازێ ژ لایێ حوکمەتا عیراقێ ڤە ھاتیە کرن چەند رۆژە غازا مزگین گرانی ب خوە ڤەدیتیە و ڤێ چەندێ دلگرانی ل دەڤ وەلاتیان چێکریە، رێڤەبەرێن غازا مزگینی ژی ئاماژە ب وێ چەندێ دکەن کو گران بوون نە د دەستێ وان دایە. جێگرێ رێڤەبەرێ غازا مزگین ئاشکراکر کو ب شێوەکێ گشتی غاز ھاتیە گرانکرن، گۆت ژی: ٧/٧ غاز ھاتیە گرانکرن وەک غازا مزگین ١٠-٧ مە گرانکریە، چونکە مە غازا کەڤن مابوو و ھەتا ب دووماھی ھاتی ژ نوو مە گرانکر.
شوکری رەشید سلێمان جێگرێ رێڤەبەرێ غازا مزگین ھێشتا ژی گۆت: نوکە ١٥٠٠ دینار چووینە سەر بۆتلێ غازێ و پتر گران بوویە، لێ ژ بەر کاودانێن نوکە کوردستان تێدا دبوریت و دیسان ھەیڤا رەمەزانا پیرۆز مە گرانتر لێ نەکریە، بەری نوکە ھەر بۆتلەکێ غازێ ب ھەشت ھزار دیناران دگەھشتە بەر دەرگەھێ مال، نوکە بۆ ھەر بۆتلەکی بوویە نەە ھزار و نیڤ و د ناڤ گۆرەپانێ دا ب ھەشت و نیڤانە. ھێشتا گۆت: خەلک گازندا ژ گرانبوونا غازێ دکەن، لێ ئەڤە نە د دەستێ مە دایە و د دەستێ کومپانیا قەیوان دایە و ژ سلێمانیێ بۆ مە دھێت و غاز یا بازرگانی یە ب تەنان دکرین، ھێشتا گۆت: گۆت گۆتک ھەنە کو ئەرزان ببیتە ڤە و ھەموو بزاڤا دکەین وەک پێشتر لێ بھێت، چونکە خەلک ھەژارە و پێشتر ژی غاز گران ببوو وەک کومپانیا مزگین مە رێ نەدا و مە یا بازرگانی ئینا و دیسان زەڕەر مەندبووین ژی، لێ نە نەھێلا گران بیت، گران بوونا ئەڤ جارە د دەستێ حوکمەتێ دایە و د دەستێ مە دا نینە و دیسان پێدڤیێن غازێ کێم نەبوویە پشتی بھایێ غازێ گران بووی، چونکو ئەڤە پێدڤیەکا رۆژانە یە و ھەموو خەلکی دڤێت. ناڤبری ئاشکراکر ژی کو ب تنێ کۆمپانیا مزگین ل پارێزگەھا دھۆکێ رادبیت ب بەلاڤکرنا غازێ و ب ھاتنا ئاواران ھەتا نوکە نوزا دھۆک رۆژانە پێدڤی ب چەند غازێ یە. شوکری رەشید سلێمان جێگرێ رێڤەبەرێ غازا مزگین ھێشتا گۆت: ل گەل گرانبوونا غازا مزگین وەک کومپانیا ناڤبری بھایێن خوە ل جھێن ئاواران و کەمپان ھەر وەک خوە ھێلاینە کو بۆ ھەر بۆتلەکێ غازێ ھەشت ھزار دینارن، وەک ھاریکاری بۆ خەلکێ ئاوارە کو د دەست کورت و کێم دەرامەتن، دیسان ل گەل چێبوونا شەرێ ل گەل داعش و ھەموو میحوەرێن پێشمەرگێ کوردستانێ یێ دکەڤنە پارێزگەھا دھۆکێ رۆژانە ھەتا ١٥٠ بۆتلێن غازێ ل سەر پێشمەرگێ کوردستانێ دھێنە بەلاڤەکرن ژ لایێ کۆمپانیێ ڤە و بێ بەرامبەر و ئەڤە وەک ئەرکەکێ نشتیمانی. رۆژناما ئەڤرۆ پەیوەندی ب بەرپرسێ پشکا غازێ کر ل رێڤەبەریا بەلاڤکرنا بەرھەمێن گازێ ل دھۆکێ، لێ پەیوەندیا وی یا بەردەست نەبوو. عەبدولسەمەد سەرۆکێ لژنا پیشەسازی و سامانێن سرۆشتی ل ئەنجوومەنێ پارێزگەھا دھۆکێ دیار کر، بەری نھا ھەر تەنا غازێ حوکمەتێ دا وەکیلا و کارگەھان و دگەھشتە دھۆکێ تەن ب ٣٠٢ ھزار دیناران، ئەڤە نرخێ بەری رێکەفتی ١٠/٧ بوو و نوکە بۆھایێ ھەر تەنەکێ بوویە ٤١٥ ھزار دینار، ئەڤە جوداھیەکا مەزنە، ئانکو ٣١١٣ ھزار دینار چووینە سەر، ھەر قەنینەکی ١٤٢٥ ھزار دینار چووینە سەر و گۆت: ١٥ کارگەە ل دھۆکێ ھەنە و غازێ بەلاڤە دکەن و ئەڤە یا حکوومیە. ل دور غازا مزگین عەبدولسەمەد گۆت: یا مزگین ژی ھەر ب رێیا رێڤەبەریا گاز و سۆتەمەنیێ دھێت لێ ژ کەرکووک ناھێت و مزگین ئەو گرانتر لێ ھاتیە و بەری نھا ھەر بۆتلەک ب ٨٠٠٠ بوویە، یا حوکمەتێ ژ ٦٥٠٠ بوویە و ئەو ژی ٧٥٠٠ ، یا مزگین بوویە ٩٥٠٠. عەبدولسەمەد گۆت: کۆمپانیا عیراقێ گران کریە و ئەگەر گوھۆرین کەفتێ دێ ئەرزان بیت و ئەڤە د دەستێ حوکمەتا عیراقێ دایە و ب گشتی غاز گرانکریە ل سەرانسەری عیراقی. د.شێرکو جەودەت سەرۆکێ لیژنا پیشەسازی و سامانێن سرۆشتی ل پەرلەمانێ کوردستانێ، ل دۆر گرانبوونا بھایێ غازێ گۆت: حوکمەتا عیراقێ غاز گران کریە و وەزارەتا سامانێن سرۆشتی ل حوکمەتا ھەرێما کوردستانێ چاڤەرێ دکەت کو ب فەرمی ئەڤە بھێتە دیارکرن کو غاز گران بوویە و ئەگەر چیە و دووڤچوونێ دێ ل سەر کەین و دڤێت بگەھیتە ئەگەرێن گرانبوونێ، نە ھەر بریارەکا حوکمەتا بەغدا بدەت و ھەرێما کوردستانێ پێگیر بیت ب بریارێ، چونکو ھەرێمێ پەرلەمان و حوکمەتێن خوە ھەنە و ئەو دێ بریارێ ل سەر دەن. د.شێرکو جەودەت ئەو چەندە ژی گۆت: پێداچوونا مە دێ ب ڤی رەنگی بیت کا ئایا گرانبوونا غازێ ب بریارا وەزارەتا سامانێن سرۆشتی بوویە یان ھەر کۆمپانیا بۆ خوە گرانکریە.