ئه‌ڤرۆ نیوز:

كاوه‌ محه‌مه‌د ئه‌ندامێ په‌رله‌مانێ عیراقێ ژ فراكسیونا گۆران راگه‌هاند: ل دووڤ دووماهى ئامارێن وه‌زاره‌تا نه‌فتا عیراقێ سه‌باره‌ت نه‌فتا هنارتى یا عیراقێ بۆ ڤێ هه‌یڤى، دیاربوویه‌ كو حكومه‌تا هه‌رێمێ چ نه‌فت ب رێیا كومپانیا سومو نه‌هنارتیه‌ و هه‌موو نه‌فتا خوه‌ ب سه‌ربه‌خو یا هنارتى.

حكومه‌تا عیراقێ بریاره‌ 250 بۆ 300 ملیار دیناران وه‌ك بودجێ هه‌یڤا خزیرانێ بۆ هه‌رێما كوردستانێ بهنێریت ل هه‌مبه‌ر وێ نه‌فتا هه‌رێما كوردستانێ ب رێیا سومو فروتى.

ئه‌ڤرۆ نیوز، له‌زگین جۆقى:
د پرێس كونفرانسه‌كێ دا 22/7/2015 ل هۆلا رێڤه‌به‌ریا گشتیى یا ساخله‌مییێ ل پارێزگه‌ها دهۆكێ ئامارێن رۆژانێن جه‌ژنا ره‌مه‌زانى هاتنه‌ راگه‌هاندن.
حه‌مزه‌ ره‌زیكى به‌رپرسى پشكا راگه‌هاندنێ ل رێڤه‌به‌ریا گشتیى ساخله‌مییێ ل پارێزگه‌ها دهۆكێ دیاركر كو 13 هزار و 614 كه‌سان ل رۆژانێن جه‌ژنێ سه‌را بنگه‌هێن ساخله‌مییێ داینه‌ و یێن هاتینه‌ چاره‌سه‌ركرن و 587 زارۆكێن نوو هاتینه‌ سه‌ر دونیایێ ژ وانا ژى 302 كۆر بووینه‌ و یێن دیتر كچ بووینه‌ و 331 روودان یێن ل نه‌خۆشخانه‌ هاتینه‌ تۆماركرن بتنێ چوار نه‌خۆش ل نه‌خۆشخانا سووتنى و جوانكاریى یێن هاتینه‌ نڤاندن و ره‌وشا وان یا ساخله‌مییێ یا باش نه‌بوویه‌ و 42 وه‌لاتى ژ بلنداهیا یێن كه‌ڤتین و22 كه‌سان ل رۆژانێن جه‌ژنێ د اگیانى خوه‌ ژ ده‌ست داینه‌ ژ وانا ژى دو كه‌س د ئاڤێ دا خه‌ندقینه‌ و 2 زارۆك ل نه‌خۆشخانا هیڤى مرینه‌ وكه‌سه‌كێ دى د ژیێ 31 سالیێ دا هاتبوو سووتن و ژ ئه‌نجامێ سووتنێ گیانێ خوه‌ ژ ده‌ست دایه‌، ئه‌ڤێن دیتر پرانیا وان نه‌ ژ به‌ر روودانان مرینه‌ به‌لكو پتریا وان ژبه‌ر نه‌خۆشیان بووینه‌ وه‌كو جه‌لتا مێشكى و دلى و فشارا خۆینێ و په‌نچه‌شیرێ و زێده‌تر ژ 30 كه‌سان ژبه‌ر روودانێن هاتن چوونى سه‌را ساخله‌مییێ داینه‌.
ئازاد ته‌ها به‌رپرسى راگه‌هاندنێ ل رێڤه‌به‌ریا هاتن وچوونا دهۆكێ دیاركر كو شه‌ش روودانێن ترافیكێ ل سه‌رانسه‌رێ پارێزگه‌ها دهۆكێ هاتینه‌ تۆماركرن و چوو وه‌لاتیان گیانێ خوه‌ ژ ده‌ست نه‌داینه‌، بتنێ چوار وه‌لاتى بریندار بووینه‌ .
هێمن سلێمان به‌رپرسێ راگه‌هاندنا رێڤه‌به‌ریا پولیسێن دهۆكێ دیاركر كو پلانا پولیسێن پارێزگه‌ها دهۆكێ 100% هاتیه‌ بجه ئینان كو چوار روودانێن شه‌رچوونێ یێن هاتینه‌ تۆماركرن ودوو حاله‌تێن دزیێ ژى یێن هاتینه‌ تۆماركرن و كێشه‌كا خێزانى ژى یا هاتیه‌ تۆماركرن ودوو روودانێن خه‌ندقى هه‌بووینه‌ ودو گه‌نج وشه‌ش كیشه‌یێن مه‌ى ڤه‌خۆارنێ یێن هاتینه‌ تۆماركرن.