ئه‌ڤرۆ نيوز:
وه‌زاره‌تا دارايى و ئابوورى يا حكومه‌تا هه‌رێما كوردستانێ د راگه‌هاندنه‌كێ دا دياركر كريه كو حه‌فتيا بهێت، رۆژا دوشه‌مبى دێ وه‌زاره‌تێن ناڤخو و باژێرڤانى مووچه‌ى وه‌رگرن و رۆژا سێشه‌مب دێ مووچێ خانه‌نشينێ هێنه به‌لاڤكرن و رۆژ 5 شه‌مبيێ دێ مووچێ هه‌يڤا چار يێ سه‌رۆكايه‌تيا په‌رله‌مان و سه‌رۆكايه‌تيا هه‌رێم و جڤاتا وه‌زيران هێنه به‌لاڤكرن و دێ دووماهى ب مووچێ هه‌يڤا 4 هێت.
ئه‌ڤرۆ نیوز: ڤه‌ده‌ر ره‌شاڤایی:
یه‌حیا ره‌حیم سه‌فه‌وی جه‌نه‌رالێ ئیرانی و شیره‌تكارێ رێبه‌رێ ئیرانێ ئایه‌توللا خامه‌نایی ئاشكرا كر كو ئیرانێ هۆشداریی دایه داعش كو دێ هێزێن به‌سیج یێن ئیرانی هنێریته ئیراقێ و به‌رهنگاری وان بیت هه‌رده‌ما داعش نێزیكی مه‌زارگه‌هێن پیرۆز یێن شیعه‌یان ل ئیراقێ بوو.
سه‌فه‌وی دیاركریه ژی كو ئیرانێ وه‌ك نامه ئه‌ڤ هۆشداریه ئاراسته‌ی داعش كریه و ئه‌و دێ راسته‌راست ده‌ستێوه‌ردانێ كه‌ن هه‌كه‌ر داعش نێزیكی مه‌زارگه‌هێن شیعه‌یان ل ئیراقێ بوو و داعش شیانێن به‌رهنگاربوونا ڤێ هێزا ئیرانێ نینه.
چاڤدێر ڤان داخۆیانیێن ئیرانێ وه‌ك ره‌نگڤه‌دانا دلگرانییا وی وه‌لاتی دبینن ژ ره‌وشا ڤێ داوێ یا ئیراق و سوريا.
ئه‌ڤرۆ نيوز:
ئه‌ندامه‌كێ لژنا دارايى ل جڤاتا نوونه‌رێن عيراقێ راگه‌هاند، ئه‌و په‌ترۆلا ل هه‌يڤا خزيرانێ دا ژ لايێ هه‌رێما كوردستانێ ڤه هاتيه كرن ب رێيا سۆمۆ گه‌له‌ك يا كێم بوويى.
ئه‌حمه‌دێ حاجى ره‌شيد، ئه‌ندامێ لژنا دارايى ل جڤاتا نوونه‌رێن عيراقێ د نڤيسينه‌كێ ل په‌يجێ تايبه‌تێ خوه ل تۆڕا جڤاكيا فه‌يسبۆكى به‌لاڤكريه و ل ژێر ناڤێ “هه‌رێما كوردستانێ بڕيارا سه‌ربه‌خۆيا ئابوورى دا؟ ده‌رئه‌نجامێ وێ دڤێت هه‌موو ل ستوويێ خوه بگرن”، به‌لاڤكريه تێدا ئاماژه ب وێ چه‌ندێ كريه كو رۆژانه 576 هزار و 452 به‌رميل دكه‌ڤيت.
هه‌ر ديسا ئاماژێ ب وێ چه‌ندێ ژى كريه د وێ هه‌يڤێ دا، چار مليۆن و 292 هزار و 223 به‌رميلێن په‌ترۆلێ راده‌ستى كۆمپانيا بازركرنا په‌ترۆلا عيراقێ “سۆمۆ” كريه كو رۆژانه 148 هزار و 8 به‌رميلێن په‌ترۆلێ بووينه.
دايه زانين ژى كو ئه‌و په‌ترۆل ب تنێ 194 هزار و 711 يا هه‌رێما كوردستانێ بوويه راستى كۆمپانيا سۆمۆ كرى كو رۆژانه ب تنێ شه‌ش هزار و 714 به‌رميلێن په‌ترۆلێ دكه‌ڤن.
دبێژيتژى: “ب گشتى ل هه‌يڤا بۆرى چار مليۆن و 486 هزار و 943 به‌رميلێن په‌ترۆلێ نه كو پتريا وان يا بيستانێن كه‌ركووكێ نه، راستى سۆمۆ هاتينه كرن و رۆژانه 154 هزار و 722 به‌رميل دكه‌ڤن. هه‌ر د هه‌يڤا بۆرى دا، هه‌رێما كوردستانێ 12 مليۆن و 230 هزار و 168 به‌رميلێن په‌ترۆلێ فرۆتينه و تێكرايا رۆژانه 421 هزار و 730 به‌رميل هاتينه هنارتن.
ئه‌ڤرۆ نيوز:
شه‌عبان خه‌ليل عه‌بدولا، رێڤه‌به‌رێ ناحيا زاويته هاته گوهۆڕين و كه‌سه‌كى دى وه‌كو رێڤه‌به‌رێ ناحيێ ل جهێ وى هاته دان.
ب گۆره‌يى نڤيساره‌كا پارێزگه‌هێ كو ئيمزا پارێگارێ دهۆكێ ل سه‌ره ب فه‌رمانا ژماره 3368، ل رێكه‌فتى 28ى خزيرانا 2015ێ، بڕيار دايه كو شه‌عبان خه‌ليل عه‌بدولا بهێته ڤه‌گوهاستن وه‌كو رێڤه‌به‌رێ ناحيێ ل كۆچكا پارێزگه‌هێ ده‌وامێ بكه‌ت و ل جهێ وى سه‌كڤان سه‌برى عه‌زيز كو پێشتر رێڤه‌به‌رێ ناحيێ بوو ل كوچكا قه‌زا زاخۆ ل جهێ وى بهێته دانان.
هه‌ر ب گۆره‌يى ڤێ نڤيسارێ دايه زانين ژى كو ئه‌ڤ فه‌رمانه ژ رۆژا ده‌ركه‌فتنێ دێ يا ده‌ست بكار بيت و كار پێ هێته كرن.
ئه‌ڤرۆ نيوز:
جێگرێ سه‌رۆكێ لژنا ڤه‌كۆلينێ د كه‌فتنا مووسل دا راگه‌هاند كو سه‌رۆكێ هه‌رێما كوردستانێ، به‌رسڤا وان پرسياران دا ئه‌وێن لژنا كه‌فتنا مووسل ئاراسته كرين.
شاخه‌وان عه‌بدولا، جێگرێ سه‌رۆكێ لژنا ڤه‌كۆلينێ د كه‌فتنا مووسل دا، د داخۆيانيه‌كێ دا گۆت: “پشتى ديوانا سه‌رۆكاتيا هه‌رێما كوردستانێ ره‌تكرى كو به‌رسڤا پرسيارێن لژنا كه‌فتنا مووسل بده‌ن، ژ ئه‌گه‌رێ وێ چه‌ندێ كو پرسيارێن كه‌سى هاتينه كرن، لژنێ جاره‌كا دى و ب نڤيساره‌كا دى، چه‌ند پرسيار ئاراسته‌يى مه‌سعود بارزانى سه‌رۆكێ هه‌رێما كوردستانێ كرن”.
جێگرێ سه‌رۆكێ لژنا ڤه‌كۆلينێ د كه‌فتنا مووسل دا گۆتژى: “هه‌موو ئه‌و پرسيار ژ لايێ سه‌رۆكێ هه‌رێمێ ڤه هاتينه به‌رسڤ دان و گه‌له‌ك پرسيارێن هه‌ستيار تێدانه كو ب روونى به‌حس ل ئه‌گه‌رێن كه‌فتنا مووسل دكه‌ت”.
شاخه‌وان عه‌بدولايى ئاماژه ب وێ چه‌ندێ ژى كر كو سه‌رۆكێ هه‌رێما كوردستانێ به‌حس ل وێ چه‌ندێ كريه كو به‌رى كه‌فتنا مووسل و هاتنا داعش، هه‌رێما كوردستانێ هوشدارى دايه، هه‌ڤده‌م به‌حس ل به‌ره‌ڤانيكرنا هێزێن پێشمه‌رگه‌يى ژى هاتيه كرن ل ده‌مێ شه‌رى بۆ سه‌ر مووسل.
ئه‌وى ئه‌ندامێ جڤاتا نوونه‌رێن عيراقێ دا زانين ژى كو د روونشتنا ئه‌ڤرۆ يا جڤاتا نوونه‌رێن عيراقێ دا، دێ راپۆرتا لژنا ڤه‌كۆلينێ د كه‌فتنا مووسل دا راده‌ستى سه‌رۆكێ په‌رله‌مانى كه‌ن.
ژێده‌ر: رووداو
ئەڤرۆ نیۆز، سالار دۆسکی:
جێگرێ سەرۆکێ لژنا ناڤخۆ ل پەرلەمانێ کوردستانێ، د ھەڤدیتنەکا رۆژنامەڤانی دا بەجسێ کرینا فرۆکان دکەت بۆ سازیێن ئێمناھیێ و پاراستنا گیانێ وەلاتیان ل ھەرێما کوردستانێ.
نازم کەبیر هه‌ركى جێگرێ سەرۆکێ لژنا ناڤخۆ ل پەرلەمانێ کوردستانێ بۆ مالپەرێ ئەڤرۆ نیۆز گۆت: “د بەرنامێن وەزارەتا ناڤخۆ یا حوکمەتا ھەرێما کوردستانێ دایە کو فرۆکان بۆ سازیێن ئێمناھیێ و پاراستنا گیانێ وەلاتیان و دیسان بۆ ئاگر ڤەمراندنێ ژی دابین بکه‌ت”.
زێده‌تر گۆت: “کاودانێن ئابووری ل ھەرێما کوردستانێ بووینە ھۆکار کو ئەڤ بەرنامە بھێتە پاشخستن و ب ھیڤی نە ل نێزیک کاودانێن ئابووری بەر ب باشبوونێ ڤە بچن و ئەڤ کارە بھێتە ئەنجامدان”.
جێگرێ لژنا ناڤبری دا زانين كو ئەڤ بەرنامێ وەزارەتا ناڤخۆ ب مەرەما پێشڤەبرنا سازیێن ئێمناھیێ يە ل حوکمەتا ھەرێما کوردستانێ، ھەتا نوکە نەھاتیە دیارکرن کا دێ ھەژمارا ئەوان فرۆکان چەند بیت و ژ چ وەلات دێ ھێنەکرین.
ئه‌ڤرۆ نيوز:
ب گۆره‌يى راپۆرته‌كا نه‌ته‌وێن ئێكگرتى بۆ كاروبارێن ئاواران، د شه‌ش هه‌يڤێن ئێكێ يێن ئه‌ڤ ساله دا نێزيكى 133 هزار په‌نابه‌را و ئاواران ب رێيا ئاڤێ ده‌ربازى ئورۆپا بووينه.
بريان هانسفۆرد، ئاخفتنكه‌رێ ب ناڤێ نه‌ته‌وێن ئێكگرتى پشكا كاروبارێن ئاواران د راپۆرته‌كێ دا گۆت: “رێژا هاتنا ئاواران بۆ ئورۆپا د شه‌ش هه‌يڤێن ده‌سپێكێ يێن ئه‌ڤ ساله دا ب رێژا 80% زێده بوويه، وه‌كو هه‌ڤبه‌ركى ل گه‌ل هه‌مان ده‌مێ سالا 2014ێ”.
ئاماژه ب وێ چه‌ندێ ژى كريه كو هه‌تا به‌رى چه‌ند حه‌فتيان رێژا هاتنا ئاواران هه‌يڤێ دگه‌هشته 200 كه‌سان، به‌لێ نوكه رێژا وان رۆژانه دگه‌هيته هزار كه‌سان.
دايه زانين ژى كو ئه‌ڤێ كارتێكرنه‌كا مه‌زن ل سه‌ر ژيانا وان كريه كو روو ب روو مرنێ دبن د ناڤ ئاڤا ده‌ريايێ دا و دبێژيت: “كارتێكرن ل ئابوورى وه‌لاتێن ئورۆپى ژى دبيت ب تايبه‌ت وه‌لاته‌كێ وه‌كو يونان كو بنگه‌هێ سه‌ره‌كى يێ هاتنا ئاوارايه و ئابووره‌كێ گه‌له‌ك خراب يێ هه‌يى”.
ئه‌ڤرۆ نيوز، ئه‌ياد به‌روارى:
رێڤەبەریا گشتی یا گەشناسیێ و پیڤەلەرزا ل ھەرێما کوردستانێ ل دۆر بلندبوونا پلێن گەرماتیێ راگەھاند، رۆژا پێنج شەمبی 2 تيرمه‌هێ پلێن گەرمێ بۆ 42 ھەتا 45 پلا دێ بلند بیت و ھەتا رۆژا ئێک شەمبی 5 تيرمه‌هێ دێ ئەڤ بلندبوونا پلێن گەرمێ بەردەوام بن و پشتی وێ رۆژێ بلند گەرماتیێ دێ بەرەف نزمبوونێ ڤە چن.
نيشاندان