ئه‌ڤرۆ نيوز:
ب وێنه: بارزانى سه‌ره‌دانا ميحوه‌رێن پێشمه‌رگه‌يى كر
نووترين نووچه
- دووماهی دەلیڤە ب حکومەتا ئیراقا فیدڕال دهێتە دان
- دەم پارتی و كەساتیێن سیاسی یێن باكورێ كوردستانێ سوپاسییا سەرۆك بارزانی دكەن
- پێنگاڤەكا دی یا گرنگ یا سەرئێخستنا پرۆسەیا ئاشتیێ بوو
- مەسرور بارزانی: پێشوازیێ ل پرۆسەیا ئاشتیێ و پێنگاڤا ئێكێ یا چەكدانانا پەكەكێ دكەم
- نوونەرێ سەرۆك بارزانی پشكداریێ د رۆژا نیشتمانییا كۆمارا مسرێ دا ل هەولێرێ كر
- شاندێ دەم پارتی بۆ نێچیرڤان بارزانی: بۆ سەرئێخستنا پرۆسەیا ئاشتیێ چاڤێ مە یێ ل بەردەوامییا پشتەڤانییا هەوە
- شاخەوان عەبدوللا: دڤێت سنۆرەك بۆ ڤێ بێرێزیێ و لادانێ ژ قانوونێ بهێتە دانان
- هشیار زێباری: سەرئێخستنا ئاشتیێ داخوازیا ژ مێژە یا سەرۆك بارزانی بوو
- چاڤدێرێن سیاسی: پشتی ژناڤبرنا چەکان دڤێت تورکیا پێنگاڤان بهاڤێژیت
- سەرۆك بارزانی و قاسم ئەعرەجی رەوشا سیاسی و دووماهی پێشهاتێن ئەمنی ل دەڤەرێ گەنگەشە كرن
سه‌ره‌كى نوچێن گرنگ
دو كه‌س ل عيراقێ ژ گه‌رما دا مرن
ئه‌ڤرۆ نيوز:
قاسم عوبێدى رێڤه‌به‌رێ بنگه‌هێ پۆليسێن به‌غدادى ل پارێزگه‌ها ئه‌نبار ئه‌ڤرۆ رۆژا ئه‌ينى رێكه‌فتى 17ى تيرمه‌هێ ل يارێزگه‌ها ئه‌نبار ل باژێرێ به‌غدادى ژن و زه‌لامه‌ك ژ ئه‌گه‌رێ گه‌رمێ گيانێ خوه ژ ده‌ست دايه، هه‌ڤده‌م داخواز ژ حوكمه‌تێ كر كو تيمێن نوشدارى بۆ چاره‌سه‌ريا نه‌خۆشخان ره‌وانه‌يى باژێرى بكه‌ن.
بارزانی دێ جەژنێ د ناڤ پێشمەرگەی دا بیت
ئەڤرۆ نیۆز، قائید میرۆ:
بڕیارە ئەڤرۆ سەرۆکێ ھەرێما کوردستانێ جەژنێ د ناڤا ھێزێن پێشمەرگەی دا بکەت و بۆ ڤێ مەرەمێ دێ سەرەدانا چەند میحوەرەکان کەت.
ژێدەرەکێ ئاگەھدار بۆ ئەڤرۆ نیۆز گۆت: “بڕیارە ئێڤاریا ئەڤرۆ مەسعود بارزانی سەرۆکێ ھەرێما کوردستانێ بۆ جەژن پیرۆزکرنێ سەرەدانا میحوەرێن پێشمەرگەی ل چەند لایەکی بکەت و جەژنێ د گەل پێشمەرگەی بکەت”.
ژێدەری دیارکر، دێ سەرەدانێن سەرۆک بارزانی بۆ جەژن پیرۆزکرنێ ل ھێزێن پێشمەرگەی یا بەردەوامبیت لڕۆژێن داھاتی دا و مینا سالا بۆری سەرۆک دێ جەژنێ دگەل پێشمەرگەی دا بیت.
دێ شه‌رێ ئێخنه د ناڤ مالا بارزانى دا
ئه‌ڤرۆ نيوز، ئومێد وه‌لاتی:
د گۆتاره‌كێ دا ل 16-7-2015 زیره‌ك كه‌مال (ئه‌ندامێ مه‌كته‌با سیاسیا حزبا شیوعیا كوردستانێ ) كو ل مالپه‌رێ خه‌ندان به‌لافبوویه چیرۆكا به‌ری دوو هه‌فتیان یا خو و ئێك ژ كار ب ده‌ستێن به‌شێ هه‌والگریا كوچكا كوماریا ئێرانێ به‌لاف دكه‌ت.
ل دیف ئاخفتنێن ڤی ئه‌ندامێ حزبا شیوعی كو ژ كاربه‌ده‌سته‌كێ به‌شێ هه‌والگریا كوچكا كوماریا ئێرانێ بیستیه ل داهاتی دا هه‌ر ئێك ژ توركیا و كومارا ئیسلامیا ئیرانێ دێ شه‌ری ئێخنه د ناف مالا بارزان دا ل هه‌ولێر و سه‌رێ ره‌ش و جهێن دیتر.
د ئاخفتنا وی كه‌سێ سه‌ر ب هه‌والگریا كوچكا كوماریا ئیسلامیا ئیرانێ دا ده‌ر دكه‌ڤیت كو دۆژمن چه‌ند پیلانان دگێریت دا كو ل هه‌رێما كوردستانێ شه‌رێ براكوژیێ دروست ببیت و د پێخه‌مه‌ت سه‌رخستن و بنه‌جهكرنا ڤان پیلانان دێ هه‌می پێكولان كه‌ت.
ئه‌ڤا ل خوارێ ده‌قێ گۆتارێ يه:
زه‌لامێ ئیرانی هوسا گوته من
21-6-2015 نزیكی دوو هه‌فتیان به‌ری نها زه‌نگا موبایلا من لێدا و كه‌سه‌كێ بناڤێ سه‌ردار ره‌سول خو ب من دانیاسین گوت: رۆژنامه‌ڤانه‌كێ ئێرانی ل هه‌ولێرێ یه و دڤێت ته ببینیت، رۆژا ب دووڤ دا ئه‌و هه‌ردو ل باره‌گایێ راگه‌هاندنا حزبێ هاتنه ده‌ف من، ل ده‌مێ من سه‌حدكره سیما و شێواز و روونشتنا وی كه‌سێ ئێرانی من زانی كو نه رۆژنامه‌ڤانه و بگره زه‌لامێ ده‌زگه‌هه‌كێ نهێنی و هه‌والگری یه، بێی ده‌ستپێك ژ من را گوت ژ لایێ من ڤه یا سه‌یره نها ئه‌ز ل جهه‌كێ دانیشتیمه كو ئالایێ چه‌كوچ و داسكێ ب سه‌ری ڤه‌یه، ل ده‌مه‌كێ دا كو فكرا كومونیست ل چ جهه‌كێ دونیایێ دا نه‌مایه.
هه‌روه‌سا گوت: من ئه‌و چه‌ند ژی بهیستیه كو تو كه‌سه‌كێ چالاك و دیاری د ناف كوردستانێ دا، ئه‌و به‌رده‌وام بوو ل سه‌ر ئاخفتنێن خو ئه‌ژی هه‌روه‌ك پاپه‌ندبوون ب عورفێ جڤاكیێ كورده‌واری ب هویری گوهلێ دگرت، پشتی هنگی گوت: ئاخفتن و هه‌لویست و كردارێن (ئاغایێ مه‌سعود بارزانی) ب مه‌ترسی بۆ سه‌ر هه‌رێما كوردستانێ نزانی؟ من ژی گوت وه‌كو چ؟ گۆت: (پشتی ئه‌و فێلبازی و چاڤ گرێدان و هه‌لخه‌له‌تاندنا رایا گشتی یا دنیایێ شیا چه‌كدارێن خو د ناڤ توركیا دا فرێ بكه‌ته كوبانێ و ل هه‌وارا كوردێن ل وێرێ بچیت)، نها مژوولی وێ چه‌ندێ یه ده‌سته ده‌سته دوژمنێن كومارا ئیسلامیا ئێرانێ چه‌كدار دكه‌ت ب مه‌به‌ستا دروستكرنا ئاژاوێ فرێ دكه‌ته سه‌ر سنوری و ناف ئاخا ئیرانێ دا، وه‌سا دزانیت كو ئه‌ڤه‌ژی فرێكرنا چه‌كانه ژ بوو كوبانێ؟ ئاغای بارزانی د سه‌رێ دا خو ب دوستێ توركیا نیشا دده‌ت و ل ژێریش دا په‌یوه‌ندی هه‌نه د گه‌ل په‌كه‌كێ و نه‌یارێن توركیا دا، ل ده‌مێ خوش دا ل ناڤه‌راستا هه‌شتێ یان دا ئاغایێ جلال تاله‌بانی خۆ وه‌كی دوسته‌كێ كۆمارا ئیسلامیا ئیرانێ نیشا ددا و دژێریش دا پشته‌ڤانیا یاخی بوویان دكر”. من ژی گوتێ: ژ ئه‌ده‌بێ مێهڤانداریێ و ئاخفتنێ بزانه و فندوفێلا نه‌ده پشت كه‌سێ، كاك مسعود بارزانی و مام جلال تاله‌بانی دو زه‌لامێن مه‌زنێن مێژوویا مه‌نه، ئه‌وێن تو ژی ب دۆژمنێن كومارا ئیسلامیا ئیرانێ ناڤێن وان دبه‌ی خه‌باتگێر و نوێنه‌رێ ئامانج و خواسته‌كێن گه‌لێ كوردن ل رۆژهه‌لات دا.
ل ده‌مێ خودا ل سه‌رده‌مێ رژێما به‌عس دا كوردستان لاندكا هزاران كه‌سێن ئوپوزوسیونا عێراقێ بوو كو نها جله‌وا حوكمرانیا عێراقێ د ده‌ستان دایه و ب هه‌مان وێنێ صه‌دام ره‌فتارێ د گه‌ل هه‌رێما كوردستانێ دكه‌ن، دوماهی جار گوت: (دڤێت هوین ب تایبه‌تی سه‌رۆكێ ههوه ئاغایێ بارزانی وێ راستیێ بزانن كوبانێ كوبانێ یه و مهاباد مهاباد و هه‌ولێریش هه‌ولێره، ئه‌گه‌ر ده‌ست ژ وان په‌یوه‌ندیێن ژێر ب ژێر به‌رنه‌ده‌ن، توركیا و كومارا ئیسلامیا ئێرانێ دێ شه‌ری ئێخنه د ناف مالا بارزانی دا ل هه‌ولێر و سه‌رێ ره‌ش و جهێن دیتر)، ئه‌ژی دوستێ ههوه مه ژ بوو خودێ بۆته دبێژم، پشتی چه‌نده‌كێ من زانی ئه‌و زه‌لامێ ئیرانی ناڤێ وی (سالح سلحشور)ه و ئێكه ژ كاربده‌ستێن پشكا هه‌والگریا كوچكا كوماریا ئیرانێ، من ژی ئه‌و تشتێن ناڤبری ب جدی وه‌رگرتینه و هیڤیدارم سه‌ركردایه‌تیا سیاسیش وه‌كی من وه‌ربگریت.
ل دو گۆندان باره‌گايێن داعش دهێنه تۆپبارانكرن
ئه‌ڤرۆ نيوز:
تيرۆرستێن داعش ل هه‌ردو گۆندێن ته‌شتێ و عاشق ژ لايێ لقێ پشته‌ڤانيا فه‌رمانده‌يا پێشمه‌رگه‌يێ و فرۆكێن شه‌ركه‌رێن يێن هه‌ڤپه‌يمانان بوردومان كرين و كوشتى ژى كه‌فتينه.
ئه‌ڤرۆ رۆژا ئه‌ينى رێكه‌فتى 17ى تيرمه‌ها 2015ێ ل ده‌مژمێر نيڤرۆ، دو باره‌گايێن تيرۆرستێن داعش ل گۆندێن عاشق و ته‌نشتێ، به‌رامبه‌ر دووريانا كه‌سكێ، ميحوه‌رێ رۆژئاڤايێ ديجله، ژ لايێ لقێ پشته‌ڤانيا فه‌رماندا پێشمه‌رگێ زێره‌ڤانى ب چه‌كێ هاونان ب هه‌ماهه‌نگيا فرۆكێن شه‌رى يێن هه‌ڤپه‌يمانان هاتنه تۆپبارانكرن.
ب گۆره‌يى پێزانينێن ده‌سپێكى يێن هه‌والگه‌رى يێن فه‌رمانده‌يێن مه‌يدانى يێن پێشمه‌رگێ زێره‌ڤانى ل وى سنورى، زيانێن مه‌زن گه‌هاندنه پيترۆرستێن داعش كو ب تنێ ل گۆندێ ته‌شتێ چار ترۆرست ژ ئه‌گه‌ري توپبارانێ هاتنه كوشتن.
په‌يامنێره‌ك سێداره و دێ قه‌ناسێن وان هاتنه كوشتن
ئەڤرو نیوز ،بارزان مزووری:
عسمت رەجەب، بەرپرسێ لقا ١٤ مووسل بۆ ئەڤرۆ نيوز دیار کر کو دوهى ئیڤاری ١٦ تەموزێ ٢٠١٥ چەکدارێن تیرورستێن داعش پەیامنێرێ کەنالێ مووسلیە ب ناڤێ”جەلا العبادی” سێدارەدا ل دووڤ دا ب گولەیان گولەباران کر د ناڤ غاباتێ مووسل دا.
بەرپرسێ لقا ١٤ مووسل دیار کر کو بەری ماوەیەیەکە دەستەسەرکر بوز نھا سێدارەدا.
ناڤبری گوت ژی کو دھەمان روژدا سێ ستێرکڤانێن قه‌ناسێ یێن داعش ژل ایێ ھندەک کەسێن نەنیاس ڤە دھێنە کوشتن ل دەڤەرا زراعە روژئاڤا مووسل.
داعش بەرھەمێ جووتیارێن ناحیا گوێڕ سوت
ئەڤرۆ نیۆز، قائید میرۆ:
چەکدارێن داعش ل میحوەرێ ناحیا گوێڕ ئاگر بەردایە بەرھەمێ جووتیارێن دەڤەرێ و زیانەکا مەزن گەھاندیە بەرھەمی وەلاتیان.
نەقیب عەگید عەبدولجەبار، ئەفسەرێ پێشمەرگەی ل میحوەرێ گوێڕ بۆ ئەڤرۆ نیۆز راگەھاند” شەڤا بۆری چەکدارێن تیرۆرستێن داعش، ئاگر بەردایە بەرھەمێن جووتیارێن دەڤەرێ و بڤێ ئەگەرێ ژی ب دەھان دونمێن ئەردی ھاتینە سوتین، کو ھەمووژی گەنم جھە بوویە و جووتیار ژبەر رەوشا دەڤەرێ نەشیاینە ببەن.
نەقیب عەگیدی گۆتژی” ئەڤە بۆجارا دویێ یە چەکدارێن داعش ئاگری بەردەنە ئەردێ دەڤەرێ و زیانەکا ئێکجار مەزن گەھاندیە جووتیاران و ھەتا نوکەژی ئاگر یێ ب دەڤەرێ ڤە، ژبەرکو سەقایێ دەڤەرێ یێ گونجایە بۆ ئاگری.
ب وێنه: نڤێژا جه‌ژنێ ل جیهانێ
بازارەکێ کەڤن ل هەولێرێ هاتە سۆتن
ئەڤرو نیوز،زنار تۆڤی:
ئەڤرۆ رۆژا پێنجشەمبی 16.7.2015 ژ ئەگەرەکێ نە دیار ئاگر بەردبیتە بازارەکێ کەڤن ل هەولێرێ و پتری 70 دوکانێن وەلاتیان هاتنە سۆتن و کەلوپەلێن دناڤا وان دوکانان دا ب تەمامی هاتنە سۆتن و خودانێن وان دوکانان دانە دیارکرن:ئەو نزانن ئەڤ روودانە چاوا چێبوویە و ژبه‌ر چ ئاگر بەربوویە دوکانێن وان.
“ل گه‌ل مانا بارزانى مه”
ئه‌ڤرۆ نيوز:
رۆژناما “الشرق الاوسط” د ديداره‌كێ دا به‌حس ل رۆلێ سكرتێرێ گشتيێ حزبا سيوشالست ديموكراتا كوردستانێ دكه‌ت د به‌ره‌يێن شه‌رى دا و ئه‌و سه‌ركه‌فتنێ ب ده‌ست خوه ڤه ئيناين پشتى سه‌رۆكێ هه‌رێما كوردستانێ وه‌كو فه‌رماندێ هێزێن چه‌كدار ل كه‌ركووكێ دانايى و كارێن حزبا خوه ژى ب رێڤه دبه‌ت.
هه‌ر د ڤێ ديدارێ دا محه‌مه‌د حاجى مه‌حمود به‌حس ل كاودانێن سياسى و دستوورێ هه‌رێما كوردستانێ و چه‌ند پرسێن گرنگ يێن هه‌رێمێ دكه‌ت كو پێدڤيه ڤه‌گه‌رن بۆ بۆچوونا گه‌لێ كوردستانێ و نابيا حزبێن سياسى خوه ب نوونه‌رێن هه‌موو چين و ته‌خێن ملله‌تى بزانن، دده‌ته زانين ژى كو دبيت گه‌له‌ك ژ وه‌لاتيان سه‌ر ب چو حزبان نه‌بن و پێدڤيه د پرسێن چاره‌نڤيسساز دا بۆ بڕيارا خه‌لكى ڤه‌گه‌رن.
ده‌رباره‌ى جودا بوونا هه‌رێمێ ژى ژ عيراقێ ته‌كست ل سه‌ر وێ چه‌ندێ كر كو پێدڤيه ئه‌و كار ل دووڤ راپرسيێ بهێته كرن و ل وێرێ ژى بوچوونا خه‌لكى بهێته وه‌رگرتن و ئه‌و چو بڕيار بده‌ن پارتێن سياسى ل گه‌ل وێ چه‌ندێ بن.
ل دۆر پرسا سه‌رۆكاتيا هه‌رێمێ ژى ئاماژه ب وێ چه‌ندێ كر كو پێدڤيه لايه‌نێن سياسى ل سه‌ر وێ پرسێ بگه‌هنه هه‌ڤهاتنه‌كا سياسى و هه‌كه به‌رى 19ى ته‌باخێ نه‌گه‌هنه چاره‌سه‌ريه‌كێ، ل وى ده‌مى دڤێت حوكمه‌ت نه‌مينيت و حوكمێ ئنتيقالى بهێته گێران و هه‌لبژارتنێن به‌روه‌خت بهێنه كرن، به‌لێ هه‌كه گه‌هشتنه چاره‌سه‌ريه‌كێ پێدڤيه ب قانوون بهێته كرن و ويلايه‌تا سه‌رۆكێ هه‌رێما كوردستانێ هه‌تا سالا 2017ێ ب دووماهى بهێت.
ته‌كست ژى ل سه‌ر وێ چه‌ندێ كر كو ئه‌و ل گه‌ل كێمكرنا ده‌سته‌لاتێن سه‌رۆكێ هه‌رێمێ نينن و ئه‌وان نه‌ڤێت سه‌رۆكه‌ك هه‌بيت ب تنێ يێ پرۆتۆكولى بيت، دا زانين كو دڤێت سه‌رۆكى ده‌سته‌لات هه‌بيت بۆ بجهئينانا داخوازيێن گه‌لێ كوردستانێ و گۆت: “ل گه‌ل مانه‌ڤا بارزانى مه”.
محه‌مه‌د حاجى مه‌حمود وه‌سان دبينيت كو نه ده‌مێ ئازراندنا پرسا سه‌رۆكاتيا هه‌رێمێ بوو و پێدڤى بوو په‌رله‌مانى بزاڤ كربايه كار ل سه‌ر كێشێن سه‌ره‌كى يێن وه‌كو چه‌ك بۆ پێشمه‌رگه و خۆشكرنا ژيارا خه‌لكى و پێشكێشكرنا خزمه‌تگۆزاران بۆ وه‌لاتيان كربايه، رۆژانه خێزانێن كوردستانيان يێن ل دژى شه‌رێ داعش قوربانيان دده‌ن، دڤێت لايه‌نێن سياسى ژى روو بكه‌نه به‌ره‌يێن شه‌رى دا كو بزانن هێزێن پێشمه‌رگه‌يى چاوان قوربانيێ ده‌ن بێ ى و داعش جوداهيێ د ناڤبه‌را لايه‌نێن سياسى دا ناكه‌ت.
نيشاندان
WP Facebook Auto Publish Powered By : XYZScripts.com