ئەڤرۆ نیوز،زنار تۆڤی:
ب پێچەوانەیا یاسایێ دەرمالە بۆ ژمارەکا فەرمانبەران هاتیە مەزاختن،وەزیرێ دارایی و ئابووریێ هەرێما کوردستانێ داخوازا وەرگرتنا دەرمالەیێن ژمارەکا فەرمانبەرێن وەزارەتا ئەوقاف و کارۆبارێن ئایینی دکەت و رادگەهینیت،ب پێچەوانەیا یاسا و رێنماییان هاتینە مەزاختن.
رێباز محەمەد حەملان وەزیرێ دارایی و ئابووری یێ حووکمەتا هەرێما کوردستانێ نڤێسینەک ئاراستەی وەزارەتا ئەوقاف و کارۆبارێن ئایینی دکەت و تێدا فەرمانێ دکەت ب وەرگرتنا وان دەرمالێن تایبەت کو ب گۆژمێ 150 هزار دینار بۆ فەرمانبەرێن(رێڤەبەریا قۆتابخانان ل دیوانا وەزارەتێ و کارمەندێن رێڤەبەریا گشتی) یێن وێ وەزارەتێ مەزاختینە.
دوێ نڤێسینێدا هاتیە:هیڤیە کارێ پێدڤی بهێتە ئەنجامدان ب مەرەما وەرگرتنا وان دەرمالێن تایبەت ب كوژمێ 150 هزار دیناران بۆ فەرمانبەرێن رێڤەبەریا قوتابخانان ل دیوانا وەزارەتا وە و کارمەندێن ریڤەبەریا گشتی سەر ب وەزارەتا وەڤە،هاتیە مەزاختن،ب پێچەوانەیا یاسا و رێنماییانە، ب رێژەیا(۱/۵) مووچە و دەرمالەیێن وە یێن هەیڤانە وەرگرتین.

ئەڤرۆ نیوز،زنار تۆڤی:
ئەڤرۆ ل رۆژا ئەینی7.8.2015 و لدەمژمێر 10 سپێدێ ل باژێرێ سلۆپی ل باکوورێ کوردستانێ شەر و لێکدان دناڤبەرا خەلكى و پۆلیسێن تورکیا روودا و د ئەنجامدا کۆشتی و بریندار ژی دناڤا وەلاتیان دا هەنە.
پەرلەمانتارەکێ هەدەپێ ل سڵۆپیا دبێژیت:هەتانوکە د وی شەری دا دو کەس هاتینە کۆشتن و چەندین کەسێن دی برینداربووینە.
فەرهاد ئۆنجۆ،ئەو پەرلەمانێ هەدەپێ یە دبێژیت:د وی شەری و ئالۆزیان دا پۆلیسێن تورکی 5 خانی سۆتینە،هەروەسا ژ ترسا وەلاتیان پۆلیسان دەرگەهێ نەخۆشخانا سلۆپیا داخستیە و خەلک نەچارن بریندارێن خوە ببەنە باژێرێ شەرنەخێ ژبۆ چارەسەریێ.

ئەڤرۆ نیوز،زنار تۆڤی:

سەرۆکێ ئەمریکا باراک ئۆباما ئەڤرۆ رۆژا ئەینی راگەهاند: رێکحراوا داعش مەزنترین هێرشە ل سەر ڤێ دەڤەرێ،بۆ وێ هندێ کو ل دژی راوەستین مە دگەل تورکیا پەیوەندی گرێداینە،ئاماژە دا هندێ،د گفتۆگویاندا دگەل ئەنقەرە،مە جەخت لسەر چاوانیا تەمام داخستنا سنۆرێ تورکیا کریە ل بەرامبەر وان مۆجاهدێن دڤێن بچنە دناڤ داعشدا و کارێن چەکداری بکەن.

پەیڤدارێ وەزارەتا دەرڤە یا ئەمریکا مارک تۆنەر دبێژیت:ئەم پشتەڤانیا وان هێزان دکەین کو ل دژی داعش ل سوریا شەری دکەن،دناڤ واندا کورد و عەرەب و تورکومانێن سوریێ، کو ل باکۆرێ سوریێ دژی داعش شەری دکەن. هەروەسا گۆت ژی:رێکەفتنا مە دگەل تورکیا ژبۆ بکارئینانا بنگەهێ ئنجەرلیک خیانەت نینە ل هێزێن کوردی ل سوریا..

ئه‌ڤرۆ نیوز:
سه‌رۆك بارزانى ل گه‌ل شانده‌كێ پارتا دیموكراتا گه‌لان HDP ب سه‌روكاتیا ئوسمان بایدەمیر، ئەندامێ پەرلەمانێ توركیا كومبوو و راگه‌هاند” ئه‌نجامێ شه‌رى مالوێران و كاڤلكارییه‌، هندى شه‌ر رۆژه‌كى زووتر بهێته‌ راگرتن باشتره‌ و د قازانجا هه‌موو لایه‌كێ دایه‌ و بۆ سه‌رخستنا ئاشتیێ ژى پێدڤیه‌ هه‌موو لایه‌ك پالپشت و هه‌ڤكاریا ئێكدو بكه‌ن.