ئه‌ڤرۆ نیوز:
جه‌مال كوچه‌ر په‌رله‌مانتارى یه‌كگرتوو ل په‌رله‌مانێ عیراقێ به‌رسڤا وان كه‌سان دده‌ت یێن به‌حسێ تێكه‌لبوونا پرۆژێ گۆران و یه‌كگرتوو دكه‌ن و دبێژیت: یه‌كگرتوو راده‌ستى گۆران نابیت”
جه‌مال كوچه‌ر بۆ باس نیوز دیاركر كو ئه‌و قه‌بوول ناكه‌ن یه‌كگرتوو بكه‌ڤیته ل بن كارتێكرنا چ حزبه‌كێ و گۆت: ئه‌گه‌ر سیاسیێن یه‌كگرتوو كه‌فتنه بن كارتێكرنا گۆران، یان هه‌ر هێزه‌كا دى، دێ بێژینێ، فه‌رموون حزبێ راده‌ستى گۆران بكه‌ن یان سیاسه‌تا خوه په‌یره‌و بكه‌ن.
ئه‌ڤرۆ نیوز:
سه‌فین دزه‌یى په‌یڤدارێ حكومه‌تا هه‌رێما كوردستانێ راگه‌هاند شانده‌كێ بلند یێ حكومه‌تا هه‌رێما كوردستانێ ب مه‌ره‌ما قه‌ركرنێ ل ولاتێن ئوروپایه و هه‌تا نوكه ل گه‌ل چه‌ند كومپانیان دانوستاندن ئه‌نجامداینه.
شاندێ حكومه‌تا هه‌رێمێ پێكهاتینه ژ قوباد تاله‌بانى جێگرێ سه‌رۆك وه‌زیران و رێباز حه‌ملان وه‌زیرێ دارایى و ئامانج ره‌حیم سكرتێرێ جڤاتا وه‌زیران و چه‌ند راوێژكاران.
ئه‌ڤرۆ نیوز:
سەفین دزەیى په‌یڤدارێ حكومه‌تا هه‌رێما كوردستانێ راگه‌هاند: ئه‌و رێككه‌فتنا مه ل گه‌ل به‌غدا كرى ژ ئالیێ ئابوورى ڤه د به‌رژه‌وه‌ندا هه‌رێما كوردستانێ دا نه‌بوویه، به‌روڤاژى د به‌رژه‌وه‌ندا به‌غدا دا بوویه، هه‌ر چه‌نده حكومه‌تا هه‌رێما كوردستانێ د هه‌یڤێن بوورى دا ب تمامى پابه‌ندى رێككه‌فتنا خوه بوویه، به‌لى وه‌ك پێدڤى به‌غدا بودجه نه‌هنارت، ژبه‌ر هندێ هه‌رێمێ ژى هنارتنا نه‌فتێ ب رێیا به‌غدا یا كێمكرى.
ئه‌ڤرۆ نیوز:
توركیا دیواره‌كێ كونگرێنى ب درێژاهیا 911 كیلومتران و ب بلنداهیا سێ متر و 50 سه‌نتیمتران ل سه‌ر سنورێ سوریا دروست دكه‌ت.
ل گور ده‌نگوباسه‌كێ ئاژانسا سون ده‌قیقه یا توركى، حكومه‌تا توركیا بریاردایه بۆ رێگرتن ژ هه‌ر جوره ره‌نگه‌كێ قاچاخچیاتێ، پرۆژێ دیوارێ كونگرێتى ل سه‌ر سنورێ د ناڤبه‌را توركیا و سوریا ئه‌نجام بده‌ت.
ئه‌ڤرۆ نیوز:
میرزا دناى چالاكڤانێ ئێزدى بۆ سومه‌ریه نیوز دیاركر كو د ماوێ دو رۆژێن بوورى دا، نێزیكى 2 هه‌تا 3 هزار وه‌لاتیێن ئێزدى ل كه‌مپێن توركیا
ب پێیان به‌ره‌ڤ سنورێ ده‌وله‌تا بولگاریا چووینه بۆ وێ یه‌كێ داخوازا مافێ په‌نابه‌ریێ ل وى وه‌لاتى بكه‌ن و د رێیێ دا روى ب روى ره‌وشه‌كا ئالوز بووینه، دڤێت كومه‌لگه‌هێ نێڤده‌وله‌تى د هه‌وارا وان بچیت.
ئه‌ڤرۆ نیوز:
د.دیندار نه‌جمان دوسكى ئه‌ندامێ ده‌ست ژ كاركێشایى یێ مه‌كته‌با سیاسى یا یه‌كگرتووى ئیسلامى كوردستان دیاركر كو پشتى وى ده‌ست ژ كاركێشاى، دو شاندێن یه‌كگرتوو سه‌را مالى وى كرینه و گۆت” ژبلى ئه‌نجومه‌نێ سه‌ركردایه‌تیا یه‌كگرتوو ل بادینان، شانده‌كێ مه‌كته‌با سیاسى ل سه‌ركردایه‌تیا یه‌كگرتوو ل مال سه‌را من دا، به‌لێ من گوته وان ئه‌زێ رژدم ل سه‌ر بریارا ده‌ست ژ كاركێشانا خوه و لێڤه‌نابم”
دیندار دبێژیت: پرسا سه‌رۆكایه‌تیا هه‌رێمێ پرسه‌كا هه‌ستیاره، دڤێت ب سازان بهێته چاره‌كرن.
ئه‌ڤرۆ نیوز:
ئاراس ره‌شاڤایى په‌یامنێرێ ئه‌ڤرۆ ل نه‌رویج پشكدارى د به‌ریكانه‌كا وێنه‌گرتنێ دا كربوو كو رۆژنا ( Hardanger Folkeblad) یا نه‌رویجى رێكخستبوو، پشتى ب سه‌دان رۆژنامه‌ڤانێن نه‌رویجى وێنێن خوه پێشكێشى به‌ریكانێ كرین، وێنێ رۆژنامه‌ڤان ئاراس ره‌شاڤایى ب باشترین وێنه هاته هه‌لبژارتن و خه‌لاتكرن… پیرۆزه
ئاراس ره‌شاڤایى ب ڤى وێنه‌ى پشكدارى د به‌ریكانێ دا كربوو
ئه‌ڤرۆ نیوز، رێوار مزیرى:
ئه‌ڤرۆ ل ده‌مژمێر 3 و نیڤى ئێڤارى ل پیشه‌سازبا ترۆمبێلان ل دهۆكێ ئاگر به‌ربوو ترۆمبێله‌كێ ژ جورێ ئوبترا و ترۆمبێل هه‌مى هاته سوتن.
نیوار فه‌ریق به‌رپرسێ په‌یوه‌ندى و راگه‌هاندنا رێڤه‌به‌ریا به‌ره‌ڤانیا باژێرى ل دهۆكێ بۆ ئه‌ڤرۆ نیوز دیاركر كو ئه‌گه‌رێ سووتنا ڤێ ترومبێلێ ڤه‌دگه‌ریت بۆ وێ چه‌ندێ كو زارۆیه‌كێ ئاگر به‌ردابوونه كلێشه‌كێ ل نك ترۆمبێلێ و گۆت” ژبه‌ر دژوایا ئاگرى، ئاگر خوه ل ترۆمبێله‌كا ب ره‌خ ڤه‌دا و هنده‌ك پارچێن له‌شێ شوفێرى هاتنه سوتن و ئێكسه‌ر بۆ نه‌خوشخانێ هاته ڤه‌گوهاستن”.
نيشاندان