ئه‌ڤرۆ نیۆز، قائید میرۆ
جێگرێ سه‌رۆكێ لیژنا نافخۆ یا په‌رله‌مانێ كوردستانێ دیاركر، بڕیاره‌ لیژنا نافخۆیا په‌رله‌مانێ كوردستانێ سه‌ره‌دانا جهێ ته‌قاندنا بۆڕیا پتڕۆلا هه‌رێما كوردستانێ بكه‌ت.
نازم هه‌ركی، جێگرێ سه‌رۆكێ لیژنا نافخۆیا په‌رله‌مانێ كوردستانێ ب ئه‌ڤرۆ نیۆز راگه‌هاند” لیژنا نافخۆ هاتیه‌ راسپاردن بۆ ڤه‌كۆلینێ لدۆر زیانێن بۆردومانا وه‌لاتێ توركیا بۆسه‌ر خاكا هه‌رێما كوردستانێ.

هه‌ركی گۆتژی” بڕیاره‌ دده‌مێ ده‌ستپێكرنا ڤه‌كۆلینێ لیژنا نافخۆ سه‌ره‌دانا وێ ده‌ڤه‌را باكورێ كوردستانێ بكه‌ت، یاكو تێدا بۆڕیا پتڕۆلا هه‌رێمێ ژلایێ چه‌كدارێن په‌كه‌كێ ڤه‌ هاتیه‌ په‌قاندن، چونكو په‌كه‌كێ ئه‌ف چه‌نده‌ ره‌تكریه‌.

شێلادزێ ، نه‌وزاد زاده‌ هلورى :
ئه‌ڤرۆ ئێڤارى ئاگره‌كێ ب هێز به‌ردبیته‌ چایێ كوره‌ژار ل شێلادزێ و نیڤا چیایى دهێته‌ سووتن.
سه‌ردار به‌لو به‌رپرسێ بنگه‌هێ به‌رگریا شارستانیا شێلادزێ بو ئه‌ڤرۆ نیوز گۆت : ( ئێڤاره‌ دره‌نگیا ئه‌ڤرو ژ ئه‌گه‌ره‌كێ نه‌دیار ئاگر به‌ردبیته‌ پشتا باژێرێ دووبرا ستى و پاشان به‌ر ب چیایى دچیت و دبیته‌ سه‌ده‌ما وێ یه‌كێ كو پتر ژ نیڤا چیایى ب سووژیت )
زێده‌تر گۆت : ( سوپاس بو خودێ ئه‌م شیاین ب هه‌ڤكاریا به‌رگریا شارستانیا دێره‌لوكێ و دارستانا شێلادزێ و وه‌لاتیێن ده‌ڤه‌رێ نه‌هێلین ئاگر بوو ناڤ سیریێ و ره‌ز و بیستانێن ره‌خ و رویێن كومه‌لگه‌ها سیریێ و شێلادزێ بهێت ، و هه‌تا نها ژى ئه‌ڤ ئاگره‌ یێ به‌رده‌وامه‌ )
ل گور ته‌خمینان دورێن 1000 دونه‌مێن دارستان و پاوانى ل ئاقارى سوتیه‌.

ئه‌ڤرۆ نیوز:

قوباد تاله‌بانى د په‌یجێ خوه‌ یێ فێسبوكێ نووترین وێنێ مام جه‌لال به‌لاڤكریه‌ كو رۆژانه‌ ژبلى وه‌رگرتنا چاره‌سه‌ریا سروشتى، مام جه‌لال وه‌ختێ خوه‌ بۆ خواندنێ ژى ته‌رخان دكه‌ت.

ئه‌ڤرۆ نیوز:

خێرى بۆزانى رێڤه‌به‌رێ گشتیێ كاروبارێن ئێزدییان ل وه‌زاره‌تا ئه‌وقافێ د په‌یجێ خوه‌ یێ فێسبوكێ دا دیاركریه‌ كو ئه‌ڤرۆ ئه‌و و رێڤه‌به‌رێ نڤێسینگه‌ها كاروبارێن ره‌ڤاندییان ل حوكمه‌تا هه‌رێما كوردستانێ دگه‌ل سه‌لیم جبوورى، سه‌رۆكێ په‌ڕله‌مانێ ئیراقێ كومبوون و ددیدارێ دا داخواز ژ سه‌رۆك په‌رله‌مانێ عیراقێ كرن كو په‌رله‌مان و حكومه‌تا عیراقێ پتر كار بكه‌ن بۆ ئازادكرنا ره‌ڤاندیان و پتر هاریكاریا مادى و مه‌عنه‌وى یا ئاواران بهێته‌ كرن و ل گه‌ل سه‌رۆكێن هۆزێن ئه‌ره‌بان ب ئاخڤن، بۆ هندێ هاریكارییه‌كا زێده‌تر بۆ كه‌سێن ئێزدى ئه‌وێن نها دده‌ستێن داعشێ دا بكه‌ن و دیسا منحا 1 ملیونى هه‌موو ئاواران ڤه‌گریت.

سه‌رۆكێ په‌رله‌مانێ عیراقێ ژ ئالیێ خوه‌ڤه‌ گۆت: داعش یا دویره‌ ژ بنه‌مایێن ئاینێ ئیسلامێ و په‌رله‌مان گرنگیێ ب پرسا ئێزدیان دده‌ت و هیڤیخوازم هه‌موو ئالیه‌ك پتر هاریكاریا ئێزدیان بكه‌ن داكو ئازارێن وان كێم ببن.