ئهڤرۆ نیوز:
ل دووڤ ئامارهكا ههیڤا بوورى ب تنێ ل پارێزگهها نهینهوا 784 چهكدارێن داعش هاتینه كوشتن و 135 وهلاتیێن مهدهنى ژى ژ ئهگهرێ نهخووشى و نهبوونا خزمهتگوزاریان گیانێ خوه ژ دهستداینه.
سهعید مهموزینى، بهرپرسێ راگههاندنا لقێ 14 ل مووسل دیاركر ” ل دووڤ ئامارهكێ د ههیگا چوویى دا، 784 چهندارێن داعش ژ ئالیێ هێزێن پێشمهرگهى و فرۆكێن ههڤپهیمانان و ململانێیا ناڤخو ل سنورێ پارێزگهها نهینهوا هاتینه كوشتن”.
ئهڤرۆ نيوز:
پشتى دوهى دانێ ئێڤارى ئاگر بهردايه چيايێ زاوا ل رهختێ تاخێ سێگركا و ب ژمارهكا رهز و باغێن وهلاتيان را چووين دو برايێن ئێك ژى د ناڤ دا هاتنه سۆتن.
حهمزه رهزيكى بهرسێ راگههاندنا رێڤهبهريا گشتيا ساخلهميا پارێزگهها دهۆكێ د داخۆيانيهكێ دا بۆ ئهڤرۆ نيوز راگههاند كو پشتى دوهى رۆژا ئهينى رێكهفتى 31ى تيرمهها 2015ێ ئاگر بهربوويه چيايێ زاوا ل تاخێ سێگركا و رهز و باغێن وهلاتيان سۆتين، دو رهزڤان ژى د ناڤ دا هاتنه سۆتن.
بهرسێ راگههاندنا رێڤهبهريا گشتيا ساخلهميا پارێزگهها دهۆكێ زێدهتر گۆت: “ئهڤ ههردو رهزڤانه برايێن ئێكن و د ژيێ 30 و 42 ساليێ دانه و رێژا سۆتنا وان 95% يه”.
رهزيكى دا زانين ژى كو پشتى كونترۆلكرنا ئاگرى ئێكسهر تيمێن وان يێن ڤێراگههشتنێن دهسپێكى گههشتبوونه وێرێ، بهلێ ژ بهر كو درهنگ ئاگر هاته كونرۆلكرن، گهلهك هاتينه سۆتن.
ئەڤرۆ نیوز،زنار تۆڤی:
پشتی بۆ ماوێ چەند رۆژان ھەلبژارتیێ لاوێن کوردستانێ یێ تەپاپێ بەرەف وەلاتێ نەرویج ڤەچووین و بەشداری دقارەمانیا نۆروای کۆپا دا کری،ئەڤرۆ ھەلبژارتیێ لاوێن کوردستانێ ناسناڤێ قارەمانیا نورواری کۆپا بۆ تەپاپێ ل وەلاتێ نەرویج بدەستڤە ئینا،پشتی ھەلبژارتیێ لاوێن کوردستانێ شیاین دیاریا دوماھیا قارەمانیێ دا سەرکەفتنێ لسەر ھەلبژارتیێ ھاندینگ گەیلۆی نەرویجی دا تۆماربکەن ب لێدانێن پەنەلتیا،ب ڤی رەنگی ھەلبژارتیێ لاوێن کوردستانێ ب ناسناڤێ قارەمانیێ ھاتە خەلاتکرن.
ئهڤرۆ نيوز:
ژ ئهنجامێ شههيد و برينداركرنا ژمارهكا وهلاتيێن ههرێما كوردستانێ، سهرۆكاتيا ههرێما كوردستانێ راگههاندننامهكێ بهلاڤ دكهت.
د راگههاندنێ دا كو وێنهك بۆ ئهڤرۆ نيوز رهوانهكريه، سهرۆكاتيا ههرێما كوردستانێ، داخوازێ ژ توركيا دكهت، بۆردۆمانا خهلكێ مهدهنى دووباره نهبيتهڤه و شههيدركرنا وهلاتيێن مهدهنى چو رێ ناچنێ.
ههر د ڤێ راگههاندنێ دا، داخوازێ ژ گهريلايێن پهكهكێ ژى دكهت كو ههرێما كوردستانێ نهكهنه مهيدانا خوه يا شهرى و ژێ دوور كهڤن دا كو زێدهتر خوونا وهلاتيێن سڤيل نههێته رێژتن.
رەواندوز، نەوزاد زادە ھلوری:
ئەندامەکێ جڤاتا نوونەرێن عیراقێ ل دۆر بوردومانکرنا بنارێ قەندیل و شەھید و بریندارکرنا وەلاتیێن سڤێلێن گوندێ زارگەلێ ھاتە دەنگ و دیارکر کو دێ ل گەل جڤاتا نوونهرێن عیراقێ ڤێ یەکێ ب جدی بەحس کەن.
سیروان سرێنی ئەندامێ جڤاتا نوونەرێ عیراقێ و قایمقامی بەرێ یێ قەزا رەواندوز بو ئەڤرۆ نیوز گۆت : (بۆردۆمانا ئەڤرو ١ێ تهباخا ٢٠١٥ێ بۆ سەر گوندێ زارگەلێ یا ناحیا وەرتێ جھێ قبولکرنێ نینە و ئەز د گەل ھندەک ئەندامێن جڤاتا نوونەرێن عیراقێ ئاخفتیمە و ھەموويان بریار دایە کو ھەلویستەکێ وەربگرن بەرامبەر ئەڤان کریارێن فروکێن تورکیا و ھەبوونا بارەگایێن پەکەکێ ل وان دەڤەران و ژ بەر ڤێ ئەم دێ کارکەین کو پەکەکە بارەگایێن خوە ل وان دەردوران دویر بکەن).
زێدەتر گۆت: (ژبلی کو ٦ ھاولاتی شەھید بووینە و ٧ کەس ژی برینداربووینە د ھەمان دەم دا وەلاتیێن گوندێ زارگەلێ گوندێ خوە چولکر و ئاوارەبوون و زیانێن ماددیێن مەزن ب خەلکێ گوندی و دارستان و پاوان و مەرومالاتێن گوندی کەفتینە کو ئەڤ یەک ژی تشتەکێ مەزنە و پێدڤی یە ھەلویست بەرامبەر بھێنە وەرگرتن).
ئەڤرۆ نیوز،زنار تۆڤی:
ئەڤرۆ رۆژا شەمبی رێكهفتى 1ى تهباخا 2015ێ فرۆکێن سۆپایێ تورکی بۆ جارا ئێکێ گوندێ گیلکا ل دەڤەرا بەرواری بالا بۆردۆمانکر.
ژ ئەنجامێ بۆردۆمانکرنێ ئاگرەکێ مەزن بەربوویە گوندی و هەروەسا ئەڤرۆ فرۆکان گوندێ هێسێ بومبەبارانکر و ئەڤە ماوێ سێ رۆژانە ئاگر بەربوویە گوندێ ناڤبری و نوکە ژی ئاگر بەردەوام يێ پێڤه.
ئهڤرۆ نيوز:
ههڤپهيمانيا باكورێ ئهتلهسى “ناتۆ” راگههاند كو ئهو دێ هاريكاريا عيراقێ كهت د روو ب رووبوونا رێكخراوا تيرۆستى يا داعش دا.
ب گۆرهيى بهياننامهكا ههڤپهيمانيا ناتۆ، ب حهفت رێيان دێ هاريكاريا سۆپايێ عيراقێ كهن، ب تايبهت ژ روويێ مهشقا لهشكرى ڤه، بهرهڤانيا ئهلكترۆنى و چاكسازيا د هێزێن ئهمنى و نوشدارى و لهشكرى و پلانێن لهشكرى ژى ب خوه ڤه دگريت.
جينس سۆلتنبێرگ، ئهميندارێ گشتيێ ناتۆ راگههانديه كو پرۆژێ ناتۆ بۆ هاريكاريا عيراقێ پشتى داخوازيا وى وهلاتى يه ل گهل وى وهلاتى و دانوستاندنێ ل گهل بهرپرسان.
بهيانناما ناتۆ ئاماژه ب وێ چهندێ ژى كريه كو مهشقێن لهشكرى ب سۆپايێ عيراقێ، دێ ل ههردو وهلاتێن ئوردن و توركيا هێنه ئهنجام دان.
ئەڤرۆ نیۆز، قائید میرۆ:
پشتی سپێدەھیا ئەڤرۆ ب ئەگەرێ بۆردومانا فڕۆکەیێن تورکیا ھژمارەک وەلاتیێن دەڤەرا قەندیل شەھید و برینداربووین، ددەمێ نوکەدا رەوشا برینداران یا باشە.
کاروان جەمال، رێڤەبەرێ نەخۆشخانا ئاشتی ل قەزا سۆران بۆ ئەڤرۆ نیۆز راگەھاند” حەفت بریندارێن بۆردومانا تورکیا گەھشتینە نەخۆشخانا ئاشتی و ددەمێ گەھشتنێ ژلایێ نۆشدار و کارمەندێن نەخۆشخانێ دەست ب چارەسەرکرنێ ھاتیەکرن.
ئەڤرۆ نیۆز، قائید میرۆ:
تۆڕا خەمی خەلک یاداشتەکا نەڕازیبوونێ ل دۆڕ بلندکرنا بھایێ کارتێن مۆبایل و ئینتەرنێتێ پێشکەشی داخوازکارێ گشتیێ ھەرێما کوردستانێ کر.
مەحەمەد گومەشینی، رێکخەرێ تۆڕا خەمی خەلک بۆ ئەڤرۆ نیۆز راگەھاند” پشتی دوھی کۆمپانیێن گەھاندنێ بھایێ کارتێن خوە بلندکری، مە فەردیت ئەم یاداشتەکێ رادەستی داخوازکارێ گشتیێ ھەرێما کوردستانێ ل دۆر ڤێ گرانبوونێ دکەین، چونکو نوکە ھەرێم یا د قەیرانەکا ئابوریا مەزندا و نابیت بھایێ کارتان بھێتە بلندکرن.
گومەشینی دیارکر، گرانکرنا بھایێ کارتێن مۆبایل و ئینتەرنێتێ چو رامان نینە دڤێ رەوشێ دا پێدڤیە حوکمەتا ھەرێما کوردستانێ و پەرلەمان ب ئەرکێ خوە رابن و نەڕازیبوونا خوە دیاربکەت، کو ئایا بۆچی بھا ھاتیە بلندکرن و رەسید وەکی خوە مایە.
ئهڤرۆ نيوز:
ل گۆندێ زارگهلێ يێ سهر ب ناحيا وهرتێ يێ قهزا رهواندۆز، فرۆكێن شهركهرێن توركيا بۆردۆمانا دهڤهرا بنارێ قهنديل كر و ژ ئهنجامێ وێ ئێكێ 13 كهس بوونه قوربانى.
سپێدههيا ئهڤرۆ رۆژا شهمبى رێكهفتى 1ى تهباخا 2015ێ فرۆكێن شهركهرێن توركيا گۆندێ زارگهل بۆردۆمان كر و ژ ئهگهرێ وێ چهندێ 13 كهس شههيد و بريندار بوون.
ئيسماعيل عهولا قادر، ئهندامێ جڤاتا گۆندێ زارگهلێ و ئێك ژ بريندارێن ئهوى گۆندى بۆ رووداو گۆت: “ئهم د خهو بووين، دهمێ فرۆكێن شهركهرێن توركيا گۆندێ مه بۆردۆمان كرى”، ئاماژه ب وێ چهندێ ژى كر كو ههتا نوكه شهش كهس ژ خۆجهيێن گۆندى شههيدبووينه و 7 كهس ژى ب گرانى بريندار بووينه.
نيشاندان