ئه‌ڤرۆ نیوز:
نێچیرڤان بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ سه‌ره‌دانا دهۆكێ دا و بریاره د گه‌شته‌كا دو رۆژى دا چه‌ند كومبوونان ئه‌نجام بده‌ت و چه‌ند پرۆژان ڤه‌كه‌ت.
ژێده‌ره‌كێ بۆ رووداو دیاركریه كو سبه ئێڤارى نێچیرڤان بارزانى دێ یاریگه‌ها نێڤده‌وله‌تیا زاخۆ ڤه‌كه‌ت و هه‌تا 4 هه‌یڤێ دێ ل دهۆكێ مینیت و ره‌نگه هه‌ردو پرۆژێن وه‌به‌رهێنانێ فاملى مول یا ل سه‌ر رێیا سێمێلى و هوتێلا شیراتون ل تاخێ شندوخا ل دهۆكێ ڤه‌كه‌ت.
ئه‌ڤرۆ نیوز،زنار تۆڤى:
وه‌زاره‌تا سامانێن سروشتى یا حكومه‌تا هه‌رێما كوردستانێ د پرێس كونفرانسه‌كى دا راگه‌هاند كو وان بۆ هه‌یڤا گولانێ روژانه 577 هزار و 621 به‌رمیلێن نه‌فتێ فروتینه و ئه‌و نه‌فته برێیا بوریا نه‌فتا هه‌رێما كوردستانێ بۆ به‌نده‌را جیهان ل وه‌لاتێ توركیا هاتیه هنارتن و هه‌روه‌سا 490 هزار و 111 به‌رمیل یێن هه‌رێما كوردستانێ بووینه و به‌رمیلێن دى یێن نه‌فتێ ژ كه‌ركووكێ هاتینه هنارتن و ب ڤى ره‌نگى حكومه‌تا هه‌رێما كوردستانێ یا پێگیر بوویه ب رێكه‌فتنا دناڤبه‌را به‌غدا و هه‌ولێرێ دا هاتیه كرن.
ئه‌ڤرۆنیۆز، ئه‌یاد به‌روارى
جوزیف بلاته‌ر سه‌رۆكێ ئێكه‌تیا نێڤده‌وله‌تی یا ته‌پا پێی ئه‌ڤرۆ ده‌ست ژ كاركێشانا خوه ژ پۆستێ خوه راگه‌هاند.
بلاته‌ری ئه‌ڤرۆ د كونگره‌كێ رۆژنامه‌ڤانی دا، ده‌ست ژ كاركێشانا خوه راگه‌هاند و داخوازا كۆمبوونا كۆمه‌لا گشتی یا فیفایێ كر بۆ هه‌لبژارتنا سه‌رۆكێ نوی بۆ ئێكه‌تیا نێڤده‌وله‌تی یا ته‌پا پێی.
ده‌ست ژ كاركێشانا بلاته‌رى د ده‌مه‌كی دا هات پشتی چه‌ندین تۆمه‌تێن گه‌نده‌لیێ ئاراسته‌ى فیفایێ هاتینه كرن كو د ئه‌نجامدا چه‌ندین كه‌س هاتنه ده‌سته‌سه‌ركرن ژلایێ حوكمه‌تا سویسری ڤه، كو باره‌گایێ سه‌ره‌كیێ فیفایێ ل باژێرێ زیورخێ یه ل وی وه‌لاتی.
بلاته‌رى د وی كونگرێ رۆژنامه‌ڤانی دا گوت”هه‌ر چه‌نده ئه‌ز ل ڤێ دووماهیێ هاتمه هه‌لبژارتن ڤه بۆ سه‌رۆكاتیا فیفایێ، لێ من پشته‌ڤانیا هه‌موو جیهانا ته‌پا پێی نه‌بوو”.
جوزێف بلاتر (79 سال) وه‌لاتیه‌كێ سویسری یه، ل سالا 1998 بۆ سه‌رۆكاتیا فیفایێ هاتبوو هه‌لبژارتن، ل رۆژا ئه‌ینیا بۆری 29 گولانا 2015 بۆ جارا پێنجێ هاته هه‌لبژارتن ل سه‌ر كیستێ شازاده ( عه‌لێ كورێ حوسه‌ینی) یێ ئوردنی.
ئه‌ڤرۆ نیوز:
فلیپ هامۆند وه‌زیرێ ده‌رڤه یێ بریتانیا سه‌باره‌ت كومبوونا ئه‌ڤرۆ یا پاریس پشته‌ڤانیا خوه بۆ حكومه‌تا عیراقێ ده‌ربرى و گۆت: پرۆسا شكاندنا داعش پێدڤى ب ده‌مه‌كێ زور هه‌یه.
فلیپ هامۆند وه‌زیرێ ده‌رڤه یێ بریتانیا به‌حسێ پێنج چه‌ند خالان كر بۆ ژناڤبرنا داعش ئه‌وژى حشككرنا ژێده‌رێن ڤێ رێكخراوا تیرورستى و رێگرتن ل چه‌كدارێن بیانى یێن دچنه ناڤ داعش و لاوازكرنا بیروباوه‌رێن گروپێن وان و ڤه‌گه‌راندنا ته‌ناهیێ بۆ وان ده‌ڤه‌رێن زیان گه‌هشتیێ.
ئه‌ڤرۆ نیوز:
ئه‌ڤرۆ په‌رله‌مانێ كوردستانێ ب پرانیا ده‌نگان، پرۆژه قانوونا وه‌رگرتنا قه‌رێن نێڤده‌وله‌تى په‌سه‌ندكر.
د روونشتنا ئه‌ڤرۆ یا په‌رله‌مانێ كوردستانێ دا كو به‌رنامێ كارى یا تایبه‌ت بۆ ب ئه‌نجامدانا دانوستاندنان ل دۆر وه‌رگرتنا قه‌رێن نێڤده‌وله‌تى، فراكسیونێن ئێكگرتوو و كومه‌ل و بزاڤا ئیسلامى پرۆژه ره‌تكرن، به‌لێ ڤێ چه‌ندێ كارتێكرن ل پرۆسا ده‌نگدانێ نه‌كر و پرۆژه هاته په‌سه‌ندكرن.
ل دووڤ ڤى پرۆژه‌ى، حكومه‌تا هه‌رێما كوردستانێ دێ شێت 5 ملیار دولاران قه‌رز بكه‌ت و ئه‌و قه‌ركرنه ژى دێ ب رێیا لژنه‌كێ بیت كو پێكهاتیه ژ : سه‌رۆكێ حكومه‌تێ و جێگرێ وى و وه‌زیرێ دارایى و هه‌ر وه‌زیره‌كێ دى).
ئه‌ڤرۆ نیوز:
دیندار زێبارى جێگرێ به‌رپرسێ فه‌رمانگه‌ها په‌یوه‌ندیێن ده‌رڤه یێ حكومه‌تا هه‌رێما كوردستانێ بۆ كاروبارێن رێكخراوێن بیانى راكه‌هاند: هه‌رێما كوردستانێ یا نه‌چاره ژ به‌ر ئه‌گه‌رێن مروڤایه‌تى ده‌رگه‌هى ل هه‌مبه‌ر ئاواران ڤه‌كه‌ت.
دیندار زێبارى دبێژیت: سیسته‌مێ كه‌فیلى ل به‌غدا ژى دهێته په‌یره‌وكرن، مه ب تنێ دڤێت تیرورست ل ناڤ ئاواران نه‌هێنه هه‌رێمێ، ژبه‌ر كو خه‌لك هه‌بوویه ل ناڤ ئاواران ئه‌ندامێ داعش بوویه و هاتیه هه‌رێمێ و ده‌ست د ته‌قینان دا هه‌بوویه و پاشان هێزێن ئێمناهیێ گرتینه، له‌وما مه دڤێت ب رێیا كه‌فیلى، هه‌رێم و ئاواره د پاراستى بن.
زێبارى دبێژیت: ماوێ حه‌فتیه‌كێ یه پرۆسا هاتنا ئاوارێن رومادى بۆ هه‌رێما كوردستانێ ده‌ستپێكریه و ب رێیا ئه‌سمانى و حشكانى ب سه‌دان خێزانێن ئاواره‌بووى خوه گه‌هاندینه كوردستانێ و پشكا زور یا وان هاتینه هه‌ولێرێ.
ئه‌ڤرۆ نیوز:
رێباز حه‌ملان وه‌زیرێ دارایى یێ حكومه‌تا هه‌رێما كوردستانێ د چارچوڤێ به‌رهه‌ڤبوونا وى ل روونشتنا په‌رله‌مانێ كوردستانێ كو یا تایبه‌ت بۆ ب دانوستاندنان ل سه‌ر پرۆژه قانوونا قه‌ركرنێ، گۆت: به‌غدا بدروستى موچێ فه‌رمانبه‌رێن هه‌رێمێ نه هنارتیه و ڤێ هه‌یڤێ ژى دێ پشكا بودجێ هه‌رێمێ وه‌كو هه‌یڤا چوویى بریت.
رێباز حه‌ملان وه‌زیرێ دارایى یێ حكومه‌تا هه‌رێما كوردستانێ دیاركر ژبه‌ر قه‌یرانا دارایى یا هه‌رێم تووش بووى، 6 هزار پرۆژێن هه‌رێمێ هاتینه راوه‌ستاندن.
ئەڤرۆ نیۆز، قائید میرۆ:
بڕیارە ڤێ حەفتیێ ل سەر ئاستەکێ بلند ھەردو لایەنێن پارتیا کرێکارێن کوردستانێ و پارتیا دیموکراتا کوردستانا ئیرانێ ل سەر ئاستێ بلند کۆمبوونەکا بۆ چارەسەرکرنا ئاریشەیێن خوە ئەنجام بدەن.
مەحەمەد سالح قادری، بەرپرسێ پەیوەندیێن پارتا دیموکراتا کوردستانا ئیرانێ بۆ ئەڤرۆ نیۆز گۆت: “د کۆمبوونا بۆری یا ناڤبەرا ھەردو لایەنێن پەکەکێ و حدکا رەوش ھاتیە راگرتن و چو شەڕ د ناڤبەرا ھەردولایان دا روو نه‌داينه، بەلێ ئاریشە ھەر وەکی خوە مایە و نەھاتیە چارەسەرکرن”.
قادری گۆتژی: “بڕیارە ڤێ حەفتیێ ب بەرھەڤبوونا لایەنێن ھەرێما کوردستانێ ل سەر ئاستێ سەرکردایەتیێ دێ ھێتە گرێدان و گەشبینین د کۆمبوونا داھاتی ئاریشە ب تەمامی بھێتە چارەسەرکرن”.
ئه‌ڤرۆ نيوز:
بڕياره سوبه‌هى رۆژا چارشه‌مبى رێكه‌فتى 3ى خزيرانا 2015ێ دا، مه‌كته‌با سياسى يا ئێكه‌تى نشتيمانى كوردستان ل سلێمانيێ كۆم ببيت.
ب گۆره‌يى ده‌زگه‌هێن راگه‌هاندنێ يێن سه‌ر ب ئێكه‌تى نشتيمانى كوردستان ڤه، سوبه‌هى مه‌كته‌با سياسى ل باژێرێ سلێمانيێ دێ كۆم بيت و چه‌ند برسێن گرنگ و ريشالى يێن تايبه‌ت ب ناڤخۆ يا ئێكه‌تيێ و هه‌رێما كوردستانێ و ده‌ڤه‌رێ ڤه گه‌نگه‌شه كه‌ت.
پشتى كێشێن ناڤخۆيى يێن ئێكه‌تيێ ل سه‌ر پرسا هه‌لبژارتنا سه‌رۆك كۆمارێ عيراقێ و هه‌تا نوكه مه‌كته‌با سياسى يا ئێكه‌تى نشتيمانى كوردستان كۆم نه‌بوويه.
نيشاندان