ئه‌ڤرۆ نیوز:
ل دووڤ دووماهى راپرسی ل توركیا، ئاكه‌په د هه‌لبژارتنێن 7 خزیرانا ئه‌ڤ ساله دا، دێ پرانیا په‌رله‌مانى ژ ده‌ست ده‌ت.
ل دووڤ دووماهى راپرسی ل توركیا كو ئاژانسا رویته‌رز به‌لاڤكریه د هه‌لبژارتنێن 7 خزیرانا ئه‌ڤ ساله دا، دێ پرانیا په‌رله‌مانى ژ ده‌ست ده‌ت و هه‌ده‌په دێ به‌ربه‌ستا 10% ده‌رباز كه‌ت و ئاكه‌په كو نوكه پارتا ده‌ستهه‌لاتداره دێ پرانیا په‌رله‌مانى ژ ده‌ست ده‌ت و ب تنێ دێ 41% یا ده‌نگان بده‌ستڤه ئینیت.
ئه‌ڤرۆ نیوز:
نێچیرڤان بارزانى سه‌رۆكێ حكومه‌تا هه‌رێما كوردستانێ د دیدارا ل گه‌ل هنارتیێ نه‌ته‌وێن یه‌كگرتى راگه‌هاند: رێككه‌فتنا نه‌فتێ یا د ناڤبه‌را به‌غدا و هه‌ولێر ب پشته‌ڤانى و داخوازیا نه‌ته‌وێن یه‌كگرتى و ئه‌مریكا و بریتانیا بوویه، ژبه‌ر هندێ دڤێت ئه‌ڤ هه‌ر سێ لایه‌نه رۆلێ خوه بگێرن و فشارێ ل سه‌ر به‌غدا دروست بكه‌ن هه‌تا كو به‌غدا پابه‌ندى رێككه‌فتنێ بیت و قانوونا بودجێ بجهـ بینیت.
ئه‌ڤرۆ نیوز:
د چارچوڤێ به‌رهه‌ڤبوونا سه‌رۆك بارزانى ل كوربه‌ندا ئابووریا جیهانى، كه‌نالێ سى ئێن بى سى دیداره‌ك ل گه‌ل ساز كریه و سه‌باره‌ت پابه‌ندبوون یان پابه‌ندنه‌بوونا به‌غدا ب رێكه‌فتنا نه‌فتێ، بارزانى دیاركریه: دڤێت عیراق پابه‌ندى رێككه‌فتنێ بیت و پارێ هه‌رێما كوردستانێ بهنێریت، ئه‌گه‌ر ئه‌ڤ چه‌نده نه‌هاته كرن، و پارێ هه‌رێمێ نه‌هنات، وى ده‌مى ئه‌م دێ نه‌فتا خوه فروشین و داهاتێ وێ دێ بۆ خوه هه‌لگرین.
ئه‌ڤرو نیوز،بارزان مزوورى
راید فیراس یاسین، به‌رپرسێ به‌شێ راگه‌هاندنا رێڤه‌به‌ریا به‌ره‌ڤانیا باژێرێ ئاكرێ بو مالپه‌رێ ئه‌ڤرو نیوز ئاشكرا كر : ل ده‌مژمێر 4 ئیڤاریا 25 مه‌ها گولانێ 2015 ئه‌م هاتینه هایدار كرن كو ئاگرێ به‌ربویه دارستانه‌كێ ل كومه‌لگه‌ها ئازادى ل ئاكرێ، بله‌ز تیمێن مه گه‌هشتنه جهێ روودانێ و د ماوێ 20 خوله‌كان دا ئاگر هاته كونترول كرن.
ناڤبرى دیار كر كو 80 دار هاتن سوتن و نه‌هێلان ئاگر به‌رببیته 2000 داراران .
فیراس یاسین ل دور ئه‌گه‌رێن ئاگر تێبه‌ربونێ دیار كر كو ژێده‌رى ئاگرى قوپكێ جگارێ بوو.
ئه‌ڤرۆ نیوز:
نوكه كورد د بزاڤا وێ چه‌ندێ دایه كێشه‌یا رێككه‌فتنا نه‌فتێ یا ل گه‌ل به‌غدا چاره بكه‌ن و رێككه‌فتنه‌كا دى ئیمزا بكه‌ن و دنووترین بزاڤ دا ژى هشیار زێبارى وه‌زیرێ دارایى یێ عیراقێ نامه‌ك ئاراسته‌ى حه‌یده‌ر عه‌بادى سه‌رۆك وه‌زیرێن عیراقێ كریه و نه‌خشه‌رێیه‌كا نوى بۆ چاره‌كرنا كێشان دایه به‌غدا.
سامان عەبدوڵا وه‌زیرێ ده‌وله‌تێ بۆ حكومه‌تا عیراقێ بۆ رۆژناما هاولاتى گوتیه: زێبازى ل دووڤ قانوونا ژماره 5 یا سالا 2013 یا په‌رله‌مانێ كوردستانێ و برگا 3 ژ مادێ 11 یا بودجه‌یا ئه‌ڤ ساله یا عیراقێ كو رێكێ ب هه‌رێمێ بده‌ت راسته‌وخو نه‌فتا خوه بفروشیت هه‌تا كو به‌غدا چ كێشا بۆ دروست نه‌كه‌ت، د به‌رامبه‌ر دا هه‌رێم دێ پابه‌ند بیت ب دانا وى پاره‌ى یێ ژ ئه‌نجامێ خه‌رجیێن سیاسى و حاكمى ژ 17% به‌ردكه‌ڤیت.
سامان عەبدوڵا دیاركریه ئه‌گه‌ر به‌غدا ب وێ پێشنیازى رازى نه‌بیت، هه‌رێم ب تاكلایانانه نه‌فتا خوه فروشیت.
ئه‌ڤرۆ نیوز:
د.شێركو جه‌وده‌ت سه‌رۆكێ لژنا سامانێن سروشتى ل په‌رله‌مانێ كوردستانێ ل دۆر خرابیا جورێ پانزینا نوكه ل پانزینخانان ل سه‌ر شوفێران دهێته به‌لاڤكرن، دیاركر كو ل ده‌مێ ئینانا پانزینێ ل ده‌رڤه‌ى وه‌لاتى ماده‌یه‌كێ دى تێكه‌لى په‌نزینێ دهێته كرن.
د.شێركو جه‌وده‌ت سه‌رۆكێ لژنا سامانێن سروشتى ل په‌رله‌مانێ كوردستانێ بۆ ئه‌ڤرۆ نیوز ئاماژه ب وێ یه‌كێ ژى كر كو ل چه‌ند رۆژێن بهێت ب مه‌یدانى ئه‌و دێ سه‌ره‌دانا پانزینخانان كه‌ت و هه‌ر كه‌سێ ده‌ست هه‌بیت ل كێمكرنا كوالیتیا پانزینێ دێ ب دژوارى هێته سزادان.
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ به‌رسڤا ئاشتون كارته‌ر وه‌زیرێ به‌ره‌ڤانیا ئه‌مریكا دا كو گوتبوو: عیراقیان حه‌زا شه‌ركرنێ ل گه‌ل داعش نینه.
حه‌یده‌ر عه‌بادى سه‌رۆك وه‌زیرێن عیراقێ راگه‌هاند كو د چه‌ند رۆژێن بهێت دا دێ رومادى ژ ده‌ستێ داعش ئیننه ده‌ر و گۆت: راسته ئه‌مریكا هه‌رده‌م هاریكاریا عیراقێ دكه‌ن، به‌لێ بوچوونێن وى راست نیننن ژبه‌ر كو هێزا سوپایێ عیراقێ شیانێن به‌رسڤدانا گروپا تیرورستیا داعش هه‌یه.
ئەڤرۆ نیۆز، سالار دۆسکی:
ئەندامەکێ جڤاتا نوونه‌رێن عیراقێ بۆ مالپەرێ ئەڤرۆ نیۆز دیارکر کو گڤاشتن یێ دھێنەکرن کو قانوونا دادگەھا ئتيحادی بھێتە پەژراندن و کوردان تێبینی ل سەر ھەنە.
حاکم سەرحان سلێڤانەی ئەو چەندە ژی گۆت: “ب ھەموو رەنگان قەبوول ناکەین چونکو ئەڤە تشتەکێ نەيێ دستووری یە و ناھێتە قەبوولکرن و ئەڤە دژی دەستوری یە”.
ھەڤدەم حاکم سەرحان سلێڤانەی ئاشکرا کر کو دادگەھا ئتيحادی ژ ١٣ کەسان پێک دھێن و کوردان دێ رۆلەکێ سەرەکی ھەبیت چونکو وەکو نەتەوەیێ دوویێ پشتی عەرەبان دھێتە ھەژمارتن”.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ په‌يامه‌ك ل دۆر هێرشا په‌كه‌كێ بۆ سه‌ر حزبا ديموكرات به‌لاڤ كر و تێدا گه‌له‌ك ب دژوارى هێرش كره سه‌ر وێ ئالۆزيا دروست بووى، ئاماژێ ب وێ چه‌ندێ ژى دكه‌ت كو كه‌س د شه‌رێ خوكوژيێ دا سه‌رناكه‌ڤيت و پێدڤيه بهێته ته‌حريم كرن.
سه‌رۆكێ هه‌رێما كوردستانێ د په‌ياما خوه دا دبێژيت: “گه‌له‌ك ب دژوارى ئيدانا وێ ئالۆزيێ دكه‌م ئه‌وا ل رۆژا 24ى گۆلانا 2015ێ د ناڤبه‌را پارتيا كرێكارێن كوردستانێ و حزبا ديموكراتا كوردستانا ئيرانێ دا ل ده‌ڤه‌رێن سنورى يێن هه‌رێما كوردستانێ و ئيرانێ دا روودايى. داخوازێ ژى هه‌ردو ا دكه‌ت بشێنه خوه و كێشێ خرابتر لێ نه‌كه‌ن و نه‌بنه ئه‌گه‌رێ پێشڤه‌چوونا ئالۆزيان و ب رێيا دانوستاندن و لێكتێگه‌هشتنێ بگه‌هنه چاره‌سه‌ريان.
مه‌سعود بارزانى دايه زانين ژى كو شه‌رێ خوگۆژى زيانێ دگه‌هينيته هه‌موو لايه‌كى و كه‌س ژى د ڤى شه‌رى دا يێ سه‌ركه‌فتى نابيت، دده‌ته زانين ژى كو ل سه‌ر ئاستێ حزبى و نه‌ته‌وى ژى چو به‌رژه‌وه‌نديه‌ك تێدا نينه. دبێژيت ژى: “پێشتر ژى مه راگه‌هانديه كو پێدڤيه ب هه‌موو ره‌نگه‌كى شه‌رێ براكوژيێ بهێته ته‌حريم كرن و نوكه ب هه‌مان ره‌نگ دووباره دكه‌م و نابيت شه‌رێ خوكوژيێ هه‌بيت و خوينا كوردان ب ده‌ستێ وان بهێته رێتن، پێدڤيه لايه‌ن ل ئاستێ به‌رپرساتيا نشتيمانى بن. هه‌ر ره‌نگه‌كێ شه‌ر و پێكدادانێ د ناڤبه‌را لايه‌نێن كوردى دا، دێ زيانێ ب پێگه‌هـ و ناڤوده‌نگێن گه‌له‌كێ كوردستانێ گه‌هينيت و دێ هيڤيێن خه‌لكێ كوردستانێ تێك ده‌ت.
سه‌رۆكێ هه‌رێما كوردستانێ د به‌رده‌واميا ناما خوه دا دبێژيت: “بۆ هه‌موو لايان رادگه‌هينين كو رێ ناده‌ين، گۆره‌پانا سياسى ببيته جهێ ژێكڤاڤارتنا حساباتێن سياسى و لايه‌نان ل گه‌ل ئێكدو. پێدڤيه حوكمه‌تا هه‌رێما كوردستانێ بزاڤێن خوه بێخيته كار بۆ كۆنترۆلكرنا ڤێ ره‌وشێ و رێگرتنێ ل پێشڤه‌چوونا ڤێ ئالۆزيێ د ناڤبه‌را هه‌ردو لايان دا.
نيشاندان