ئه‌ڤرۆ نیوز:
سی ئێن ئێنا توركى: هه‌تا نوكه هەدەپێ10.6% یا ده‌نگان بده‌ستڤه ئینایه
نووترين نووچه
- پێدڤییە مووچەیێ وەلاتییان نەبیتە پشكەك ژ ململانێیا سیاسی
- سوپاسنامەیەك ژ مەكتەبا سیاسی یا پارتی دیموكراتی كوردستان
- هشیار زێباری بۆچوونا سیاسی یا پارتی ل دۆر گوهۆڕینان بەرچاڤكر
- دخوازین هەتا حەفتییا بهێت بگەهینە رێككەفتنێ ل گەل بەغدا
- نڤیسینەكا پارێزگارێ كەركووكێ دابیتە ئەگەر کو چەندین دەڤەرێن كوردستانی ب حەویجە ڤە بهێنە گرێدان
- ئێكگرتنا هێزێن پێشمەرگەی گەهشتە قووناغا دووماهیێ
- هۆزێن ل دێرازۆرێ و رەققە داخوازا سیستەمەک نە ناڤەندی بۆ سووریێ دکەن
- هەرێمێ پێگیریێن خوە بجهئیناینە و دڤێت بەغدا مووچەی بهنێریت
- پێشكەفتنەكا گرنگ ل دۆسێیا هنارتنا پەترۆلا هەرێما كوردستانێ ب دەستڤەهاتیە
- بەرهەڤی بۆ هەلبژارتنا دەستەیا سەرۆكاتییا پەرلەمانێ كوردستانێ دهێنە كرن
سه‌ره‌كى نوچێن گرنگ
نێچیرڤان بارزانى په‌یامه‌كا خوش راگه‌هاند
ئه‌ڤرۆ نیوز:
نێچیرڤان بارزانى سه‌رۆكێ حكومه‌تا هه‌رێما كوردستانێ ئاشكرا كر كو پشتى قانوونا قه‌رێن ده‌ره‌كى ئه‌وا ژ ئالیێ په‌رله‌مانێ كوردستانێ ڤه هاتیه په‌سه‌ندكرن، ژ ئالیێ سه‌رۆكێ هه‌رێما كوردستانێ ڤه دهێته ئیمزاكرن، دێ حكومه‌ت بۆ قه‌ران ده‌ست ب دانوستاندنان ل گه‌ل بانكان كه‌ت.
په‌رله‌مانێ كوردستانێ به‌رى چه‌ند رۆژان پرۆژه قانوونه‌ك په‌سه‌ندكر كو حكومه‌تا هه‌رێما كوردستانێ ژبه‌ر وێ قه‌یرانا دارایى یا تووش بووى، بشێت 5 ملیار دولاران ژ به‌نگێن نێڤده‌وله‌تى قه‌ر كه‌ت.
هاتیه نووكرن..ئه‌ڤرۆ نیوز ئه‌گه‌رێن كێمبوونا پانزینێ ل پارێزگه‌ها دهۆكێ ئاشكرا دكه‌ت
ئه‌ڤرۆ نیوز، تایبه‌ت، ره‌وان نهێلى:
عه‌بدولسه‌مه‌د تێلى به‌رپرسێ لژنا سوته‌مه‌نی و پیشه‌سازى ل جڤاتا پارێزگه‌ها دهۆكێ تایبه‌ت بۆ ئه‌ڤرۆ نیوز دیاركر كو ئه‌گه‌رێ كێمبوونا پانزینێ ل پارێزگه‌ها دهۆكێ ڤه‌دگه‌ریت بۆ خه‌مساریا وه‌زاره‌تا سامانێن سروشتى یا حكومه‌تا هه‌رێمێ، ژبه‌ر كو ژێده‌رێ دابینكرنا پانزینا دهۆكێ توركیایه، و ب رێیا گرێدانا گرێبه‌ستان كۆمپانى پانزینا دهۆكێ دئینن، لێ ئاریشه ئه‌وه هه‌تا گرێبه‌ستا دابینكرنا پانزینا دهۆكێ ب دووماهى نه‌هێت، وه‌زاره‌تا سامانێن سروشتى گرێبه‌ستى نوو ناكه‌ت، له‌وما د ناڤبه‌را ب دووماهى هاتنا گرێبه‌ستێ و ئیمزاكرنا گرێبه‌سته‌كا نوو ئه‌ڤه د هه‌یڤه‌كێ دا دو جاره ئه‌ڤ ئاریشه بۆ دهۆكێ چێكر، ئانكو وه‌زاره‌ت دره‌نگ گرێبه‌ستێ ئیمزا دكه‌ت، له‌وما ئه‌ڤ چه‌نده دبیته ئه‌گه‌ر كو هه‌تا پانزینا گرێبه‌ستا نوو دگه‌هیت، پانزین پیچه‌ك كێم ببیت و كێماسیه‌ك چێ ببیت.
عه‌بدولسه‌مه‌د تێلى گۆت: مه هزر دڤێ چه‌ندێ دا یا كرى ب تایبه‌ت ژبه‌ر هه‌لبژارتنێن توركیا و پانزینا خه‌زن كرى یا هه‌ى ل دهۆكێ و یا هاتیه هه‌لگرتن، ل دۆرێن 4-5 ملیون لتر یێن هاتینه خه‌زنكرن، هه‌تا چارشه‌مبیێ و پێنجشه‌مبیێ ئه‌و كێماسیه دێ هه‌بیت، ئانكو دێ نیڤه‌كا پێدڤیا وه‌لاتیان ژ پانزینێ هێته دابینكرن، هه‌تا پانزینا نوو دگه‌هیت، بۆ رۆژێن ئاسایى ملیون لترێن پانزینێ بۆ دهۆكێ دهاته دابینكرن، به‌لێ نوكه هه‌تا رۆژا چوارشه‌مب و پێنجشه‌مبى، دێ دورێن 500-600 هزار لتران دابین كه‌ین، و پشتى ڤى ژڤانى دێ كێشه چاره بیت.
عه‌بدولسه‌مه‌د تێلى ل دووماهیێ ئاماژه ب وێ یه‌كێ كر كو دهوكا خودانا 850 هزار ئاواران، نابیت وه‌زاره‌تا سامانێن سروشتى ڤێ ره‌فتارێ ل گه‌ل بكه‌ت،به‌لێ ئاریشه ئه‌وه ” مه پارزینگه‌ه نینه، له‌وما دهۆك ژى تووشى ڤێ قه‌یرانێ دبیت، ئه‌ڤرۆ ژى من نڤیساره‌ك یا دایه نڤیسینگه‌ها په‌رله‌مانى كو ئه‌ڤ چه‌نده ل گه‌ل دهۆكێ نه‌هێته كرن و كێشا مه بگه‌هته وه‌زاره‌تا سامانێن سروشتى”.
رێژەکا باش یا خەلکی پشکداری د هەلبژارتنێن تورکیا دا کریە
ئەڤرۆ نیۆز، هۆشەنگ تاجر:
دەرگەهێ هەلبژارتنێن تورکیا بەری دەمەکێ هاتنە داخستن و ل گۆر راگەهاندنێن تورکیا رێژەکا باش یا خەلکی ڤێجارێ پشکداری د هەلبژارتنان دا کریە، هەرچەندە هەتا نها ب دروستاهی رێژا دەنگدانێ نەهاتیە ئاشکرا کرن بەس ل باژارێن باکورێ کوردستانێ رێژە ل گۆر باژارێن دی زێدە بوویە و د‌هێتە چاڤەرێ کرن کو هەتا چەند دەمژمێرێن دی ئەنجامێن سەرەتایی یێ هەلبژارتنان دیار بن و پرانیا چاڤدێرێن سیاسی ژی دیار دکەن کو دێ ئاکپارتی دیسان پارتا یەکێ بLیت و دێ بشێت ب تنێ حوکمەتا نوو ئاڤا کەت.
ده‌رگه‌هێ بنگه‌هێن ده‌نگدانێ ل توركیا هاتنه گرتن
ئه‌ڤرۆ نیوز:
ئه‌ڤرۆ پروسا ده‌نگدانێ د هه‌لبژارتنێن په‌رله‌مانێ توركیا دا برێڤه‌چوو و به‌رى چه‌نده‌كێ ئانكو ل ده‌مژمێر 5 ئێڤارێ، ده‌رگه‌هێ بنگه‌هێن ده‌نگدانێ ل توركیا هاتنه گرتن و دێ ده‌ست ب ڤاڤارتنا ده‌نگان هێته كرن.
د هه‌لبژارتنێن په‌رله‌مانێ توركیا دا، چار پارتێن سه‌ره‌كى كو پێكهاتیه ژ ئاكه‌په‌و جه‌هه‌په‌و مه‌هه‌ده‌په‌و هه‌ده‌په، و ل گه‌ل 165 به‌ربژێرێن سه‌ربخو هه‌ڤركیێ دكه‌ن، د ڤێ هه‌لبژارتنێ دا 56 ملیون ده‌نگده‌ر كو 2 ملیون ل ده‌رڤه‌نه مافێ پشكداریكرنێ و ده‌نگدانێ بۆ هه‌لبژارتنا 550 ئه‌ندامێن نوو یێن په‌رله‌مانێ توركیا.
نێچيرڤان بارزانى: ئێدى غه‌درێ قه‌بوول ناكه‌ين
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ، ره‌خنه ل حوكمه‌تا به‌غدا گرتن و راگه‌هاند، ئێدى غه‌درێ قه‌بول به‌رامبه‌ر خه‌لكێ كوردستانێ ژ به‌غدا قه‌بوول ناكه‌ين.
ئه‌ڤرۆ سپێدێ ب ئاماده‌بوونا سه‌رۆكێ حوكمه‌تا هه‌رێما كوردستانێ و جێگرێ سه‌رۆك وه‌زيرێن عيراقێ و جێگرێ سه‌رۆكێ جڤاتا نوونه‌رێن عيراقێ و پارێزگه‌رێن 19 پارێزگه‌هێن عيراقێ ل ژێر ناڤێ “سه‌كۆيه‌ك بۆ دانوستاندنا هه‌موو پارێزگه‌هرێن عيراقێ” پلاتفۆرمه‌ك ل پارێزگه‌ها سلێمانيێ ده‌سپێكر و بۆ ماوێ دو رۆژان دێ يا به‌رده‌وام بيت.
ئالۆزی د هەلبژارتنێن باژارێ روهایێ دا دروست بوون
ئەڤرۆ نیۆز، هۆشەنگ تاجر:
ل باژارێ روها یێ باکورێ کوردستانێ دەمێ چاڤدێرێن هەلبژارتنان یێن سەر ب پارتیا هەدەپێ سەرەدانا ناڤەندەکا دەنگدانێ دکرن ژ ئالیێ گرۆپەکی ڤە ئاستەنگی بۆ وان هاتە دروست کرن و نەهێلان ئەو سەرەدانا وی بنگەهی بکەن و د ئەنجاما دا شەر د ناڤبەرا دو گرۆپان دا دەرکەڤت و پشتی دەمەکێ کورت شەر مەزنتر لێ هات و پۆلیسێن تورکیا ژی نەشیان کو روودانان کۆنترۆلێ بکەن و هێزەکا مەزن یا جەندرمان بۆ وێ دەڤەرێ هاتە هنارتن.
ل گۆر زانیاریێن ئەڤرۆ نیۆز بدەستڤە ئیناین د ئەنجاما وی شەری دا ١٥ کەس بریندار بووینە کو برینا سێ کەسان گرانە و ئەو بۆ نەخوشخانا ناڤەندی یا باژارێ روها هاتنە ڤەگۆهاستن.
چه‌ند پێشمه‌رگێن بريندار ژ ده‌رڤه دهێنه چاره‌سه‌ركرن؟
ئەڤرۆ نیۆز، سالار دۆسکی:
ئەندامەکێ لژنا ساخلەمیێ ل پەرلەمانێ کوردستانێ ئاشکرا کر کو ب پشتەڤانیا حوکمەتا ھەرێما کوردستانێ نوکە ھەژمارەکا پێشمەرگێن بریندارێن شەرێ داعش چاەسەری ل دەرڤەی وەلاتی یا بۆ دھێتەکرن.
د.عەبدوللا رێکانی ئەندامێ لژنا ساخلەمیێ ل پەرلەمانێ کوردستانێ بۆ مالپەرێ ئەڤرۆ نیۆز گۆت: ھەژمارەکا بریندارێن شەرێ داعش ئەوێن کو پێدڤی ب چارەسەریێ ل دەرڤە ب پشتەڤانیا حوکمەتا ھەرێما کوردستانێ چارەسەری ل دەرڤە و بەردەوام یا بۆ دھێتەکرن.
د.عەبدوللا رێکانی ھێشتا ژی گۆت: پتر ژ ٧٠٠٠ ھزار برریندارێن شەرێ داعش ھەنە و دناڤبەرا (٦٥ ھەتا ٧٠) پێشمەرگێن بریندار ئەوێن چارەسەری نەبن ل کوردستانێ ھاتینە ھنارتن بۆ دەرڤە و بەردەوام چارەسەری بۆ دھێتەکرن.
ب ڤێ رێ داعش دێ كاره‌ساته‌كێ دروست كه‌ت
ئەڤرۆ نیۆز، قائید میرۆ:
شەھرەزایەکێ بەنداڤا و مامۆستایێ زانکۆیا سەلاحەدین، ئاماژە ب وێ چەندێ دکەت، بەنداڤا حەدیسە ل پارێزگەھا رومادی مەترسیە بۆ سەر وەلاتیێن عيراقێ و هه‌كه داعش ئاڤێ زۆر بەردەت دێ کارەسات چێبیت.
دکتۆر فەیسەل عەبدولڕەحمان، شەھرەزایێ بەنداڤا بۆ ئەڤرۆ نیۆز گۆت: “بەنداڤا مووسل چو مەترسیا داعش ل سەر نەمایە و نھا ژ ئالیێ ھێزێن پێشمەرگەیێ کوردستانێ دھێتە پاراستن، بەلێ بەنداڤا حەدیسە یا دکەڤیتە پارێزگەھا رومادی ل ژێر کۆنتڕۆلا چەکدارێن تیرۆرستێن داعشە و مەترسی بۆ سەر ژیانا وەلاتیێن ژمارەکا باژێڕێن عێراقێ چێکریە، ژ بەر کو ئەگەر ئاڤا زێدە بھێتە بەردان دێ کارەسات چێبن و خەلک دێ بن ئاڤبن”.
دکتۆر فەیسەل دا زانين ژى كو بەنداڤا حەدیسە ئێکە ژ بەنداڤێن مەزن و گرنگێن عيراقێ، بۆ پەقاندنێ زۆر یا ب زەحەمەتە، چونکو ب ئاخێ ھاتیە چێکرن، بەلێ چەند دەرگەھەک تێدانە و ئەگەر ئاڤ زێدە بھێتە بەردان، ھژمارەکا دەڤەرێن عێراقێ دێ بن ئاڤبن و تسۆنامیەکا ئاڤێ دێ چێکەت و زیانێن مەزن و کارەسات دێ چێبت”.
داعش به‌رهه‌ڤى بۆ هێرشا سه‌ر پێشمه‌رگه‌يى دكرن
ئه‌ڤرۆ نيوز:
فرۆكێن شه‌ركه‌رێن هه‌ڤپه‌يمانان كۆمبوونه‌كا چه‌كدارێن داعش ل ميحوه‌رێ رۆژئاڤايێ ديجله كرنه ئارمانج و زيانێن مه‌زن پێ گه‌هاندن.
راگه‌هاندنا فه‌رماندا زێره‌ڤانى د به‌ياننامه‌كێ دا كو دانه‌ك بۆ ئه‌ڤرۆ نيوز ره‌وانه كريه راگه‌هاند: ده‌مژمێر 11:00ى ئه‌ڤرۆ رۆژا ئێكشه‌مبى رێكه‌فتى 7ى خزيرانا 2015ێ و پشت به‌ستن ل سه‌ر پێزانينێن هه‌والگه‌رى يێن فه‌رمانده‌يا زێره‌ڤانى، فرۆكێن شه‌ركه‌رێن هه‌ڤپه‌يمانان كۆمبوونه‌كا چه‌كدارێن داعش ل گۆندێ ئاشق ل به‌رامبه‌ر دووريانا كه‌سكێ ل ميحوه‌رێ رۆژئاڤايێ ديجله كره ئارمانج و چه‌ند جاره‌كا بوردومانا ده‌ڤه‌رێ كر.
ب گۆره‌يى پێزانينێن فه‌رماندا زێره‌ڤانى ئه‌و كۆمبوونا وان بۆ وێ چه‌ندێ بوويى كو چه‌كدارێن داعش ب مه‌ره‌ما پلاندانانێ بۆ هێرش كرنا سه‌ر به‌ره‌يێن پێشمه‌رگه‌يى ل ده‌ڤه‌رێ ئه‌نجام دابوو، به‌لێ ژ ئه‌گه‌رێ بۆردومانێ زيانێن مه‌زن گه‌هشتنێ.
نيشاندان
WP Facebook Auto Publish Powered By : XYZScripts.com