ئهڤرۆ نیوز:
پشتى كو شهرڤانێن یهكهینهیێن پاراستنا گهل شیان دهروازا گرێ سپى ل سنورێ توركیا كونترول بكهن، چهكدارێن داعش خوه گههاندنه توركیا.
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى نوچێن گرنگ
گهنجهكی خوه كوشت و نامهیهك ل پشت خوه هێلا
ئهڤرۆ نیۆز، قائید میرۆ
گهنجهكی خوه كوشت و ل پشت خوهژی نامهیهك هێلایه و د نامهیا خۆدا، داخوازا گهردهن ئازایێ دكهت و ئهگهر خۆ كوشتنێ بۆ بێزاربوونێ ل ژیانێ ڤهگهڕاند.
كاروان عهبدولكهریم، پهیڤدارێ پۆلیسێن پارێزگهها ههولێرێ ب ئهڤرۆ نیۆز راگههاند” دوهی رۆژا 14ی خزیرانێ، هێزێن پۆلیسان هاتنه ئاگههداركرن ل دۆر ههبوونا حالهتهكێ كوشتنێ و پشتی گههشتنێ بۆجهێ بۆیهرێ دهركهفت، ل ئێك ژ ئوتێلێن باژێڕێ ههولێرێ گهنجهكێ تهمهن 32 سال ب گوللهی دوماهی ب ژیانا خوه ئینایه.
كاروانی گۆتژی” ئهڤی گهنجی نامهیهك لپشت خوه هێلایه و تێدا تهكهزكریه، كو وی بخوه خوه كوشتیه و داخوازكریه كهس نههێته تۆمهتباركرن، ههروهسا ئهڤی گهنجی زارۆیهك ههیه و نڤیسیه” چاڤێ كۆڕی خوه ماچی دكهم و ئیشهلا ل دونیایا دیكه دێ ئێك بینین و گهردهنا من ئازا كهن”.
پهیڤدارێ پۆلیسان دیاركر، د نامهیا پاش خوه هێلای ئهڤی گهنجی ئهگهرێ كوشتنا خوه بۆ بێزاریێ ل ژیانێ ڤهگهڕاندیه و نوكه پۆلیس یێ ڤهكۆلینێ دكهن”.
گرێ سپى ب تمامى هاته كونترولكرن
ئهڤرۆ نیوز:
هێزێن كوردى ل رۆژئاڤایێ كوردستانێ ب تمامى باژێرێ گرێ سپى یێ رۆژئاڤایێ كوردستانێ ژ چهكدارێن داعش پاقژكر.
ئهڤرۆ شهرڤانێن یهكینهیێن پاراستنا گهل ( یهپهگێ) شیان ب تمامى باژێرێ گرێ سپى ژ دهست داعش بئیننه دهر.
گرێ سپی دكهڤیته دهشتا رهها- سرووجێ ل باكوور و رۆژئاڤا كوردستانێ، 100 كم ژ رهقه دووره.
سێ ليوایێن نوو یێن پێشمهرگهى دێ ژ ئالیێ ئهمریكا ڤه هێنه پرچهككرن
ئهگهرێن بلندبوونا بهایێ دولارى د ئهڤرۆ نیوز دا بزانه
ئهڤرۆ نیۆز ،سالار
شارهزایهكێ ژمێریارى ئاشكراكر كو بلندبوونا دۆلارى بهرامبهر دینارێ عیراقێ ژ شاشی و سهردهریێن نه دروست یێن بانكا ناڤهندى یا عیراقێ بوویه و پێشبینى دكهم ههتا 150 یان ژى بلند بیت.
ئارام قادر شارهزا دبیاڤێ ژمێریارى دا ههمبهر بلندبوونا دۆلارى بهرامبهر دینارێ عیراقى بۆ مالپهرێ ئهڤرۆ نیۆز گۆت: ههكه كێشه ژلایێ بانكا مهركهزى ڤه نههێته چارهسهركرن دێ دۆلار بهردهوام گرانبیت ، دیسان ئهڤ بهرزبوونه پهیوهندى ب بازرگانێن كرین و فرۆتنا دۆلارى ڤه ههیه دبورسێن جیهانى دا، بلندبوون ژى یا سنورداكریه و ناگههیته ڤى ئاستى.
ههمان شارهزا گۆت: بۆ مه دهێته دیاركرن كو ئهڤ بلندبوونا نها ل بازارى دا پهیدابووى پهیوهندى ب بازرگانێن مهیێن نافخوهیى ههیه، بهایێ دینارا عیراقى ههتا رادهكێ باش ل بورسێن جیهانێ یێ جێگیره.
هێشتا گۆت: دیسان ژبهر ئهڤان شاشیان و كونتولكرنا بازارێ دۆلارى ژلایێ چهند بهرپرسان ڤه، ههتا نوكه ژى ههكه ئهڤ شێوازێ سهردهریكرنێ بهَته پهیروكرن ، بلندبوونا دولارى سهقف نابیت.
رهمهزانێ دێ چهند دهمژمێران كارهبا نیشتیمانى ههبیت
ئهڤرۆ نیوز:
وهزارهتا كارهبا حكومهتا ههرێما كوردستانێ ئاماژێ ب وێ یهكێ ددهت كو د ههیڤا رهمهزانێ دا، ئهو دێ 17 دهمژمێران كارهبێ دهنه وهلاتیێن ههرێما كوردستانێ و یا دهمژمێرێن ماى ژى دێ موهلیدێن ئههلى دابین كهت.
ئهڤه ددهمهكێ دایه كو ل ههیڤا رهمهزانا سالا بوورى، ب گشتى د شهڤ و روژهكێ دا 22 دهمژمێران كارهب بۆ وهلاتیێن ههرێما كوردستانێ دهاته دابینكرن.
نووترین پێزانین ل دۆر رهوشا مووسل
شێخان،بارزان مزوورى
عصمت رهجهب، بهرپرسێ لقا 14 ل مووسل بو مالپهرێ ئهڤرو نیوز ئاشكرا كر كو ئهڤرو سپێدێ 15/6/2015 فروكهیێن ههڤپهیمانان جههكێ راوهستاندنا ترومبێلێن چهكدارێن تیرورستێن داعش ل بن پرا كومهلگهها رهوشهنبیرى د ناڤ باژێرێ مووسل ب توندى بوردومان كرن و د ئهنجام دا سێ سهركردهیێن داعش هاتن كوشتن و ترومبێلێن وان ژى ژناڤ برن و ههرسێ ژوان رهگهز سورى بوون .
ناڤبرى گوت ژى : دههمان روژدا چهكدارێن تیرورستێن داعش 27 سهربازێن لهشكهرێ بهرێ یێ عێراقێ گولهباران كرن و تهرمێن وان بو نوژداریا داد مووسل ڤهگوهاستن ،
ناڤبرى ئاشكرا كر كو ئهڤرو چهكدارێن تیرورستێن داعش كارمهندێن پهروهردا مووسل ئاگههداركرن كو بهێنه دناڤ رێزێن رێكخستیا داعش بو شهركرنێ دگهل پێشمهرگهى و ماوهیهك كێم دهرفهت دایه وان ئهگهر نههێنه ناڤ رێزێن وان دێ وان دویركهن ژ كارێ وان .
ناڤبرى گوت ژى كو ئهڤرو سپێدێ چهكدارێن تیرورستێن داعش بهلاڤوك بهلاڤ كرینه ل سهر وان بهلاڤوكا كو دیار كریه سیستهمێ خاندنێ گهورتیه لدوڤ حهزا خو سیستهم دانایه بێ پهروهردا بهێته ئاگههداركرن .
خشتێ بهلاڤكرنا مووچان د ههر سێ رۆژێن بهێت دا
ئهڤرۆنیۆز، ئهیاد بهرواری
وهزارهتا دارایی و ئابووری ل ههرێما كوردستانێ خشتێ سێ رۆژێن داهاتی یێن بهلاڤكرنا مووچێن فهرمانبهرێن ههرێما كوردستانێ یێن مهها نیسانێ بهلاڤكر كو دێ ب ڤی شێوهی بیت
سێ شهمبی 16-6
فهمانبهرێن وهزارهتێن دارایی و ساخلهمیێ دێ مووچهی وهرگرن
چار شهمبی 17-6
فهرمانبهرێن وهزارهتا كار و كاروبارێن جڤاكێ دێ مووچهی وهرگرن زێدهباری مووچێن چاڤدێریا خێزانی و كێم ئهندامان
پێنج شهمبی 18-6 فهرمانبهرێن وهزارهتا پهروهردێ
پارێزگارێ دهۆكێ داخوازا لێبۆرینێ دكهت
ئهڤرۆنیۆز، ئهیاد بهرواری
فهرهاد ئهترووشی پارێزگارێ دهۆكێ د پهیچێ خوهدا ل سهر تۆرا جڤاكی یا فیسبووكێ داخوازا لێبۆرینێ ژ خهلكێ پارێزگهها دهۆكێ دكهت و دبێژیت ئهز یێ ل سهر سۆزا خوه یێ بهردهوامم و دێ ههر خزمهتكارێ ههموویان بم.
پارێزگارێ دهۆكێ دبێژیت” ئهز شانازیێ ب خهلكێ پارێزگهها دهۆكێ دبهم ب ههلویست و جوامێری و سهبر و تهحهموللا وان بۆ سالهكا پری ماندی بوون و قوربانی دان د ههموو رویهكی دا و سوپاسدارێ وانم و قهردارێ خهلكێ پارێزگهها دهۆكێ و من ڤیان و خوهشهویستی بۆ ههنه”.
ل دۆر رهنگڤهدانێن ل سهر پهیڤهكا وی هاتین، فهرهاد ئهترووشی دبێژیت” دبیت گهلهك جاران ههموو پهیام و پهیڤ دروست نهگههن و دهلیڤه ههبین هندهك شاش تهفسیر بكهن و بهلاڤ بكهن، ژبهر ڤیانا من بۆ ههوه ههموویان داخوازا لێبۆرینێ دكهم ههكه ب شاشی پهیاما من هاتبیته شرۆڤهكرن”.
ل دووماهیێ دبێژیت” رێز و سوپاسی بۆ ههموو رۆژنامهڤانان ب تایبهت یێ راستگۆ و پێشهكار”.
دو قانوون سوبههى ل پهرلهمانى دێ كهڤنه بهر دانوستاندنێ
ئهڤرۆ نيوز:
بڕياره سوبههى رۆژا سێشهمبى رێكهفتى 16ى خزيرانا 2015ێ پهرلهمانێ كوردستانێ دانوستاندنێ ل دۆر پرۆژێ راگرتنا كاركرن ب قانوونا كرێداريێ و كاروبزاڤێن جڤاتا كۆميساران ل كۆمسيۆنا بلندا سهبهخۆيا ههلبژارتنان بكهت.
ب گۆرهيى نوچهكێ مالپهرێ فهرميێ پهرلهمانێ كوردستانێ، بڕياره سوبههى رۆژا سێشهمبى رێكهفتى 16ى خزيرانا 2015ێ ل دهمژمێر 11:00 سپێدێ پهرلهمانێ كوردستانێ دانوستاندنێ ل سهر چهند پرۆژێن قانوونان بكهت ب گۆرهيى حوكمێن برگا “1” ژ مادێ “20” يێ پهيرهوێ ناڤخۆ يێ پهرلهمانێ كوردستانا عيراقێ ژماره “1” يێ سالا 1992ێ يێ راستڤهكرى.
ئاماژه ب وێ چهندێ هاتيه كرن كو د روونشتنا سوبههى دا، پهرلهمانێ كوردستانێ دێ دانوستاندنێ ل سهر دو پرۆژێن قانوونان كهت، يا ئێكێ پرۆژێ راگرتنا كاركرنێ يه ب قانوونا كرێداريا ئاڤاهيان يا ژماره “9” يا سالا 2008ێ ل ههرێما كوردستانێ ب گۆرهيى مادێن 72، 74 و 75 ژ پهيرهوێ ناڤخۆ يێ پهرلهمانێ كوردستانێ ژماره “1” يێ سالا 1992ێ يێ راستڤهكرى.
هاتيه ژى: “پرۆژێ دويێ ژى دێ دانوستاندن بيت ل سهر كاروبزاڤ و كێشه و ئاريشێن جڤاتا كۆميساران ل كۆمسيۆنا بلندا سهربهخۆيا ههلبژارتنان و راپرسيێ ل سهر داخوازا ژمارهيا قانوونى يا ئهندامێن پهرلهمانێ كوردستانێ و ب گۆرهيى مادێ “3” ژ قانوونا كۆمسيۆنا بلندا سهربهخۆيا ههلبژارتنان و راپرسيێ يا ژماره “4” يا سالا 2014ێ.
نيشاندان
WP Facebook Auto Publish Powered By : XYZScripts.com