ئه‌ڤرۆ نیوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو بڕياره ئه‌ڤرۆ رۆژا شه‌مبى رێكه‌فتى 18ى نيسانا 2015ێ مووچێ دو وه‌زاره‌تان بهێته دان.
ل دووڤ ڤێ راگه‌هاندنا رێڤه‌به‌ریا راگه‌هاندن و په‌یوه‌ندیێن وه‌زاره‌تا دارایى و ئابوورى یا حوكمه‌تا هه‌رێما كوردستانێ كو ل سه‌ر مالپه‌رێ خوه به‌لاڤكريه رۆژا شه‌مبى 18ى نيسانا 2015ێ دێ مووچێ هه‌یڤا دو یێن فه‌رمانبه‌رێن وه‌زاره‌تا ساخله‌میێ و وه‌زاره‌تا دارایى هێته به‌لاڤكرن.
ئه‌ڤرۆ نیوز:
رێڤه‌به‌ریا ئاسایشا هه‌ولێرێ راگه‌هاندنه‌ك سه‌باره‌ت ته‌قینا ئه‌ڤرۆ یا عه‌ینكاوه ل هه‌ولێرێ به‌لاڤكریه و راگه‌هاندیه كو ته‌قین ئوتومبێله‌كا بومرێژكرى بوو. د راگه‌هاندنه‌كێ دا هاتیه: ژ ئه‌گه‌رێ ته‌قینا ئه‌ڤرۆ دو وه‌لاتى شه‌هید بووینه و 8 كه‌سێن دى ژى برینداربووینه. رێڤه‌به‌ریا ئاسایشا هه‌ولێرێ ئاماژه ب وێ یه‌كێ كریه كو ده‌ست ب ڤه‌كولینێ هاتیه كرن و پاشان دێ رایا گشتى ژ ئه‌نجامێ ڤه‌كولینێ ئاگه‌هدار كه‌ین. ئاسایشا هه‌ولێرێ وه‌لاتێن هه‌ولێرێ پشت راست كرینه كو ره‌وشا ئێمناهیێ یا د ژێر كونترولا هێزێن ناڤخو دا.
ئه‌ڤرۆ نيوز:
نڤيسينگه‌ها حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ رۆژا ئه‌ينى رێكه‌فتى 17ى نيسانا 2015ێ راگه‌هاند كو سه‌رۆك وه‌زيرێن عيراقێ پشتى سه‌ره‌دانه‌كا سه‌ركه‌فتى ل واشنتۆن ڤه‌گه‌ريا عيراقێ.
عه‌بادى ل 14ى ڤێ هه‌يڤێ سه‌ره‌دانێ وه‌لاتێن ئێكگرتى يێن ئه‌مريكى كربوو ل گه‌ل به‌رپرسێن وى وه‌لاتى بابه‌تێ هاريكاريكرنا عيراقێ ل شه‌رێ دژى داعش و پرچه‌ككرنا هێزێن عيراقى و كێشا ئابوورى يا عيراقێ و بابه‌تێ په‌ترۆلێ ل گه‌ل وان كۆمپانيێن ل هه‌رێما كوردستانێ كار دكه‌ن گه‌نگه‌شه كربوون.
ئه‌ڤرۆ نیوز، قائید میرو:
ده‌مژمێر پێنج و 40 ده‌قیقێ ئێڤاریا ئه‌ڤرۆ، ترۆمبێله‌كا بۆمبڕێژكری جهه‌كێ نێزیك ل قونسۆلخانا ئه‌مریكا ل باژێڕۆكێ عه‌نكاوه ل هه‌ولێرێ كره ئامانج و د ئه‌نجامدا هژماره‌ك وه‌لاتی و هێزێن ئه‌منی بوونه قوربانی.
ژێده‌ره‌كێ نێزیكی روویدانێ بۆ ئه‌ڤرۆ نیۆز دیاركر، ئه‌ڤێ ته‌قینێ قونسۆلخانا ئه‌مریكا كریه ئامانج، به‌لێ ژبه‌ركو حه‌وشه‌كا به‌رفره‌ه هه‌یه و ئاڤاهیه‌كێ درێژه نه‌شیایه بگه‌هته ناڤا قونسۆلخانێ و هاتیه ته‌قاندن.
ژێده‌ری گۆتژی” ژ ئه‌گه‌رێ ته‌قینێ پتری 11 كه‌سان بووینه قوربانی، كو سێ كه‌س شه‌هید بووینه 8 كه‌س برینداربووینه هنده‌ك ژوان قوربانیان د ناڤا كافتریه‌كێ بووینه، كو دكه‌ڤیته هه‌مبه‌ر ئاڤاهیێ قونسۆلخانێ و پتر زیان گه‌هاندینه كافتریایێ، نوكه هێزێن ئه‌منی مژۆلی ڤه‌كۆلینانه ل دۆر چێبوونا ته‌قینێ.
ئه‌ڤرۆ نیوز:
مالپه‌رێ سومه‌ریه ژ زارێ رائید جبورى پارێزگارێ سه‌لاحه‌دین، ده‌نگوباسێ كوشتنا عزه‌ت دورى جێگرێ سه‌رۆكێ به‌رێ یێ عیراقێ سه‌دام حسێن به‌لاڤكر كو ژ ئالیێ هێزێن ئێمناهیێ ڤه ل نێزیك كێلگه‌ها عه‌لاس ل ده‌ڤه‌را حه‌مرین د هه‌وه‌كا سه‌ربازى دا هاتیه كوشتن.
لێ جاسم جه‌بارى سه‌رۆكێ لژنا ئه‌منى ل پارێزگه‌ها سه‌لاحه‌دین دیاركر كو نه‌هـ خوه‌كوژان ل باژێرێ تكریت خوه په‌قاندى یه كو ئێك ژ وان وه‌كو شێوێ عزه‌ت دوورى یه.
ئه‌ڤرۆ نیوز:
د روونشتنا سوبه یا په‌رله‌مانێ عیراقێ دا، دێ پرسا هنارتنا دوسه‌یا تاوانێن چه‌كدارێن داعش بۆ دادگه‌ها تاوانێن عیراقێ ئێخته به‌ر ده‌نگدانێ. فه‌رمانگه‌ها راگه‌هاندنا په‌رله‌مانێ عیراقێ د به‌یاننامه‌كێ دا ئاماژه ب وێ یه‌كێ كریه كو سوبه دێ وه‌رزێ دووێ یێ یاسادانانێ یێ په‌رله‌مانێ عیراقێ ده‌ستپێكه‌ت و ژبلى ده‌نگدان ل سه‌ر ره‌وانه‌كرنا پرسا تاوانێن چه‌كدارێن داعش بۆ دادگه‌ها تاوانێن عیراقێ دێ هه‌لوه‌شاندنا بریارا 959 یا جڤاتا سه‌ركردایه‌تیا سه‌وره یا حزبا به‌عس و قه‌ده‌غه‌كرنا ره‌فتاركرن ل ده‌ڤه‌رێن كه‌سك ل به‌غدا كه‌فته به‌ر ده‌نگدانێ.
ئه‌ڤرۆ نیوز:
پۆڵ دێفس شروڤه‌كارێ سه‌ربازى ل وه‌زاره‌تا به‌ره‌ڤانیا ئه‌مریكا سه‌باره‌ت سه‌ره‌دانا ڤێ دووماهیێ یا حه‌یده‌ر عه‌بادى سه‌رۆك وه‌زیرێن عیراقێ بۆ ئه‌مریكا ئاخڤى و گۆت: عه‌بادى د كومبوونێن خوه دا ل گه‌ل ئوباما و به‌رپرسێن ئه‌مریكى چ داخوازى بۆ كرینا چه‌كێ گران ژ ئه‌مریكا نه‌كرینه، ب تنێ دانوستاندن ل دۆر هاریكاریا ئه‌مریكا بۆ عیراقێ هاتیه كرن و دیسا چ رێككه‌فتنێن كرینا چه‌كێ گران ل گه‌ل عیراقێ نه‌هاتینه ئیمزاكرن.
پۆڵ دیفس بۆ nrt دیاركر كو ئه‌مریكا گومانا وێ یه‌كێ یێ هه‌ى كو چه‌ك بكه‌ڤیته ده‌ستێ داعش له‌وما چ رێككه‌فتنا ل گه‌ل عیراقێ ئیمزا ناكه‌ت.
ئه‌ڤرۆ نیوز:
ب تنێ د ماوێ دو رۆژان دا، و ژ ئه‌گه‌رێ شه‌ر و پێكدادانان ل سنورێ وان، 100 هزار كه‌س ژ ئاكنجیێن ئه‌نبار ئاواره‌ى ده‌ڤه‌رێن دى یێن عیراقێ دبن، ئه‌ڤ چه‌نده ژى ل دووڤ گوتنا ئه‌ندامه‌كێ لژنا جێبه‌جێكه‌ر یا ل هه‌وارچوونا ئاواران.
خالید راوی، ئه‌ندامێ لژنا جێبه‌جێكه‌ر یا ل هه‌وارچوونا ئاواران ل عیراقێ دیاركر كو نوكه 17 هزار خێزان ژ ئاوارێن ئه‌نبار، ل رۆژئاڤایێ به‌غدا، چاڤه‌رێ دكه‌ن بچنه وێ پارێزگه‌هێ.
لە عێراق، رایگەیاند: ژمارەی ئەو كەسانەی لە ئەنبارەوە رویان لە ناوچەكان تری عێراق كردوە گەیشتوەتە (100) هەزار كەس و لە دۆخی مرۆیی زۆر سەختدان، وتیشی: “ئەو هاوڵاتانە تەنها لەماوەی دو رۆژی رابردودا بەهۆی ئەو شەڕ و پێكدادانانەی كە لە ئەنبار هەڵگیرساوە ئاوارە بون”.
نيشاندان