ئه‌ڤرۆ نیوز:

ل باژێرێ سلێمانیێ ته‌قه‌ ل باره‌گایێ سه‌ركردایه‌تیا پارتى دیموكراتى كوردستان دهێته‌ كرن و ته‌قه‌كه‌ر ژى دهێته‌ گرتن.
فارس نەورۆڵی په‌یڤدارێ جڤاتا سه‌ركردایه‌تیا پارتى ل سلێمانیێ دیاركر كو شێڤدى ل ده‌مژمێر 3 سپێدێ، دو ترۆمبێلان كو 7 چه‌كدار تێدابوون ته‌قه‌ ل باره‌گایێ سه‌ركردایه‌تیا پارتى كرن و پاشان ره‌ڤینه‌، به‌لێ پشتى هندێ زێره‌ڤانێن باره‌گایى ل دووڤ دا چوون و ئه‌و چه‌كداره‌ گرتن و راده‌ستى پۆلیسان كرینه‌ دا بهێنه‌ دادگه‌هكرن و بزانن كى ل پشت ڤى كاره‌ى كارى یه‌.

ئه‌ڤرۆ نیوز:

بێستون فایه‌ق ئه‌ندامێ په‌رله‌مانێ كوردستانێ داخواز دكه‌ت كو پێشمه‌رگه‌ پشكداریێ د شه‌رێ رزگاركرنا مووسل دا نه‌كه‌ت و دبێژیت: 10 ساله‌ به‌غدا ئێك دینار بۆ پێشمه‌رگه‌ى نه‌هنارتیه‌، كو ب ڤى ره‌نگى یه‌ پێدڤى ناكه‌ت پێشمه‌رگه‌ بۆ خزمه‌تا به‌غدا و حوكمرانیێن وێ، بهێته‌ كوشتن.

ئەڤرۆ نیۆز، قائید میرۆ:
پەیڤدارێ پۆلیسێن ھەولێرێ دیارکر، فەرماندەکێ خانەنشینێ پێشمەرگەيی د ژيێ ٦٤سالیێ دا، دوھی ب گولەیه‌كێ دووماھی ب ژیانا خوە ئینایە و خوە کوشتیە.
رائید کاروان عەبدولکەریم، پەیڤدارێ پۆلیسێن پارێزگەھا ھەولێرێ بۆ ئەڤرۆ نیۆز راگەھاند: “ئێڤاریا دوھی ل تاخێ ئەفسەران یێ باژێڕێ ھەولێرێ، فەرماندەکێ خانەنشینێ پێشمەرگەيی ب چەکێ دەمانچێ دووماھی ب ژیانا ئینایە و گیانێ خوە ژ دەستدایە”.
ب گورەيی زانیاریێن ئەڤرۆ دەستپێکێ ئەف فەرماندێ پێشمەرگەيی برینداربوویە و پشتی گەھاندنا وی بۆ نەخۆشخانێ گیانێ خوە ژ دەستدایە و ھەڤژینا ئەڤی فەرماندێ خوە کوشتی، بەری نوکە وەزیرا حوکمەتا ھەرێمێ بوویە”.